Rólegt í Kauphöllinni

Viðskipti í Kauphöllinni fara rólega af stað. Úrvalsvísitalan hefur hækkað um 0,08 prósent. Mestu viðskiptin eru með kaup á bréfum Kaupþings. Kaupþing hefur hækkað um 0,3 prósent og glitnir um 0,07 prósent. Exista lækkar um 0,8 prósent.

Rowling með hæstu tekjurnar meðal fræga fólksins

Rithöfundurinn JK Rowling er með hæstu tekjurnar meðal fræga fólksins. Samkvæmt lista Forbes tímaritsins þénaði Rowling 150 milljónir punda eða sem svarar rúmlega 23 milljörðum kr. á síðasta ári.

Krónan veikist

Gengisvísitalan hefur hækkað það sem af er morgni. Hefur hún hækkað um 0,6 prósent og stendur nú í 161,3 stigum. Evran kostar nú 126 krónur, dollarinn 80,3 krónur, breska pundið 159,7 krónur og danska krónan 16,9 krónur.

Slakt uppgjör hjá Eik Banki

Eik Banki í Færeyjum hefur skilað inn hálfsársuppgjöri sínu en bankinn er skráður í kauphöllinni. Samkvæmt því varð tap upp á rúmlega 250 milljónir kr. fyrir skatta á tímabilinu.

Stefnir í bestu viku á Asíumörkuðum í 11 mánuði

Allt stefnir í að þessi vika verði sú besta á mörkuðum í Asíu á síðustu 11 mánuðum.

Nauðungarsölur fasteigna ná til Beverly Hills

Niðursveiflan á fasteignamarkaðinum í Bandaríkjunum hefur nú náð til ríkustu þegna landsins. Umtalsverð fjölgun hefur orðið á nauðungarsölum á stöðum eins og Beverly Hills og Malibu í Kaliforníu.

Olíuverðið undir 125 dollara í framvirkum samningum

Heimsmarkaðsverð á framvirkum samningum í olíukaupum er komið undir 125 dollara á tunnuna. Hér er um að ræða olíuverð á markaðinum í New York fyrir olíu sem afhenda á í september.

Spara með nýjum vélum

Iceland Express mun taka tvær Boeing 737-700 vélar í notkun um miðjan september. Matthías Imsland, Mark Norris, sölustjóri Boeing, og Shaun Monnery, framkvæmdastjóri Astreus Airlines, undirrituðu samning þess efnis í gær.

Hver fjögurra manna fjölskylda skuldar fjórðungi meira nú en fyrir ári

Heildarskuldir Íslenskra heimila námu 947 milljörðum króna í lok síðasta mánaðar. Höfðu þær hækkað um tæpa 200 milljarða frá sama tíma í fyrra. Erlendar skuldir íslenskra heimila hafa þrefaldast á aðeins einu ári.

Krónan á undanhaldi

Sérfræðinganefnd Samtaka atvinnulífsins (SA) hefur tekið saman skýrslu um fjölmyntavæðingu atvinnulífsins sem fjallar um lán, laun og viðskipti í erlendum gjaldmiðlum og mögulega hægfara þróun í átt að evru.

Útsölur lykilþáttur vísitölu neysluverðs á næstu mánuðum

Útsöluáhrif verða veruleg á vístölu neysluverðs næstu tvo mánuði og munu gegna veigamiklu hlutverki í að halda henni í skefjum.

Teymi hækkaði mest í dag

Úrvalsvísitalan hefur hækkað um 1,09% í dag. Teymi hf. hækkaði mest eða um 5,96%. Hinn færeyski Eik Banki hækkaði um 2,40% og Kaupthing Bank hækkaði um 1,54% og Icelandair Group hækkaði um 1,49%.

Spáir stýrivaxtalækkun í nóvember

Greining Landsbankans spáir því að vaxtalækkunarferli Seðlabankans hefst í nóvember en ekki á fyrsta fjórðungi 2009, eins og greiningin gerði ráð fyrir áður.

Olíuverðið komið undir 126 dollara á tunnuna

Heimsmarkaðsverð á olíu heldur áfram að lækka og er nú komið undir 126 dollara á tunnuna í New York. Hefur verðið því lækkað um 15% frá því það náði hámarki þann 11. júlí og fór í rúmlega 147 dollara.

Úrvalsvísitalan á uppleið

Úrvalsvísitalan hækkar lítillega við opnun markaða. Hefur hún hækkað um 0,9 prósent og leiðir Teymi hækkunina. Teymi hefur hækkað um 4 prósent, Landsbankinn um 1,3 prósent og Straumur um 0,97 prósent.

Morten Lund segist við stjórn og biðst afsökunar

Morten Lund meirihlutaeigandi Nyhedsavisen segir að hann sé enn við stjórn útgáfunnar þrátt fyrir tilkomu nýs fjárfestis að útgáfunni. Lund hefur jafnframt beðist afsökunar á því hve óvissan um framtíð félagsins hefur dregist á langinn.

