Útón heldur fræðslukvöld

Fyrsta fræðslukvöld Útón á árinu verður haldið á þriðjudagskvöld í Norræna húsinu. Farið verður yfir alla helstu sjóði er standa tónlistarfólki til boða og hvernig þeir starfa.

Með gott hjarta

Írski leikarinn Colin Farrell heimsótti langveik börn á sjúkrahúsi í heimalandi sínu fyrir jólin. Þetta er ekki í fyrsta sinn sem Farrell gerir slíkt, því hann hefur verið reglulegur gestur á sjúkrahúsinu Our Lady‘s Hospital í Crumlin undanfarin ár.

Leitað að handritum

Forlagið og Verðlaunasjóður íslenskra barnabóka auglýsa eftir handritum að skáldsögu fyrir börn og unglinga í samkeppni um Íslensku barnabókaverðlaunin.

Ross hættir á BBC

Spjallþáttastjórnandinn Jonathan Ross ætlar að hætta hjá BBC eftir þrettán ára starf. Samningur hans við BBC rennur út í júlí og hefur hann ákveðið að endurnýja hann ekki. Hann segir að peningar hafi ekkert að gera með ákvörðun sína.

Skítblönk í kreppunni

Stuttmynd Brynju Valdísar leikkonu, Einu sinn var… verður endursýnd vegna fjölda áskorana á Skjá einum kl. 19.00 í opinni dagskrá í kvöld.

Allir í ræktina - myndband

„Ég held að fólk sé farið að hugsa meira um sjálft sig," svaraði Arnar Grant þegar Sindri í sjónvarpsþættinum Ísland í dag spurði hann út í líkamsrækt landans á þessum árstíma. Þá má einnig sjá Jóa Fel sem sagði: „Ég stefni hærra." Ágústa Johnson og Björn Leifsson eru einnig í meðfylgjandi myndskeiði ásamt fleirum.

Hannaði eigin trúlofunarhring

Hönnuðurinn Sruli Recht hefur hannað einstakan demantshring sem er í raun þrír hringar í einum. Hægt er að skipta um steina í hingnum eftir tilefni. Hönnuðurinn Sruli Recht hefur hannað einstakan demantshring sem ber heitið r¿ng og er hann sérstakur fyrir þær sakir að hægt er að skipta út einum demanti fyrir annan.

Stjörnur sagðar inni í skápnum

Forsíðufrétt tímaritsins The Enquirer fjallaði um það hvaða stjörnur væru samkynhneigðar og enn í skápnum. Meðal þeirra sem tímaritið nefndi voru Zac Efron, Sienna Miller, fyrirsætan Tyra Banks og leikarinn Hugh Jackman.

„Ég var eiginkona Jacksons“

Hin óþekkta Shellie Doreen Smith hefur gert kröfu í þrotabú Micheals Jackson. Hún segist hafa verið gift söngvaranum á áttunda áratugnum og fer fram á framfærslu úr þrotabúinu.

Gerir amerískan gítarsamning

„Ég var að leita að gítar og komst í samband við eigandann. Hann bauð mér gítar á góðum afslætti út af hljómsveitinni,“ segir Dave Dunn úr hljómsveitinni Dust.

Öfundsjúk út í Madonnu

Þegar leikkonan Kate Hudson og hafnaboltaleikmaðurinn Alex Rodriguez slitu sambandi sínu fór á kreik sá orðrómur að það hefði verið Rodriguez sem hætti með Hudson vegna þess að honum þótti hún of þurfandi og sólgin í sviðsljósið.

Metár í kvikmyndahúsum

Stórmynd James Cameron var tekjuhæsta kvikmynd síðasta árs þrátt fyrir að hafa verið aðeins tíu daga í sýningu. Jóhannes var vinsælasta íslenska kvikmyndin á árinu.

Innblásin af málsháttum

Opnuð hefur verið sýning á verkum Sari Maarit Cedergren í Artóteki, sem er á fyrstu hæð Borgarbókasafns Reykjavíkur, Tryggvagötu 15. Sari er fædd í Finnlandi og ólst upp í Stokkhólmi í Svíþjóð. Árið 1986 flutti hún til Íslands og hefur búið hér síðan.

