Brasilíumenn leita að eftirmanni Ronaldo

Brasilíska landsliðið í knattspyrnu var ekki í vandræðum með að skora á æfingaferð sinni um Bandaríkin þar sem liðið skoraði sjö mörk í tveimur leikjum. Það er þó ljóst að eftirmaður Ronaldo er enn ekki fundinn.

Fallegt sjálfsmark

Sænska landsliðið í knattspyrnu fylgdist að sjálfssögðu vel með gangi mála í leik Íslands og Norður-Írlands í gær og kunna frændur okkar Svíar okkur bestu þakkir fyrir sigurinn. "Aftur getum við þakkað Íslendingum fyrir hagstæð úrslit," sagði Christina Wilhelmsson, landsliðsmaður Svía í samtali við fjölmiðla í heimalandinu.

Healy jafnaði met á Laugardalsvelli

Markahrókurinn David Healy hjá norður-írska landsliðinu jafnaði met í gær þegar hann skoraði sitt 12. mark í undankeppni EM úr vítaspyrnu á Laugardalsvellinum. Aðeins einn maður hefur áður náð að skora 12 mörk í undankeppni EM og Healy hefur nú þrjá leiki til að slá metið.

Redknapp: Megum ekki láta Liverpool spila okkur í hel

Harry Redknapp og lærisveinar hans í Portsmouth eiga erfiðan leik fyrir höndum um helgina þegar þeir taka á móti Liverpool í ensku úrvalsdeildinni. Portsmouth náði að leggja Liverpool síðast þegar liðin mættust á Fratton Park og Redknapp vill ólmur endurtaka leikinn.

Schuster: Ballack er alltaf velkominn til Madrid

Bernd Schuster, þjálfari Real Madrid á Spáni, segir að dyr sínar séu alltaf opnar fyrir landa sínum Michael Ballack. Hann segir að Chelsea og Real Madrid hafi átt viðræðu um leikmanninn í sumar, en viðurkennir að launakröfur hans myndu líklega sprengja bankann hjá spænska félaginu.

Norður-Írar flugust á í flugvélinni á leið frá Íslandi

Svo virðist sem tapið gegn Íslendingum í gær hafi farið illa í leikmenn norður-írska landsliðsins, en tveir þeirra flugust hatrammlega á í flugvélinni á leið frá Íslandi í gærkvöld. Félagar þeirra náðu að skakka leikinn en atvikið kom upp áður en flugvélin tók á loft frá Keflavík.

Stefna á fyrsta sigurinn á Arsenal á öldinni

Martin Jol og félagar í Tottenham mæta erkifjendum sínum í Arsenal í ensku úrvalsdeildinni á laugardaginn. Tottenham hefur ekki unnið granna sína síðan árið 1999 og lærisveinar Jol eru staðráðnir í að næla í fyrsta sigurinn á öldinni um helgina þó byrjun þeirra í deildinni hafi verið langt undir væntingum.

Aragones fær að kenna á því

Luis Aragones, landsliðsþjálfari Spánverja, fékk það óþvegið enn eina ferðina frá spænskum fjölmiðlum í dag eftir að hans menn þóttu ekki sérlega sannfærandi í 2-0 sigri á Lettum. Aragones talaði ekki við fjölmiðla eftir leikinn og það gerði ekkert annað en að skvetta olíu á eldinn.

Berbatov ómeiddur eftir samstuð

Búlgarski framherjinn Dimitar Berbatov meiddist lítillega þegar hann lenti í samstuði í leik Búlgara við Lúxemburg í gær. Hann fékk skurð á munninn sem þó ætti ekki að verða til þess að hann missi af grannaslag Tottenham og Arsenal á laugardaginn. Berbatov skoraði tvívegis í leiknum í gær og er kominn í annað sæti yfir markahæstu leikmenn þjóðar sinnar ásamt Hristo Stoichkov með 37 mörk.

Fyrsti sigur Brasilíu á Mexíkó í þrjú ár

Brasilíumenn unnu í nótt langþráðan sigur á Mexíkóum 3-1 þegar þjóðirnar mættust í vináttuleik í Bandaríkjunum. Tvö mörk á síðustu tíu mínútunum tryggðu Brössum sigurinn eftir að liðið hafði lent undir í leiknum.

McLeish: Eitt besta kvöldið á knattspyrnuferlinum

Alex McLeish, þjálfari Skota, segist afar stoltur af frammistöðu sinna manna í París í gærkvöld þegar þeir gerðu sér lítið fyrir og lögðu Frakka 1-0 í undankeppni Evrópumótsins. Skotar eru nú öllum að óvörum í efsta sæti B-riðilsins og eiga góða möguleika á að slá Frökkum og Ítölum við.

