Breskt endurskoðendafyrirtæki tekur yfir Landsbankann í Bretlandi

Breska endurskoðendafyrirtækið Ernst & Young (E&Y) var síðdegis í dag ráðið sem neyðarskilanefnd af Breska fjármálaráðuneytinu fyrir Landsbankann í Bretlandi.

Báðu starfsfólk um að lækka starfshlutfall

Forsvarsmenn Heimsferða hafa farið fram á það við starfsfólk sitt að það lækki starfshlutfall sitt tímabundið.

Kreditkortin varasöm erlendis - Pundið á 300 krónur

Gengi gjaldmiðla hjá kortafyrirtækjum er í engu samræmi við gengi seðlabankans og viðskiptabankanna. Pundið, sem kostar í kringum 190 krónur hjá viðskiptabönkunum kostar 291 krónu ef hún er keypt með Vísakorti, og 303 krónur með Masterkorti. Evran, sem kostar um 150 krónur hjá viðskiptabönkunum kostar í dag 226 krónur hjá Valitor, og 237 krónur hjá Mastercard. Svipaða sögu er að segja af öðrum gjaldmiðlum.

Óvíst með lán Björgólfsfeðga til Eimskips

Óvissa er nú um það hvort feðgarnir Björgólfur Guðmundsson og Björgólfur Thor Björgólfsson geti veitt Eimskip 26 milljarða króna lán fari svo að ábyrgð fyrirtækisins vegna gjaldþrots XL Leisure Group falli á Eimskip. Þetta kemur fram í tilkynningu Eimskips til Kauphallarinnar.

Mjög lítil velta á hlutabréfamarkaði

Gengi bréfa í færeyska bankanum Eik Bank féll um 24 prósent í Kauphöllinni í dag. Century Aluminum fór niður um 17,6 prósent, Atlantic Petroleum um 11,26 prósent, bréf Bakkavarar um 10,99 prósent og Marels um 6,49 prósent.

Seðlabanki Danmerkur hækkar stýrivexti í 5%

Seðlabanki Danmerkur hefur, öllum að óvörum, hækkað stýrivexti sína um 40 punkta og í 5%. Ástæðan er neikvæður vaxtamunur við evrusvæðið og mikið útstreymi af gjaldeyri frá landinu.

Fréttaskýring: Fjögur gengi í gangi og svikamyllur mögulegar

Eftir að Seðlabankinn ákvað í morgun að fastsetja gengi krónunnar á millibankamarkaði tímabundið í morgun eru í raun fjögur gengi í gangi á markaðinum.

Skagfirðingar geyma peningana í Kaupfélaginu

Nokkuð hefur borið á því síðustu daga að íbúar í Skagafirði taki peninga sína út úr bankastofnunum og leggi þá inn hjá innlánsdeild Kaupfélags Skagfirðinga. Sveiflukóngurinn Geirmundur Valtýsson, sem er forsvarsmaður bændaviðskipta hjá Kaupfélagi Skagfirðinga, staðfesti þetta í samtali við héraðsfréttablaðið Feyki.

Lánshæfismatið á Glitni hrapar

Matsfyrirtækið Standard & Poor's (S&P) tilkynnti í dag að það hefði lækkað lánshæfiseinkunn sína á Glitni úr BBB+/A2 í CCC/C.

Hlutabréf í Evrópu lækkuðu við tíðindin af Landsbankanum

Hlutabréf á evrópskum mörkuðum snögglækkuðu í verði eftir að fréttir þess efnis bárstust frá Íslandi að Fjármáleftirlitið hefði gripið inn í stjórn Landsbankans til þess að verna innlenda starfsemi hann.

Fastgengi Seðlabankans heldur ekki á millibankamarkaðinum

Fastgengi Seðlabankans á millibankamarkaðinum heldur ekki. Seðlabankinn tilkynnti í morgun að hann ætlaði að halda genginu í vísitölunni 175 stigum en það virkar ekki.

Storebrand fær skell í kauphöllinni í Osló vegna Íslands

Hlutabréf í líftryggingarfélaginu Storebrand í Noregi hafa hrapað í kauphöllinni í Osló í dag vegna ástandsins á Íslandi. Kaupþing og Exista eru meðal stærstu eigenda Storebrand með um 25% hlut.

Sænski seðlabankinn reiðubúinn til aðstoðar þeim íslenska

Sænski seðlabankinn segist reiðubúinn að aðstoða þann íslenska og vísar þar til gjaldmiðlaskiptasamnings sem gerður var fyrr á árinu.

Davíð Oddsson á Bloomberg: Viðræður við Rússa eru í gangi

Davíð Oddsson seðlabankastjóri segir í samtali við Bloomberg-fréttaveituna að viðræður við Rússa um stórt lán séu í gangi. Davíð segir jafnframt að tilkynning Seðlabankans í morgun hefði verið röng, en þar sagði að lánið væri í húsi.

