Ólafur Jóhannesson búinn að skrifa undir nýjan samning

Ólafur Jóhannesson verður áfram karlalandsliðsþjálfari í knattspyrnu en hann skrifaði undir nýjan tveggja ára samning í dag. Ólafur tók við landsliðinu af Eyjólfi Sverrissyni í lok október 2007 eftir að hafa unnið fjóra stóra titla með FH frá 2004 til 2007. Hann mun stjórna landsliðinu út undankeppni EM 2012..

Björgólfur áfram hjá KR

Björgólfur Takefusa hefur skrifað undir nýjan tveggja ára samning við KR en hann var markahæsti leikmaður Pepsi-deildarinnar í ár.

Valskonur töpuðu stórt á Ítalíu í Meistaradeildinni

Kvennalið Vals tapaði 1-4 á móti ítalska liðinu Torres í fyrri leik liðanna í Meistaradeild UEFA kvenna en hann fór fram í Sassari á Ítalíu í dag. Hallbera Gísladóttir náði að minnka muninn í 3-1 á 68. mínútu en þær ítölsku bættu við marki í lokin.

Guðmundur næsti þjálfari Selfoss

Knattspyrnudeild Selfoss hefur boðað til blaðamannafundar þar sem tilkynnt verður um ráðningu þjálfara meistaraflokks karla. Samkvæmt heimildum Vísis verður það Guðmundur Benediktsson, leikmaður KR.

Landsliðið sem mætir Suður-Afríku

Ólafur Jóhannesson landsliðsþjálfari hefur tilkynnt landsliðshópinn sem mætir Suður-Afríku í vináttulandsleik á Laugardalsvelli þann 13. október næstkomandi.

Tómas Ingi tekinn við HK - semur til þriggja ára

„Ég er búinn að nota síðustu ár til þess að fylgjast vel með boltanum hér á Íslandi og ná mér í tiltekin réttindi til þess að þjálfa. Það er svona vika síðan þetta kom fyrst upp með HK og þetta gekk því tiltölulega fljótt og vel fyrir sig.

Willum Þór: Er úthvíldur og gæti sett á æfingartörn út alla vikuna

„Þetta gerðist mjög hratt í gær og ég er bara mjög spenntur að takast á við þetta verkefni. Það er svo margt sem styður það að þetta sé spennandi því þetta lið er búið að vera mjög sterkt síðustu ár og Kristján Guðmundsson getur gengið stoltur frá sínu verki,“ segir Willum Þór Þórsson sem verður formlega kynntur sem nýr þjálfari Keflavíkur á morgun.

Áhorfendum fækkaði annað árið í röð

Áhorfendum á leiki í Pepsi-deild karla fækkaði á nýliðnu keppnistímabili en alls mættu 135.783 áhorfendur á leikina eða 1.029 áhorfendur að meðaltali á leik. 1.106 manns komu að meðaltali á völlinn 2008 og metárið 2007 mættu 1329 manns að meðaltali á leikina.

Dóra María valin best í lokaþriðjungnum

Valskonan Dóra María Lárusdóttir var í dag valin besti leikmaður 13. til 18. umferð Pepsi-deildar kvenna en hún er líka ein fimm Valskonum sem voru valdar í úrvalslið þessara umferða. Freyr Alexanderson, þjálfari Vals, var valinn besti þjálfarinn og Magnús Jón Björgvinsson var valinn besti dómarinn.

Uppgjör Pepsídeildarinnar: Ummæli sumarsins (myndband)

Tómas Ingi Tómasson og Magnús Gylfason, spekingar Stöðvar 2 Sport í Pepsídeild karla í fótbolta, fóru yfir sumarið í lokaþætti Pepsímarkanna í gær. Hér má sjá myndband af ummælum sumarins að þeirra mati.

