Guðjón fær sinn tíma

Grindvíkingar ætla að gefa Guðjóni Þórðarsyni allan þann tíma sem hann þarf til þess að svara, af eða á, hvort hann taki að sér þjálfun liðsins í Landsbankadeildinni. Þetta sagði Jónas Þórhallsson, formaður knattspyrnudeildar Grindavíkur, við íþróttadeildina í morgun. Jónas segir að bakhjarlar Grindavíkur séu farnir að ókyrrast allverulega en hann vilji bíða eftir Guðjóni. Að sögn Jónasar eru Grindvíkingar þrátt fyrir það enn að skoða aðra möguleika í stöðunni og staðfesti hann að nafn Sigurðar Jónssonar sé uppi á borði, þótt þeir hafi enn ekki rætt við hann.