Hærra verð fyrir Icelandic-starfsemi

Framtakssjóður Íslands hefur gengið frá sölunni á starfsemi Icelandic Group í Bandaríkjunum og tengdri starfsemi í Asíu. Kaupandi er kanadíska fisksölufyrirtækið High Liner Foods, sem greiðir 28,4 milljarða króna fyrir starfsemina á núverandi gengi.

Fiskveiðiárið fer vel af stað

Heildarafli íslenska fiskiskipaflotans var 287.370 tonn fyrstu þrjá mánuði fiskveiðiársins sem hófst 1. september. Það er heldur meiri afli en á sama tímabili í fyrra þegar 262.448 tonn veiddust. Aflinn var hins vegar svipaður á þessu tímabili árið 2009.

Ammoníaksleki á Fiskislóð

Slökkviliðið á höfuðborgarsvæðinu var kallað út að Fiskislóð 34 í kvöld vegna gruns um ammoníaksleka. Leki varð í sama húsnæði fyrir um tveimur vikum síðan en tilvikið er ekki sambærilegt og var minniháttar. Ein stöð frá slökkviliðinu fór á staðinn í kvöld.

Borgaraleg handtaka í Reykjavík

Um klukkan fimm í dag framkvæmdu nokkrir menn borgaralega handtöku vestan við Hofsvallagötu á gatnamótum Hringbrautar í Reykjavík. Samkvæmt upplýsingum frá lögreglu ók maður á annan bíl og virðist sem maðurinn hafi ætlað að keyra í burt af vettvangi. Lögreglan segir að nokkrir menn hafi haldið manninum föngum þar til lögreglan kom á svæðið, en hún ku hafa verið fljót á staðinn þannig að engin átök brutust út. Maðurinn var handtekinn og færður á lögreglustöð. Engin slys urðu á fólki.

Hvít jörð á aðfangadagskvöld

Áhugi Íslendinga um veðrið á aðfangadag hefur alltaf verið mikill enda vilja flestir hafa snjókomu fyrir utan gluggann þegar að jólasteikin er borðuð og jólapakkarnir opnaðir. Vísir sló á þráðinn á Veðurstofu Íslands nú í kvöld og spurði einfaldlega hvort að jólin yrðu hvít eða rauð.

Davíð Oddsson verður á ÍNN milli jóla og nýárs

"Þetta verður sennilega áhugaverðasta sjónvarpsviðtal ársins 2011 og ég tel mig ekkert vera að ofsegja á nokkrun hátt,“ segir Ingvi Hrafn Jónsson, sjónvarpsstjóri á sjónvarpsstöðinni ÍNN. Gestur Björns Bjarnasonar í þætti hans á stöðinni þann 28. desember næstkomandi verður Davíð Oddsson fyrrum forsætisráðherra og núverandi ritstjóri Morgunblaðsins.

Fjöldi nauðungarsalna fjórfaldast frá árunum fyrir hrun

Rúmlega tvö þúsund og tvö hundruð fasteignir hafa verið seldar nauðungarsölu í Reykjavík, Hafnarfirði og Keflavík frá bankahruni. Fjöldinn hefur nærri fjórfaldast frá árunum fyrir hrun.

Ók á bíl eldri hjóna og stakk af - Um 30 árekstrar í dag

Um þrjátíu árekstrar urðu á höfuðborgarsvæðinu í dag og þurfti að draga fimmtán bíla burt með kranabíl vegna skemmda, samkvæmt upplýsingum frá árekstri.is.

Mörg ljón enn í vegi Helguvíkurálvers

Flóknar og erfiðar samningaviðræður eru framundan til yfirstíga þær hindranir sem enn eru í vegi álvers í Helguvík, ekki aðeins um orkusamninga heldur einnig um línulagnir og fjármögnun nýrra virkjana. Bæði Norðurál og HS Orka lýstu því yfir þegar gerðardómurinn lá fyrir í gær að þau myndu nú ganga til samninga.

Ríkisstjórnin gegn vilja utanríkismálanefndar

Þingmenn stjórnarandstöðunnar eru ósáttir við þá ákvörðun ríkisstjórnarinnar að fela utanríkisráðherra, forræði í Icesave málinu. Ákvörðun ríkistjórnarinnar kemur þvert á ályktun meirihluta utanríkismálanefndar um að málið yrði áfram í höndum efnahags- og viðskiptaráðherra.

Viðskiptavinir börðu sjálfir harðfiskinn

Bóndinn á Skálanesi á sunnanverðum Vestfjörðum hefur á æviskeiði sínu horft upp á yfir þrjátíu sveitabæi í kringum sig fara í eyði. Skálanes var áður miðstöð verslunar á stóru svæði en er nú orðinn endastöð byggðar, sem stórt skarð hefur rofnað í.

