Öskufjúk mun verða vandamál allt árið

Vandamál vegna öskufjúks eru líkleg til að verða viðvarandi allt þetta ár og jafnvel árum saman. Svifryksmengun vegna öskufjúks var yfir heilsuverndarmörkum á höfuðborgarsvæðinu á mánudag. Öskufjúk hefur gert fólki lífið leitt víða á Suðurlandi undanfarna daga. Lítið hefur rignt og því hafa gosefnin fokið auðveldlega í stífum vindi. Íbúar á höfuðborgarsvæðinu fengu einnig sinn skammt eins og sást vel á skítugum bílum í gærmorgun og mistri sem lá yfir borginni. Víða v

Kaninn þarf að færa sendi sinn

Lýðræðishreyfingin hefur ekki afnotarétt af útvarpstíðninni FM 100,5 samkvæmt ákvörðun Póst- og fjarskiptastofnunarinnar (PFS). Í ákvörðun stofnunarinnar er meðal annars komist að þeirri niðurstöðu að réttur Lýðræðishreyfingarinnar til afnota af tíðninni hafi fallið niður um miðjan janúar og stofnuninni hafi því verið heimilt að endurúthluta henni til

Um helmingur í sérfræðikostnað

Heildarkostnaður við rekstur slitastjórnar og skilanefndar Landsbanka Íslands nam 3.263 milljónum króna á fyrsta fjórðungi þessa árs, eða rúmum milljarði á mánuði. Þar af var kostnaðurinn hér á landi 1.702 milljónir króna.

Evran ekki ódýrari í rúmt ár

Gengi krónunnar styrktist um 0,8 prósent í gær og endaði gengisvísitalan í 214,59 stigum. Hún hefur ekki verið lægri frá því snemma í apríl í fyrra. Gengi krónunnar hefur styrkst frá í nóvember í fyrra þegar vísitalan stóð í tæpum 240 stigum.

Sjúkdómavörnum ábótavant

Formenn hestamannafélaga hér á landi krefjast þess að Matvælastofnun leiti þegar allra leiða til að koma í veg fyrir að hrossasjúkdómar berist hingað frá útlöndum.

Vantar meira fé til að rannsaka mistök

„Rannsóknin á að svara þeirri spurningu hvort tíu prósent þeirra sem leggjast inn á spítala hér á landi verði fyrir einhvers konar skaða af völdum meðferðarinnar sem við erum að veita, eins og erlendar rannsóknir benda eindregið til,“ segir Sigurður Guðmundsson, forseti Heilbrigðisvísindasviðs Háskóla Íslands.

Fjórir piltar grunaðir um yfir 80 innbrot

Fjórir unglingspiltar eru í haldi yfirvalda, þrír í gæsluvarðhaldi og einn á meðferðarstofnuninni Stuðlum, grunaðir um að standa að mikilli innbrotaöldu á Suður- og Vesturlandi í maí.

Miðstöðin nýtt til vöruþróunar

Samkomulag um stofnun og starfsemi Matarsmiðjunnar á Flúðum hefur verið undirritað. Atvinnuþróunar- og Háskólafélag Suðurlands, Háskóli Íslands, Matís og sveitarfélögin á svæðinu koma að verkefninu.

Langstærsti hlýri sem veiðst hefur á sjóstöng

Þýski sjóstangveiðimaðurinn Frank Petzold veiddi um helgina 130 sentimetra hlýra sem vó 20 kíló. Þetta mun vera stærsti hlýri sem veiðst hefur á sjóstöng við strendur Íslands. Frank hefur ásamt hópi þýskra sjóstangveiðimanna verið við veiðar við Flateyri og Suðureyri undanfarnar vikur.

Krakkarnir í sviðsljósinu næstu tvö sumur

Fótboltakrakkarnir á Íslandi verða í sviðsljósinu á Stöð 2 Sport næstu tvö sumur eftir að Stöð 2 og KSÍ gerðu með sér samkomulag um samstarf þar sem markmiðið er að stórauka stuðning og umfjöllun um fótboltaiðkun æskunnar.

Systkini skipta um hlutverk

Kristinn Þór Jakobsson, oddviti Framsóknarflokksins í Reykjanesbæ, náði kjöri sem bæjarfulltrúi í sveitarstjórnarkosningunum síðasta laugardag.

Þrjátíu starfsmenn Vísis misstu vinnuna

Um þrjátíu manns bættust við á atvinnuleysisskrá á Þingeyri í dag eftir að Fiskvinnslan Vísir sagði upp kauptryggingu hjá flestum starfsmönnum.

Erkiengill hefur engin svör fengið

Leif Ivar Kristiansen, leiðtogi norskra Vítisengla, hefur enn engin svör fengið við kæru sem send var dómsmálaráðuneytinu eftir að Útlendingastofnun vísaði honum úr landi.

