Umfjöllun: Keflavík rúllaði yfir ÍBV

Keflavík flengdi Eyjamenn, 6-1, í miklum rokleik í Keflavík þar sem veðrið setti sterkan svip á leikinn.

Eyjamenn léku undan sterkum vindi í fyrri hálfleik en áttu í miklum vandræðum með að nýta sér það og halda boltanum niðri. Fá færi litu dagsins ljós í fyrri hálfeik en engu að síður voru skoruð þrjú mörk og setti vindurinn sterkan svip á þau tvö síðari.

Alen Sutej skoraði fyrsta markið eftir horn en Yngvi Magnús jafnaði metin þegar hann potaði í boltann eftir að vindurinn hafði feykt boltanum til og frá eftir aukaspyrnu Matt Garner og ruglað varnarmenn Keflavíkur í ríminu.

Veðrið versnaði eftir jöfnunarmark ÍBV og mátti ekki við því þar sem mjög kalt var í veðri og vindurinn stífur. Til að bæta gráu ofan á svart gekk á með slydduéli og við þær aðstæður missti Albert fyrirgjöf Magnúsar Sverris til Guðmundar Steinarssonar sem skoraði með síðustu snertingu fyrri hálfleiks, 2-1, fyrir Keflavík í hálfleik.

Keflvíkingar voru mikið betri aðilinn eftir hlé og uppskáru mark eftir 20 mínútna leik. Leikurinn var rólegur í kjölfarið en þegar rúmlega tíu mínútur voru til leiksloka lögðust heimamenn í þunga sókn sem gaf þrjú mörk á fjórum mínútum. Frábær endir á tímabilinu hjá Keflavík en aftur á móti slakur endir fyrir ÍBV sem þó getur verið ánægt með sína stöðu í lok tímabils.

Keflavík-ÍBV 6-1

1-0 Alen Sutej ´20

1-1 Yngvi Magnús Borgþórsson ´31

2-1 Guðmundur Steinarsson ´45

3-1 Guðmundur Steinarsson ´65

4-1 Haraldur Freyr Guðmundsson ´80

5-1 Símun Eiler Samuelsen ´82

6-1 Símun Eiler Samuelsen ´84

Sparisjóðsvöllur. Áhorfendur: 420

Dómari: Kristinn Jakobsson 8

Skot (á mark): 12-9 (10-6)

Varið: Lasse 4 – Albert 5

Aukaspyrnur: 6-11

Horn: 11-6

Rangstöður: 2-5

Keflavík 4-5-1:

Lasse Jörgensen 6

Hólmar Örn Rúnarsson 5

Bjarni Hólm Aðalsteinsson 6

Alen Sutej 7

Sigurður Gunnar Sævarsson 6

*Magnús Sverrir Þorsteinsson 8 Maður leiksins

Haraldur Freyr Guðmundsson 7

(86. Magnús Þórir Matthíasson -)

Símun Eiler Samuelsen 8

Guðmundur Steinarsson 7

Jóhann Birnir Guðmundsson 6

(86. Magnús Þór Magnússon -)

Haukur Ingi Guðnason 5

(77. Jón Gunnar Eysteinsson -)

ÍBV 4-5-1:

Albert Sævarsson 3

(83. Elías Fannar Stefánsson -)

Arnór Eyvar Ólafsson 4

Eiður Aron Sigurbjörnsson 4

Þórarinn Ingi Valdimarsson 6

(74. Augustine Nsumba -)

Matt Garner 5

Bjarni Rúnar Einarsson 6

Yngvi Magnús Borgþórsson 5

Andri Ólafsson 5

Egill Jóhannsson 6

Tonny Mawejje 4

Gauti Þorvarðarson 4

(61. Anton Bjarnason 5)