Takmarkanir á fjárfestingum útlendinga verða vandamál

Þótt kafli um sjávarútveg hafi ekki verið opnaður í aðildarviðræðum Íslands við ESB hafa vísbendingar borist frá nokkrum aðildarríkjum að þau séu mótfallin takmörkunum á fjárfestingu útlendinga í sjávarútvegi hér á landi, en samkvæmt undanþágu sem Ísland hefur frá EES-samningnum geta útlendingar aldrei eignast ráðandi hlut í sjávarútvegsfyrirtækjum á Íslandi því þeir mega ekki eiga meira en 49 prósent.

Próflaus þurfti að "skreppa"

Lögreglan á Suðurnesjum stöðvaði í vikunni akstur karlmanns á sjötugsaldri. Við nánari skoðun kom í ljós að hann ók réttindalaus því hann hafði verið sviptur ökuréttindum. Maðurinn viðurkenndi brot sitt og kvaðst hafa verið að skreppa. Þá stöðvaði lögregla för tveggja ökumanna sem ekki voru í bílbelti við aksturinn. Þeir þurfa að greiða fimmtán þúsund krónur hvor í sekt.

Rammaáætlun lögð fram

Oddný Harðardóttir iðnaðarráðherra hefur í samráði við Svandísi Svavarsdóttir umhverfisráðherra lagt fram á Alþingi þingsályktunartillögu um rammaáætlun um vernd og orkunýtingu landsvæða. Þetta kemur fram í tilkynningu frá iðnaðarráðuneytinu. Um er að ræða fyrstu þingsályktunartillöguna sem fram kemur um flokkun hugsanlegra kosta í orkunýtingar-, verndar- og biðflokk á grundvelli laga um rammaáætlun frá í fyrra, en gert er ráð fyrir að Alþingi afgreiði slíkar tillögur eigi sjaldnar en á fjögurra ára fresti.

Um 150 kílóum af hákarli stolið

Lögreglunni á Suðurnesjum var í vikunni tilkynnt um að um það bil 150 kílóum af verkuðum hákarli hafi verið stolið úr þurrkhjalli í Grindavík. Þjófnaðurinn er til rannsóknar hjá lögreglu.

Elín Hirst skrifaði Ögmundi bréf

Elín Hirst hefur skrifað innanríkisráðherra bréf þar sem hún hvetur hann til að taka viðtal Nýs Lífs við lögreglustjórann á Suðurnesjum til efnislegrar meðferðar. Lögreglustjórinn segist í viðtalinu ekki trúa ásökunum Guðrúnu Ebbu Ólafsdóttir á hendur föður sínum, Ólafi Skúlasyni heitnum.

Þrír stöðvaðir með fölsuð vegabréf í vikunni

Þrír einstaklingar með fölsuð vegabréf voru stöðvaðir í Flugstöð Leifs Eiríkssonar á miðvikudaginn. Það sem af er ári hafa sex fölsunarmál komið upp í flugstöðinni.

Herdís boðar til blaðamannafundar

Dr. Herdís Þorgeirsdóttir hefur boðað til blaðamannafundar Í Listasafni Reykjavíkur við Tryggvagötu klukkan þrjú í dag. Herdís hefur verið orðuð við forsetaframboð og búist er við því að hún tilkynni um ákvörðun sína í þeim efnum á fundinum. Fylgst verður með fundinum á fréttavef okkar Vísi.

Rammaáætun verði lögð fyrir þingið í dag

Reiknað er með því að Rammaáætlun um vernd og nýtingu náttúrusvæða verði lögð fyrir Alþingi í dag. Áætlunin hefur verið í vinnslu í mörg ár en samkvæmt heimildum fréttastofu hefur málið verið afgreitt í þingflokki Samfylkingarinnar og til stendur að afgreiða það formlega í þingflokki Vinstri grænna nú í hádeginu.