Skuldarahjálp alþingis gagnslaus að mati dómstóla

Dómstóll hefur nú tvívegis úrskurðað að lagaákvæði sem átti að hjálpa skuldurum gengislána - sé gagnslaust. Sýnir að björgunarlínan sem stjórnvöld ætluðu að kasta út til skuldara er ekki að virka, segir lögmaður Rafns Einarssonar, húsasmíða- og málarameistara, sem krafðist þess að nauðungarsala á húsi í hans eigu yrði endurupptekin. Héraðsdómur Reykjaness hafnaði kröfunni í dag.

Ríkisstjórnin ekki sannfærandi frammi fyrir dómstólum

Advice hópurinn, sem barðist fyrir því að Icesave-samningurinn yrði ekki samþykktur í þjóðaratkvæðagreiðslu, segir að ríkisstjórnin sé í þröngri stöðu, sérstaklega hvað varðar að halda uppi vörnum í málinu yfir EFTA dómstólnum.

Stefnan birt Íslendingum

Utanríkisráðuneytinu var í dag birt stefna Eftirlitsstofnunar EFTA (ESA) í samningsbrotamáli um ábyrgð á lágmarkstryggingu á Icesave-reikningunum.

Jólagjöfum stolið úr bíl

Brotist var inn í tvo bíla í Reykjavík í gær en jólagjöfum var stolið úr öðrum þeirra. Lögreglan vill vara eigendur og umráðamenn ökutækja við því að skilja verðmæti eftir í bílum.

Eimskip vann jólalagasamkeppnina

Eimskip vann jólalagasamkeppnina Geðveik jól, sem samtökin Geðhjálp stóðu fyrir. Úrslitin voru kynnt í dag. Í öðru sæti var Actavis og Landsbankinn í því þriðja.

Handrukkari í þriggja ára fangelsi

Gestur Hrafnkell Kristmundsson var dæmdur í þriggja ára fangelsi í dag fyrir stórfellda líkamsárás, frelsissviptingu og tilraun til fjárkúgunar. Hann var jafnframt dæmdur til að greiða þolanda árásarinnar um 1,5 milljón í miskabætur.

Nauðungarsalan stendur þrátt fyrir gengisdóm

Héraðsdómur Reykjaness hafnaði í dag kröfu Breiðverks ehf. um að nauðungarsala á fasteign við Dimmuhvarf 7 í Kópavogi yrði tekin upp að nýju. Breiðverk krafðist endurupptöku nauðungarsölunnar á grundvelli þess að þegar lögum um vexti og verðtryggingu var breytt á síðasta ári hafi falist í breytingunni heimild til endurupptöku á málinu.

Helmingur borðar hamborgarhrygg

Um helmingur landsmanna, eða 52,9% telja líklegast að þeir muni borða hamborgarhrygg, á aðfangadagskvöld, samkvæmt niðurstöðum skoðanakönnunar MMR. Þeim mun fjölga lítillega frá því í fyrra en þá sögðust 50,7% borða hamborgarhrygg.

Trölla mistókst að stela jólunum

Svo virðist sem Trölli hafi reynt að stela jólunum í nótt, að minnsta kosti á Háskólatorgi. Óprúttinn aðili læddist þar inn og skemmdi skreytingar innanhús. Þegar húsverðir komu til vinnu í morgun lá jólatré sundurtætt og brotið á gólfinu, jólaskreytingar við matsöluna Hámu höfðu verið brotnar og glerbrot lágu því víða. Þá hafði viðkomandi brotið blaðastand og þeytt blöðum út um öll gólf. Húsverðirnir létu þó Trölla ekki eyðileggja jólin á Háskólatorgi, þrifu upp ruslið og skreyttu torgið greinum grænum á nýjan leik.

Utanríkisráðherra mun bera ábyrgð á Icesave málinu

Össur Skarphéðinsson utanríkisráðherra mun hafa stjórnskipulega umsjón með málarekstri Íslendinga í Icesave málinu þegar það verður rekið fyrir EFTA dómstólnum. Þetta var ákveðið á ríkisstjórnarfundi í morgun. Deilt hefur verið um málið að undanförnu meðal annars á Alþingi, en stjórnarandstæðingar, bæði í Sjálfstæðisflokki og Framsóknarflokki hafa lagt á það áherslu að Árni Páll Árnason, sem hafði umsjón með málinu áður en Eftirlitsstofnun EFTA ákvað að kæra, yrði áfram með málið á sinni könnu.

