Hross aflífað - talið að það hafi orðið hrætt vegna flugelda

Umferðaróhapp varð um klukkan sex í morgun á Laugarvatnsvegi við Brúará á móts við bæina Efri-Reyki og Syðri-Reyki er hross varð fyrir pallbifreið sem átti leið um veginn. Hrossið slasaðist það mikið að ekki var hjá því komist að aflífa það, samkvæmt upplýsingum frá lögreglunni á Selfossi.

Borgarbúar þurfa að henda jólatrénu sjálfir

Sorphirðumenn Reykjavíkurborgar munu ekki hirða jólatré í ár frekar en á því síðasta samkvæmt tilkynningu á vef Reykjavíkurborgar.

Asahláka á morgun - brýnt að moka frá niðurföllum

Mikill snjór og klaki er víða um land og því er fólk beðið um að tryggja að vatn eigi greiða leið þegar hlýnar í veðri á morgun og um helgina.

Humar innkallaður

Heilbrigðiseftirlit Reykjavíkur hefur innkallað blandaðan humar frá Humarsölunni ehf vegna að ofnæmis- og óþolsvaldurinn súlfít er ekki merktur á umbúðum vörunnar. Í tilkynningu segir að varan sé skaðlaus fyrir þá sem ekki eru viðkvæmir fyrir súlfíti. Þeir neytendur sem eiga umrædda vöru og eru viðkvæmir fyrir súlfíti eru beðnir um að farga henni eða skila til Humarsölunnar ehf., sem er til húsa að Básvegi 1, Reykjanesbæ. Nánari upplýsingar veitir starfsfólk Humarsölunnar ehf. í síma 867 6677.

Húsleit í Tækniskólanum ólögmæt

Umboðsmaður Alþingis kemst að þeirri niðurstöðu að húsleit í Tækniskólanum í febrúar árið 2010 hafi ekki verið í samræmi við lög. Þá leitaði lögreglan að fíkniefnum í skólanum og notaðist við fíkniefnahunda. Á sama tíma voru útgönguleiðir lokaðar. Yfir þúsund nemendur voru lokaðir inni á meðan.

Hörð gagnrýni á ríkisstjórnina hjá formönnum ASÍ

Formenn allra félaga og deilda landssambanda innan ASÍ hittust í morgun á fundi þar sem farið var yfir forsendur kjarasamninganna sem undirritaðir voru í vor. Endurskoðun samninganna á að vera lokið þann 20. janúar næstkomandi.

Skrifaði ummæli á dv.is um Aratúnsmálið - þarf að borga 500 þúsund

Héraðsdómur Reykjavíkur dæmdi í dag konu um sextugt til þess að greiða 500 þúsund krónur vegna ummæla sem hún skrifaði í athugasemdarkerfi á vefnum dv.is.

Landsbankinn biður bæjarstjóra Akureyrar velvirðingar

"Þetta var yfirsjón af okkar hálfu og við höfum beðist velvirðingar á því,“ segir Kristján Kristjánsson, upplýsingafulltrúi Landsbankans, en bæjarstjóri Akureyrar, Eiríkur Björn Björgvinsson, var afar ósáttur við að hafa birst í sérstakri áramótaauglýsingu sem birtist í fjölmiðlum um hátíðirnar.

Segir óánægju ríkja með stefnu forystumanna VG

Megn óánægja ríkir innan Vinstri hreyfingarinnar græns framboðs vegna þeirrar stefnu sem framlína flokksins hefur tekið, meðal annars í Evrópumálum. Formaður félags VG á Álftanesi útilokar ekki úrsögn sína úr flokknum.

Þrjátíu hundsbit í borginni á síðasta ári

Þrjátíu hundsbit voru tilkynnt til lögreglu höfuðborgarsvæðisins á síðasta ári og að minnsta kosti fjórir hundar voru aflífaðir í kjölfarið. Um helmingur hundaeigenda í Reykjavík hafa sótt einhvers konar hlýðninámskeið.

Auglýsing Landsbankans hugsanlega brotleg við siðareglur

Bæjarstjóri Akureyrar, Eiríkur Björn Björgvinsson, segir það forkastanlegt að hann skuli koma fyrir í sjónvarpsauglýsingu Landsbankans. Hann segir í viðtali við blaðið Akureyri Vikublað að hann hafi komið fyrir í auglýsingu bankans, sem var sýnd yfir allar hátíðarnar, en myndskeiðið var tekið upp þegar hann var fundarstjóri á kynningarfundi á vegum bankans fyrir nokkru.