Tilkynningum vegna heimilisofbeldis fjölgaði

Tilkynningum til barnaverndarnefnda fjölgaði um 3% á fyrstu mánuðum ársins samanborið við fyrstu þrjá mánuðina í fyrra, samkvæmt tölum frá Barnaverndastofu. Nokkur munur er á þessum tölum eftir landsvæðum en tilkynningum fækkaði lítillega á höfuðborgarsvæðinu en fjölg

Gengu út af kveðjufundi borgarstjórnar

Síðasti fundur borgarstjórnar á kjörtímabilinu markaði ákveðin tímamót, því bæði Ólafur F. Magnússon og Vilhjálmur Þ. Vilhjálmsson kvöddu stjórnmálin, að minnsta kosti í bili, á fundinum og fluttu sínar kveðjuræður. Vilhjálmur lét það verða sitt síðasta verk að leggja til stofnun nýrrar opinberrar stofnunar, Friðarstofnunar Reykjavíkur og fékk tilllagan ágætan hljómgrunn hjá öðrum borgarfulltrúum.

Þýski flugherinn á Keflavíkurflugvelli

Flugsveit frá Þýska flughernum kom hingað til lands í dag til að sinna loftrýmisgæslu í júní en sex herþotur taka þátt í verkefninu. Þýsku herflugmennirnir heilsuðu íslensku fjölmmiðlafólki með lágflugi yfir Keflavíkurflugvelli en þetta er fyrsta skipti sem Þjóðverjar sinna loftrýmisgæslu Íslands. Um 140 liðsmenn þýska flughersins eru staddir hér á landi vegna verkefnisins.

Íslenskur maður ofsækir Eivöru

Söngkonan Eivör Pálsdóttir hefur óskað eftir nálgunarbanni vegna íslensks manns sem hefur elt hana á röndum í þrjú ár. Svo ágengur hefur maðurinn verið að hann hefur búið í tjaldi í garðinum hjá henni í Færeyjum í um ár.

Síbrotamaður sló mann í höfuðið með skiptilykli

Karlmaður sem hlaut þriggja ára fangelsisdóm fyrir helgi verður gert að sæta gæsluvarðhaldi meðan á áfrýjunarfresti stendur í máli hans til 24. júní. Maðurinn hefur nær samfelldan brotaferil frá árinu 2005 og því taldi Héraðsdómur Reykjavíkur að hann myndi halda áfram afbrotum yrði hann látinn laus meðan á áfrýjunarfresti stæði yfir. Hæstiréttur staðfesti þann úrskurð í dag.

Gagnrýndi mætingu þingmanna á nefndarfundi

Sigríður Ingibjörg Ingadóttir, þingmaður Samfylkingarinnar, gagnrýndi mætingu þingmanna á nefndarfundi í umræðum á Alþingi í dag. Vegna slæmrar mætingar er minnihlutinn stundum með meirihluta í nefndum, að sögn Sigríðar. Hún vill að hægt verði að fylgjast með því opinberlega hverjir mæti á nefndarfundi og hverjir ekki.

Vilhjálmur kveður borgarstjórn

Borgarstjórn Reykjavíkur kom saman til fundar klukkan tvö í dag en þetta er síðasti fundur fráfarandi borgarstjórnar. Sex borgarfulltrúar voru ýmist ekki meðal frambjóðenda í kosningunum á laugardaginn eða náðu ekki kjöri. Þar á meðal er Vilhjálmur Þ. Vilhjálmsson, fyrrverandi borgarstjóri. Hann sóttist ekki eftir endurkjöri en hann hefur átt sæti í borgarstjórn síðastliðinn 28 ár.

Vilja beita viðskiptaþvingunum eða slíta stjórnmálasambandi við Ísrael

Meirihluti utanríkismálanefndar segir að slit á stjórnmálasambandi við Ísrael komi alvarlega til álita vegna árásar Ísraela á skipalest með hjálpargögn á leið til Gaza í gær. Utanríkisráðherra er falið að meta í samráði við aðrar þjóðar hvaða aðgerðum verði beitt. Þetta er niðurstaða fulltrúa allra flokka í utanríkismálanefnd fyrir utan Sjálfstæðisflokkinn. Þetta kom fram í í máli Ögmundar Jónssonar, þingmanns VG, í utandagskrárumræðu um málið á Alþing í dag.

Eyjafjallajökull: Vatnsgufa í tveggja kílómetra hæð

Í tilkynningu frá veðurstofu og jarðvísindastofnun segir að hvít vatnsgufa steig frá eldstöðinni í morgun upp í tveggja kílómetra hæð. Ský og mistur hafa hulið topp fjallsins að mestu í gær og í dag. Þá var mikið öskufjúk á svæðinu í gær, eins og Vísir greindi frá.

