Götuljós loga lengur í Garðabæ en Reykjavík

Gunnar Einarsson, bæjarstjóri Garðabæjar, fór þess á leit við Orkuveitu Reykjavíkur í morgun að götulýsing í Garðabæ yrði strax færð aftur í fyrra horf. Hann segir að öryggi fólks vegi þyngra en sparnaður.

Lést í sjóslysi við Skrúð

Maðurinn sem lést í sjóslysi við Skrúð í gærmorgun hét Guðmundur Sesar Magnússon fæddur 1952. Hann lætur eftir sig eiginkonu og fjögur uppkomin börn.

Harður árekstur á Akureyri

Harður árekstur varð á gatnamótum Kaupvangsstrætis og Glerárgötu á Akureyri. Tveir jepplingar rákust þar á en samkvæmt upplýsingum frá lögreglunni á Akureyri eru engin slys á fólki svo vitað sé. Þrír voru fluttir á slysadeild til skoðunar og aðhlynningar.

Kannabis, amfetamín og stolinn bíll í Mosfellsbæ

Lögreglan á höfuðborgarsvæðinu stöðvaði kannabisræktun í húsi í Mosfellsbæ um miðjan dag í gær. Við húsleit fundust um 150 kannabisplöntur á ýmsum stigum ræktunar að því er fram kemur í tilkynningu frá lögreglunni. Á sama stað var einnig lagt hald á 250 grömm af amfetamíni sem voru vandlega falin.

Birgitta: Blaut tuska framan í almenning

Birgitta Jónsdóttir, þingmaður Hreyfingarinnar, segist hafa fengið jákvæð viðbrögð við máli sínu á Alþingi í morgun. Þar lét þung orð falla þegar að hún spurði iðnaðarráðherra hvort hún teldi að Björgólfur Thor Björgólfsson ætti ekki að skila þýfinu sem hvarf af Icesave reikningunum sem hann bæri beina ábyrgð á. Birgitta var að spyrja ráðherra um lagafrumvarp um gagnaver á Vaðlaheiði sem lagt fram á þingi í fyrradag.

Skilorðsbundin dómur fyrir höfuðkúpubrot

Héraðsdómur Suðurlands hefur dæmt 37 ára gamlan karlmann í 45 daga skilorðsbundið fangelsi fyrir að hafa ýtt harkalega við við 33 ára gamlli konu þannig að hún féll aftur fyrir sig og skall með hnakkann í götuna með þeim afleiðingum að hún höfuðkúpubrotnaði og missti meðvitund. Áverkinn sem hún hlaut hefur haft talsverða fötlun í för með sér. Hann þarf að greiða konunni rúmlega 700 þúsund krónur í bætur og þá var honum einnig gert að greiða rúmlega 460 þúsund krónur í sakarkostnað.

Öryrki datt í lukkupottinn

Í gær komu tveir heppnir nýir Lottómilljónamæringar til Íslenskrar getspár með Lottómiða sem gáfu hvor um sig rúmlega 30 milljónir í vinning.

Mansalsmálið klárað fyrir árslok

Embætti ríkissaksóknara stefnir að því að klára hið svokallaða mansalsmál fyrir 30.desember, en þá rennur út gæsluvarðhald yfir fimm Litháum sem handteknir voru í tengslum við málið. Rannsókn hefur verið hætt á þætti allra íslendinganna sem handteknir voru í málinu, að einum undanskildum.

Peningastefnunefnd birtir fyrstu skýrslu sína

Peningastefnunefnd Seðlabanka Íslands hefur sent Alþingi skýrslu um störf sín á árinu eins og lög gera ráð fyrir. Fyrsta skýrsla peningastefnunefndarinnar hefur nú verið send Alþingi og er birt á vef Seðlabanka Íslands.

Vilja bæta stöðu kvenna í ofbeldissamböndum

Mikill meirihluti þingmanna stendur að tillögu um skipun starfshóps um ofbeldi maka gegn konum frá löndum utan Evrópska efnahagssvæðisins.

Fimm vilja annað sætið

Fimm sækjast eftir öðru sæti á lista Sjálfstæðisflokksins fyrir borgarstjórnarkosningarnar í Reykjavík. Fjórir þeirra eru sitjandi borgarfulltrúar en einn tengdasonur fyrrverandi borgarstjóra.

Ráðherra taki fram fyrir hendur Útlendingastofnunnar

Ákvörðun Útlendingastofnunar um að synja konu um búsetuleyfi hér á landi þar sem laun hennar þykja ekki duga til framfærslu þótt hún sé í fullu starfi er mjög undarlegur, dómsmálaráðherra á að stíga inn í málið. Þetta segir Kristján Gunnarsson formaður Starfsgreinasambandsins.