Nefna dansdúett eftir stærsta vöðva líkamans

"Ég er viss um að við verðum eftirlætishljómsveit sjúkra- og einkaþjálfara," segir plötusnúðurinn Margeir Ingólfsson um dansdúettinn Gluteus Maximus sem hann hefur stofnað ásamt Stephan Stephensen.

Birgitta, Chomsky og Wolf stefna Bandaríkjastjórn

Birgitta Jónsdóttir þingkona hefur, ásamt sex öðrum, stefnt bandarískum stjórnvöldum fyrir rétt í New York vegna nýrra laga þar í landi sem hópurinn segir að gefi Bandaríkjaher heimild til að handtaka almenna borgara hvar sem er í heiminum og hneppa þá í varðhald án dóms og laga. Lögunum er ætlað að efla Bandaríkjamenn í baráttunni við hryðjuverk en hópurinn, sem auk Birgittu telur heimsfræga einstaklinga á borð við Noam Chomsky og rithöfundinn Naomi Wolf, segir að nú séu friðsamir mótmælendur, rithöfundar og háskólamenn í hættu á að verða settir í varðhald.

Ný keðja frá H&M 2013

Sænski verslanarisinn Hennes & Mauritz hefur tilkynnt að hann ætli sér að opna nýja keðju árið 2013.

Útgefnum vegabréfum fjölgaði um 35% milli ára

Í febrúar s.l. voru gefin út 3.374 íslensk vegabréf. Til samanburðar voru gefin út 2.495 vegabréf í febrúar í fyrra. Fjölgar því útgefnum vegabréfum um 35,2 % milli ára.

Íslenska pylsan til Svíþjóðar

"Eftir Svarta dauða kemur SS-pylsan“, svo hljóðar fyrirsögn er birtist í Aftonbladet í vikunni. Fréttin segir frá áætlunum Sláturfélags Suðurlands um að hefja innflutning á íslenskum pylsum til Svíþjóðar.

Grjótskriða lokar veginum um Skarðsströnd

Grjótskriða hefur fallið á þjóðveginn um Skarðsströnd, eða í Fagradalshlíð á milli Tjaldaness og Fagradals. Vegurinn er lokaður af þessum sökum.

Allir kaflarnir verði opnaðir fyrir árslok

Stefan Füle, stækkunarstjóri Evrópusambandsins (ESB), vonast til þess að búið verði að opna alla samningskafla í aðildarviðræðum við Ísland fyrir árslok. Füle lét þessi orð falla á fundi með íslenskum blaðamönnum í Brussel í gær, í aðdraganda fjórðu ríkjaráðstefnu Íslands og ESB sem fer fram í dag.

Nýtt met, hitinn mældist 20,5 gráður á Kvískerjum

Nýtt hitamet í mars var slegið í gær , svo um munaði, þegar hiti á Veðurstofumæli fór upp í 20,5 gráðu á Kvískerjum, sunnan Vatnajökuls.

Aldraðir 37 prósent greiðenda auðlegðarskatts

Alls 37% þeirra sem greiða auðlegðarskatt eru yfir 65 ára aldri. Þá er rúmur fimmtungur greiðenda yfir 75 ára aldri. Einungis 11% eru undir 45 ára aldri. Þetta var meðal þess sem kom fram á málþingi VÍB, eignastýringarþjónustu Íslandsbanka, um auðlegðarskattinn í Hörpu í gær.

Ekki farið eftir ákvæðum um hvíldartíma á Alþingi

Umræðan á Alþingi í gær, sem stóð til miðnættis, var þriðja umræðan í röð sem staðið hefur fram eftir öllu og jafnvel fram á nótt.

Þrír á slysadeild eftir harðan árekstur í nótt

Þrír voru fluttir á slysadeild eftir harðan árekstur tveggja fólksbíla á gangamótum Búsaðavegar og Reykjanesbrautar laust fyrir klukkan eitt í nótt.