Worthington: Við verðum að vera jákvæðir

Nigel Worthington neitar að leggja árar í bát þó hans menn Norður-Írar hafi tapað öðrum leiknum í röð í undankeppni EM í gær þegar liðið lá 2-1 fyrir Íslandi á Laugardalsvellinum. Sjálfsmark Keith Gillespie réði þar úrslitum í blálokin.

McClaren hrósar Michael Owen

Steve McClaren, landsliðsþjálfari Englendinga, segir að hann hafi aldrei efast eitt augnablik um hæfileika framherjans Michael Owen eftir að hann skoraði tvö mörk í sigri Englendinga á Rússum í gær. Owen skoraði því þrjú mörk í landsleikjunum tveimur í vikunni, en McClaren var nokkuð gagnrýndur fyrir að setja hann beint í byrjunarliðið.

Scolari á hálum ís

Luiz Felipe Scolari, þjálfari Portúgal í knattspyrnu, gæti átt fyir höfði sér refsingu eftir að hann lenti í rimmu við einn af leikmönnum Serba á landsleik þjóðanna í gærkvöld. Portúgalar þurftu að gera sér að góðu 1-1 jafntefli. Scolari er sakaður um að hafa kýlt til Ivica Dragutionvic í serbneska liðinu á hliðarlínunni og gæti átt fyir höfði sér leikbann og/eða sekt.

Guðjón Valur með sex mörk í sigri Gummersbach

Átta leikir fóru fram í þýsku úrvalsdeildinni í handbolta í gærkvöld. Guðjón Valur Sigurðsson skoraði 6 mörk og Róbert Gunnarsson 4 þegar lið þeirra Gummersbach lagði Wilhelmshavener 24-22 á útivelli. Gylfi Gylfason skoraði 3 mörk fyrir heimamenn.

Sjö mörk Vignis dugðu skammt

Fyrsta umferðin í dönsku úrvalsdeildinni í handbolta kláraðist í gær. Vignir Svavarsson og félagar í Skjern steinlágu heima fyrir Kolding 33-24 þar sem Vignir var markahæstur í liði heimamanna með 7 mörk.

Þýskaland komst áfram

Keppni í milliriðlum á Evrópumótinu í körfubolta er lokið og ljóst hvaða lið mætast í átta liða úrslitum. Lokaumferðin í milliriðli B fór fram í kvöld en Þjóðverjar náðu að tryggja sér sæti í úrslitakeppnina með því að leggja Ítalíu 67-58.

Tileinkum Ásgeiri sigurinn

Eiður Smári Guðjohnsen sagði að sigur Íslands á Norður-Írlandi í gær hafi verið tileinkaður Ásgeiri Elíassyni sem lést á sunnudaginn síðastliðinn. Landsliðsmennirnir báru sorgarband af því tilefni í leiknum í gær.

G-riðill: Nistelrooy kom Hollandi til bjargar

Ruud van Nistelrooy skoraði sigurmark Hollands gegn Albaníu í blálok leiksins. Allt stefndi í markalaust jafntefli í Albaníu þegar Nistelrooy tryggði gestunum sigurinn. Nokkrum mínútum áður hafði leikmaður Albaníu fengið rauða spjaldið.

Eiður Smári: Sigurinn tileinkaður Ásgeiri

Eiður Smári Guðjohnsen byrjaði á bekknum gegn Norður-Írum en kom inn sem varamaður þegar tæpar tíu mínútur voru liðnar af seinni hálfleik. Hann var í baráttunni í teignum þegar Norður-Írar settu boltann í eigið mark á 89. mínútu leiksins.

D-riðill: Tékkar lögðu Íra

Marek Jankulovski skoraði eina mark Tékklands sem vann Írland 1-0 á heimavelli sínum í kvöld. Markið kom á fimmtándu mínútu leiksins. Eftir úrslit kvöldsins eru Þýskaland og Tékkland í góðri stöðu í D-riðlinum.

C-riðill: Tyrkland vann mikilvægan sigur

Það var boðið upp á stórskemmtilegan fyrri hálfleik í leik Noregs og Grikklands í C-riðlinum. Staðan var 2-2 í hálfleik en það urðu síðan lokatölur leiksins. Tyrkland vann Ungverjaland og jafnaði Noreg að stigum.