Þjóðarátakið „Þjóðin býður heim“

Á fimmtudaginn á milli klukkan 13 og 14 er fólk hvatt til að senda glænýtt og skemmtilegt myndaband af síðunni www.inspiredbyiceland.is til fjölskyldu, vina, kunningja og viðskiptafélaga erlendis. Þeir sem ekki hafa tök á því á þeim tíma geta sent myndbandið á öðrum tímum dagsins eða hvenær sem er næstu vikurnar, segir í fréttatilkynningu frá Iðnaðarráðuneytinu.

Foreldraverðlaun afhent Vinafjölskyldum Vesturbæjarskóla

Foreldraverðlaun Heimilis og skóla – landssamtaka foreldra voru afhent í 15. sinn í dag, 1. júní, við athöfn í Þjóðmenningarhúsi við Hverfisgötu. Katrín Jakobsdóttir mennta- og menningarmálaráðherra afhenti verðlaunin.

Margir í Landsbankanum með hærri laun en forsætisráðherra

Í nýju árshlutauppgjöri Landsbankans fyrir fyrstu þrjá mánuði ársins kemur fram að launagreiðslur, fríðindi og lífeyrisgreiðslur til æðstu stjórnenda bankans nemi 57 milljónum króna á þessu tímabili.

Lundey NS með síld til Vopnafjarðar

Vinnsla á síld hófst síðdegis í gær hjá fiskiðjuveri HB Granda á Vopnafirði eftir að Lundey NS kom þangað með um 300 tonna síldarafla.

Fidelity með 6% í Össuri

Breski fjárfestingasjóðurinn Fidelity hefur aukið hlut sinn í Össuri í 6%, samkvæmt tilkynningu til Kauphallarinnar. Markaðsvirði hlutarins sem tilkynnt var um í dag er um 1,2 milljarðar króna.

Skuldabréfavísitala stendur í stað eftir talsverðar hækkanir

Eftir töluvert miklar hækkanir síðastliðna þrjá daga stóð Skuldabréfavísitalan GAMMA: GBI í stað í dag í þó nokkrum viðskiptum eða 18,3 milljörðum króna. Hún er 189 stig samkvæmt upplýsingum frá GAM Management.

Gosefni geta haft áhrif á klak þorsks

Gosefni í hlaupvatni geta við ákveðnar aðstæður haft neikvæð áhrif á klak þorskhrogna og vöxt þorskungviðis, samkvæmt rannsókn Hafrannsóknarstofnunnar.

Oddvitar Samfylkingarinnar og VG fengu margar útstrikanir

Gísli Marteinn Baldursson, Dagur B. Eggertsson, Sóley Tómasdóttir og Einar Örn Benediktsson fengu flestar útstrikanir hjá kjósendum sinna flokka í kosningunum á laugardaginn, samkvæmt upplýsingum frá kjörstjórn í Reykjavík.

Borgarbóksafnið í málverkaleit

Artótek í Borgarbókasafni auglýsir um þessar mundir eftir myndlistarmönnum til að sýna verk sín næsta vetur. Umsóknarfrestur rennur út 7. júní.

Ungliðahreyfingar stjórnarflokkanna vilja slíta stjórnmálasambandinu

Ungliðahreyfingar ríkisstjórnarflokkanna hvetja ríkisstjórnina til þess að taka af skarið og slíta stjórnmálasamstarfi við Ísrael tafarlaust vegna árásar Ísraela á skipalest með hjálpargögn á leið til Gaza. Stjórn Ung vinstri grænna samþykkti ályktun þess efnis í gær og þá sendu Ungir jafnarmenn frá sér ályktun um málið í dag.

Mörður tekur sæti á Alþingi

Mörður Árnason tók í dag sæti á Alþingi í stað Steinunnar Valdísar Óskarsdóttur sem sagði formlega af sér þingmennsku í gær. Ásta Ragnheiður Jóhannesdóttir, forseti Alþingis, bauð Mörð velkominn til starfa við upphaf þingfundar.

„Framsóknarmenn eru hreint ekki óvinsælir í borginni“

Sigmundur Davíð Gunnlaugsson, formaður Framsóknarflokksins, segir að framsóknarmenn séu hreint ekki óvinsælir í Reykjavík. Niðurstaðan í kosningunum sé vissulega vonbrigði en um leið séu mikil tækifæri til uppbyggingar. Þetta kemur fram í tölvupósti sem Sigmundur sendi flokksmönnum í hádeginu.