Mikil óvissa ríkir um framtíð ættleiðinga - fréttaskýring

Íslensk ættleiðing (ÍÆ) getur ekki sinnt lögbundnu hlutverki sínu með núverandi framlagi ríkisins. Í fjárlögum 2012 er upphæðin 9,2 milljónir króna.

Þjóðaratkvæðagreiðslan blásin af á Alþingi

Ekkert verður af þjóðaratkvæðagreiðslu um breytingar á stjórnarskránni, sem að efna átti til samhliða forsetakosningum þrítugasta júní.

Áhrif veiðigjalds verði rannsökuð

sjávarútvegur Umtalsverðar breytingar til batnaðar hafa verið gerðar á frumvarpi um fiskveiðistjórnun frá því frumvarpi sem Jón Bjarnason, þáverandi ráðherra sjávarútvegsmála, lagði fram vorið 2011, að mati Daða Más Kristóferssonar hagfræðings. Sjávarútvegs- og landbúnaðarráðuneytið bað Daða og Þórodd Bjarnason félagsfræðing að vinna greinargerð um frumvarpið.

Best að þeir borgi sem njóti

Fjöldi ferðamanna á Íslandi hefur nærri sjöfaldast á þrjátíu árum og enn er stefnt að því að fjölga þeim. Er svigrúm til þess? Ræður Ísland við fleiri gesti?

Efast um skilning Seðlabankans

„Hjá Samherja hefur í einu og öllu verið farið að lögum hvort sem það varðar gjaldeyrisviðskipti eða önnur málefni,“ segir í yfirlýsingu Þorsteins Más Baldvinssonar, forstjóra Samherja, vegna húsleitar hjá fyrirtækinu á vegum Seðlabankans.

Lúðvík Geirsson segir málþóf á þingi: "Verði þeim að góðu“

"Nú eru rétt rúmar tvær klukkustundir til miðnættis og Sjálfstæðisflokkurinn er búinn að hertaka ræðustól Alþingis næstu tvær klukkustundirnar í það minnsta, eins og reyndin hefur verið meira og minna í allan dag,“ skrifaði Lúðvík Geirsson, þingmaður Samfylkingarinnar, á Facebook-síðu sína klukkan tíu í kvöld þar sem hann gagnrýnir Sjálfstæðisflokkinn og sakar þingmenn flokksins um málþóf þar sem tekist er á um hvort bera eigi drög stjórnlagaráðs undir þjóðaratkvæði samhliða forsetakosningunum.

Fátt sem bendir til að atkvæði verði greidd fyrir miðnætti

Fimm eru eftir á mælendaskrá Alþingis þegar þetta var skrifað en þar er núna tekist á um hvort bera eigi drög stjórnlagaráðs undir þjóðaratkvæði samhliða forsetakosningunum. Þingfundur hófst klukkan 10.30 í morgun með umræðum um störf þingsins, en síðan tók stjórnarskrármálið við.

Þorsteinn hafnar ásökunum um að selja karfa á undirverði

Þorsteinn Már Baldvinsson neitaði öllum ásökunum um að selja karfa á undirverði til dótturfyrirtækis Samherja eins og fram hefur komið í Kastljósi. Þorsteinn var í viðtali við Kastljósi í kvöld þar sem hann benti á að verð á karfa á fiskimörkuðum væru ekki í samræmi við tölur Fiskistofu.

Átján manns hefðu lifað umferðarslys af hefðu þeir notað beltin

Talið er að á árunum 2005 til 2010 hafi átján manns látið lífið í umferðinni á Íslandi sem rannsóknarnefnd umferðarslysa telur að hefðu lifað slysin af, hefðu þeir notað bílbeltin. Þetta kemur meðal annars fram í athyglisverðu viðtali sem Reykjavík síðdegis tók við stjórnarmann FÍB, Ólaf Guðmundsson, sem segir umferðarslys stefna í að verða stærsti heilbrigðisvandi veraldar.