Syngur sína síðustu jólamessu

Karl Sigurbjörnsson, biskup Íslands, syngur sína síðustu jólamessu í embætti nú um þessi jól. Karl gerir þetta að umtalsefni í jólakveðju sem hann sendi starfsfólki kirkjunnar í morgun. "Við hjónin minnumst Guði þakklát liðinna jóla og genginna ára. Andlit svo ótal margra sem hlýrri birtu stafar af koma fyrir sálarsjónir. Það er óumræðilegt þakkarefni að hafa fengið að kynnast góðu fólki sem bætt hefur lífið og gert bjartara. Alla vináttu og góðvild fyrr og síðar þökkum við af alhug og biðjum Guð að launa það allt og blessa,“ segir Karl í kveðju sinni. Í kveðju sinni minnist hann einnig sinnar fyrstu jólamessu sem hann söng árið 1973. "Þá var dimmt yfir eyjunum og altaristaflan þakin sóti af völdum kertareyks kynslóðanna og öskufallsins. En ásjóna hinnar heilögu fjölskyldu ljómaði gegnum sortann,“ segir Karl í kveðjunni. Sem kunnugt er hófst Vestmannaeyjagosið í janúar 1973.

Einn tekinn úr umferð á Akureyri

Einn ökumaður var tekinn úr umferð af lögreglunni á Akureyri vegna gruns um að aka undir áhrifum fíkniefna í nótt. Að öðru leyti var nóttin fremur tíiðindalítil hjá lögreglu og slökkviliði um land allt.

Meira mjólkað í ár en í fyrra

Mjólkurframleiðsla á Íslandi fyrstu ellefu mánuði ársins er örlítið meiri en á sama tíma í fyrra, eða sem nemur 0,7 prósentum. Þetta kemur fram í frétt á heimasíðu landsambands kúabænda.

Meirihluti utanríkismálanefndar vill Árna Pál

Meirihluti utanríkismálanefndar beinir því til ríkisstjórnarinnar að fyrirsvar í dómsmálum og öðru því sem snýr að Icesave gagnvart ESA og EFTA-dómstólnum sé áfram í höndum efnahags- og viðskiptaráðherra. Þetta kom fram í bókun meirihlutans, en hann mynda tveir fulltrúar Sjálfstæðisflokks, tveir frá Framsóknarflokki og Guðfríður Lilja Grétarsdóttir, Vinstri grænum. Fjórir fulltrúar Samfylkingar og VG lögðu hinsvegar til að málið yrði hér eftir í forsvari utanríkisráðherra og Birgitta Jónsdóttir, Hreyfingu tók undir þau sjónarmið. Hún er hinsvegar aðeins áheyrnarfulltrúi í nefndinni.

Segja skattheimtuna arfavitlausa og ala á mismunun

Sérstakur gistináttaskattur sem Alþingi hefur ákveðið að leggja á ferðaþjónustuna er illframkvæmanlegur og mun leiða til mikilla undanskota, segja Samtök ferðaþjónustunnar. En með því að undanskilja alla gistingu ferðafélaganna, svo sem Ferðafélags Íslands og Útivistar og alla gistingu stéttarfélaganna séu þingmenn að gera skattheimtuna enn vitlausari en ella. Með því muni sumir samkeppnisaðilar greiða skattinn en aðrir ekki.

Tók 16 mánuði að úrskurða

Úrskurðarnefnd um upplýsingamál var nærri eitt og hálft ár að komast að niðurstöðu vegna kæru Fréttablaðsins. Menntamálaráðuneytinu ber að afhenda gögn um deilu starfsmanna Iðnskólans í Hafnarfirði.

Þorvarður ekki ákærður aftur

Ríkissaksóknari hefur ákveðið að gefa ekki út nýja ákæru á hendur Þorvarði Davíð Ólafssyni fyrir manndráp. Ástæðan er sú hversu þunga refsingu, fjórtán ára fangelsisdóm, hann hlaut fyrir tilraun til manndráps.

Kalla eftir blóðgjöfum fyrir jól

Blóðbankinn sendi frá sér ákall til blóðgjafa í gær þar sem mikil þörf er á blóði um þessar mundir. Mikilvægt er að byggja upp forða fyrir jól og áramót.

Ákærðir fyrir hrottalega nauðgun

Ríkissaksóknari hefur ákært tvo karlmenn fyrir Héraðsdómi Reykjavíkur fyrir hrottalega nauðgun.

Vanþakklátasta starf í heimi

Lárentsínus Kristjánsson var í hópi þeirra sem kallaðir voru til fundar í Fjármálaeftirlitinu (FME) snemma morguns þriðjudaginn 7. október 2008 til að taka sæti í skilanefnd fallins banka, Landsbankans. Undanfarin ár hefur hann gegnt starfi formanns nefndarinnar en hún verður lögð niður um áramótin.

Geta ekki gengið lengra en nemur agavaldi biskupsins

Biskup Íslands gerir athugasemdir við nýjar vinnureglur Selfosskirkju. Reglurnar eiga að sporna gegn kynferðisbrotum. „Menn hljóta að breyta þessum reglum,“ segir sóknarprestur Selfosskirkju.

