Fleiri fréttir

Móður knattspyrnumanns rænt

Ein bjartasta von Brasilíumanna í knattspyrnuheiminum, Robinho, varð fyrir áfalli um helgina þegar móður hans var rænt.

Birgir Leifur komst í gegn

Birgir Leifur Hafþórsson komst í gegnum niðurskurðinn fyrir fjórða og síðasta hringinn á öðru stigi úrtökumótanna fyrir evrópsku mótaröðina í golfi þrátt fyrir að hafa ekki náð sér á strik á þriðja hring. Birgir Leifur þurfti að hætta í miðjum klíðum á þriðja hring í gær vegna óveðurs en hann lauk við hann í morgun og lék á 76 höggum.

Haas efstur eftir tvo hringi

Hinn fimmtugi kylfingur Jay Haas er efstur eftir tvo hringi á Meistaramóti kylfinga á Atlanta þar sem 30 tekjuhæstur kylfingarnir á PGA mótaröðinni berjast á lokamóti ársins. Haas er á sjö höggum undir pari.

Villa að bursta Portsmouth

Einn leikur fer þessa stundina fram í ensku úrvalsdeildinni í knattspyrnu. Aston Villa tekur á móti Portsmouth og leiðir með þremur mörkum í hálfleik. Peter Whittingham, Juan Pablo Angel og Perúmaðurinn Nolberto Solano skoruðu mörk Villa sem hefur leikið hreint stórkostlega og má mikið vera ef liði bætir ekki fleiri mörkum við áður en yfir lýkur.

Fyrsti sigur Houston

Houston Rockets unnu sinn fyrsta sigur á tímabilinu í NBA-deildinni í nótt er liðið sigraði Memphis Grizzlies 89-81. Tracy McGrady, stigakóngur deildarinnar undanfarin tvö tímabil sem gekk til liðs við Houston í sumar, skoraði 30 stig og átti níu stoðsendingar. Spánverjinn Pau Gasol var stigahæstur í liði Memphis með 21 stig.

Viggó sá Massenheim og Düsseldorf

Viggó Sigurðsson landsliðsþjálfari fylgdist með leik Wallau Massenheim og Düsseldorf í þýsku úrvalsdeildinni í handbolta í gær þar sem Íslendingar voru bestu menn vallarins. Wallau vann 29-28.

Dramatík fyrir norðan

Þór sigraði granna sína í KA 28-27 í norðurriðli 1. deildar karla í handbolta í gær fyrir framan 700 áhorfendur. Lettneski landsliðsmarkvörðurinn Mareks Skabeikis var hetja Þórs. Auk þess að verja 25 skot varði hann vítakast Halldórs Jóhanns Sigfússonar þegar fjórar sekúndur voru eftir.

Sex leikmenn féllu á lyfjaprófi

Sex knattspyrnumenn sem leika í Seríu A og B á Ítalíu féllu á lyfjaprófi. Brasilíski leikmaðurinn Mozart, fyrirliði Reggína, ásamt fimm leikmönnum í Seríu B voru lyfjaprófaðir í byrjun október. Í sýni þeirra allra greindist Betamethasone.

Öruggur sigur hjá Villa

Aston Villa vann í dag öruggan sigur á Portsmouth í ensku úrvalsdeildinni. Lokatölur urðu 3-0 og skoruðu þeir Peter Whittingham, Juan Pablo Angel og Nolberto Solano mörk Villa. Segja má að Villa hafi klárað leikinn í fyrri háfleik en öll mörk leiksins komu þá. Villa fór með sigrinum í sjöunda sæti með 18 stig en Portsmouth er í því tíunda með 15.

Dýrt að losna við Houllier

Það kostaði Liverpool hvorki meira né minna en 1.400 milljónir króna að losa sig við Gerard Houllier og aðstoðarmenn hans, Phil Thompson, Joe Corrigan og Christian Damiano. Þetta kemur fram í ársuppgjöri félagsins. Liverpool tapaði 2,8 milljörðum á síðustu leiktíð og helminginn af því má rekja til starfslokasamninga hjá fjórmenningunum.