Guðmundur Þorlákur með fallegustu mottuna

Skegg margra íslenskra karlmanna fá væntanlega að fjúka í kvöld nú þegar Mottumars, fjáröflunar og árvekniátaki Krabbameinsfélagsins er lokið. Alls söfnuðust tuttugu og níu milljónir króna í áheitum og var haldið upp á árangurinn í Þjóðleikhúskjallaranum um klukkan sex í kvöld.

Vonast til að Bandaríkjamenn setji varabirgðir á markað

"Já, það er regla, grunnregla á markaði, að þegar krónan veikist fer olían upp og svo í hina áttina þegar verð á olíunni fer niður,“ segir Magnús Ásgeirsson, innkaupastjóri hjá N1, þegar hann fór yfir hátt verð á olíu og ástæðum þess.

Ekkert samkomulag um að ljúka umræðum fyrir miðnætti

Ekkert samkomulag liggur fyrir á Alþingi um að ljúka umræðum um stjórnarskrárrmálið fyrir miðnætti. Að óbreyttu verður því ekki hægt að efna til ráðgefandi þjóðaratkvæðagreiðslu samhliða forsetakosningum í sumar.

Al-Thani yfirheyrður í London fyrir jól

Sjeik Al -Thani var yfirheyrðu af embætti sérstaks saksóknara í London þann 7. október síðastliðinn, samkvæmt heimildum fréttastofu. Er sá vitnisburður hluti af gögnum í sakamáli gegn Ólafi Ólafssyni, oft kenndur við Samskip, Magnúsi Guðmundssyni, Hreiðari Má Sigurðssyni og Sigurði Einarssyni.

Félagið Kolvetni stofnað um olíuvinnslu á Drekanum

Aðaleigandi BYKO, Verkfræðistofan Mannvit og helsti sérfræðingur Norðmanna um Jan Mayen-hrygginn eru meðal stofnenda íslensks olíuleitarfélags sem ætlar að sækja um Drekasvæðið í samstarfi við fjársterkt erlent olíufélag. Markmiðið er að byggja upp íslenskan olíuiðnað. Kolvetni var skráð sem einkahlutafélag í dag um olíuleit og vinnslu.

Eldri borgarar ósáttir við auðlegðarskatt

Óánægju gætir meðal margra eldri borgara með auðlegðarskattinn, en ríflega þriðjungur þeirra sem greiðir skattinn er í þeim hópi. Ísak Sigurðsson, eldri borgari, segir skattinn ósanngjarnann fyrir stóran hóp, sem eigi lítið annað en húsnæði. Helgi Hjörvar segir skattinn óhjákvæmilegt, tímabundið neyðarúrræði.

Tvö og hálft ár fyrir frelsissviptingu

Hæstiréttur Íslands staðfesti dóm Héraðsdóms Reykjavíkur yfir Kristmundi Sigurðssyni sem var dæmdur í tveggja og hálfs árs fangelsi fyrir í Héraðsdómi Reykjavíkur á síðasta ári fyrir fjölmörg brot, meðal annars frelsissviptingu.

Handrukkari hótaði bræðrum með keðjusög

Karlmaður á Akureyri situr nú í gæsluvarðhaldi grunaður um að hafa framið fjölmörg brot á Akureyri. Hæstiréttur Íslands staðfesti gæsluvarðhaldsdúrskurð Héraðsdóms Norðurlands eystra í dag.

Verkfallið ólögmætt

Félagsdómur komst að þeirri niðurstöðu í dag að boðað verkfall flugliða hjá Iceland Express semhefjast átti á miðnætti í nótt, sé ólögmætt. Ekki kemur því til vinnustöðvunar flugliða og engin röskun verður á flugi Iceland Express á morgun. Þetta kemur fram í tilkynningu frá Iceland Express.