Gengið styrktist í morgun

Gengi krónunnar styrktist í fyrstu viðskiptum á gjaldeyrismarkaðinum í morgun. Gengisvísitalan hefur lækkað um 0,46% og stendur í 160 stigum.

Víðfeðm verðbólga

Verðbólga er ekki séríslensk. Verðbólga hefur ekki mælst meiri á evrusvæðinu í sextán ár og ellefu í Kína.

Launavísitalan hækkaði um 8,5% á einu ári

Launavísitala í júní er 346,2 stig og hækkaði um 1,2% frá fyrri mánuði. Síðastliðna tólf mánuði hefur launavísitalan hækkað um 8,5%.

Telur General Motors og Ford stefna í gjaldþrot

General Motors og Ford, tveir af stærstu bílaframleiðendum Bandaríkjanna eru í hættu á að verða gjaldþrota innan fimm ára.

Gengi deCode hækkar töluvert

Gengi á hlutabréfum í deCode, móðurfélagi Íslenskrar erfðagreiningar hækkaði um 22 prósent á mörkuðum vestanhafs í gær og fór upp í einn Dollar og 65 Cent á hlut.

Önnur vítamínsprauta í hagkerfi BNA

Demókratar á Bandaríkjaþingi hyggja á frekari aðgerðir til að örva bandarískt efnahagslíf. Nancy Pelosi, forseti Bandaríkjaþings, sagðist vona að þingið gæti afgreitt lög um 50 milljarða dollara efnahagsörvun fyrir kosningar í haust.

Druslurnar vinsælar

Eflaust eru margir sem halda að minni líkur séu á stuldi á eldri bílum, en svo er ekki í Bandaríkjunum. Honda Civic árgerð 1995 er á toppnum yfir vinsælustu bíla meðal þjófa árið 2007 og fylgir Honda Accord árgerð 1991 í kjölfarið.

Kalla eftir sameiginlegu átaki allrar þjóðarinnar

Tveir af yngri kynslóð alþingismanna, sjálfstæðismennirnir Bjarni Benediktsson og Illugi Gunnarsson, segja þörf á gríðarlegu átaki allra landsmanna til þess að komast út úr þeim vanda sem nú er uppi í efnahagsmálum þjóðarinnar.

Uppgjör umfram væntingar

Hagnaður af rekstri eignarhaldsfélagsins Fasteignar hf. á fyrri hluta ársins nemur ríflega 197 milljónum króna eftir skatta, samkvæmt nýbirtu uppgjöri. Að sögn félagsins er afkoman töluvert umfram væntingar. Stærstu hluthafar félagsins eru Glitnir og Reykjanesbær.

Nýsir vinnur að endurfjármögnun

„Það verður ekki tekin afstaða til sölu á einstökum þáttum uns endurfjármögnun fyrirtækisins er lokið um miðjan ágúst,“ segir Höskuldur Ásgeirsson forstjóri Nýsis. Hann bætir við að menn hafi gefið sér lengri tíma til endurskipulagningar.

Til bjargar Starbucks

Mörgum fastagestum kaffihúsakeðjunnar Starbucks varð brugðið þegar þeir sáu að loka átti „þeirra“ Starbucks-kaffihúsi. Einhverjir viðskiptavinir kaffihúsakeðjunnar hafa því skipulagt herferðir og dreift undirskriftalistum til að fá stjórnendur fyrirtækisins til að endurskoða ákvörðun sína.

Ævintýraleg ávöxtun hlutabréfa

Íslenski hlutabréfmarkaðurinn stendur á tímamótum. Þrátt fyrir að úrvals- vísitalan hafi lækkað um helming á einu ári hefur ávöxtun hvergi verið eins góð og hér á síðustu tuttugu árum.

Hriktir í stoðum fjármálakerfis Bandaríkjanna

Fjárhagsvandræði bandarísku fasteignalánasjóðanna Fannie Mae og Freddie Mac hafa mikið verið til umræðu að undanförnu, enda eru þeir tvær af mikilvægustu stoðum bandarísks fjármálalífs.

Skuldatryggingarálag á uppleið

Skuldatryggingarálag Glitnis og Kaupþings nálgast hæstu hæðir. Raunverulegt álag lægra, segir greinahöfundur FT.

Hróarskelda í hættu

Svo kann að fara að Hróarskelduhátíðin verði fórnarlamb lánsfjárkreppunnar. Esben Danielsen, talsmaður tónlistarhátíðarinnar, segir í viðtali við danska dagblaðið Roskilde að tónleikahaldarar eigi „tugi milljóna“ inni á bankareikningi hjá Roskilde-bankanum, sem tekinn var til greiðslustöðvunar fyrr í mánuðinum.

