Umfjöllun: Jafnt í Garðabæ

Stjarnan og Fjölnir skildu jöfn, 1-1, í lokaumferð Pepsi-deildarinnar í dag. Lítið var um marktækifæri í leiknum og erfiðar aðstæður gerðu báðum aðilum lífið leitt.

Gunnar Már skoraði mark Fjölnis í kveðjuleik sínum, en jöfnunarmark heimamanna skoraði Jóhann Laxdal sem var af dýrari gerðinni, þrumufleygur af þrjátíu metrum.

Leikurinn einkenndist af miðjuhnoði og kýlingum fram og aftur völlinn. Það var lítið um marktilraunir og til að mynda kom fyrsta skot Fjölnis-manna ekki fyrr en þegar vel var liðið á síðari hálfleik.

Stjarnan var þó heldur kraftmeiri og áttu hættulegar sóknir þegar leið á leikinn.

Það kom á óvart hvað Fjölnir sat aftarlega á vellinum og með Jónas Grana einan upp á topp sem fékk úr engu að moða, skilaði litlu. Þeir höfðu engu að tapa en voru hræddir og þorðu ekki sem er kannski ástæðan fyrir því að þeir spila í 1. deild að ári.

Það var ljóst að heimamenn vildu öll stigin mun meira en Fjölnir og ótrúlegt að þeir skuli ekki koma boltanum inn síðasta stundarfjórðunginn. Stjarnan átti skot í tréverkið í þrígang en inn vildi boltinn ekki og sættust liðin á 1-1 jafntefli.

Stjarnan-Fjölnir 1-1

0-1 Gunnar Már Guðmundsson (56.)

1-1 Jóhann Laxdal (72.)

Áhorfendur: 358

Dómari: Eyjólfur M. Kristinsson 5.

Skot (á mark): 21-4 (11-3)

Varin skot: Bjarni 2 - Þórður 10

Horn: 9-3

Aukaspyrnur fengnar: 13-6

Rangstöður: 2-5

Stjarnan (4-3-3):

Bjarni Þórður Halldórsson 2

Bjarki Páll Eysteinsson 3

(87., Arnar Már Björgvinsson -)

Tryggvi Sveinn Bjarnason 4

Daníel Laxdal 5

Hafsteinn Rúnar Helgason 4

Steinþór Freyr Þorsteinsson 5

Jóhann Laxdal 6 - Maður leiksins

Andri Sigurjónsson 4

(80., Grétar Atli Grétarsson -)

Björn Pálsson 4

Halldór Orri Björnsson 5

Þorvaldur Árnason 4

Fjölnir (4-5-1):

Þórður Ingason 4

Magnús Ingi Einarsson 3

(67., Kolbeinn Kristinsson 3 -)

Gunnar Valur Gunnarsson 3

Eyþór Atli Einarsson 4

Geir Kristinsson 3

Aron Jóhannsson 4

Andri Steinn Birgisson 4

Gunnar Már Guðmundsson 5

Illugi Þór Gunnarsson 3

Ágúst Þór Ágústsson 3

Jónas Grani Garðarsson 3

(45., Kristinn Freyr Sigurðsson 5)

Smelltu hér til að opna Boltavaktina og lesa lýsingu leiksins: Stjarnan - Fjölnir.