F-riðill: Spánverjar jafnir Svíum

Spánn vann 2-0 sigur á Lettlandi á heimavelli sínum í kvöld. Þar með komust Spánverjar upp að hlið Svía á toppi riðils okkar Íslendinga. Spánverjar og Svíar hafa nítján stig en þeir síðarnefndu eiga þó leik inni.

B-riðill: Di Natale hetja Ítalíu

Antonio Di Natale var hetja ítalska landsliðsins sem vann 2-1 sigur á Úkraínu í kvöld. Hann skoraði bæði mörk liðsins en með sigrinum komst Ítalíu upp í annað sæti síns riðils eftir óvæntan sigur Skotlands á Frakklandi.

A-riðill: Aftur fékk Portúgal mark á sig í lokin

Portúgal náði ekki að nýta sér markalaust jafntefli Finna og Pólverja. Liðið hefði getað komist í annað sæti A-riðils með sigri á heimavelli gegn Serbíu. Gestirnir jöfnuðu hinsvegar á 86. mínútu.

E-riðill: Owen með tvö í sigri Englands

Michael Owen skoraði tvö mörk og Rio Ferdinand eitt þegar England vann mikilvægan 3-0 sigur gegn Rússlandi á heimavelli sínum. Englendingar eru í öðru sæti riðilsins, þremur stigum á eftir Króatíu.

Ragnar: Ljótur en sætur sigur

Ragnar Sigurðsson, varnarmaður íslenska landsliðsins, segir að sigurinn hafi kannski ekki verið fallegur en þó mjög sætur. „Ég held að það sé hægt að segja að þetta hafi verið ljótur sigur," sagði Ragnar við Vísi eftir leikinn.

Ármann Smári: Furðuleg tilfinning

Eyjólfur Sverrisson landsliðsþjálfari gerði eina breytingu á byrjunarliði íslenska landsliðsins frá síðasta leik. Hinn stóri og stæðilegi Ármann Smári Björnsson kom inn í sóknina við hlið Gunnars Heiðars Þorvaldssonar.

Ísland vann Norður-Írland

Ísland vann glæsilegan 2-1 sigur gegn Norður-Írlandi. Ármann Smári kom Íslandi yfir en gestirnir jöfnuðu. Sigurmarkið kom síðan á 89. mínútu en það var sjálfsmark gestana.

Ármann Smári inn fyrir Jóhannes

Búið er að tilkynna byrjunarlið íslenska landsliðsins sem mætir Norður-Írlandi nú klukkan 18:05 á Laugardalsvelli. Eyjólfur Sverrisson gerir eina breytingu á byrjunarliðinu, Ármann Smári Björnsson kemur inn fyrir Jóhannes Karl Guðjónsson sem er í leikbanni.

Vopnahlé hjá KSÍ og SÍ

Knattspyrnusamband Íslands og Samtök Íþróttafréttamanna hafa sent frá sér sameiginlega yfirlýsingu vegna aðstöðu íþróttaafréttamanna á Laugardalsvelli. Í yfirlýsingunni harmar KSÍ þá aðstöðu sem fréttamönnum var boðið upp á í landsleiknum gegn Spánverjum um helgina.

Erfitt að segja hvaða íslenska liði við mætum

Norður-Írski landsliðsmaðurinn Keith Gillespie segir sína menn ekki vita hverju þeir eiga von á þegar þeir kljást við Íslendinga í undankeppni EM á regnblautum Laugardalsvellinum í kvöld.

Ronaldo verður klár eftir þrjár vikur

Jose Luis Runco, læknir brasilíska landsliðsins í knattspyrnu, segir að framherjinn Ronaldo hjá AC Milan ætti að vera orðinn leikfær eftir þrjár vikur. Ronaldo er meiddur á læri en ítalskir fjölmiðlar óttuðust að læknirinn notaði ólögleg lyf til að koma leikmanninum á stað á ný. Runco vísar því alfarið á bug.

Micah Richards hefur ekki snert á lóðum

Enski landsliðsmaðurinn Micah Richards hjá Manchester City er engin smásmíði þrátt fyrir að vera aðeins 19 ára gamall. Hann segist aldrei hafa snert lyftingalóð á ævi sinni fyrr en hann byrjaði að æfa með City en er samt með skrokk sem myndi sóma sér á hvaða hnefaleikara sem er.

Svíar hafa trú á íslenska liðinu

Sænskir knattspyrnuáhugamenn virðast hafa ágæta trú á að íslenska landsliðið standi sig vel gegn Norður-Írum á Laugardalsvellinum í kvöld. Í könnun sem Aftonbladet birti á síðu sinni í dag kemur í ljós að rúmlega þrír af hverjum fjórum svarendum hafa trú á að íslenska liðið nái að minnsta kosti jafntefli. Um 2500 manns tóku þátt í könnuninni.