Til mikils að vinna í rokkkeppninni GBOB

Alþjóðlega tónlistarkeppnin Global Battle of the Bands er fram undan. Hún fer fram í London á tónleikastaðnum Scala hinn 31. janúar og má búast við að hátt í fjörutíu hljómsveitir frá jafnmörgum löndum taki þátt. Keppnin hefur stækkað ár frá ári en Ísland varð þátttakandi 2004. Síðan þá hafa hljómsveitir eins og Cliff Claven, Lights on the Highway og Perla farið út til keppni, og í fyrra fór Agent Fresco.

Madonna úr söng í leikstjórn

Samkvæmt ýmsum heimildum hafði Madonna sýnt áhuga á að leikstýra kvikmynd um ævi Wallis Simpson, konunnar sem Játvarður prins afsalaði bresku krúnunni til að vera með árið 1936. Söngkonan þykir ekki jafn fær í kvikmyndunum og í tónlistinni og því gengur víst erfiðlega að ráða fólk í hlutverkin.

Eignaðist stúlkubarn

Leikarinn Matthew McConaughey tilkynnti á vefsíðu sinni að hann og kærasta hans, Camila Alves, hefðu eignast sitt annað barn 3. janúar. „Gleðilegt nýtt ár, allir saman! Camila fæddi fallega stúlku á sunnudaginn. Hún hefur fengið nafnið Vida Alves McConaughey. Vida þýðir líf á portúgölsku og það er einmitt það sem drottinn færði okkur þann dag,“ ritaði leikarinn á síðu sinni. Fyrir á parið sautján mánaða gamlan son, Levi, og því er stutt á milli systkinanna tveggja.

Úr útrás í heilsuráðgjöf

„Ég hef alltaf haft áhuga á góðu og heilbrigðu lífi. Þrátt fyrir að vera í bisness þá hef ég reynt að passa að vera í ágætisformi og hugsa um hvað ég borða,“ segir Þórdís Jóna Sigurðardóttir.

Hátíðarkvöldverður kokkanna

Hinn árlegi Hátíðarkvöldverður klúbbsins fer fram laugardagskvöldið næstkomandi í Turninum í Kópavogi. Kvöldverðurinn hefur verið haldinn óslitinn síðastliðin tuttugu og þrjú ár og er gríðarlega vinsæll viðburður ár hvert. Steinn Óskar Sigurðsson, formaður nefndar um Hátíðarkvöldverðinn, segir að uppselt sé á kvöldverðinn, en seldir eru 220 miðar og hafa fastagestir forgang í þeim efnum.

Erfingi lést

Johnson & Johnson-erfinginn Casey Johnson fannst látin í íbúð sinni í Los Angeles í gær. Johnson var aðeins þrítug að aldri og hafði verið látin í einhvern tíma þegar hún fannst. Stúlkan var æskuvinkona Hilton-systranna og var einnig góð vinkona Nicole Richie en náði aldrei sömu frægð og vinkonur hennar. Johnson átti í sambandi við Courtenay Semel, dóttur forstjóra Yahoo, en Semel var á tíma orðuð við leikkonuna Lindsay Lohan. Johnson skilur eftir sig eina dóttur, Ava Marylin, sem hún ættleiddi árið 2007 frá Kasakstan. Foreldrar Johnson hafa nú umsjá með barninu.

Áramótagleði Akureyringa - myndir

Meðfylgjandi má sjá myndir frá áramótaballi Páls Óskars í Sjallanum á Akureyri á gamlárskvöld en það var gjörsamlega stappað eins og alltaf þegar Palli kemur norður. Þá má einnig sjá myndir sem teknar voru nýársdansleik Sjallans en það hefur ekki verið haldinn nýársdansleikur áður á Akureyri. Þá spiluðu Hvanndalsbræður í fyrsta og síðasta sinn á balli, en þeir héldu dansgólfinu hreinlega í logandi stuði ásamt N3 plötusnúðunum.