Sjóslys við Skrúð: Fékk á sig brotsjó

Komið er í ljós að bátnum, sem hlekktist á við eynna skrúð í gærmorgun, hvolfdi, eftir að hafa fengið á sig brotsjó.

Íslenskir ferðamenn í vandræðum

Flugi Iceland Express til Íslands frá Kastrupflugvelli í Kaupmannhafnahöfn var frestað um ellefuleytið í morgun eftir að tæplega 60 farþegar höfðu samband við flugfélagið og sögðust vera strandaglópar og ekki komast á flugvöllinn í tæka tíð. Í Danmörku er vetrarfærð en þar hefur mikið snjóað síðustu daga.

Eignarhlutur Björgólfs Thors verði þynntur út

„Það sem þetta verkefni snýst um er einfaldlega þetta. Ætlum við að láta alla fjárfestinguna fara forgörðum út af fortíð og sögu eins minnihlutaeigenda í þessu fyrirtæki eða ætlum við að stuðla að því að það geti gerst að það komi nýtt fjarmagn inn í þetta verkefni og að þessi aðili sem hér er um rætt verði þynntur út?" Þetta sagði Katrín Júlíusdóttir í óundirbúnum fyrirspurnum á Alþingi í dag.

Kjartan Magnússon gefur kost á sér í 2. sætið

Kjartan Magnússon borgarfulltrúi gefur kost á sér í prófkjöri Sjálfstæðisflokksins í Reykjavík fyrir borgarstjórnarkosningarnar á komandi vori.

Ingibjörg Sólrún ekki ráðin mansalsfulltrúi ÖSE

Ingibjörg Sólrún Gísladóttir, fyrrverandi utanríkisráðherra, var ekki ráðin í starf mansalsfulltrúa ÖSE, öryggis- og samvinnustofnunar Evrópu. Þetta staðfesti Urður Gunnarsdóttir, upplýsingafulltrúi utanríkisráðuneytisins, í samtali við fréttastofu, en ráðuneytið studdi umsókn. Ingibjargar.

Lögreglumenn hefðu ekki getað gert betur

„Lögreglumenn stóðu sig mjög vel í alveg sérstaklega óvenjulegum aðstæðum og ég tel að það hefði ekki verið hægt að gera þetta betur,“ sagði Ragna Árnadóttir dómsmálaráðherra um framgöngu lögreglumanna í mótmælunum eftir bankahrunið.

Ármann Þorvaldsson skrifi sögu Samfylkingarinnar

Sigurjón Þórðarson, fyrrverandi þingmaður, telur alls ekki útilokað Ármann Þorvaldsson, fyrrverandi forstjóri Kauphting Singer & Friedlander, skrifi sögu Samfylkingarinnar.

Þorbjörg Helga gefur kost á sér í 2. sætið

Þorbjörg Helga Vigfúsdóttir borgarfulltrúi, hefur ákveðið að gefa kost á sér í 2. sætið á lista sjálfstæðismanna í Reykjavík.

Súrnun hafanna dulinn vandi

Svandís Svavarsdóttir, umhverfisráðherra, segir að súrnun hafanna sé dulinn vandi loftslagsbreytinga sem ógnaði lífi í höfunum og afkomu ríkja sem byggðu á lífríki hafsins. Þetta kom fram í máli hennar á loftslagsráðstefnunni í Kaupmannahöfn í gær þar sem hún var meðal framsögumanna á fundi sem fjallaði um áhrif loftslagsbreytinga á hafið, sem var stýrt af Kaj Leo Johannessen, lögmanni Færeyja. Auk þeirra héldu meðal annars erindi á fundinum ráðherrar frá Færeyjum og Noregi og fulltrúar frá Indónesíu, Matvæla- og landbúnaðarstofnun Sameinuðu þjóðanna.

Vilja fulltrúa Landsbankans á nefndarfund

Fulltrúar Sjálfstæðisflokksins í fjárlaganefnd fara fram á að fulltrúar Landsbankans og bankasýslunnar mæti á fund nefndarinnar.

Kveikti ölvaður í mottu og skemmdi bíl

Eldur kviknaði í mottu utan við dyr íbúðar í opnum stigagangi í fjölbýlishúsi á Selfossi í gærkvöldi. Þegar íbúinn varð þess var að eldurinn hafði læst sig í útihurðina þreif hann mottuna og henti henni út af svölunum, en þar lenti hún logandi á bíl á bílastæðinu og kveikti í honum.