Íslendingar í bikarúrslitum

Grindvíkingurinn Ólafur Örn Bjarnason verður í liði Brann í dag sem mætir Lyn í úrslitaleik norsku bikarkeppninnar. Hjálmar Jónsson verður í leikmannahópi IFK Gautaborgar sem mætir Djurgården í úrslitaleik sænsku bikarkeppninnar. Sölvi Geir Ottesen er meiddur og verður ekki með Djurgården samkvæmt heimasíðu félagsins.

San Antonio vann Lakers

San Antonio Spurs lögðu Los Angelers Lakers 105-96 í NBA-deildinni í nótt. Tim Duncan skoraði 26 stig fyrir Spurs og hirti 16 fráköst. Kobe Bryant skoraði 28 stig fyrir Lakers. Meistarar Detroit Pistons steinlágu fyrir Toronto Raptors 101-89 í Kanada.

Stirð samskipti við Santini

Talið er að stirð samskipti Jacques Santini, fráfarandi knattspyrnustjóra Tottenham,  og yfirmanns knattspyrnumála hjá félaginu, Danans Frank Arnesen, hafi átt þátt í því að Santini ákvað að hætta í gær. Þjálfarinn franski sagði upp störfum sem af persónulegum ástæðum að því er hann gaf út í gærkvöld.

Keflavík og ÍR mætast

Keflavík og ÍR mætast í Hópbílabikarkeppni KKÍ í dag í Reykjanesbæ klukkan 15. Nick Bradford fékk leikheimild með Keflavík í gær og verður með liðinu í dag.

Barcelona - Deportivo á Sýn

Barcelona mætir Deportivo í spænsku úrvaldeildinni í kvöld. Leikurinn verður sýndur beint á Sýn klukkan 20.30.

Arnesen segir ósætti ekki rétt

Daninn Frank Arnesen, yfirmaður knattspyrnumála hjá Tottenham, neitar því að ósætti milli hans og franska knattspyrnustjórans Jacques Santini hafa valdið brottför hins síðarnefnda frá félaginu. Santini sagði sem kunnugt er starfi sínu lausu í gærkvöldi og kvað það vera af persónulegum ástæðum.

Jafnt á Anfield

Markalaust er í hálfleik í viðureign Liverpool og Birmingham á heimavelli þeirra fyrrnefndu, Anfield Road. Heimamenn hafa verið sterkari aðilinn þar sem af er og átti Spánverjinn Luis Garcia meða annars dauðafæri um miðbik hálfleiksins. Eiður Smári er í byrjunarliði Chelsea sem tekur á móti spútnikliði Everton en staðan þar er einnig markalaus.

Mörg lið á eftir Mutu

Gheorghe Popescu, umboðsmaður hins umdeilda framherja Adrian Mutu, segir að umbjóðandi sinn muni skrifa undir samning við stórt "vestur-evrópskt" lið innan tveggja vikna. Mutu féll sem kunnugt er á lyfjaprófi í haust og var settur í sjö mánaða bann af enska knattspyrnusambandinu auk þess að Chelsea sagði upp samningi sínum við hann.

Sinclair ekki meira með

Manchester City varð fyrir áfalli í gær þegar ljóst varð að kantmaðurinn Trevor Sinclair yrði ekki meira með á tímabilinu. Í ljós kom að flísast hefur upp úr beini efst á lærlegg kappans en einnig er um skemmd liðbönd að ræða. Enn minnkar því leikmannahópur City en fyrir stuttu kom í ljós að Sun Jihai verður ekki meira með vegna krossbandaslita.

Loks tapaði Liverpool heima

Birmingham varð í dag fyrsta liðið til þess að vinna Liverpool á heimavelli á þessu tímabili. Gamla brýnið Darren Anderton tryggði gestunum sigurinn á 77. mínútu með því að stýra knettinum í markið eftir skalla Matthew Upsons. Chelsea skaust í toppsætið með 29 stig eftir eins marks sigur á Everton. Arjen Robben skoraði markið á 72. mínútu.

