Fleiri fréttir

Egyptar opna landmærin við Gaza

Egyptar hafa opnað landamæri sín við Rafah á milli Egyptalands og Gaza. Landamærin verða opin í þrjá daga en það gerir einhverjum Palestínumönnum kleift að yfirgefa hið innilokaða svæði.

Öryggisherbergi innréttuð í Danmörku

Ofbeldisverk eru tíð í innbrotum í Danmörku þar sem innbrotsþjófar víla ekki fyrir sér að brjótast inn að næturþeli þegar íbúarnir eru heima.

Krufning á Jackson skilaði engu

Engar vísbendingar fundust um dánarorsök þegar Michael Jackson var krufinn í gær. Dánardómstjóri segir að frekari rannsóknir hafi verið fyrirskipaðar, meðal annars til þess að komast að því hvaða lyf poppstjarnan hafi tekið fyrir dauða sinn.

Fulltrúadeildin samþykkti loftslagsfrumvarpið

Fulltrúadeild Bandaríkjaþings samþykkti í gær með naumum meirihluta loftslagsfrumvarp sem ætlað er að draga úr loftmengun. Samþykki öldungadeildin einnig frumvarpið þurfa fyrirtæki í orkufrekum iðnaði að draga úr útblæstri gróðurhúslofttegunda um 17% fyrir árið 2020.

Vill gjaldeyrishöft á ný

Robert Mugabe, forseti Simbabve, sagði í gær að það kæmi til greina að gera Simbabve-dalinn aftur að eina gjaldmiðli þjóðarinnar.

Neyðarlínusímtal Jacksons - upptaka

Slökkviliðið í Los Angeles sendi frá sér upptökuna af neyðarlínu símtali sem hringt var úr húsi Michael Jackson þegar hann missti meðvitund.

Lögreglan leitar læknis Michael Jackson's

Lögreglan í Los Angeles leitar nú að týndum lækni Michael Jackson's þar sem hún telur að hann geti gefið mikilvægar upplýsingar varðandi andlát söngvarans.

Sært bjarndýr gengur laust í Noregi

Norska lögreglan hefur varað vegfarendur við særðu bjarndýri sem leynist í skóglendi í grennd við Þrándheim. Bjarndýrið varð fyrir bíl seint í gærkvöldi. Bíllinn stórskemmdist en bílstjórinn slapp ómeiddur. Björninn lá góða stund vankaður við vegbrúnina en hvarf svo til skógar.

Zimbabve taki upp eigin gjaldmiðil á ný

Robert Mugabe forseti Zimbabve segir að landið kunni að taka aftur upp eigin gjaldmiðil þar sem fólk í sveitum landsins hafi ekki aðgang að bandaríkjadollurum. Í janúar síðastliðnum afléttu stjórnvöld í Zimbabwe banni við notkun á erlendum gjaldmiðlum.

Styttist í að rafhlöður flugritanna tæmist

Tíminn til að finna flugrita farþegaþotu Air France sem fórst fyrir tæpum mánuði fer nú að verða naumur. Áætlað er að flak þotunnar liggi á 4.500 metra dýpi innan um neðansjávarfjöll svo örðugt er að komast að því.

Bræður í haldi lögreglu í Horsens

Tveir bræður eru í haldi lögreglu í Horsens í Danmörku eftir að hafa ráðist á þrjá menn í gær og meðal annars lamið þá með hafnaboltakylfu.

Hundur át sprengiefni í Afganistan

Betur fór en á horfðist þegar sprengjuleitarhundur á vegum breska hersins í Afganistan át sprengiefni sem hann fann við vegkant í nágrenni Camp Bastion-búðanna í Helmand-héraðinu í síðustu viku.

Sjötíu prófessorar handteknir

Sjötíu háskólaprófessorar hafa verið handteknir í Teheran, höfuðborg Írans, fyrir að hafa hitt og stutt við bakið á stjórnar­andstöðu­leiðtoganum Mir-Hossein Mousavi. Þetta kom fram á heimasíðu Mousavis í gær. Á sama tíma lofaði hann að halda áfram baráttu sinni, þrátt fyrir tilraunir til að einangra hann.

Palestína fær aukna stjórn á Vesturbakka

Ísraelskar hersveitir munu minnka viðveru sína og fækka hermönnum í borgunum Kalkíla, Ramallah, Betlehem og Jeríkó á Vesturbakkanum. Palestínskar öryggissveitir munu taka við stjórninni. Greint var frá þessu í gær.

Fundu elstu hljóðfæri heims

Vísindamenn í Þýskalandi segjast hafa fundið elstu hljóðfæri heims. Hljóðfærin eru þrjár flautur sem eru 35 þúsund ára gamlar.

Farrah Fawcett látin

Leikkonan Farrah Fawcett lést í Los Angeles í gær 62 ára að aldri eftir erfiða baráttu við krabbamein frá árinu 2006. Hún sló í gegn á áttunda áratugnum í þáttunum Charlie‘s Angels.

