Nyhedsavisen kemur áfram út eftir sumarfrí

Samkvæmt fjármálastjóra Nyhedsavisen hefur samkomulag milli eigenda blaðsins náðst og því muni útgáfa blaðsins halda áfram eftir sumarfrí.

Krónubréf að upphæð 3 milljarðar kr. á gjalddaga

Krónubréf að nafnvirði 3 milljarðar kr. falla á gjalddaga á fimmtudag að viðbættum vöxtum.

Glitnir spáir minni hækkun vísitölu neysluverðs

Greining Glitnis spáir minni hækkun á vísitölu neysluverðs í júlí en áður var gert. Helstu ástæður eru minni hækkun á bensíverði en gert var ráð fyrir auk þess sem bifreiðaumboð hafa ekki hækkað bílaverð eins mikið og áætlað var.

Róleg byrjun á markaðinum

Markaðurinn fór rólega af stað í morgun og hefur úrvalsvísitalan lækkað um 0,3% í fyrstu viðskiptum dagsins. Stendur hún núna í 4.150 stigum.

Guðni vill taka lán hjá Putin eða í Kína

Guðni Ágústsson formaður Framsóknarflokksins segir að ríkisstjórnin geti leysa vanda sinn hvað gjaldeyrisforðann varðar með því að taka lán hjá Putin eða í Kína.

Krónan styrkist lítillega

Gengisvísitalan lækkaði lítillega við opnun markaði, eða 0,05 prósent. Hún stendur nú í 159,5 stigum. Úrvalsvísitalan lækkar um 0,3 prósent. Exista leiðir lækkunina. Bakkavör er eina fyrirtækið sem hefur hækkað.

Segir að verðbólgan nái hámarki í 14% í ágúst

Greining Landsbankans segir að verðbólga ná hámarki í rúmum 14% í ágúst. Hratt dragi úr verðhækkunum í haust þegar gengi krónunnar verður orðið stöðugra.

Glitnir eignast MEST

Glitnir er eigandi að Steypustöðinni Mest ehf., sem hefur tekið yfir rekstur steypustöðva og helluframleiðslu MEST ehf. í Hafnafirði, Reykjavík og á Selfossi. Þá mun hið nýstofnaða félag einnig taka yfir verslun með múrvörur MEST ehf.

Gengið gefur aðeins eftir

Gengi krónunnar hefur gefið aðeins eftir í fyrstu viðskiptum á gjaldeyrismarkaði í morgun. Gengisvísitalan hefur hækkað um 0,34% og gengið veikst sem því nemur. Stendur vísitalan í rúmum 160 stigum.

Byggingakostnaður eykst um tæp 19%

Vísitala byggingarkostnaðar var 440,9 stig um miðjan þennan mánuð. Þetta er hækkun um þrjú prósent frá fyrri mánuði. Á síðustu tólf mánuðum hefur vísitala byggingarkostnaðar hækkað um 18,5%, eftir því sem fram kemur í upplýsingum frá Hagstofunni.

Landsbankaútibú sameinuð í Hamraborg

Útibú Landsbankans við Háaleitisbraut og Hamraborg hafa verið sameinuð. Fyrsti starfsdagur í sameinuðu útibúi, sem er til húsa í Hamraborg 8, er í dag, mánudaginn 21. júlí.

Samkomulag um framtíð Nyhedsavisen í höfn

Blaðið Börsen segir frá því í dag að samkomulag hafi tekist milli Morten Lund og Stoðir Invest um framtíð Nyhedsavisen. Muni útgáfa blaðsins því halda áfram.

Heimsmarkaðsverð á olíu fikrar sig uppávið

Heimsmarkaðsverð á olíu hefur verið að fikra sig uppávið á mörkuðum í morgun. Hefur það stigið um 87 sent á markaðinum í New York og kostar tunnan nú rétt tæpa 130 dollara.

Stærsta sýningarhelgi vestanhafs frá upphafi

Batman-myndin nýja The Dark Night sló öll aðsóknarmet í Bandaríkjunum um helgina en myndin var frumsýnd þar í landi á föstudag. Aðsóknin að Batman gerði þetta að stærstu sýningarhelginni frá upphafi.

Dark Knight slær öll met

Þeir brosa út af eyrum hjá Warner Brothers í dag því þá var það staðfest það sem aðeins það þeir bjartsýnustu höfðu þorað að vona. Frumsýningarhelgi Dark Knight lauk með þvi að myndin sló met Spiderman 3 frá því í fyrra yfir aðsóknarmestu opnunarhelgi sögunnar.

Segir markaðinn þurfa tvö ár

Win Bischoff, stjórnarformaður Citigroup, segir að húsnæðisverð í Bretlandi og í Bandaríkjunum muni halda áfram að lækka næstu tvö árin en það er sá tími sem hann segir að markaðurinn þurfi til þess að ná jafnvægi.