Emil lofar Svíum að stela stigum af Norður-Írum

Landsliðsmaðurinn Emil Hallfreðsson hefur lofað Svíum að hann muni gera allt sem í hans valdi stendur til að íslenska landsliðið steli stigum af Norður-Írum í undankeppni EM í kvöld og hjálpi þar með Svíum í toppbaráttu riðilsins.

Aurelio spilaði með varaliði Liverpool

Varnarmaðurinn Fabio Aurelio hjá Liverpool er nú óðum að ná heilsu eftir að hafa slitið hásin í leik liðsins gegn PSV í Meistaradeildinni á síðustu leiktíð. Aurelio spilaði með varaliði Liverpool í 2-1 sigri þess á Crewe í gær og talið er að hann gæti komið við sögu með aðalliðinu í kring um 20. september.

Fyrirgefðu Fergie

43 ára gamall Englendingur, Kevin Reynolds, hefur viðurkennt að hafa kýlt Sir Alex Ferguson í klofið og að hafa skallað lögregluþjón fyrir utan Euston-lestarstöðina í London á mánudagskvöldið. "Fyrirgefðu Fergie, ég vissi ekki að þetta værir þú," sagði sá drukkni fyrir rétti í Lundúnum í dag.

Bent klár í að mæta erkifjendunum

Framherjinn Darren Bent hjá Tottenham hefur nú náð heilsu á ný eftir að lærmeiðsli kostuðu hann sæti í enska landsliðinu. Bent skoraði sitt fyrsta deildarmark fyrir Tottenham gegn Derby en hefur verið meiddur síðan. Hann vill gjarnan stimpla sig inn á ný í grannaslagnum gegn Arsenal á laugardaginn.

Ricky Martin í uppáhaldi hjá Ronaldo

Cristiano Ronaldo hjá Manchester United viðurkennir að hann sé mikill aðdáandi latneska hjartaknúsarans Ricky Martin. Hann segist einnig vera mikið fyrir að syngja og ætlar að taka lagið með systur sinni á plötu sem hún gefur út bráðlega.

Abramovich greiðir Rússum ekki bónusa

Roman Abramovich, eigandi Chelsea, hefur sent frá sér yfirlýsingu á heimasíðu félagsins þar sem hann neitar fréttaflutningi á Englandi í morgun þar sem því var haldið fram að hann hefði lofað rússnesku landsliðsmönnunum ríkulegum bónusum ef þeir næðu að leggja Englendinga í kvöld.

Veikindi í íslenska landsliðinu

Læknar íslenska landsliðsins í knattspyrnu vinna nú baki brotnu við að koma leikmönnum í stand fyrir leikinn gegn Norður-Írum í kvöld, en magakveisa og hiti hefur gert vart við sig hjá nokkrum leikmönnum í dag. Byrjunarlið Eyjólfs Sverrissonar verður því ekki tilkynnt fyrr en klukkustund fyrir leik, en vonir standa til um að allir lykilmenn nái að spila í kvöld.

Kaka þénar 530 milljónir á ári hjá Milan

Brasilíski miðjumaðurinn Kaka hjá AC Milan er tekjuhæsti leikmaðurinn í A-deildinni á Ítalíu samkvæmt ítarlegri úttekt Gazetta dello Sport. Kaka halar inn 5,9 milljónir evra í árslaun hjá Milan eða um 530 milljónir króna. Francesco Totti hjá Roma kemur næstur með 5,46 milljónir evra og þeir Zlatan Ibrahimovic, Adriano, Gianluigi Buffon og Patrick Vieira þéna allir 5 milljónir evra á ári eða 450 milljónir.

Gillespie: Íslenska liðið hefur náð góðum úrslitum

Kieth Gillespie verður klár í slaginn þegar Norður-Írar sækja okkur Íslendinga heim í undankeppni EM klukkan 18:05 í kvöld. Hann segir íslenska liðið sýnda veiði en ekki gefna, en bendir á að ekkert annað en sigur komi til greina hjá þeim grænu í kvöld.

Tevez og Mascherano viðriðnir skattsvik?

Breska blaðið Daily Mail segir að Argentínumennirnir Carlos Tevez og Javier Mascherano ásamt fleirum gætu átt yfir höfði sér allt að fimm ára fangelsi vegna skattsvika. Lögreglurannsókn hefur verið hrundið af stað á gamla félaginu þeirra Corinthians í Brasilíu þar sem skjólstæðingar Kia Joorabchian eru sérstaklega undir smásjánni.