Margir í Landsbankanum með hærri laun en forsætisráðherra

Í nýju árshlutauppgjöri Landsbankans fyrir fyrstu þrjá mánuði ársins kemur fram að launagreiðslur, fríðindi og lífeyrisgreiðslur til æðstu stjórnenda bankans nemi 57 milljónum króna á þessu tímabili.

Samkvæmt upplýsingum frá Landsbankanum er um að ræða tuttugu stjórnendur bankans. Að meðaltali fá stjórnendur bankans því 950 þúsund krónur í laun, fríðindi og lífeyrisgreiðslur á mánuði.

Í nýlegum lögum um kjararáð er kveðið á um að föst laun fyrir dagvinnu, annarra en forseta Íslands, verði ekki hærri en föst laun forsætisráðherra. Þau eru 935 þúsund krónur á mánuði. Landsbankinn er að stærstum hluta í eigu ríkisins. Eins og tekið hefur verið fram eru lífeyrisgreiðslur taldar með í heildarupphæð launa stjórnenda Landsbankans.

En þar sem um meðalgreiðslur er að ræða má gera ráð fyrir að margir af þessum tuttugu einstaklingum hafi hærri laun en forsætisráðherra.