Öruggur sigur Bayern

Bayern Munchen kom atlögu sinn að endurheimt þýska meistaratitilsins aftur á rétta braut með sigri gegn Hannover 96 á heimavelli í dag. Liðin voru jöfn að stigum fyrir leikinn en sigur Bæjara var aldrei í hættu eftir að Claudio Pizzarro hafði komið þeim yfir snemma leiks. Hollendingurinn Roy Maakay og Paulo Guerrero gulltryggðu svo sigurinn.

Heiðar og Brynjar skoruðu

Íslensku landsliðsmennirnir Heiðar Helgusson og Brynjar Björn Gunnarsson björguðu stigi fyrir lið sitt, Watford, er það sótti Derby heim í ensku 1. deildinni í dag. Heiðar kom Watford yfir með skalla á 40. mínútu en Derby menn jöfnuðu og komust yfir með marki Peschisolido á 73. mínútu. Brynjar Björn jafnaði svo leikinn átta mínútum fyrir leikslok.

Nick Bradford byrjar vel

Keflvíkingar unnu ÍR-inga með 19 stiga mun í seinni leik liðanna í átta-liða úrslitum Hópbílabikars karla í dag. Þar með unnu Keflvíkingar samtals með 62 stiga mun og mæta nágrönnum sínum í Njarðvík í undanúrslitum. Nick Bradford skoraði 27 á 23 mínútum í leik sem markar endurkomu hans til Keflvíkur og ljóst er að hann mun styrkja lið þeirra mikið.

Keane sá besti hjá Ferguson

Alex Ferguson, sem hefur verið knattspyrnustjóri Manchester United undanfarin átján ár, segir að Írinn Roy Keane sé besti leikmaðurinn sem hann hefur haft undir sinni stjórn þess átján ár.

Markalaust á Selhurst Park

Hálfleikur er nú í viðureign Crystal Palace og Arsenal á Selhurst Park. Hvorugu liðinu hefur tekist að skora það sem af er og í raun hefur aðeins eitt lið verið líklegt til þess þar sem heimamenn hafa ekki enn átt skot á mark Englandsmeistaranna. Arsenal hefur hins vegar átt átta skot að marki Crystal Palace.

Steinþór í Val

U-21 árs landsliðsmaðurinn Steinþór Gíslason er genginn aftur til liðs við Val eftir tveggja ára veru í Víking.

Tryggvi ekki til Watford

Varnarmaðurinn efnilegi Tryggvi Bjarnason, sem leikið hefur með ÍBV undanfarin tvö ár, var ekki boðinn samningur enska 1. deildarliðinu Watford en hann fór þangað tvívegis á skömmum tíma til reynslu.

Safin í úrslit í París

Rússinn Marat Safin tryggði sér dag sæti í úrslitaviðureign Parísar-meistaramótsins í tennis með því að sigra Guillermo Canas frá Argentínu, 6-2 og 7-6. Safin, sem vann í París 2001 og 2002, getur nú jafnað met goðsagnarinnar Boris Becker, en Becker vann í París þrisvar sinnum. Safin mætir annaðhvort Max Mirnyi eða Radek Stepanek í úrslitum.

Framlag Gunnars mikilvægt

Gunnar Einarsson, fyrirliði körfuboltaliðs Keflavíkur, átti frábæran leik þegar Keflvíkingar hófu þátttöku sína í Evrópukeppninni með 93-74 sigri á franska liðinu Reims í Keflavík á miðvikudaginn var.

Ásgeir meðal markahæstu manna

Ásgeir Örn Hallgrímsson er fimmti markahæsti leikmaður meistaradeildar Evrópu í handbolta eftir fyrstu fjóra leiki riðlakeppninnar en Ásgeir hefur skorað 29 mörk í þessum fjórum leikjum eða 7,3 mörk að meðaltali í leik.