Íslensk rannsókn: Horfur sjúklinga batna stórlega

Horfur sjúklinga með nýrnafrumukrabbamein hafa stórlega batnað samkvæmt nýrri íslenskri rannsókn sem birtist í virtu bandarísku læknatímariti í dag. Ástæðan er rakin til aukinnar notkunar á myndrannsóknum á öðrum sjúkdómum.

Hver ætti að setjast að á Bessastöðum í vor? - Frábær þátttaka í könnun

Lesendur Vísis eiga enn kost á að segja sína skoðun á þeim einstaklingum sem nefndir hafa verið til að taka við af Ólafi Ragnari Grímssyni forseta í vor. Forsetinn gaf það út í Nýársávarpi sínu að hann hyggist ekki sækjast eftir endurkjöri og því eru allar líkur á því að nýr bóndi taki við búinu á Bessastöðum. Vísir tók því saman lista með nokkrum nöfnum einstaklinga sem oft hafa verið nefndir í því sambandi. Gríðarlega góð þáttaka hefur verið í könnuninni sem hófst í gær en henni lýkur klukkan tvö í dag. Takið þátt með því að smella hér.

Leigjendaaðstoðin fékk yfir þúsund fyrirspurnir á síðasta ári

Leigjendaaðstoð Neytendasamtakanna fékk alls 1048 fyrirspurnir frá leigjendum á síðasta ári samkvæmt ársskýrslu Leigjendaaðstoðarinnar.

Braust inn í bíl og stal gjöfum

Brotist var inn í tvær bifreiðar í Skerjafirði í morgun og stolið gjöfum úr annarri þeirra. Þá var einnig brotist inn í bifreið í Breiðholti og þaðan stolið verkfærum.

Leonard-þjófur dæmdur

Karlmaður á átjánda aldursári var dæmdur í fimm mánaða skilorðsbundið fangelsi í þrjú ár í Héraðsdómi Reykjaness í dag.

Eitt naut enn úti í haga eftir nautaat í Skagafirði

"Við náðum ekki síðasta nautinu," segir einn smalinn sem lenti í nautaati í Steinstaðahverfi, skammt frá Varmahlíð í Skagafirði, í fyrradag. Hann naut liðsinnis fjögurra björgunarsveitarmanna Flugbjörgunarsveitarinnar í Varmahlíð. Alls voru þeir sex við smalamennskuna.

Með riffil, hnúajárn og vasahníf á skemmtistað í miðborginni

Lögreglustjórinn á höfuðborgarsvæðinu hefur höfðað mál gegn karlmanni á fertugsaldri fyrir fjölda fíkniefna, vopna- og umferðarlagabrota.

Ikea innkallar barnastólabelti

IKEA biður vinsamlega þá viðskiptavini sem eiga ANTILOP háan barnastól frá framleiðanda númer 17389 og með framleiðsludagsetningar 0607-0911 að hafa samband við þjónustuver IKEA (http://www.ikea.is/thjonusta).

Gefa varð trippum í Gæsadal næringu í æð

Trippin tvö, sem hafa verið innikróuð nyrst í Gæsadal vikum saman, voru orðin svo veikburða að gefa þurfti þeim næringu í æð á leið til byggða, samkvæmt upplýsingum Matvælastofnunar.

Björgunarsveitarmenn í nautaati fyrir norðan

Fimm björgunarsveitarmenn á vélsleðum lentu í svæsnu nautaati í Steinstaðahverfi, skammt frá Varmahlíð í Skagafirði í fyrradag, en höfðu betur eftir þriggja klukkustunda viðureign.

Brotist inn í tvo veitingastaði

Brotist var inn í tvo veitingastaði í Reykjavík í gærkvöldi og áfengi og verðmætum stolið.

Tólf loðnuskip í hnapp á miðunum

Tólf loðnuskip eru nú í hnapp , um það bil 60 sjómílur aust- norðaustur af Langanesi og fleiri eru á leiðinni þangað.

Mótmæla lokun sjúkrahússins í Neskaupstað

Hollvinasamtök fjórðungssjúkrahússins í Neskaupstað mótmæla harðlega áformum um að loka sjúkrahúsinu í sex til átt vikur í sumar, enda sé það eina bráðasjúkrahúsið á Austurlandi.