Frumsýna nýtt leikrit í Norræna húsinu

Leikhópurinn Munaðarleysingjar frumsýnir nýtt verk eftir Dennis Kelly, eitt heitasta leikskáld Bretlandseyja föstudaginn 8. janúar í sal Norræna hússins. Verkið heitir Orphans en á íslensku nefnist það Munaðarlaus. Leikstjóri sýningarinnar er Vignir Rafn Valþórsson sem jafnframt þýðir verkið.

Dillibossar á Borginni á nýárs- myndir

„Það var gríðarlegt stuð, skemmtilegasta fólkið, skemmtilegustu skemmtikraftarnir og svo bara klikkar maturinn og salurinn á Hótel Borg ekki," svarar Andrés Pétur einn af skipuleggjendum nýársfagnaðarins sem haldinn var á Borginni spurður hvernig var. „Stemningin var slík að gestirnir voru farnir að dilla sér við borðin fyrir klukkan tíu. Ekki hægt að fara fram á betri byrjun á árinu," bætir hann við. Á meðfylgjandi myndum má greinilega sjá að liðinu leiddist ekki.

G-bletturinn er til

Niðurstaða rannsóknar vísindamanna í King‘s College í London á hinum dularfulla G-bletti hefur vakið mikla athygli. Ekki eru allir á eitt sáttir við hana.

Fjölskyldan sátt án sjónvarps

„Þetta er alltaf gaman. Mér skilst að þetta sé býsna vinsælt sjónvarpsefni,“ segir Þorsteinn Bergsson, bóndi á Unaósi á Fljótsdalshéraði. Hann keppir í annarri umferð í spurningakeppninni Útsvari í Sjónvarpinu á föstudagskvöld ásamt liðsfélögum sínum Ingunni Snædal og Stefáni Boga Sveinssyni.

Danir elska og hata Tryggðarpant Auðar

„Bókin er skrifuð í Danmörku og er innblásin af umræðunni þar. Danir eru svo klofin þjóð, þar er allt annaðhvort eða,“ segir Auður Jónsdóttir en bók hennar Tryggðarpantur eða Depositum, eins og hún heitir á dönsku, kom nýverið út í Danmörku.

Emilíana tengir upp á nýtt

Tónleikaferð Emilíönu Torrini um heiminn heldur áfram á fullum dampi. Þessa dagana er hún í Ástralíu og spilar í Brisbane í kvöld. Í gærkvöldi lék hún á hinum fornfræga tónleikastað The Enmore í Sydney. Íslendingar eru með í för, Sigtryggur Baldursson, Pétur Hallgrímsson gítarleikari og Lay Low, sem spilar á bassa með Emilíönu og hitar auk þess upp. Tónleikarnir hafa gengið vel, allstaðar troðfullt og fólk syngur með í lögunum.

Væmið ljóðaslamm í febrúar

Þriðja ljóðaslamm Borgarbókasafns Reykjavíkur verður haldið föstudaginn 12. febrúar í aðalsafninu í Tryggvagötu. Að þessu sinni er þemað „væmni“, sem ætti að bjóða upp á fjölbreyttar hugleiðingar – fjarri kreppu og barlómi. Sem fyrr er ljóðaslammið ætlað ungu fólki og er skilgreint á afar opinn hátt sem eins konar ljóðagjörningur. Áherslan er ekki síður lögð á flutninginn en á ljóðið sjálft. Eina krafan er að flutt sé frumsamið ljóð eða stuttur prósi og hafa þátttakendur sýnt dansverk, ör-leikþætti, rapp, söng og leiklesin ljóð með myndefni svo eitthvað sé nefnt. Hefðbundinn ljóðaupplestur telst ekki vera ljóðaslamm.

Hinn árlegi Jólasveinagjörningur

Listamennirnir Ásmundur Ásmundsson og Ragnar Kjartansson standa fyrir sínum árlega Jólasveinagjörningi á þrettándanum í Kling og Bang gallerí kl. 17.30 í dag. Þeir hafa staðið fyrir sams konar gjörningum á hverju ári síðustu átta árin. Þeir koma gestum verulega á óvart með hressilegu jólaskensi og hver veit nema Bjúgnakrækir og Kertasníkir kíki í heimsókn. Fólk er hvatt til að taka börnin sín með og gleyma ekki jólaskapinu heima. Í dag er jú síðasti séns til að eiga góða jólastund.

