Tveir breskir hermenn dóu í Afganistan

Tveir breskir hermenn létust í sprengjutilræði í Afganistan í gær og náði tala látinna breskra hermanna þar með 152 frá upphafi aðgerða vesturveldanna í Afganistan árið 2001. Hermennirnir voru á vakt í Musa Quala-héraðinu í norðurhluta landsins þegar ráðist var á þá fyrirvaralaust.

Tíbetar viðurkenni framfarir

Panchen Lama, næstæðsti andlegi leiðtogi Tíbeta sem var útvalinn af hinum kínversku yfirdrottnurum, hvatti í gær landa sína til að vera þakkláta fyrir þær efnahagslegu framfarir sem Tíbet hefur orðið aðnjótandi undir kínverskum yfirráðum.

Sharif fylkir liði til Islamabad

Þrátt fyrir að vera gert að sæta stofufangelsi fór Nawaz Sharif, leiðtogi stjórnar­andstöðunnar í Pakistan, í gær fyrir fjöldagöngu stjórnarandstæðinga að höfuðborginni Islamabad. „Þetta er forleikurinn að byltingu,“ tjáði Sharif sjónvarpsstöð úr farsíma sínum.

Merkel boðar hertari skotvopnalög

Angela Merkel, kanslari Þýskalands, vill að stjórnvöld hafi strangara eftirlit með vopnaeign landsmanna eftir harmleikinn í bænum Winnenden, en þegar 17 ára drengur banaði fimmtán manns auk sjálfs sín í skotæði í skólanum sem hann gekk áður í. Drengurinn notaði byssu föður síns sem hann hafði fundið í svefnherbergi hans.

Vilja að forsetinn segi af sér

Yfir hálft þriðja þúsund manna gengu um götur Tiblisi, höfuðborg Georgíu, í gær og kröfðust afsagnar Mikhail Saakashvili, forseta landsins.

43 ára gömul gjá brúuð

Nicolas Sarkozy Frakklandsforseti segir að tími sé kominn til að Frakkar gangi aftur til liðs við herstjórnarkerfi Atlantshafsbandalagsins eftir að hafa staðið utan við það í 43 ár.

Fáklæddir hjólareiðamenn

Hundruð mismunandi lítið klæddra hjólreiðamanna hjóluðu um Lima höfuðborg Perús í gær til þess að vekja athygli á reiðhjólinu sem umhverfisvænum og hljóðlátum farkosti. Gríðarleg bílaumferð er í Lima með tilheyrandi útblæstri og umferðarhnútum.

Bretaprins er vinur frumskógarins

Karl Bretaprins er í fjögurra daga heimsókn í Brasilíu ásamt eiginkonu sinnu Camillu hertogaynju af Cornwall. Prinsinn er mikill umhverfisverndarsinni og hefur verið óþreytandi baráttumaður fyrir verndun regnskóganna. Af því tilefni var hann útnefndur vinur frumskógarins í heimsókninni.

Ólga á N-Írlandi

Þjóðernissinnaðir Írar fleygðu bensínsprengjum og grjóti í lögregluna í gær eftir að þrír menn úr klofningshópi frá Írska lýðveldishernum voru handteknir fyrir morðin á tveim breskum hermönnum.

Hákarlar í sundkeppni

Tveir hákarlar blönduðu sér í stóra sundkeppni sem haldin var undan strönd Sydney í Ástralíu í dag. Hákarlarnir höfðu sjöhundruð sundmenn til að velja úr og svo virðist sem þeir hafi ekki getað ákveðið sig.

Breska stjórnin ber ábyrgð fjármálakreppunni

Alistair Darling, fjármálaráðherra Bretlands, sagði í dag að ríkisstjórnin yrði að taka sinn hluta af ábyrgð á fjármálakreppunni sem nú ríkir í landinu. Hann lagði þó áherslu á að engin eftirlitsstofnun í heiminum hefði séð kreppuna fyrir nógu snemma til þess að aðhafast eitthvað.

Páfagarður gagnrýnir bannfæringu á 9 ára stúlku

Páfagarður hefur nú blandað sér í mál brasilisku móðurinnar sem var bannfærð fyrir að hjálpa níu ára gamalli dóttur sinni að komast í fóstureyðingu. Læknarnir sem framkvæmdu fóstureyðinguna voru einnig bannfærðir. Telpan gekk með tvíbura eftir að stjúpfaðir hennar nauðgaði henni. Biskuparáð Brasilíu hefur nú afturkallað bannfæringuna.

Páfi vill styrkja kaþólsku kirkjuna í Afríku

Benedikt sextándi páfi segir að með fyrirhugaðri ferð sinni til Afríku vilji hann hvetja til friðar og vonar. Hann vill jafnframt styrkja innviði kaþólsku kirkjunnnar í heimshlutanum.

Réttarhöld hefjast yfir Josef Fritzl

Þegar Elísabet Fritsel var átján ára gömul bað Jósef faðir hennar hana um að hjálpa sér að bera eitthvað dót ofan í kjallara. Þaðan átti Elísabet ekki afturkvæmt í tuttugu og fjögur ár.