Stjórn OR haldið utan við stöðuna í sölu á Perlunni

Aðili sem bauð 1.689 milljónir króna í Perluna fær frest út mars til að gera arðsemismat. Stjórn OR var ekki upplýst áður en málið var gert opinbert. Óheppilegt játar stjórnarformaðurinn. Engin leynd sé yfir málinu.

Taldir hafa reynt að breiða yfir brotið með skjalafalsi

Saksóknari telur að tilgangur Glitnismanna með tíu milljarða láni til Milestone hafi verið að koma í veg fyrir að bréf í bankanum hryndu. Lárus Welding og Guðmundur Hjaltason eru ákærðir fyrir umboðssvik.

Falsaður þúsundkall í banka

Lögreglunni á Selfossi barst nýverið tilkynning um falsaðan þúsund króna seðil sem fannst innan um aðra þúsund króna seðla í bankaútibúi á Selfossi. Ekki er vitað hvenær né með hvaða hætti seðillinn barst til bankans. Engin önnur tilvik hafa komið til lögreglu og virðist því sem um eitt einstakt tilvik sé að ræða.

Kröfuhafar nálgast Hannes

FI fjárfestingar, félag Hannesar Smárasonar, var úrskurðað gjaldþrota á föstudag. Skilanefnd Glitnis mun í kjölfarið stefna Hannesi vegna 400 milljóna króna sjálfsábyrgðar sem hann var í fyrir lánum til félagsins.

Síld á fjörum segull á tugþúsundir fugla

Dauð og deyjandi síld á fjörum í Breiðafirði dregur að sér þúsundir fugla. Fjörutíu hafernir sáust við Jónsnes. Rotnandi síld gefur frá sér grút og óþef í þíðunni. Veiði og síldarsýkingu kennt um. Hafró fer til rannsókna í janúar.

NATO styrki breytt rafkerfi á varnarsvæði

Íslenzk stjórnvöld hafa samkvæmt upplýsingum frá utanríkisráðuneytinu sótt um styrk til Mannvirkjasjóðs Atlantshafsbandalagsins (NATO) til að skipta um rafkerfi í stjórnstöð loftvarnakerfisins á Keflavíkurflugvelli og í mannvirkjum á varnarsvæðinu á vellinum, sem notuð eru vegna loftrýmisgæzlu NATO. Í þessum mannvirkjum er notuð 110 volta spenna, sem er arfleifð frá tíma varnarstöðvar Bandaríkjanna, en staðallinn á Íslandi er 230 volt.

Eldri karlmenn hrifnir af skötu

Eldri karlmenn virðast hrifnastir af skötu ef marka má niðurstöður könnunar MMR um skötuát á Þorláksmessu.

Fuglar taldir í sextugasta sinn

Árleg vetrarfuglatalning Náttúrufræðistofnunar Íslands fer fram helgina 7. til 8. janúar næstkomandi.

Icesave vistað hjá Össuri

Ráðuneytisstjórar forsætisráðuneytisins og utanríkisráðuneytisins ásamt sérfræðingi í málefnum EFTA-dómstólsins mættu í gær á fund utanríkismálanefndar Alþingis til að skýra hvaða ráðuneyti hafi forræði í samskiptum Íslands við ESA vegna Icesave-dómsmálsins. Sögðu þeir málið heyra undir utanríkisráðherra.

Um heim allan lýsa jólaljósin á aðventu

Kristnar þjóðir hafa hver sinn sið við undirbúning jólahátíðarinnar á jólaföstunni, sem við köllum í daglegu tali aðventu. Aðventan á það þó sameiginlegt alls staðar að lýsa upp hjörtu mannanna, færa okkur birtu og yl og gleðja hjörtu barnanna.

Grunur um salmonellu í kjúklingi

Komið hefur upp grunur um salmonellusmit í ferskum kjúklingi framleiddum af Matfugli ehf. Frekari rannsókna er þörf til þess að staðfesta gruninn en þangað til þykir fyrirtækinu rétt að innkalla vöruna að því er fram kemur í tilkynningu.

Vilja að Árni Páll sjái um málefni Íslands fyrir EFTA-dómstólnum

Meirihluti Utanríkismálanefndar lagði fram bókun í kvöld að fyrirsvar í dómsmálum og öðru því sem tengist Icesave gagnvart ESA og EFTA-dómstólnum skuli áfram vera í höndum Árna Páls Árnasonar, efnahags- og viðskitpamálaráðherra.

Ökumenn bakka á í jólastressinu

Um tuttugu árekstrar urðu á höfuðborgarsvæðinu í dag, samkvæmt upplýsingum frá árekstri.is. Það eru töluvert margir árekstrar miðað við það sem gengur og gerist.