Hitaveita lögð til Skagastrandar

Sveitarstjórn Skagastrandar hefur samþykkt samning við Rarik um lagningu hitaveitu í bæinn. Gert er ráð fyrir að fyrstu hús tengist hitaveitunni haustið 2013 og að öll hús hafi möguleika á tengingu haustið 2014.

Hrottaleg líkamsárás í Árbæjarhverfi

Þrír karlmenn spörkuðu upp hurð að íbúð í fjölbýlishúsi í Árbæjarhverfi í Reykjavík rétt fyrir miðnætti, ruddust þar inn og gengu í skrokk á húsráðanda.

Bóndi í Vigur segir bannið ógna búskap

„Er þetta ekki eignaupptaka, ég spyr. Við missum töluverðan hluta af okkar tekjum sem gerir erfiðara fyrir okkur að halda áfram búskap hér í eynni. Virði jarðarinnar rýrnar svo ofan í kaupið,“ segir Salvar Baldursson, hlunnindabóndi í Vigur í Ísafjarðardjúpi.

Jólatrén sótt í flestum sveitarfélögum

Reykjavíkurborg mun ekki hirða jólatré í ár, frekar en síðustu ár. Hins vegar bjóða einhver íþróttafélög upp á að hirða jólatré fyrir borgarbúa gegn gjaldi. Þá hafa Skógræktarfélag Reykjavíkur og Gámaþjónustan hafið samstarf um að hirða jólatré auk þess sem Íslenska gámafélagið sækir jólatré.

Skeljungur þagði um ósöluhæfan áburð

Skeljungi, jafnt sem Matvælastofnun, var ljóst á vormánuðum að áburður sem kominn var til landsins var ósöluhæfur. Þrátt fyrir það var tekin ákvörðun um selja áburðinn. Eins og bbl.is greindi frá í desember og fréttastofa Rúv á þriðjudag, var kadmíummagn í áburði sem Skeljungur flytur inn ríflega tvöfalt það sem leyfilegt er.

Ættleidd börn í meiri hættu

Börnum sem eru ættleidd eftir átján mánaða aldur er hættara við tilfinninga- og hegðunarvanda en öðrum börnum. Niðurstöður nýrrar íslenskrar rannsóknar benda til þessa.

Telur að þyngja eigi refsinguna

Ríkissaksóknari hefur áfrýjað dómi Héraðsdóms Reykjavíkur í skattahluta Baugsmálsins til Hæstaréttar. Hann krefst þyngri refsingar yfir ákærðu í þeim ákæruliðum þar sem sakfellt var, og þess að Hæstiréttur snúi dómi héraðsdóms í þeim ákæruliðum þar sem sýknað var.

Breytingar við ritstjórn Eiðfaxa

Trausti Þór Guðmundsson, ritstjóri Eiðfaxa, lét af því starfi um áramótin. Hann hefur ritstýrt blaðinu í fimm ár. Nú tekur ritnefnd við útgáfu blaðsins, en formaður hennar er Telma Tómasson fréttamaður og tamningamaður. Fjórir sitja með henni í ritnefnd en það eru þau:

Vann 38 milljónir í Víkingalottóinu

Einn Íslendingur var svo heppinn að hreppa hinn alíslenska bónusvinning í Víkingalottóinu þegar dregið var í kvöld. Sá hinn sami fær tæpar 38,6 milljónir í sinn hlut. Það voru hins vegar þrír Norðmenn og einn finni sem skiptu með sér 1. vinningi í Víkingalottóinu, en hver þeirra fær í sinn hlut 66 milljónir króna.

Mikill fengur í þátttöku Íslands í New York

Þrjú íslensk verk verða sýnd á kynningu á íslenskum sviðslistum í New York um næstu helgi. Leiklistarsamband Íslands stendur fyrir kynningunni í samstarfi við hin Norðurlöndin.

Enn skerpt á aðgreiningu ritstjórnarefnis og auglýsinga

Skipulagsbreyting hefur verið ákveðin hjá 365 miðlum. Breytingin felur í sér að þeir starfsmenn ritstjórnar Fréttablaðsins sem hafa haft með höndum skrif í kynningarblöð sem fylgt hafa blaðinu færast yfir til sölu- og þjónustusviðs 365 miðla.