Engar ákvarðanir um eignasölu hjá Kaupþingi

Kaupþing hefur sem stendur ekki tekið neinar ákvarðanir um sölu á erlendum eignum sínum.

Ræðst síðar í vikunni hvort samningur við Glitni heldur

Mikil óvissa ríkir um framtíð Glitnis og segir Össur Skarphéðinsson iðnaðarráðherra að það komi í ljós þegar líður á vikuna hvort samningurinn um yfirtöku á meirihluta í bankanum haldi.

Fjármálaeftirlitið bannar skortsölu

Fjármálaeftirlitið (FME) hefur ákveðið að óheimilt sé að skortselja hlutabréf Glitnis, Kaupþings, Landsbankans, Straums, Spron og Exista.

Húsnæðislán bankanna nema 500 milljörðum króna

Verðtryggð húsnæðislán bankanna nema tæplega 500 milljörðum króna samkvæmt tölum Seðlabankans. Vitnað er til þessara talna í Morgunkorni greiningardeildar Glitnis þar sem sem fjallað er um þá heimild Íbúðalánasjóðs að kaupa eða endurfjármagna húsnæðislán bankanna.

SEB og DnB Nor segjast ekki bera stóra áhættu af Íslandi

Sænski bankinn SEB og norski bankinn DnB Nor hafa bæst í hóp þeirra sem sent hafa frá sér tilkynningar um áhættuna af Íslandsviðskiptum. Báðir bankarnir segjast ekki bera stóra áhættu af Íslandi.

Úttektir af reikningum Landsbankans takmarkaðar

Úttektir í útibúum Landsbankans eru nú takmarkaðar við 500 þúsund krónur. Þetta mun gert vegna skorts á seðlum.

Danski björgunarpakkinn gæti kostað FIH-bankann 30 milljarða kr.

Hætta er á að FIH bankinn í Danmörku standi uppi með tap upp á 1,5 milljarða danskra kr. eða sem svarar rúmlega 30 milljörðum kr. ef hinn nýi björgunarpakki danskra stjórnvalda verður nýttur til hins ítrasta.

Exista tapar 217 milljörðum á sölunni á Sampo-hlutnum

Exista hefur lokið útboði með áskriftarfyrirkomulagi á öllum hlutum sínum í Sampo, eða 114.257.867 hlutum sem nema 19,98% af heildarhlutafé Sampo.

Aðstoðarfjármálaráðherra Rússlands segir lánið ekki í höfn

Aðstoðarfjármálaráðherra Rússlands, Dmitry Pankin, segir að Rússland hafi ekki gengið endanlega frá láni við Seðlabanka Íslands um lán upp á 4 milljarða evra, eða um 680 milljarða kr..

Standard & Poor´s lækkar matið á Íbúðalánasjóði

Matsfyrirtækið Standard & Poor's greindi frá því í gær að það hefði lækkað lánshæfismat Íbúðalánasjóðs vegna langtímaskuldbindinga í íslenskum krónum í BBB úr A+.

Samson óskar eftir greiðslustöðvun

Stjórn Samson eignarhaldsfélags ehf. hefur óskað eftir því við Héraðsdóm Reykjavíkur að félaginu verði veitt heimild til greiðslustöðvunar.

Nær engin viðskipti í kauphöllinni

Nær engin viðskipti voru í kauphöllinni við opnun markaðarins í morgun, aðeins um 27 milljónir kr.

Halldór og Sigurjón áfram bankastjórar Landsbankans

Skilanefnd hefur farið þess á leit við Halldór J. Kristjánsson og Sigurjón Þ. Árnason að þeir haldi áfram störfum sem bankastjórar Landsbankans og beri áfram ábyrgð á daglegum störfum.

Áfram lokað fyrir viðskipti með fjármálastofnanir

Áfram verður lokað fyrir viðskipti með sex fjármálastofnanir í Kauphöll Íslands vegna þeirra aðgerða sem unnið er að í efnahagslífinu. Um er að ræða Glitni, Kaupþing, Landsbankann, Straum, SPRON og Exista.

Búið að loka Icesave reikningum í Bretlandi

Búið er að loka Icesave reikningum í Bretlandi og frysta innistæðurnar á þeim. Icesave er netbanki Landsbankans í Bretlandi.

Segja Ísland verða Mekka fyrir jólainnkaupin í ár

Hið lága gengi krónunnar gæti leitt til þess að Ísland verði Mekka fyrir jólainnkaupin í ár hjá Norðurlandabúum og Bretum.