Sigga spákona: Það lenda margir illa í því - myndband

„Mér líst svo vel á þetta ár," sagði Sigríður Klingenberg spákona þegar hún kíkti í kristalkúluna sína í sjónvarpsþættinum Ísland í dag í gær. „Nú getum við flutt út hægri vinstri. Það verður mikill usli í stjórnmálunum og það eru ekki öll kurl komin til grafar." „Það lenda margir illa í því og því er mikilvægt að brosa og setja ást í augun til fólks og gefa faðmlag," sagði Sigríður meðal annars.

Nýársfagnaður á Borginni - myndband

Glys og glamúr var ríkjandi á Hótel Borg á fagnaði sem haldinn var á nýársdag. „Já það var svo mikið 2007 að mæta hérna og ég hef bara haldið því áfram. Það sem er skemmtilegt er að þetta er mikið sama fólkið og maður þekkir langflesta," sagði Sveinn Andri Sveinsson sem sjá má meðal annars í meðfylgjandi myndskeiði sem birtist í Ísland í dag.

Gleðigjafi Bylgjunnar - myndir

Morgunþátturinn í Bítið stendur nú í þriðja sinn fyrir vali á Gleðigjafa ársins 2009.

Ekki datt stelpugreyið á dansgólfið? - myndir

Á meðfylgjandi myndum má sjá ATG's Do-One, sem er einn heitasti raftónlistarhópurinn í London um þessar mundir sem trónir þar á toppi klúbbasenunnar, á skemmtistaðnum Nasa 2. janúar stíðastliðinn.

Áramótadjamm í Reykjavíkurborg - myndir

Eins og meðfylgjandi myndir, sem teknar voru í borginni um áramótin, fagnaði unga fólkið nýju ári meðal annars á skemmtistöðunum Broadway og Austur. Það fer ekkert á milli mála að fólkið skemmtir sér. LJósmyndarinn Sveinbi hjá superman.is tók myndirnar.

60% veðja á að Óli skrifi undir

„Það er óhætt að segja að veðmálið hafi vakið mikla athygli. Um hundrað manns tóku þátt á tveimur dögum,“ segir Lárus Páll Ólafsson, sem sér um markaðsmál fyrir Betsson-vefspilavítið á Íslandi.

Geir Ólafs gefur út óperuplötu

„Það er fyrst og fremst mikill heiður að fá að vinna með svona mönnum eins og Kristjáni Jóhannsyni,“ segir Geir Ólafsson. Hann hyggst gefa út óperuplötu um næstu jól og upptökustjóri verður sjálfur Kristján Jóhannsson, einn fremsti tenór landsins og þótt víðar væri leitað.

Sigmundur Ernir var leikinn af Ljótum hálfvita

„Ég fattaði ekki hversu vel ég náði honum fyrr en ég sá prufuefni. Þá brá mér allsvakalega!,“ segir Hannes Óli Ágústsson, sem fór á kostum sem Sigmundur Davíð Gunnlaugsson í Skaupinu. Sjálfur sagði Sigmundur Davíð í viðtali að það væri skrítið að feitasti leikarinn léki hann alltaf.

Nokkur stórafmæli í kortunum

Ef að líkum lætur verður árið viðburðaríkt, enda er þetta afmælisár fyrir marga. Til dæmis verður Páll Óskar fertugur, fjörutíu ár sömuleiðis verða síðan Stuðmenn komu fram í fyrsta skipti og fjörutíu ár verða síðan Listahátíð í Reykjavík var haldin fyrst. Þá verða þrjátíu ár liðin síðan Bubbi Morthens sló í gegn því bæði Ísbjarnarblús og Geislavirkir Utangarðsmanna komu út 1980. En á að halda upp á þetta?

Jól í Jemen og áramót við bakka nílarfljóts

„Það eru engin jól í íslamska lýðveldinu Jemen! Ekki frekar en Eid-hátíðir á Íslandi. Aðfangadagur var eins og hver annar fimmtudagur,“ segir ljósmyndarinn Egill Bjarnason.

