Fleiri fréttir

Bretar reka íranska diplómata úr landi

Bresk stjórnvöld ætla að reka alla íranska diplómata í Bretlandi úr landi en í gær réðust mótmælendur á sendiráð Breta í írönsku höfuðborginni Teheran.

Segja meira en 250 börn hafa verið drepin

Sýrlenskir hermenn hafa drepið hundruð barna og framið ýmsa aðra glæpi gegn mannkyni frá því að stjórnvöld hófu harkalegar aðgerðir gegn mótmælendum snemma á árinu.

Ótti við sektir hvetur kjósendur

Ótti almennings í Egyptalandi við sektir, sem herforingjastjórnin hefur hótað að leggja á hvern þann sem ekki tekur þátt í þingkosningunum, kann að eiga sinn þátt í því hve góð kosningaþátttakan hefur verið þessa tvo fyrstu daga.

Áður óþekktar gryfjur fundust við Stonehenge

Tvær áður óþekktar gryfjur sem fundist hafa við Stonehenge í Englandi benda til að staðurinn hafi verið helgistaður sóldýrkenda áður en hin dularfulla steinhvelfing var reist þar.

Harrison Ford leikur Indiana Jones að nýju

Hollywoodstjarnan Harrison Ford er komin á eftirlaunaaldurinn en hefur samt ákveðið að leika Indiana Jones í enn einni myndinni um fornleifafræðinginn óttalausa.

Víðtækasta verkfall á síðari tímum hafið í Bretlandi

Víðtækasta verkfall á síðari tímum í Bretlandi hófst á miðnætti í gærkvöldi. Talið er að hátt í tvær milljónir opinberra starfsmanna í landinu muni taka þátt í því með tilheyrandi truflunum á starfsemi sjúkrahúsa, skóla, flugvalla og skrifstofum hins opinbera.

Allt í bál og brand á Friðartorginu

Allt fór í bál og brand á Friðartorginu í Kaíró í gærkvöldi eftir að tveggja daga þingkosningar í landinu höfðu farið friðsamlega fram.

Leifar Francos verði færðar til

Nefnd á vegum spænskra stjórnvalda hefur lagt til að jarðneskar leifar einræðisherrans Francisco Franco verði fjarlægðar úr grafreit í nágrenni Madríd og afhentar afkomendum hans. BBC segir frá. Franco liggur nú ásamt 34.000 mönnum sem létust í borgarastríðinu, en samkvæmt skýrslu nefndarinnar er það ekki við hæfi því að Franco lést ekki í stríðinu.

Skaðaði ekki þjóðaröryggi

Bradley Manning, sem sakaður er um að hafa komið hundruðum þúsunda trúnaðargagna þarlendra yfirvalda í hendur Wikileaks-manna, segir þrjár skýrslur frá alríkisstjórninni sýna að þjóðaröryggi Bandaríkjanna hafi ekki verið ógnað með skjalalekanum.

Írönsk stjórnvöld harma atvikið

Mótmælendur ruddu sér í gær leið inn í sendiráð Bretlands í Teheran, höfuðborg Írans. Þar brenndu þeir breska fánann, brutu rúður og húsgögn og létu greipar sópa um innanstokksmuni. Ekki er vitað til þess fólk hafi slasast þó að bensínsprengjum og grjóti hafi verið kastað á sendiráðið.

Gbago framseldur til Haag

Alþjóðaglæpadómstóllinn í Haag í Hollandi gaf í gær út handtökuskipun á hendur Laurent Gbago, fyrrverandi forseta Fílabeinsstrandarinnar.

Forfeður hunda tamdir í Asíu

Forfeður allra hunda bjuggu í suðurhluta Kína, sunnan við Jangtse-fljótið, samkvæmt niðurstöðum rannsóknar sænskra vísindamanna á genum hunda. Talið er að hægt sé að rekja ættir allra nútímahunda til úlfa sem menn á þessu svæði tömdu.

Slökkvilið þurfti að bjarga manni úr skorsteini

Slökkviliðið í bænum Lubbock í Texas í Bandaríkjunum þurftu að sinna heldur sérkennilegu útkalli á mánudagskvöldið. Þannig fengu þeir tilkynningu um að einhver væri fastur í skorsteini heimilis í bænum.

Fahrenheit 451 endurútgefin sem rafbók

Rithöfundurinn Ray Bradbury virðist hafa gefist upp í baráttu sinni við rafvæðingu ritverka. Útgáfufyrirtækið Simon & Schuster tilkynnti í dag að vinsælasta skáldsaga Bradbury, Fahrenheit 451, verði endurútgefin sem rafbók.

Hertóku breska sendiráðið í Íran

Íranskir mótmælendur hafa hertekið breska sendiráðið í Teheran, höfuborg landsins. Samkvæmt frétt breska ríkisútvarpsins hafa mótmælendurnir fjarlægt breska fánann, kveikt í honum og dregið þann íranska að húni. Þá hafa mótmælendurnir brotið glugga í sendiráðinu.

Einkadóttir Stalins látin

Einkadóttir einræðisherrans Josefs Stalin er látin, 85 ára að aldri. Svetlana Alliluyeva, sem einnig bar nafnið Lana Peters, lést í Wisconsin þann 22. nóvember síðastliðinn. Bandarísk yfirvöld hafa staðfest lát hennar við fréttaritara BBC í Rússlandi. Peters sneri baki við kommúnismanum eftir að sovéskir kommúnistar drápu manninn sem hún elskaði.