Guðrún Sóley líka á leiðinni í bandarísku deildina

Bandaríska liðið Chicago Red Stars hefur mikinn áhuga á að fá landsliðskonuna Guðrúnu Sóleyju Gunnarsdóttur til liðs við sig fyrir næsta tímabil en þetta kom fyrst fram í Morgunblaðinu í morgun. Þar segir að Chicago hafi öðlast valrétt á Guðrúnu og hafði þar betur í samkeppni við bandarísku meistarana Jersey Sky Blue, sem höfðu líka áhuga á henni.

Frábær samvinna Blika skilaði fallegasta marki ársins

Sérfræðingar Stöðvar 2 Sport í Pepsi-deild karla í knattspyrnu, Tómas Ingi Tómasson og Magnús Gylfason, völdu í gær fallegustu mörk Íslandsmótsins í uppgjörsþætti Pepsi-markanna í gær. Mark ársins á Blikinn Olgeir Sigurgeirsson en hann skoraði það á KR-vellinum í níundu umferðinni.

Þessir voru bestir að mati þjálfara Pepsi-deildarinnar

Þjálfarar liðanna í Pepsi-deild karla voru fengnir til að útnefna besta leikmann tímabilsins í glæsilegum uppgjörsþætti Pepsi-markanna á Stöð 2 Sport í gærkvöldi. Flestir völdu FH-ingana Atli Guðnason (7 atkvæði) og Atli Viðar Björnsson (6 atkvæði) en alls fengu sex leikmenn atkvæði frá þjálfurunum ellefu en Heimir Hallgrímsson, þjálfari ÍBV var ekki með.

Uppgjör Pepsídeildarinnar: Fyndin atvik (myndband)

Tómas Ingi Tómasson og Magnús Gylfason, spekingar Stöðvar 2 Sport í Pepsídeild karla í fótbolta, fóru yfir sumarið í lokaþætti Pepsímarkanna í gær. Hér má sjá myndband af fyndnustu atvikum sumarins að þeirra mati.

Sérfræðingarnir völdu Atla Guðnason bestan í sumar

Sérfræðingar Stöðvar 2 Sport í Pepsi-deild karla í knattspyrnu, Tómas Ingi Tómasson og Magnús Gylfason, völdu Atla Guðnason, leikmann Íslandsmeistara FH, besta leikmann tímabilsins uppgjörsþætti Pepsi-markanna í gær. Heimir Guðjónsson, þjálfari FH, var valinn besti þjálfarinn og Alfreð Finnbogason úr Breiðabliki var valinn besti ungi leikmaðurinn.

Kristján hættur hjá Keflavík - Willum Þór tekinn við

Kristján Guðmundsson er hættur sem þjálfari Keflavíkur en hann hefur stýrt liðinu í fimm ár. Willum Þór Þórsson var í kvöld ráðinn sem nýr þjálfari liðsins en hann skrifar undir tveggja ára samning.

Tólf fallegustu mörk sumarsins - Myndband

Þeir Magnús Gylfason og Tómas Ingi Tómasson hafa valið tólf fallegustu mörk tímabilsins í Pepsi-deild karla en þeir eru sérfræðingar Stöðvar 2 Sports um deildina.

Gunnar Már semur við FH - ekkert ráðið með Gunnleif

Gunnar Már Guðmundsson hefur náð samningum við Íslandsmeistara FH en hinn 26 ára gamli miðjumaður, sem oft hefur verið kallaður „Herra Fjölnir“, hefur leikið allan sinn feril með Grafarvogsfélaginu.

Óli Stefán ætlar að þjálfa Sindra næsta sumar

Óli Stefán Flóventsson hefur ákveðið að hætta spila með Grindavík í Pepsi-deild karla og tekur í staðinn við D-deildarliði Sindra frá Höfn í Hornafirði. Þetta kemur fyrst fram á fótbolti.net. Hann ætlar einnig að spila með liðinu næsta sumar.