Minnst tíu látist í flóðum í Tékklandi

Minnst tíu hafa farist í miklum flóðum í Tékklandi. Þar hefur verið úrhellisrigning síðustu daga. Jan Fischer, forsætisráðherra landsins, segir að fimm hafi drukknað og fimm látist af völdum hjartáfalls eða meiðsla vegna þess að björgunarmenn hafi ekki náð til fólksins í tæka tíð. Mörg hundruð íbúar á flóða svæðunum hafa verið fluttir burt frá heimilinum sínum og þúsund hermenn sendir til að aðstoða við fólksflutninga.

Þingmenn sniðgengu sigurveislu forseta Írans

Ríflega helmingur þingheims í Íran sniðgekk sigurveislu Mahmouds Ahmadinejads, endurkjörins forseta Írans, sem haldin var í gærkvöldi. Þetta mun til marks um djúpstæðan klofning á æðstu stöðum í Íran vegna forsetakosninganna fyrir hálfum mánuði.

Ætla með kosningaúrslitin fyrir dómstóla

Leiðtogar stjórnarandstöðunnar í Íran segjast munu leita réttar síns fyrir dómstólum vegna úrslita forsetakosninganna sem þeir fullyrða að hafi verið svindl.

Brutust inn í banka á gröfu

Þrír innbrotsþjófar notuðu stóra gröfu til að brjóta sér leið inn í banka á Norður-Jótlandi í nótt.

Api meig á forseta Zambíu

Api meig á Rupiah Banda, forseta Zambíu, á blaðamannafundi utan við skrifstofu forsetans í gær. Apinn var staddur í tré fyrir ofan forsetann og lét vaða yfir jakkann hans.

BBC dregur úr kynlífi og blótsyrðum

Breska ríkisútvarpið BBC hyggst beygja sig fyrir vilja meirihluta sjónvarpsáhorfenda og draga verulega úr sjónvarpsefni sem inniheldur ljótan munnsöfnuð eða er kynferðislegt eftir klukkan níu á kvöldin.

Átök milli mótmælenda og lögreglu

Lögregla og sérsveitir börðu niður mótmæli í Teheran í Íran í gær. Hundruð mótmælenda höfðu komið saman þrátt fyrir bann og hótanir íranskra yfirvalda.

Harmar að hafa aukið á hneyksli

Kaupsýslumaður sem réði ungar konur til að fara í veislur heima hjá Silvio Berlusconi, forsætisráðherra Ítalíu, hefur beðist afsökunar á því að leggja til efni í nýtt hneykslismál.

Fundu brunn og beinagrind

Fornleifafræðingar hafa fundið vatnsbrunn á Kýpur sem þeir telja að sé á bilinu níu þúsund til tíu þúsund ára gamall. Við botn brunnsins var beinagrind af ungri konu, sem talið er að sé frá svipuðum tíma.

Koma af stað nýju Kóreustríði

Yfirvöld í Norður-Kóreu hafa sakað stjórnvöld í Bandaríkjunum um að reyna að koma af stað nýju Kóreustríði. Norður-Kórumenn undirbjuggu í gær heræfingar á austurströnd landsins.

Kínverjar lokuðu á Google

Kínversk yfirvöld eru búnir að loka alfarið á Google-leitarvélina. Kínverska ríkisstjórnin hefur átt í deilum við forsvarsmenn Google-leitarrisans en Kínverjar saka þá um að sýna klámfengið efnið þegar leitað er á síðunni auk annarra upplýsinga.

Syndugur fylkisstjóri hvattur til þess að segja af sér

Fylkisstjóri Suður-Karólínu í Bandaríkjunum, Mark Sanford, viðurkenndi á blaðamannafundi vestra í dag að hann hefði haldið framhjá eiginkonu sinni. Viðhaldið hans er brasilísk kona sem hann hefur þekkt í allnokkur ár. Sjálfur segir hann ástarsambandið hafa byrjað fyrir stuttu síðan.

Banna blót á BBC

Samkvæmt könnun sem ríkissjónvarp Bretlands, BBC, lét gera, kom í ljós að mikill meirihluti áhorfenda og hlustenda BBC eru hneykslaðir á blóti í sjónvarpi sem og útvarpi.

Fyrrum ráðherra í Ísrael dæmdur 5 ára í fangelsi

Fyrrverandi fjármálaráðherra Ísraels var í morgun dæmdur í fimm ára fangelsi fyrir fjársvik og þjófnað. Avraham Hirchson var náinn pólitískur samstarfsmaður Ehuds Olmerts fyrrverandi forsætisráðherra og var ráðherra samgöngumála og síðan fjármála í ríkisstjórn hans.

Íranir segja CIA fjármagna mótmælin

Íranska innanríkisráðuneytið segir að bandaríska leyniþjónustan, CIA, fjármagni mótmæli síðustu daga gegn úrslitum forsetakosninganna í landinu fyrir tæpum hálfum mánuði. Það hafi Bretar og Ísraelar einnig gert.

Rækta kýr sem ropa minna

Kanadískir vísindamenn vinna nú að því að rækta nýtt kúakyn sem ropar minna en þær hefðbundnu kýr sem nú tíðkast.

Sjá næstu 50 fréttir

Mest lesið