Ósáttur við að ráðherra skyldi þurfa álit frá Umboðsmanni

Formaður sambands íslenskra framhaldsskólanema gagnrýnir að þurft hafi álit frá umboðsmanni Alþingis til að menntamálaráðherra hlustaði á nemendur. Hann segir það ánægjuefni ef hverfaskipting vegna innskráningar verður afnumin.

Landlæknir vill upplýsingar um brjóstastækkanir

Landlæknir sendi í dag bréf til allra lýtalækna þar sem óskað er upplýsinga um þær sílíkonaðgerðir sem þeir hafa gert á brjóstum. Þá munu í fyrsta sinn liggja fyrir gögn um aldursdreifngu kvenna með sílíkonbrjóst og þróun á fjölda aðgerða eftir árum.

Framlög vegna dagforeldra hækka um 10%

Þeir sem eiga börn hjá dagforeldrum í Reykjavík geta glaðst því að framlag borgarinnar vegna barna sem dvelja hjá dagforeldrum hækkaði um 10% um nýliðin áramót. Þá hækkaði jafnframt systkinaafsláttur ef tvö eða fleiri systkini dvelja hjá dagforeldri. Framlag fyrir annað barn verður 75% hærra en með fyrsta barni og framlag með þriðja barni verður 100% hærra.

Segir hunda geta verið manndrápstól

Faðir fimm ára stúlku sem var bitin í andlit af hundi síðsumars telur ekki vit í öðru en að lóga hundi eftir að hafa bitið manneskju. Hann segir hunda geta verið manndrápsvélar og því sé rétt að skylda hundaeigendur til að sækja námskeið, rétt eins og þá sem sækja um byssuleyfi.

Hávær krafa um að flýta landsfundi

Nokkuð hávær krafa er um það innan Samfylkingarinnar um að flýta landsfundi flokksins og halda hann á fyrri hluta þessa árs. Flokkstjórnarmaður segir eðlilegt að forystan endurnýi umboð sitt. Litlar líkur eru á að landsfundurinn verði í vor að mati formanns framkvæmdastjórnar flokksins.

Telja öruggt að Ólafur Ragnar næði góðu kjöri á þing

Sérfræðingar í stjórnmálafræði telja nær öruggt að Ólafur Ragnar Grímsson, forseti Íslands, myndi ná góðum árangri í þingkosningum og ná nokkrum mönnum á þing færi svo að hann gæfi kost á sér. Ólafur er árinu yngri en sitjandi forsætisráðherra og í fullu fjöri á líkama og sál.

Kanínan var dauð þegar hún brann

Maður sem kveikti í kanínu og kanínukofa í Garðabæ, segir að kanínan hafi verið dauð þegar að hann kveikti í henni. Þetta er fullyrt á vef lögreglunnar. Í Fréttablaðinu í dag er sagt frá því að ungar stúlkur hefðu gengið fram á kanínuna og málið verið tilkynnt til lögreglu við litlar undirtektir.

Íslendingur í fjórtán ára fangelsi í Danmörku

Vestre Landsret í Danmörku staðfesti í dag 14 ára fangelsisdóm yfir íslenskum karlmanni, Lárusi Frey Einarssyni, sem fundinn var sekur um að hafa skotið konu til bana, í mars 2010.

Fjórtán prósent landsmanna reykja daglega

Um 14,3% landsmanna reyktu daglega að eigin sögn á síðasta ári. Um 4,6% sögðust reykja sjaldnar en daglega. Samtals reyktu því 18,9% fullorðinna daglega eða sjaldnar. Þetta eru niðurstöður sem koma fram í skýrslu sem Capacent Gallup gerði fyrir Landlæknisembættið. Skýrslan byggir á fjórum könnunum sem gerðar voru á tímabilinu febrúar til nóvember í fyrra.

Vísir kannar vilja lesenda

Forsetakosningar fara fram í vor eins og alþjóð veit og nú þegar eru menn farnir að velta fyrir sér eftirmanni Ólafs Ragnars Grímssonar á Bessastöðum, en í Nýársávarpi sínu sagðist hann ekki hyggja á endurkjör. Vísir hefur ákveðið að gefa lesendum sínum tækifæri til að láta í ljós skoðun sína á nokkrum einstaklingum sem hafa á síðustu dögum verið nefndir til sögunnar.