Argandi módel

Sex konur slösuðust í upphlaupi sem varð í New York í gær þegar þúsundir kvenna söfnuðust saman í von um að verða valdar til þáttöku í næstu sjónvarpsþáttaröð American Next Top Model. Það er fyrrverandi ofurfyrirsætan Tyra Banks sem stjórnar þáttunum.

Dýrasta reiðhjól í heimi er danskt

Danmörk er flöt eins og pönnukaka og Danir ferðast mikið á reiðhjólum. Það er því við hæfi að það skuli vera danskur hönnuður sem hefur smíðað dýrasta reiðhjól í heimi. Hjólið er húðað með 24 karata gulli og alsett kristöllum frá Swarovski.

Niðurtalning til stríðs í Asíu

Japanar segjast reiðubúnir að skjóta niður langdræga eldflaug sem Norður-Kórea segist ætla að skjóta út á Kyrrahafið.

60 kílómetra löng olíubrák í Ástralíu

Talið er að rúmlega 300 tonn af olíu hafi farið í sjóinn skammt undan strönd Queenslandfylkis í norðaustur Ástralíu þegar gat kom á olíutank flutningaskips á miðvikudaginn. Strandlengjan í Queensland er þakin olíubrák á 60 kílómetra löngu svæði og hafa yfirvöld lýst yfir neyðarástandi.

Samsæri arabaleiðtoga og Vesturlanda

Osama bin Laden, leiðtogi Al Kaída hryðjuverkasamtakanna, sakar forystmenn hófsamara araba um samsæri og segir þá vinna með Vesturlöndum gegn hagsmunum annarra araba. Hljóðupptaka sem sögð er með bin Laden var birt á Al Jazeera sjónvarpsstöðinni í dag. Hún er talin hafa verið gerð í þessum mánuði.

Samkomulag á milli Fatah og Hamas ekki í augsýn

Stríðandi fylkingum palestínumanna hefur ekki tekist að finna grundvöll fyrir sáttum. Fulltrúar Fatah og Hamas samtakanna hafa undanfarna daga setið sáttafundi í Kairó með egypskum milligöngumönnum. Ætlunin er að reyna að sætta sjónarmið þannig að hægt verði að stofna sjálfstætt ríki palestínumanna á Vesturbakkanum og Gaza ströndinni.

Bannfæringu aflýst af 9 ára stúlku

Biskuparáð kaþólsku kirkjunnar í Brasilíu hefur aflýst bannfæringu á móður sem hjálpaði níu ára gamalli dóttur sinni að komast í fóstureyðingu. Telpan varð ófrísk að tvíburum eftir að stjúpfaðir hennar nauðgaði henni.

Kínverjar herða tökin í Tíbet

Kínverjar hafa enn hert tökin á Tíbet og þar er nánast allt lokað og læst til þess að koma í veg fyrir hverskonar mótmæli. Ár er nú liðið síðan mikil mótmælaalda gekk yfir í Tíbet. Það leiddi til margra vikna óeirða og mótmæla víða um heim gegn framgangi Kínverja.

Clinton ræðir fíkniefnavandann við stjórnvöld í Mexíkó

Hillary Clinton, utanríkisráðherra Bandaríkjanna, hyggst fara til Mexiko í þessum mánuði til þess að styðja baráttuna gegn eiturlyfjahringjum,

Óttast mikið manntjón í aurskriðu í Noregi

Óttast er að fjölmargir hafi farist í aurskriðu í Namsos í Noregi í dag. Skriðan var mörghundruð metra breið og hreif að minnsta kosti með sér sex hús. Auk þess hafði fólk verið úti á göngu þegar skriðan féll.

Ráðherra rokkar feitt á styrktartónleikum

Umhverfisráðherra Ástralíu átti óvænta endurkomu upp á svið þegar hann sameinaðist sinni gömlu hljómsveit á styrktartónleikum fyrir fórnarlömb skógareldanna.

Þrettán ára launmorðingi Mexíkómafíu

Rosalio Reta situr við borð í litlu yfirheyrsluherbergi lögreglunnar í Laredo í Texas. Hann er að svara spurningum rannsóknarlögreglumanns um það hvernig morðferill hans hafi byrjað.

Dönsk lögregla kannar bíla skráða erlendis

Lögregla og skattayfirvöld í Danmörku standa nú í heilmikilli aðgerð gegn bíleigendum sem skrá bíla sína erlendis en nota þá heima í Danmörku eins og þeir væru aðeins ferðamenn þar, sem flutt hefðu bíl með sér til landsins tímabundið.

Óskar Madoff langra daga í grjótinu

Stórsvikarinn Bernard Madoff lýsti sig sekan fyrir rétti í gær um að hafa haft milljarða dollara af fjárfestum sem hann blekkti.

Vilja skattleggja súkkulaði eins og áfengi

Súkkulaði ætti að skattleggja á sama hátt og áfengi og reyna þar með að draga úr sívaxandi offituvandamálum í Bretlandi. Tillaga um að þetta yrði lagt fyrir ríkisstjórnina var borin fram á læknaþingi í Bretlandi en naumlega felld svo munaði tveimut atkvæðum.