Mottumars lýkur síðdegis

Mottumars, árvekni- og fjáröflunarátak Krabbameinsfélags Íslands lýkur klukkan korter í sex í dag. Búið er að safna rúmum tuttugu og sex milljónum króna á vefsíðunni, mottumars.is en að sögn Ragnhildar Haraldsdóttur, forseta Krabbameinsfélagsins, á sú upphæð eftir að hækka þegar ágóði af sölu á varningi tengdum átakinu bætist við.

Sakar ákæruvaldið um misbeitingu valds

Ólafur Ólafsson, einn af aðaleigendum Kaupþings, segir að verið sé að misbeita valdi með ákærum gegn sér í svokölluðu al-Thani máli. Málið var tekið fyrir í Héraðsdómi Reykjavíkur í dag.

Hitametið fallið

Sextíu og fjögurra ára gamalt hitamet fyrir marsmánuð féll í morgun þegar hitinn á Kvískerjum í Öræfum mældist 18,6 gráður fyrir hádegi í morgun. Fyrra metið er frá árinu 1948 en þá fór hiti í 18,3 gráður á Sandi í Aðaldal. Samkvæmt upplýsingum frá Veðurstofu Íslands er mjög heitt á suðausturlandi í dag. Á Höfn í Hornafirði fór hitinn upp fyrir 18 gráður og einnig á Teigarhorni í Berufirði.

Þremenningarnir neituðu allir sök

Hreiðar Már Sigurðsson, Ólafur Ólafsson og Magnús Guðmundsson sem allir eru ákærðir í svokölluðu al-Thani máli mættu fyrir dóminn í dag. Þeir lýstu allir yfir sakleysi sínu í málinu. "Ég lýsi mig saklausan af öllum ákæruliðum," sagði Hreiðar Már, fyrrverandi bankastjóri, frammi fyrir fullum dómssal. Ólafur Ólafsson, einn aðaleigandi bankans, sagði hið sama. "Saklaus,“ sagði Magnús Guðmundsson þegar dómarinn beindi orðum sínum að honum. Eftir að þinghaldinu lauk í dag lýsti Ólafur Ólafsson yfir miklum vonbrigðum með ákæruna í samtali við fjölmiðla.

Braut gróflega gegn dóttur sinni - fjögurra ára fangelsi

Karlmaður var í gær dæmdur í fjögurra ára fangelsi í héraðsdómi Vesturlands fyrir gróf kynferðsbrot gegn tíu ára gamalli dóttur sinni. Þá var hann dæmdur til þess að greiða henni 1200 þúsund krónur í bætur. Málið komst upp þegar stúlkan sagði vinkonum sínum frá athæfi mannsins. Lögregla handtók manninn og hefur hann sætt gæsluvarðhaldi frá því í desember á síðasta ári. Sú vist dregst frá fangelsisdómnum.

Bankarnir þurfi að afskrifa tugi milljarða vegna kvótafrumvarps

Guðlaugur Þór Þórðarson, þingmaður Sjálfstæðissflokksins, óttast að bankarnir þurfi að afskrifa tugi milljarða vegna kvótafrumvarps ríkisstjórnarinnar. Hann segir að tapið kunni á endanum að lenda á skattgreiðendum.

Jóhanna kenndi Jóni Bjarna um seinagang kvótafrumvarpsins

Jóhanna Sigurðardóttir, forsætisráðherra, sakaði Jón Bjarnason, fyrrverandi sjávarútvegsráðherra, á Alþingi morgun um að hafa dregið það í nærri tvö ár að koma fram með frumvarp um breytingar á kvótakerfinu. Hann hafi verið seinn í allri vinnu og verið í litlu sambandi við aðra ráðherra um málið.

Al Thani-málið tekið fyrir í dag

Fyrirtaka í Al Thani málinu svokallaða verður fram haldið fyrir Héraðsdómi Reykjavíkur í dag. Búist er við að Hreiðar Már Sigurðsson, Ólafur Ólafsson og Magnús Guðmundsson mæti fyrir dómara.