Fylgst með áhrifum ösku á heilsu fólks

Margir á höfuðborgarsvæðinu komu að bílum sínum öskugráum í morgun eftir að ösku frá Eyjafjallajökli sem nú berst með vindum hafði rignt niður. Ástandið er mun verra nær eldstöðvunum en sóttavarnarlæknir fylgist með áhrifum ösku á heilsu fólks. Hann telur öskuna helst valda fólki sálrænum kvölum um þessar mundir.

Þýsku orrustuþoturnar koma í dag

Sex orrustuþotur þýska flughersins lenda á Keflavíkurflugvelli nú laust fyrir klukkan eitt. Flugsveitin sinnir loftrýmisgæslu Atlantshafsbandalagsins hér á landi til 25. júní.

Meirihlutaviðræður langt komnar í Kópavogi

Meirihlutaviðræður Samfylkingar, Vinstri grænna, lista Kópavogsbúa og Næsta besta flokksins í Kópavogi eru langt á veg komnar. Fulltrúar flokkanna funduðu í gær og búist er við áframhaldandi fundarhöldum í dag.

Fjarðabyggð: Hreinskrifa málefnasamninginn á eftir

Sjálfstæðismenn og framsóknarmenn í Fjarðabyggð sömdu í gærkvöldi í öllum megindráttum um nýjan meirihluta. Þetta þýðir að Sjálfstæðisflokkur kemst í fyrsta sinn til valda í þessu stærsta sveitarfélagi Austurlands og Fjarðalistinn, sem frá upphafi hefur leitt stjórn sveitarfélagsins, fer nú í minnihluta.

Almenningur fær að taka þátt í leynifundum

Næstu daga munu borgarfulltrúar og félagar Besta flokksins og Samfylkingarinnar hittast á röð leynifunda og ræða um myndun nýs meirihluta í Reykjavík. Almenningi gefst kostur á að koma sínum sjónarmiðum að í gegnum netið.

Útilokar ekki stjórnmálaslit

„Við íhugum það mjög rækilega en hröpum ekki að neinum slíkum ákvörðunum. Við gerum það að vandlega yfirförnu máli vegna þess að við viljum tala til Ísraela á eins áhrifaríkan hátt og við mögulega getum,“ segir Ögmundur Jónsson, þingmaður VG, aðspurður hvort hann vilji að Ísland slíti stjórnmálasambandi við Ísrael. Hann segir að stjórnmálaslit séu ekki takmark heldur tæki til að koma ákveðnum skilaboðum á framfæri.

Skattalagabrotum að hluta vísað frá dómi

Héraðsdómur Reykjavíkur hefur vísað frá að hluta ákæru á hendur Jóni Ásgeiri Jóhannessyni og Tryggvi Jónssyni vegna meintra skattalagabrota þar sem dómurinn taldi þær brjóta gegn Mannréttindasáttmála Evrópu. Frávísunin verður kærð til Hæstaréttar.

Jóhanna á leiðtogafundi Eystrasaltsráðsins

Jóhanna Sigurðardóttir, forsætisráðherra, sækir leiðtogafund Eystrasaltsráðsins sem haldinn er í Vilníus í Litháen, 1.-2. júní. Aðildarríki Eystrasaltsráðsins eru Norðurlöndin fimm, Eistland, Lettland, Litháen, Rússland, Pólland og Þýskaland, auk þess sem framkvæmdastjórn Evrópusambandsins á aðild að ráðinu.

Mótmæltu fyrir utan Stjórnarráðið

Nokkur fjöldi fólks tók sér stöðu fyrir framan Stjórnarráðið í morgun áður en ríkisstjórnarfundur hófst. Mótmælin voru skipulögð af Heimavarnarliðinu og stóð til að afhenda ríkisstjórninni áskorun bréflega og þess jafnframt óskað að hún verði lesin upp á ríkisstjórnarfundinum, að því er fram kemur í tilkynningu. Tilgangur aðgerðanna er að mótmæla „máttlausum aðgerðum stjórnvalda við að leysa bráðavanda íslenskra heimila," eins og það er orðað.

Hjónavígslum fækkar

Talsvert færri gengu í hjónaband hér á landi í fyrra en nokkur undanfarin ár. Kirkjulegum hjónavígslum fækkar en borgaralegar hjónavígslur standa í stað. Skilnaðartíðni hefur lítið breyst hér á landi undanfarinn aldarfjórðung en 36% hjónabanda enda með skilnaði.

Fimm bíla árekstur á Miklubraut

Fimm bíla árekstur varð á Miklubraut við Skaftahlíð á níunda tímanum í morgun. Bílarnir óku í vesturátt. Ekki lítur út fyrir að slys hafi orðið á fólki. Búast má við einhverjum töfum vegna þessa.