Þrettán Serbar dæmdir sekir

Þrettán Serbar voru í gær dæmdir af serbneskum stríðsglæpadómstól til allt að 20 ára fangavistar fyrir stríðsglæpi vegna þátttöku sinnar í fjöldamorðum á 200 Króötum árið 1991.

Spjallaði um áformin á netinu

Þýsk lögregluyfirvöld birtu í gær afrit af netspjalli milli hins sautján ára Tims Kretschmer og spjallfélaga hans, sem fór fram sex klukkustundum áður en sá fyrrnefndi lét til skarar skríða.

Ætlar að skjóta upp gervihnetti

Norður-Kóreustjórn hefur tilkynnt Sameinuðu þjóðunum að snemma í næsta mánuði verði skotið þar á loft gervihnetti.

Þrettán Serbar dæmdir fyrir fjöldamorð í Króatíu

Serbneskur stríðsglæpadómstóll dæmdi í dag 13 Serba í allt að 20 fangelsi fyrir aðild að fjöldamorðum fyrir 18 árum. Mennirnir tóku þátt í fjöldamorðum á rúmlega 200 Króötum sem voru stríðfangar og voru teknir af lífi án dóms og laga.

Sextán enn saknað eftir þyrluslys við Nýfundnaland

Þyrla hrapaði í hafið suðaustan af strönd Nýfundnalands í dag og er 16 enn saknað. Karlmaður sem fannst skömmu eftir slysið var fluttur á sjúkrahús og þá fannst eitt lík fyrr í kvöld.

Morðinginn greindi frá áformum sínum á netinu

Þýskur unglingsstrákur sem myrti fimmtán manns í bæ í Þýskalandi í gær varaði við árásinni á spjallrás á netinu kvöldið áður en hann lét til skarar skríða. Honum þótti sem hann væri misskilinn og afskiptur.

„Gervi“-tungl Norður-Kóreumanna senn í loftið

Opinber fréttastofa Norður-Kóreu segir ríkið nú hafa greint Alþjóðasiglingamálastofnuninni frá þeirri áætlun sinni að skjóta upp gervitungli og koma því á sporbaug.

Pennafærir flugmenn óskast

Flugfélagið Air-Asia leitar nú að flugmönnum, sem ekki er í frásögur færandi nema hvað þeir þurfa ekki að kunna að fljúga.

Bill Gates nær toppsæti Forbes á ný

Bill Gates, stofnandi Microsoft, hefur endurheimt toppsætið á listanum yfir auðugustu menn heimsins samkvæmt Forbes Magazine. Hann velti þar með fjárfestinum Warren Buffett úr sessi en margt hefur breyst á lista Forbes eftir að efnahagshrun heimsins þurrkaði út tvö þúsund milljarða dollara af bankareikningum auðmanna heimsins.

Orrustuþota nánast straukst við fis

Það virðist nánast kraftaverk að ekki varð stórslys þegar Tornado-orrustuþota Konunglega breska flughersins þaut fram hjá svokölluðu fisi, eins konar vélknúnum svifdreka, í aðeins tíu metra fjarlægð.

Fasteignaverð í Bretlandi gæti fallið um 55 prósent

Fasteignaverð í Bretlandi gæti fallið um 55 prósent í viðbót við það sem þegar hefur gerst. Þetta kemur fram í nýrri skýrslu fjárfestingarbanka þar í landi.

Kretschmer myrti einkum kvenmenn

Kvenkyns nemendur og kennarar skólans í Winnenden í Þýskaland virðast einkum hafa verið skotmörk hins 17 ára gamla Tim Kretschmer sem gekk berserksgang í gær og myrti 15 manns.

Mótmæla ofbeldi öfgahópa

Nokkur þúsund manns, jafnt kaþólskir sem mótmælendur, komu saman í Belfast á Norður-Írlandi í gær til að mótmæla ofbeldi öfgahópa, sem vilja kveikja á ný í glæðum átaka um aðskilnað frá Bretlandi.

Biden segir ástandið versna

Joe Biden, varaforseti Bandaríkjanna, segir ástandið í Afganistan fara versnandi. Sama gildi um nágrannaríkið Pakistan. Hann hvetur aðildarríki Atlantshafsbandalagsins til að taka höndum saman gegn Al Kaída og öðrum öfgahópum í þessum heimshluta.

Vélmenni komi í stað kennara í barnaskólum

Japanskir vísindamenn hafa búið til vélmenni sem hjálpað getur til við kennslu í barnaskólum. Vélmennið Saya getur sýnt undrun, hræðslu, fyrirlitningu, reiði, gleði og sorg. Enn sem komið er getur hún þó einungis sagt nöfn nemenda og gefið einföld fyrirmæli.

Segja fíkniefnabaráttu vonlitla

Fíkniefna- og glæpavarnaskrifstofa Sameinuðu þjóðanna segir að baráttan gegn fíkniefnum á heimsvísu sé að tapast. Í nýrri skýrslu frá skrifstofunni segir að allt sé vaðandi í fíkniefnum, allt of margir séu háðir þeim og of mikið af glæpum og ofbeldi tengist fíkniefnaviðskiptum.