Hauka mæta afslappaðir gegn Kiel

Meistaraflokkslið Hauka í handknattleik karla hefur sýnt góða frammistöðu í Meistaradeild Evrópu og náð ágætis árangri þrátt fyrir að vera með sterkum liðum í riðli. Þá hefur liðið verið á hraðri siglingu í íslensku deildinni, aðeins tapað einum leik af fyrstu sjö, og trónir á toppi Norðurriðilsins.

Chelsea eitt á toppnum

Arsenal náði aðeins jafntefli í leik sínum gegn Crystal Palace í dag. Thierry Henry kom Arsenal yfir með tíunda marki sínu á tímabilinu eftir frábæran undirbúning Freddy Ljungberg á 63. mínútu. Nýliðar Crystal Palace létu þetta ekki slá sig út af laginu og jöfnuðu svo að segja í næstu sókn, með marki frá Finnanum Aki Riihilahti.

Guðjón fær sinn tíma

Grindvíkingar ætla að gefa Guðjóni Þórðarsyni allan þann tíma sem hann þarf til þess að svara, af eða á, hvort hann taki að sér þjálfun liðsins í Landsbankadeildinni. Þetta sagði Jónas Þórhallsson, formaður knattspyrnudeildar Grindavíkur, við íþróttadeildina í morgun.

Forráðamenn Chelsea æfir

Peter Kenyon, stjórnarformaður Chelsea, segir að forráðamenn félagsins séu æfir vegna þess að Rúmeninn Adrian Mutu var aðeins dæmdur í sjö mánaða keppnisbann af enska knattspyrnusambandinu í gær fyrir hafa orðið uppvís að því að neyta kókaíns. Chelsea rak Mutu frá félaginu í kjölfarið.

Ragna og Sara í 29. sæti

Badmintonkonurnar Ragna Ingólfsdóttir og Sara Jónsdóttir eru í 29. sæti á heimslistanum í tvíliðaleik samkvæmt nýjum styrkleikalista Alþjóða badmintonsambandsins, eða í sama sæti og síðast. Ragna er jafnframt í 51. sæti í einliðaleik og hefur unnið sig upp um eitt sæti en Sara er í 65. sæti og hefur fallið um eitt.

Þrír efstir eftir fyrsta hring

Bandaríkjamennirnir Jerry Kelly og Jay Haas ásamt Norður-Íranum Darren Clarke eru efstir og jafnir eftir fyrsta hringinn á Meistaramótinu, lokamóti bandarísku mótaraðarinnar í golfi í Atlanta, þar sem þrjátíu tekjuhæstu kylfingarnir eigast við. Þremenningarnir léku hringinn á 67 höggum eða þremur undir pari.

Zo vill titil

Miðherjinn Alonzo Mourning hjá New Jersey Nets, er heltekinn af því að vinna NBA-titil.

Jordan fær Toyotavél

Jordanliðið í Formúlu 1 kappakstrinum vinnur þessa daganna að samningi við Toyota um að sjá liðinu fyrir vél á næsta tímabili.

Stjörnuleik NHL aflýst

Gary Bettman, framkvæmdastjóri NHL hefur aflýst stjörnuleik deildarinnar sem fara átti fram á næsta ári.

Neikvæðni hjá Arsenal

Leikmenn Arsenal hafa þurft að kljást við neikvæða strauma innan liðsins eftir tapið gegn Manchester United.

Beckham leikfær á næstu helgi

David Beckham, fyrirliði enska landsliðsins og leikmaður Real Madrid, sér fram á að snúa aftur á völlinn á næstu helgi.

Gleðifréttir fyrir NBA-unnendur

Nú styttist í að körfuboltaþyrstir NBA-aðdáendur geti sameinast fyrir framan sjónvarpsskjáinn og horft á beinar útsendingar frá deildinni.

Sjá næstu 50 fréttir

Mest lesið