Handritsstyrkur vegna Davíðs

Baldvin Kári Sveinbjörnsson, hefur fengið handritsstyrk frá Kvikmyndasjóði Íslands vegna kvikmyndar í fullri lengd sem ber heitið Davíð. „Þetta er eiginlega uppvaxtarsaga fimmtán ára unglingsstráks sem heitir Davíð og er að takast á við kynhneigð sína,“ segir Baldvin Kári, sem steig sín fyrstu spor í kvikmyndagerð í sjónvarpsþáttunum Hjartsláttur á Skjá einum. Núna stundar hann nám í leikstjórn og handritagerð í Columbia-háskólanum í New York. Þar hefur hann lokið þremur árum og býst við að klára tvö til viðbótar. „Þetta hefur gengið vel. Fyrstu tvö árin var ég í mjög stífu prógrammi með mikilli vinnu en núna hefur maður meiri frjálsan tíma í að vinna sjálfstætt að verkefnum.“

Ronnie drekkur

Samkvæmt News of the World er Ronnie Wood á góðri leið með að drekka sig í hel. Og hafa vinir og vandamenn miklar áhyggjur af honum, þá sérstaklega fyrrum eiginkona hans, Jo Wood og börnin þeirra tvö. News of the World heldur því fram að liðsmaður The Rolling Stones drekki tvær flöskur af vodka á hverjum degi og hann sé að rústa eigin lífi. Eins og komið hefur fram í fjölmiðlum skildi Ronnie við eiginkonu sína og tók saman við rússnesku fyrirsætuna Ekaterinu. Því sambandi lauk með miklum látum þegar fyrirsætan unga kærði Ronnie fyrir heimilisofbeldi. News of the World hefur eftir henni að hún hafi hreinlega óttast um líf sitt og að hún hafi verið svo óhamingjusöm að hún hafi íhugað sjálfsmorð.

Ástaróður til eiginmannsins

„Þetta er samið til hans. Maður er svo rómantískur,“ segir söngkonan Kolbrún Eva Viktorsdóttir sem tekur þátt í Eurovison í fyrsta sinn níunda janúar. Lagið sem hún syngur nefnist You Are The One, eða Þú ert sá eini rétti, og fjallar um eiginmann hennar og lagahöfundinn Harald Gunnar Ásmundsson. Saman mynda þau hljómsveitina Myst sem gaf út sína fyrstu plötu fyrir fjórum árum.

Kvikmyndatónlist fylgir frelsi

Gunnlaug Þorvaldsdóttir samdi tónlistina fyrir stuttmyndina A‘mare sem var meðal annars sýnd á Sundance kvikmyndahátíðinni í janúar síðastliðinn. Myndin er í leikstjórn Martina Amati og fjallar um tvo drengi sem fara á haf út og ætla sér að veiða „þann stóra“.

Opnaði nýja heilsuræktarstöð

Líkamsræktarþjálfarinn Sigríður Halldóra Matthíasdóttir, betur þekkt sem Sigga Dóra, hefur opnað nýja heilsumiðstöð að Stórhöfða 17 í Reykjavík. Opið hús er hjá Heilsumiðstöðinni til klukkan sex í dag og eru allir velkomnir. Gestum mun m.a. gefast kostur á að smakka á heilsudrykkjum og fara í ókeypis brennslumælingu.

Besta plata ársins valin: Terminal best

Önnur plata hljómsveitarinnar Hjaltalín er besta plata ársins samkvæmt niðurstöðum tuttugu manna dómnefndar úr bransanum sem Fréttablaðið fékk til að leggja mat á íslenskar plötur ársins. Fjórða plata Hjálma, IV, fylgdi fast á hæla Hjaltalín, en nokkru neðar komu plötur Kimono, Blood group og Dikta.

Hannaði skyrtuskraut sem kreppulausn

Tanja Sif Árnadóttir hannar skyrtuskraut fyrir herra og konur undir heitinu tANJA fOREVER. Skrautið er fáanlegt í Herrafataverslun Kormáks og Skjaldar.