Segir Tryggva styrkja stöðu ráðuneytisins

„Það hefur verið mikið álag vegna stöðunnar í efnahags og fjármálum, sem helgast meðal af ófyrirséðum atburðum á alþjóðamörkuðum og þeim áhrifum sem þeir hafa haft á íslenskt efnahagslíf," segir Geir H. Haarde, forsætisráðherra, um ástæður þess að Tryggvi Þór Herbertsson hefur verið ráðinn til starfa í ráðuneytinu.

Hlutabréf á Wall Street lækkuðu í dag

Hlutabréf lækkuðu á Wall Street í dag og er ástæðan einna helst rakin til slæmrar stöðu tæknifyrirtækja. Nasdaq vísitalan lækkaði um 1,3%, Dow Jones hækkaði um 0,4% og Standard og Poor fór upp um

Ráðningin á sér skamman aðdraganda

„Ég ætla nú að áskilja mér rétt til að fá nokkra daga í starfið áður en ég fer að ákveða tillögurnar," segir Tryggvi Þór Herbertsson, nýráðinn ráðgjafi Geirs Haarde í efnahagsmálum.

Nýherji tapaði 432 milljónum

Nýherji tapaði 432 milljónum króna á fyrri hluta árs. Fyrirtækið skilaði 209 milljóna króna hagnaði á fyrri hluta ársins 2007. Samkvæmt tilkynningu frá félaginu var ágæt afkoma af kjarnastarfsemi Nýherja og starfsemi Applicon erlendis en afkoma af fjárfestingum í nýrri starfsemi var undir væntingum.

Forstjóri Askar Capital ráðinn til forsætisráðuneytisins

Tryggvi Þór Herbertsson, hagfræðingur, hefur verið ráðinn tímabundið til forsætisráðuneytisins til að sinna ráðgjöf í efnahagsmálum, einkum á sviði peninga- og fjármálamarkaðar. Þetta kemur fram í tilkynningu frá ráðuneytinu.

ÍSÍ og Nýherji saman á Ólympíuleikum

Íþrótta- og Ólympíusamband Íslands (ÍSÍ) opnaði í dag vef þar sem upplýsingar um Ólympíuþátttakendur ÍSÍ eru aðgengilegar. Í tengslum við vefinn afhenti Nýherji, sem selur Lenovo á Íslandi, ÍSÍ fartölvur og Canon myndavél til notkunar á leikunum í Peking.

Færeysku fyrirtækin hækkuðu mest

Íslenska úrvalsvísitalan hækkaði um 0,13% í dag. Føroya Banki hækkaði mest, eða um 4,26%, og Eik Banki hækkaði um 2,50%. Bakkavör Group hækkaði um 1,01%.

Barbie ber sigurorð af Bratz í dómsalnum

Leikfangaframleiðandinn Mattel vann málaferli gegn MGA fyrirtækinu sem framleiðir Bratz dúkkurnar vinsælu. Dómstóll í Kaliforníu úrskurðaði að hugmyndasmiðurinn að dúkkunum, Carter Bryant, hafi verið við störf hjá Mattel þegar hugmyndin að dúkkunum fæddist.

Tyrkir hækka vextina

Seðlabanki Tyrklands hækkaði stýrivexti sína um 0,50 prósentustig á mánudaginn í 16,5 prósent.. Stýrivextir eru nú hvergi hærri meðal þeirra ríkja sem hafa þróaða fjármálamarkaði, segir greining Glitnis.

Olía hækkar í verði

Verð á hráolíu hefur hækkað á heimsmarkaði í dag. Hráolía hækkaði um 2,1 prósent í dag í New York eða 2,75 dali á tunnu sem kostar nú 132 dollara. Brent-olía hækkaði um 2 prósent eða 2,62 dali og kostar tunnan 133,69 dollara.

Lítið í baksýnisspegilinn

Áhugavert er að líta í baksýnisspegilinn á þessum tímamótum. Athygli vekur hversu seint umfang og alvarleiki lausafjárkrísunnar kom raunverulega fram í dagsljósið. Í júlí og ágúst í fyrra var til að mynda mikið skrifað um það í erlendum fjölmiðlum að sennilega væri það versta afstaðið og að allar afskriftir tengdar undirmálslánum væru komnar fram.

Íbúðalánasjóður með nýjan lánaflokk

Samþykkt hefur verið reglugerð um nýjan lánaflokk sem heimilar Íbúðalánasjóði lánveitingar til fjármálafyrirtækja í þeim tilgangi að endurfjármagna tímabundið íbúðalán sem þessi fyrirtæki hafa veitt gegn veði í íbúðarhúsnæði

Neikvæð opnun á markaðinum

Markaðurinn í kauphöllinni opnaði á neikvæðum nótum í morgun. Úrvalsvísitalan hefur lækkað um 0,46% og stendur í 4.138 stigum.

ÍLS má endurfjármagna húsnæðislán fjármálafyrirtækja

Stofnaður hefur verið nýr lánaflokkur hjá Íbúðalánasjóði sem heimilar lánveitingar til banka, sparisjóða og lánafyrirtækja með afhendingu íbúðabréfa til tímabundinnar endurfjármögnunar á íbúðalánum sem þessi fjármálafyrirtæki hafa veitt gegn veði í íbúðarhúsnæði hér á landi.