Ekið á tvo hunda

Ekið var á tvo hunda á móts við Hveragerði í gærkvöldi. Annar drapst samstundis en dýralæknir þurfti að aflífa hinn, sem var mikið meiddur.

Gripin eftir innbrot í sumarbústað

Lögreglu var tilkynnt um innbrot í sumarbústað á Stokkseyri í nótt. Þegar hún var á leiðinni á vettvang sá hún til ferða bíls sem hún stöðvaði strax.

Kannabisræktun í glæsiíbúð

Fíkniefnadeild lögreglunnar á höfuðborgarsvæðinu stöðvaði kannabisræktun í fjölbýlishúsi í Gerðunum í Reykjavík í fyrradag. Ræktunin var í 120 fermetra glæsiíbúð sem var meira og minna undirlögð af kannabisplöntum. Þær reyndust vera um 160 talsins.

Hægt að ná árangri í óbreyttu skattkerfi

Mælt er með blandaðri leið skattahækkana og aðhalds hjá hinu opinbera í nýrri skýrslu sem Viðskiptaráð Íslands gaf út í gær um fjármál hins opinbera. Á kynningu ráðsins á skýrslunni kom fram að með skattahækkunum og aðhaldi í óbreyttu skattkerfi mætti ná sama árangri og stefnt er að hjá stjórnvöldum með víðtækum skattkerfisbreytingum og hækkunum skatta.

Telur líklegt að loka þurfi grunnskólum

„Þróun sem ég sé fyrir mér að gæti komið til er lokun fámennari skóla. Það gæti orðið neyðarbrauð einhverra sveitar­félaga að grípa til slíkra aðgerða,“ segir Halldór Halldórsson, formaður Sambands íslenskra sveitarfélaga. Sambandið hefur kynnt fyrir menntamálaráðherra tillögur sem gera myndu sveitar­félögunum kleift að svara hagræðingarkröfu innan grunnskólanna á næstu tveimur skólaárum. Krafan er 3,5 milljarðar á ári. Hver leið myndi spara um 1,5 milljarða.

Rekin af samstilltum systrum

„Vintage“-kjólaverslunin Gleymmérei er rekin af þremur systrum á Seyðisfirði sem elska gamla kjóla. Seyðfirskar konur hafa tekið versluninni vel og eru margar farnar að klæðast kjólum frá liðnum árum dag hvern.

Skaðlegt efni í sleikjum hér

Matvælastofnun hefur fengið tilkynningu í gegnum viðvörunarkerfi Evrópu (RASFF) þess efnis að innkalla skuli plastsleikjur framleiddar í Kína af fyrirtækinu Ningbo FUTURE Import & Export co.

Lokað var á Álftanes í bönkum og sjóðum

Heildarskuldir og skuldbindingar sveitarfélagsins Álftaness eru 495,3 prósent af heildartekjum árið 2009 og 626,2 prósent að frátöldum bókfærðum tekjum vegna sölu byggingarréttar. Þetta kemur fram í skýrslu eftirlitsnefndar með fjármálum sveitarfélaga.

Kergja í viðræðum og óvissa um samning

Mikil spenna var í aðalfundarsalnum í Bella Center í gær. Fulltrúar þróunarríkjanna, G77, voru gríðarlega óánægðir með hvernig haldið var á málum. Þeir komu hver á fætur öðrum í pontu um fundarstjórn og nýr fundarstjóri átti í erfiðleikum með að greiða úr flækjunni. Það tókst þó á endanum og örlítið meiri bjartsýni ríkti í lok dags en í gærmorgun.

Þrír bílar af skjölum til Ísafjarðar

Skjöl sem safnast hafa upp á 22 árum hjá embætti Ríkissaksóknara voru í gær ferjuð úr húsakynnum Ríkissaksóknara við Hverfisgötu í þrjá flutningabíla. Bílarnir munu síðan flytja skjölin til Ísafjarðar, þar sem þau verða framvegis geymd á vegum Þjóðskjalasafns.

LÍÚ fær 45 milljónir án þess að vilja þær

Hluti af aflaverðmæti á Íslandsmiðum rennur til samtaka útgerða í landinu, samkvæmt 23ja ára gömlum lögum. Landssamband íslenskra útvegsmanna (LÍÚ) og Landssamband smábátaeigenda hafa hvort um sig liðlega fjörutíu milljónir í tekjur af þessu gjaldi á ári. LÍÚ vill að þessari gjaldtöku verði hætt en smábátasjómenn eru sáttir við fyrirkomulagið.