Staða banka vestra betri en óttast var

Árshlutauppgjör gefa von um að fjármálakerfi Bandaríkjanna standi af sér undirmálslánakreppu og hrun á fasteignamarkaði.

Tvíbent uppgjör Apple

Hlutabréf í Apple lækkuðu eftir að uppgjörið fyrir þriðja ársfjórðung var birt. Félagið skilaði þrátt fyrir það meiri tekjuaukningu en áður var gert ráð fyrir.

Bíddu í eina mínútu

Veðurvaktin ehf. er ráðgjafafyrirtæki í eigu Einars Svein­björnssonar veðurfræðings. Þeir Finnur Jóhannsson, kvikmyndagerðarmaður og framleiðandi hjá Truenorth, og Aðalsteinn Snorrason, arkitekt hjá Arkís, segja ráðgjöfina sem þar er hægt að fá mikið þarfaþing.

Boðleiðir einfaldaðar hjá ríkisskattstjóra

„Þetta er þáttur í valddreifingu innan stofnunarinnar. Boðleiðir eru líka einfaldaðar og þær gerðar skýrari,“ segir Skúli Eggert Þórðarson ríkisskattstjóri.

Ráðamenn Alþjóðaviðskiptastofnuninnar hæfilega bjartsýnir á fundi í Genf

Ráðherrar og aðrir fyrirmenn 27 aðildarríkja Alþjóðaviðskiptastofnunarinnar, WTO, sem nú funda í Genf eru ekki nema hæfilega bjartsýnir á árangur af fundum sínum, þrátt fyrir gríðarlegan þrýsting úr mörgum áttum. Vesturlönd sækja ákaft á nýja markaði, svo sem í Kína, Brazilíu, Indlandi og víðar.

Skuldir heimilanna aukast

Heildarskuldir íslenskra heimila við innlánsstofnanir námu 947 milljörðum króna í júní samkvæmt nýjum tölum Seðlabanka Íslands. Þetta þýðir að hver einasti Íslendingur skuldar að meðaltali yfir þrjár milljónir króna.

Krónan og úrvalsvísitalan lækka

Gengisvísitalan hækkaði upp fyrir 160 stig í dag. Stendur nú í 160,4 stigum. Úrvalsvísitalan lækkaði um 1,4 prósent. Exista lækkaði mest eða um 3,6 prósent og Icelandair hækkaði um 1,21 prósent.

Nyhedsavisen öðlast framhaldslíf án Stoða

Hlutafé útgáfufélags hins danska Nyhedsavisen hefur verð aukið um 10 milljónir danskra króna, eftir því sem fram kemur á viðskiptavefnum business.dk. Þar með er eigið fé útgáfufélagsins orðið jákvætt.

Skuldatryggingarálagið komið yfir 1.000 púnkta

Skuldatryggingarálag Kaupþings og Glitnis er komið yfir 1.000 púnkta en það hefur hækkað mjög ört á síðustu tveimur vikum. Álagið hjá Landsbankanum er 635 púnktar en fór lægst í 193 fyrir tveimur mánuðum.

Exista lækkar um 3 prósent

Bréf Exista hafa lækkað um 3,1 prósent frá opnun markaða. Glitnir, Straumur, Landsbankinn og Kaupþing lækka líka. Úrvalsvísitalan hefur lækkað um 0,85 prósent og stendur nú í 4137 stigum.

Gengi krónunnar lækkaði í morgun

Gengi krónunnar hefur lækkað í morgun í fyrstu viðskiptunum á gjaldeyrismarkaðinum. Gengisvísitalan hefur hækkað um 0,45% og gengið lækkað sem þvi nemur. Er vísitalan á ný komin yfir 160 stig.

Íslenskt hugvit setur mark sitt á danska miðasölu

Í dag opnar Billetlugen, miðasölufyrirtæki í eigu íslenska fyrirtækisins Miði.is, nýja vefsíðu. Með þessu setur íslenskt hugvit mark sitt á miðasölumarkaðinn í Danmörku og er þetta fyrsta skrefið í innleiðingu á þeim hugbúnaði sem Miði.is hefur starfrækt á Íslandi og í Rúmeníu um nokkurt skeið.

Stjórn Nyhedsavisen sektuð vegna ársreiknings

Hver meðlimur stjórnar Nyhedsavisen þarf í dag að borga rúmlega 32 þúsund kr. sekt þar sem ársreikningur útgáfunnar var ekki lagður fram í gærdag. Ef reikningurirnn er ekki kominn í hús fyrir 1. ágúst hækkar sektin um 50%.

Ársreikningur Nyhedsavisen enn ekki kominn

Ársreikingur Nyhedsavisen hafði ekki borist Viðskipta- og félagaskráningu Danmerkur í hendur í morgun. Í gær var síðasti dagurinn til að senda reikinginn inn.