Íris Björk hætt með KR-liðið - á leið í nám

Íris Björk Eysteinsdóttir tilkynnti leikmönnum kvennaliðs KR eftir leikinn við Þór/KA í lokaumferð Pepsi-deildar kvenna í gær að hún myndi ekki halda áfram þjálfun liðsins. Íris er að fara í nám og hefur því ekki tök á að þjálfa liðið áfram. Þetta kom fram á heimasíðu KR-inga.

Kristín Ýr markadrottning

Eftir leiki dagsins í lokaumferð Pepsi-deildar kvenna er ljóst að það er Kristín Ýr Bjarnadóttir, leikmaður Vals, sem hlýtur gullskóinn í deildinni.

Breiðablik tryggði sér Evrópusætið

Síðustu fjórir leikirnir í Pepsi-deild kvenna fóru fram í dag. Breiðablik náði að halda sér í öðru sæti deildarinnar með öruggum 6-0 sigri á GRV á heimavelli í dag.

Páll Einarsson tekur við Þrótti

Páll Einarsson hefur verið ráðinn næsti þjálfari Þróttar en liðið féll úr Pepsi-deild karla nú í haust.

Þetta gerðist í lokaumferð Pepsi-deildar karla

Lokaumferðin í Pepsi-deild karla fór fram í dag og var nóg um að vera þó svo að það hafi verið lítil spenna um sæti í deildinni.

Heimir: Nokkuð sáttur

Heimir Guðjónsson segir að FH-ingar fari sáttir inn í veturinn eftir 1-1 jafntefli gegn Fylki í dag.

Bjarni Jó: Flott fyrri umferð bjargaði okkur

„Mér fannst bæði lið vera að reyna spila boltanum þegar þau spiluðu á móti vindi, við reyndum að halda boltanum niðri, en svona heilt yfir þá vorum við sterkari aðilinn í dag og hefðum átt að vinna þennan leik,”

Jónas Grani hættur

„Ég held að það sé ljóst að þetta var síðasti leikur minn á ferlinum,“ sagði framherji Fjölnis, Jónas Grani Garðarsson.

Ólafur: Hefðum átt að vinna

Ólafur Þórðarson segir að sínir menn í Fylki hefðu átt skilið að vinna leikinn gegn FH í dag en honum lauk með 1-1 jafntefli.

Ólafur Ingi: Skrýtin tilfinning

Ólafur Ingi Stígsson, fyrirliði Fylkis, sagði það skrýtna tilfinningu að hafa lokið sínum síðasta knattspyrnuleik á ferlinum. Hann lagði skóna á hilluna eftir 1-1 jafntefli Fylkis gegn FH í dag.

Gunnar Már: Þetta var kveðjuleikurinn minn

„Leikurinn var litaður af veðrinu það verður að segjast eins og er, fáránlegt við erum með vindinn með okkur allan fyrri hálfleik og eigum ekki skot á markið,“ sagði Gunnar Már sem spilaði sinn síðast leik í treyju Fjölnis í dag.

Helgi Sig: Allra erfiðasta tímabilið á ferlinum

Helgi Sigurðsson og aðrir Valsmenn náðu ekki að vinna sigur í síðustu sjö heimaleikjum sínum á tímabilinu og hann gat ekki leynt vonbrigðum sínum eftir 2-5 tap á Vodafone-vellinum á móti KR í lokaumferð Pepsi-deildar karla í dag.

Kostic: Ég vill halda áfram hjá Grindavík

„Þetta var þýðingarlítill leikur fyrir bæði lið og það var áberandi á spilamennskunni. Veðrið var heldur ekki að hjálpa til en mér fannst við þó vera að gera ágæta hluti í seinni hálfleik og sigur þeirra var alltof stór miðað hvernig leikurinn spilaðist,“ sagði Luka Kostic þjálfari Grindavíkur eftir 3-0 tap gegn Breiðablik í lokaumferð Pepsi-deildarinnar á Kópavogsvelli í kvöld.