Stefnir í stærstu helgi Hollywood frá upphafi

Reiknað er með að nýja Batman-myndin The Dark Knight muni slá öll frumsýningarmet í dag er hún verður tekin til almennra sýninga í Bandaríkjunum.

Krónan veikist um 1,3%

Gengi krónunnar hefur veikst um 1,3% í fyrstu viðskiptum dagsins á gjaldeyrismarkaðinum. Stendur gengisvísitalan nú í tæpu 161 stigi.

Hlutabréf lækka í Evrópu og Asíu

Hlutabréfavísitölur lækkuðu í Evrópu og Asíu í gær. FTSE 100 lækkaði um 0,9 prósent og Nikkei 225 lækkaði um 0,7 prósent. Dow Jones hækkaði hins vegar um 1,85 prósent.

Mál Yahoo! og Microsoft í járnum

Tilraunir auðkýfingsins Carls Icahns til að kaupa hugbúnaðarfyrirtækið Yahoo! í samvinnu við Microsoft eru að margra mati orðnar að óskiljanlegri flækju.

Olíutunnan ekki lægri í sex vikur

Heimsmarkaðsverð á olíu heldur áfram að falla og er nú komið undir 130 dollara á tunnuna. Hefur verðið ekki verið lægra í sex vikur.

Gengi færeysku félaganna sveiflast

Færeysku félögin fjögur sem skráð eru í Kauphöll Íslands hafa ekki farið varhluta af erfiðum markaðsaðstæðum fremur en þau íslensku. Þótt ekkert félaganna sé í Úrvalsvísitölunni hafa þau þýðingu fyrir íslenska fjárfesta. Þetta kemur fram Þetta kom fram í Hálffimm fréttum greiningardeildar Kaupþings í dag.

Lausafjárkreppan ekki valdið jafnmiklum samdrætti eins og spáð var

Alþjóðagjaldeyrissjóðurinn (IMF) telur lausafjárkreppuna í heiminum ekki hafa valdið jafn snarpri niðursveiflu og spáð var fyrir. Sjóðurinn telur að hagvöxtur í heiminum mun verða 4,1 prósent árið 2008 en spáin var í apríl 3,7 prósent. Það er þó enn minna en hinn 5 prósent hagvöxtur sem var 2007.

„Heitur reitur“ hjá Jóni Sig

Reykjavíkurborg hefur í samstarfi við Vodafone opnað „Heitan reit”, þ.e. ókeypis þráðlausa háhraða nettengingu á Austurvelli. Þar geta gestir og gangandi nýtt sér netið og notið góða veðursins um leið.

Exista toppaði daginn

Gengi hlutabréfa í Existu hækkaði um 4,8 prósent í Kauphöllinni í dag og er það mesta hækkun dagsins. Hæst fór gengið upp um tæp sex prósent. Á hæla Existu fylgdi Spron, sem fór upp um 3,33 prósent. Þá hækkaði gengi bréfa hins færeyska Eik banka um 3,09 prósent.

Mikil bjartsýni hjá Nokia

Finnski farsímaframleiðandinn Nokia, sem er umsvifamesti farsímaframleiðandi heims, hagnaðist um 1,1 milljarð evra, jafnvirði um 134 milljarða íslenskra króna. Þetta er rétt um 60 prósenta samdráttur frá síðasta ári.

Erlend fjárfesting hérlendis bundin við stóriðju?

Helmingur beinnar fjármunaeignar erlendra aðila á Íslandi um áramótin var í fyrirtækjum í fjármálaþjónustu. Er líklegt að ofangreind eignarhaldsfélög vigti þar þungt. Utan fjármálageirans er stærstur hluti erlendrar fjármunaeignar í stóriðju, alls tæpir 187 ma.kr. í árslok 2007.

Coca-Cola rétt yfir væntingum

Hagnaður drykkjavöruframleiðandans Coca-Cola á öðrum ársfjórðungi nam1,42 milljörðum bandaríkjadala, jafnvirði 109 milljarða íslenskra króna. Til samanburðar nam hann 1,85 milljörðum á sama tíma í fyrra.

Brotajárn er að verða gullsígildi

Brotajárn er að verða gullísgildi sökum þess hve heimsmarkaðsverð á stáli hefur hækkað mikið undanfarin ár.

Áætlanir Sjælsö Gruppen um hagnað munu standast

Fasteignafélagið Sjælsö Gruppen í Danmörku stendur við fyrra álit sitt um að hagnaður félagsins í ár muni nema ríflega 12 milljörðum kr. Eignarhaldsfélagið Samson er stór hluthafi í Sjælsø Gruppen gegnum félagið SG Nord Holding A/S.

Afkoma JP Morgan yfir spám

Bandaríski fjárfestingarbankinn JP Morgan hagnaðist um tvo milljarða bandaríkjadala, jafnvirði 154 milljarða íslenskra króna, á öðrum fjórðungi ársins. Afkoman var yfir væntingum fjármálasérfræðinga.