Krónan fellur um 25 prósent

Gengi krónunnar féll um 24,4 prósent við upphaf gjaldeyrisviðskipta í dag og rauk gengisvísitalan upp í 257,8 stig. Vísitalan stóð í 206,6 stig á föstudag. Talsvert misgengi var á opinberu gengi Seðlabankans í gær og því sem erlendir bankar birtu.

Nordea í klemmu með 2,5 milljarða kr. lán til íslenskra banka

Nordea er í klemmu með lán til íslenskra banka upp á um 2,5 milljarða kr., eða 15 milljónum evra.

Exista setur hlut sinn í Sampo til sölu

Stjórn Exista ákvað á fundi sínum í gærkvöldi bandaríska bönkunum Citigroup og Morgan Stanley að hafa umsjón með flýtiútboði á yfir 114 milljónum hluta Exista í finnska tryggingarfélaginu og bankanum Sampo.

Bakkavör selur hlut sinn í Greencore

Bakkavör hefur selt 10,9 prósenta hlut sinn í írska samlokuframleiðandanum Greencore. Söluverðmætið nemur rúmum 28,6 milljónum evra, jafnvirði fimm milljarða króna samkvæmt opinberu miðgengi Seðlabanka Íslands.

Erlendir fjölmiðlar telja hættu á hruni íslensks efnahagslífs

Þeir erlendu fjölmiðlar í Danmörku og Bretlandi sem fjalla um aðgerðir ríkisstjórnarinnar í dag telja að mikil hætta sé á algeru hruni íslensks efnahagslífs.

FME hefur ekki haft samband við Kaupþing

Fjármálaeftirlitið hefur ekki verið í sambandi við Kaupþing vegna mögulegra inngripa í starfsemi Kaupþings. Þetta kemur fram í tilkynningu frá bankanum.

Stjórn Landsbankans var sett af í nótt

Stjórn Landsbankans var sett af í nótt og hefur skilanefnd verið skipuð til að stjórna bankanum á næstunni.

Straumur telur ekki ástæðu til afskipta ríkisins af bankanum

„Straumur hefur látið yfirvöldum í té ítarlegar upplýsingar um fjárhagslega stöðu bankans. Bankanum er ekki kunnugt um að staða hans þyki gefa tilefni til afskipta af því tagi sem heimiluð eru í ofangreindum lögum. Straumur mun hér eftir sem hingað til veita eftirlitsaðilum allar þær upplýsingar sem óskað er eftir."

Asíumarkaðir lækka

Hlutabréf lækkuðu á mörkuðum í Asíu í morgun í kjölfar verðlækkunar á evrópskum og bandarískum mörkuðum í gær.

Óljóst hvort viðskipti verða með bréf bankanna í dag

Ekki liggur fyrir hvort opnað verður fyrir viðskipti með bréf í bönkum og fjármálafyrirtækjum í Kauphöllinni í dag, eftir að lokað var fyrir viðskipti með bréf í Landsbankanum, Kaupþingi, Glitni, Straumi-Burðarási, Spron og Existu í gær.

S&P lækkar lánshæfismat íslenska ríkisins

Matsfyrirtækið Standard og Poor´s lækkaði enn lánshæfiseinkunn íslenska ríkisins í gærkvöldi. Fyrirtækið lækkaði lánshæfismatið líka eftir að ríkið ákvað að yfirtaka Glitni.

Bandaríkjamenn vilja kaupa Glitni í Noregi

Glitnir gæti selt starfsemi sína í Noregi á 40 til 50 milljarða króna. Bandaríski fjárfestingarsjóðurinn Paine & Partners hefur sýnt áhuga á kaupunum. Kaupverð hlutar ríkisins í Glitni nam um 84 milljörðum króna. Samkvæmt heimildum Markaðarins hefur Bjarni Ármannsson haft milligöngu í þreifingum um kaupin.

Sigurður Einarsson: Ríkisvæðing Glitnis afdrifarík mistök

Sigurður Einarsson, stjórnarformaður Kaupþings, sagði í Kastljósi í kvöld að dýpt efnhagslægðarinnar sem nú ríður yfir landið sé ekki eingöngu vegna ytri aðstæðna.

Svartsýnir í röðum bandarískra fjárfesta

Gengi hlutabréfa í fjármálafyrirtækjum féll með skelli á bandarískum hlutabréfamarkaði í dag en fjárfestar vestanhafs óttast nú að viðamiklar björgunaraðgerðir bandarískra stjórnvalda, sem gengu í gegnum þingið á föstudag, dugi ekki til að koma fjármálakerfinu á réttan kjöl.

Kaupþing fékk 500 milljónir evra að láni hjá Seðlabankanum

Lánið sem Kaupþing tók hjá Seðlabanka Íslands var tekið í dag og er að upphæð 500 milljón evra, samkvæmt heimildum Vísis. Lánið var veitt bankanum gegn veði í FIH bankanum danska.