Harðfiskurinn truflar Dani

Harðfiskur og annar þjóðlegur matur Færeyinga truflar starfsemi danskra pósthúsa fyrir jól hver. Starfsmenn þar óttast þá tíð þegar Færeyingar senda brottfluttum ættingjum og vinum matvæli að gjöf.

Ráðherraráðið skrifar undir samning

Íslensk stjórnvöld fóru formlega fram á það við Evrópusambandið í byrjun júní að vera með sameiginlegan loftslagskvóta með ESB gagnvart loftslagssamningi Sameinuðu þjóðanna. Ráðherraráð ESB samþykkti þessa málaleitan í gær og ákvað að hefja samningaviðræður um nákvæma útfærslu samkomulagsins.

Segja óþarft að hækka álögur

„Við höfnum algjörlega þeim hugmyndum sem settar hafa verið fram um hækkanir fasteignaskatta, útsvars og stórfellds niðurskurðar á þjónustu til að leysa rekstrarvanda sveitar­félagsins og vísum í því sambandi til boðaðra aðgerða ríkisstjórnar um auknar skattaálögur,“ segja bæjar­fulltrúar minnihluta Á-listans á Álftanesi.

Sendi Svandísi hvatningarbréf

Gylfi Arnbjörnsson, forseti Alþýðusambands Íslands, hefur sent Svandísi Svavarsdóttur umhverfis­ráðherra hvatningarbréf á loftslagsráðstefnuna í Kaupmannahöfn. Þar er áréttað hversu brýnt ASÍ telji það vera að ná samkomulagi um loftslagsbreytingar fyrir árslok 2009. Í bréfinu eru stjórnvöld hvött til að styðja tillögur Alþjóðasambands verkalýðs­félaga í tengslum við loftslagsráðstefnuna.

Meðalferðatími styst um þrjár til fjórar mínútur

Meðalferðatími á háannatíma í Reykjavík hefur styst um þrjár til fjórar mínútur fyrir hvern bíl á milli ára. Þetta er niðurstaða nýrra umferðartalninga umhverfis- og samgönguráðs borgarinnar, sem fram fóru í nóvember.

Færði boðskap fólksins í salinn

Hugo Chavez, forseti Venesúela, hélt ræðu, líkt og fjölmargir þjóðar­leiðtogar, í gær. Chavez var ánægður með mótmælendur fyrir utan ráðstefnuhöllina og nýtti ræðutíma sinn að hluta til að koma boðskap þeirra á framfæri. Það voru fyrst og fremst tvö slagorð sem heilluðu forsetann: „Breytið kerfinu, ekki loftslaginu!" og „Ef loftslagið væri banki væri búið að bjarga því." Chavez sagði þetta orð að sönnu. Hann sagði vofu á ferð í Kaupmannahöfn, vofu sem enginn þyrði að nefna en væri alltumlykjandi. Þetta væri vofa kapítalismans sem sósíalisminn einn gæti bjargað.

Vill fjölga héraðsdómurum

Dómsmálaráðherra, Ragna Árnadóttir, hefur lagt til að heimilt verði að fjölga héraðsdómurum tímabundið.

Kennarar vilja ekki sjá leið sveitarfélaga

Samband íslenskra sveitarfélaga hefur lagt fram tillögur sem gera myndu sveitar­félögunum kleift að svara hagræðingarkröfu innan grunnskólanna á næstu tveimur skólaárum. Sú leið sem er talin líklegust til árangurs felur í sér skerðingu á kennslu sem nemur þremur til fimm stundum á viku að hámarki.

Nýtt hlutafélag leigi ríkinu nýja Landspítalann

Alþingi heimilaði í gær undirbúning útboðs vegna leigu ríkisins á nýjum Landspítala við Hringbraut. Einnig veitti þingið ríkinu heimild til að stofna hlutafélag um byggingu nýja spítalans og til að veita félaginu lóðarréttindi við Hringbraut.

Telja Árborg stefna í tæknilegt þrot

Fulltrúar minnihluta Sjálfstæðisflokks í bæjarstjórn Árborgar sögðu sig frá samstarfi við meirihlutann um gerð fjárhagsáætlunar næsta árs og greiddu atkvæði gegn áætlun­inni þegar hún var samþykkt í gærkvöldi.

Efla og styrkja samstarfið

Georg Kr. Lárusson, forstjóri Landhelgisgæslu Íslands, og Snorri Olsen tollstjóri undirrituðu í gær samstarfssamning milli Tollstjóraembættisins og Landhelgisgæslu Íslands. Tilgangur samningsins er að efla og styrkja samstarf stofnananna á ýmsum sviðum.