Breivik ósakhæfur

Fjöldamorðinginn Anders Behrin Breivk hefur verið metinn ósakhæfur af norskum réttargeðlæknum. Að öllum líkindum verður hann vistaður á geðdeild.

Friðsamar þingkosningar í Egyptalandi

Mikill áhugi er meðal almennings á þingkosningum sem nú standa yfir í Egyptalandi. Langar biðraðir mynduðust við marga kjörstaði í landinu á fyrsta degi kosninganna í gær.

Yfir 2.300 tilkynningar um eignatjón í Færeyjum

Tryggingarfélögum í Færeyjum hafa borist yfir 2.300 tilkynningar um eignatjón af völdum óveðursins sem gekk yfir eyjarnar í lok síðustu viku. Ekki er búið að meta tjónið í heild en samkvæmt færeyskum fjölmiðlum er talið að það muni hlaupa á milljörðum króna.

Flugferðum til London aflýst vegna verkfalls

Icelandair hefur ákveðið að fella niður síðdegisflugið til London á morgun vegna verkfallsaðgerða starfsmanna bresku flugmálastjórnarinnar á Heathrow flugvelli.

Einhleypum fjölgar stöðugt í Japan

Einhleypu fólki fjölgar stöðugt í Japan og veldur það stjórnvöldum þar í landi miklum áhyggjum enda stefnir í dramtíska fækkun japönsku þjóðarinnar fyrir miðja öldina.

Veitt með öngli fyrr en talið var

Nýfundnir steingervingar benda til þess að mannfólkið hafi veitt djúpsjávarfiska með færi og önglum af bátum löngu fyrir þann tíma sem talið var að slík veiðarfæri hafi verið þróuð.

Óveðrið kostaði fjóra lífið í Noregi

Talsverð röskun var enn á samgöngum á Norðurlöndum, Lettlandi og Eistlandi í gær í kjölfar óveðursins sem gekk yfir á þessum slóðum um helgina. Í Svíþjóð, þar sem tugir þúsunda voru enn án rafmagns, höfðu tré sem rifnuðu upp með rótum eða brotnuðu í óveðrinu fallið á lestarteina og í Noregi var hluti aðaljárnbrautarleiðarinnar til Bergen hulinn þriggja metra djúpri aurskriðu.

Langþráðar kosningar hófust í gær

Biðraðir tóku að myndast fyrir utan kjörstaði í Egyptalandi snemma í gærmorun þegar langþráðar kosningar hófust í landinu. Víðast hvar virtist stemningin vera góð. Fólk var ánægt með að fá að greiða atkvæði í kosningum, sem talist geta nokkurn veginn frjálsar en áratugum saman hefur litlu skipt hvernig atkvæði féllu.

Frægasti hafur Svíþjóðar

Gävle-hafurinn hefur verið settur upp í bænum Gävle í Svíþjóð, eins og venja er í upphafi aðventu. Hafur hefur verið reistur á aðaltorgi bæjarins ár hvert síðan 1966. Oftar en ekki hefur verið kveikt í hafrinum áður en jólin ganga í garð. Bæði hafurinn og það að kveikja í honum eru hefðir í bænum. Brenni hann fyrir Lúsíuhátíðina 13. desember er nýr settur í staðinn.

Ein elsta kirkja Bandaríkjanna fundin

Fornleifafræðingar telja sig hafa fundið eina elstu kirkju Bandaríkjanna. Þekktur bandarískur fræðimaður segir Pocahontas og John Rolfe hafa gengið í það heilaga í kirkjunni.

Þraukaði ekki eina kvikmynd með dótturinni - "Mamma er full"

Foreldrahlutverkið reynist sumum erfitt. Móðir í San Francisco í Bandaríkjunum virðist hafa fengið nóg af barnamyndunum þegar dóttir hennar vildi sjá nýju Strumpa-myndina í bíó. Hún drakk heila vodkaflösku á meðan myndinni stóð.

Aldraðar ruðningshetjur takast á - myndband

Það eru 48 ár síðan varnarmaðurinn Angelo Mosca braut illa á leikstjórnandanum Joe Kapp. En óvildin er enn staðar eins og gestir á kvöldverði þeim til heiðurs komust að.

Sökuð um krúttlegt rán

Ung kona í Arizona í Bandaríkjunum reyndi að framkvæma eitt allra sætasta búðarrán sem vitað er um.

Æröferjan laus af strandstað

Æröferjan komst á flot aftur fyrir stundu. Öflugum dráttarbát tókst að losa ferjuna af sandrifi sem hún strandaði á fyrir utan Svendborg síðdegis í gær.

Kaupmannahafnarbúar sluppu með skrekkinn

Kaupmannahafnarbúar sluppu með skrekkinn í morgun þegar von var á að vatn myndi flæða inn í hús í Kristjánshöfn, Nýhöfn og Íslandsbryggju.

Gífurlegur áhugi á gömlum Tinna munum

Gífurlegur áhugi var meðal safnara á gömlum teikningum, teiknimyndabókum og munum tengdum Tinna sögunum á uppboði sem haldið var í París um helgina.

Refsiaðgerðir gegn Sýrlandi

Arababandalagið samþykkti í gær refsiaðgerðir gegn Sýrlandi, í von um að það dugi til að fá sýrlensk stjórnvöld til að láta af aðgerðum gegn mótmælendum, sem kostað hafa fjölda fólks lífið.

Sjá næstu 50 fréttir

Mest lesið