Kristján Guðmundsson: Get enn mótíverað liðið

Svo gæti farið að Kristján Guðmundsson þjálfari Keflavíkur hafi verið að stýra liðinu í sínum síðasta leik, þegar Keflavík skellti ÍBV, 6-1, en framtíð hans ræðst í byrjun næstu viku.

Heimir Hallgrímsson: Meira jákvætt en neikvætt í sumar

Heimir Hallgrímsson þjálfari ÍBV var brosmildur og jákvæður í leikslok þrátt fyrir stórt tap í Keflavík enda ÍBV búið að ná markmiðum sínum í sumar fyrir leikinn.

Ólafur: Menn bognuðu í sumar en brotnuðu aldrei

„Ég er mjög ánægður með spilamennskuna við erfiðar aðstæður og fyrstu tvö mörkin okkar voru mjög góð og sérstaklega annað markið sem var tær snilld.

Þorsteinn hættur með Þróttara

Þorsteinn Halldórsson mun ekki stýra liði Þróttar næsta sumar en þetta staðfesti hann við Vísi eftir sigur Þróttara á Fram í dag. Þorsteinn tók við liðinu þegar Gunnar Oddsson lét af störfum í sumar.

Björgólfur: Einn eftirminnilegasti dagurinn á ævinni

Björgólfur Takefusa fór á kostum í 5-2 sigri KR á Val og tryggði sér gullskóinn í Pepsi-deild karla með því að setja boltann fimm sinnum framhjá Kjartani Sturlusyni markverði Vals í leiknum.

Björgólfur fær gullskóinn

Björgólfur Takefusa varð markahæsti leikmaður Pepsi-deildar karla eftir að hann skoraði öll fimm mörk KR í 5-2 sigri á Val í dag.

Umfjöllun: Jafnt í Garðabæ

Stjarnan og Fjölnir skildu jöfn, 1-1, í lokaumferð Pepsi-deildarinnar í dag. Lítið var um marktækifæri í leiknum og erfiðar aðstæður gerðu báðum aðilum lífið leitt.

Umfjöllun: Björgólfur tryggði sér gullskóinn með fimmu á móti Val

KR-ingurinn Björgólfur Takefusa skoraði öll fimm mörk KR-inga í 5-2 sigri KR á Val á Vodafone-vellinum í dag í lokaumferð Pepsi-deildar karla. Björgólfur, sem var þremur mörkum á eftir FH-ingum Atla Viðari Björnssyni fyrir leikinn, tryggði sér með því markakóngstitilinn í Pepsi-deild karla í sumar. Hann skoraði 16 mörk í 19 deildarleikjum í sumar.

Umfjöllun: Jafntefli í veðurofsa

Fylkir og FH skildu í dag jöfn, 1-1, í lokaumferð Pepsi-deildar karla í einkennilegum leik í Árbænum í dag.

Umfjöllun: Þróttur kvaddi með sigri í arfadöprum leik

Þróttur vann Fram í lokaumferð Pepsi deildarinnar í dag. Sam Malson skoraði eina mark leiksins á Laugardalsvelli en hann var tíðindalítill.

Umfjöllun: Keflavík rúllaði yfir ÍBV

Keflavík flengdi Eyjamenn, 6-1, í miklum rokleik í Keflavík þar sem veðrið setti sterkan svip á leikinn.

Umfjöllun: Öruggur sigur hjá Blikum í hávaðaroki

Breiðablik vann 3-0 sigur gegn Grindavík við erfiðar aðstæður í Pepsi-deild karla á Kópavogsvelli í dag en staðan í hálfleik var 2-0.

Feðgar skrifuðu undir samning við Grindavíkurliðið

Feðgarnir Milan Stefán Jankovic og Marko Valdimar Stefánsson skrifuðu í dag undir þriggja ára samning við Grindavík, eða út árið 2012. Þetta kom fram í fréttatilkynningu frá félaginu.