Bílstjórar minnast þeirra sem létust í bílslysinu við Arnarnesbrú

Nokkrir bílstjórar hafa ákveðið að minnast þeirra þeirra þriggja manna sem létust í bílslysi á Hafnarfjarðarvegi við Arnarneshæð þann 18. desember síðastliðinn. Leigubílstjórar munu aka hring um Hafnarfjörðinn til að minnast mannana.

Gætu endað í 10 ára fangelsi

Tíu ára fangelsisvist gæti beðið íslenska parsins sem setið hefur í gæsluvarðhaldi á Spáni síðan fyrir jól. Þau voru tekin með ferðatöskur fullar af kókaíni á flugvellinum í Madríd.

Flugbjörgunarsveitin leitar að ljótasta jólatrénu

Flugbjörgunarsveitin í Reykjavík hefur hafið leitina að ljótasta jólatré landsins. Sá er hýsir ljótasta tréð mun hljóta veglegan flugeldapakka að gjöf frá Flugbjörgunarsveitinni.

Maður ársins valin í Reykjavík síðdegis

Reykjavík síðdegis á Bylgjunni velur manns ársins 2009 í fyrsta sinn nú í ár og getur almenningur tekið þátt í valinu í dag og á morgun. Kristófer Helgason, einn af stjórnendum þáttarins, segir að valið fari gríðarlega vel af stað og nú þegar hafi borist fjölmargar tilnefningar.

Allir nema sjálfstæðismenn hafa gengið frá tilnefningum

Eftir því sem fréttastofa kemst næst hafa allir flokkar að Sjálfstæðisflokki undanskildum gengið frá því hvaða þingmenn munu sitja í nefndinni sem ætlað er að fjalla um skýrslu Rannsóknarnefndar Alþingis sem skilað verður í lok janúar á nýju ári. Þau Oddný G. Harðardóttir og Magnús Orri Schram munu sitja í nefndinni fyrir hönd Samfylkingar.

Vilja þjóðaratkvæði um Icesave

Allir þingmenn Framsóknarflokks og Hreyfingarinnar vilja að efnt verði til þjóðaratkvæðagreiðslu um hvort staðfesta eigi nýja ríkisábyrgð vegna Icesave skuldbindinganna. Þetta er önnur tillagan sem er lögð fram á Alþingi um að þjóðin kjósi um málið.

Ætla að tilnefna fulltrúa í þingnefndina

Þingflokkur Hreyfingarinnar áformar að tilnefna fulltrúa í þingnefnd sem ætlað er að fjalla um skýrslu rannsóknarnefndar Alþingis þrátt fyrir að allar breytingartillögur þingflokksins hafi verið felldar í atkvæðagreiðslu í morgun.

Minnt á rétta meðferð flugelda

Lögreglan minnir á nokkur atriði úr reglugerð um skotelda í ljósi þess að áramót eru framundan. Í reglugerðinni segir meðal annars að á því tímabili sem almenn notkun skotelda er leyfð, 28. desember til 6. janúar, er meðferð þeirra þó alltaf bönnuð frá miðnætti til kl. 09:00 að undanskilinni nýársnótt.

Dæmdar miskabætur fyrir ólögmæta handtöku

Héraðsdómur Reykjavíkur dæmdi Íslenska ríkið til þess að greiða ungum manni miskabætur vegna ólömætrar frelsissviptingar. Maðurinn krafðist 150 þúsunda í í bætur en dómstóllinn komst að því að hæfileg greiðsla væri 70 þúsund. Forsaga málsins er sú að lögreglan í Borgarnesi stöðvaði manninn þar sem hann var staddur í verslun í bænum og bað hann um öndunarsýni sem reyndist neikvætt.

Krefjast þess að lög um afnám sjómannaafsláttar verði afturkölluð

Stjórnvöld eru átalin fyrir að afnema sjómannaafsláttinn í ályktun sem samþykkt var á aðalfundi Sjómannadeildar AFLs Starfsgreinafélags í gærkvöldi. Þar segir að fundurinn átelji stjórnvöld fyrir lagabreytingar á skattaumhverfi sjómanna án þess að tekið sé tillit til sögu sjómannaafsláttarins.

Dópparið í Madríd: Var með 10 til 20 kíló af kókaíni

Parið sem situr í gæsluvarðhaldi á Spáni eftir að þau voru handtekinn með kókaín á flugvellinum í Madríd hefur komið við sögu fíkniefnalögreglunnar hér á landi. Hún fylgist með málinu en rannsóknin er alfarið á forræði kollega þeirra á Spáni. Parið var með eitthvað á bilinu 10 til 20 kíló af kókaíni í fórum sínum þegar það var handtekið á Baraja flugvelli fyrir jól. Efnin voru falin í ferðatöskum. Fréttastofa hefur þetta eftir heimildum innan lögreglunnar.

Verkefnaskortur blasir við fjölveiðiskipunum

Verkefnaskortur blasir við fjölveiðiskipafotanum á næsta ári vegna skertra kvóta úr Norsk-íslenska síldarstofninum, kolmunnastofninum, loðnuleysis og sýkingingar í íslenska síldarstofninum.

Myndband um meðhöndlun flugelda

Slysavarnafélagið Landsbjörg hefur gefið út myndband um rétta meðhöndlun flugelda. Félagið hvetur almenning til að skoða myndbandið með það að markmiði að koma í veg fyrir flugeldaslys en þau verða flest vegna rangrar meðhöndlunar og fikts. Mjög mikilvægt er að almenningur kynni sér allar leiðbeiningar sem fylgja flugeldavörum og noti hanska og flugeldagleraugu þegar skotið er upp, að fram kemur í tilkynningu frá Slysavarnafélaginu Landsbjörg.

Lög samþykkt um þingmannanefnd

Ekki náðist samstaða á Alþingi um frumvarp forsætisnefndar um rannsókn á aðdraganda og orsökum bankahrunsins. Þingmenn Hreyfingarinnar sátu hjá í atkvæðagreiðslu þegar frumvarpið var samþykkt í morgun.

Hallgrímskirkju lokað

Hallgrímskirkju verður lokað í sjö til átta vikur í byrjun næsta árs vegna framkvæmda. Viðgerð kirkjuturnsins er lokið og hafa vinnupallar verið teknir niður. Síðasti hluti framkvæmdanna er þó eftir. Settar verða nýjar hurðir í aðaldyr kirkjunnar. Þær eru miklar að burðum og þarf að undirbúa dyraumbúnað allan mjög rækilega fyrir hinar nýju hurðir, að fram kemur í tilkynningu frá kirkjunni. Jafnframt þessari framkvæmd verður kirkjan hreinsuð að innan.

„Hreyfingin gefur þingmönnum puttann"

Siv Friðleifsdóttir, þingmaður Framsóknarflokksins, gagnrýndi málflutning þingmanna Hreyfingarinnar í umræðum á Alþingi í dag um þingnefnd sem ætlað er að fjalla um skýrslu rannsóknarnefndar Alþingis. Hún sagði Hreyfinguna gefa Alþingi puttann.

Ólína fær ekkert að vita um skuldameðferð sjávarútvegsfyrirtækja

Ekkert verður gefið upp um skuldameðferð íslenskra sjávarútvegsfyrirtækja í íslensku bönkunum af hálfu efnahags- og viðskiptaráðherra. Þetta kemur fram í svari við fyrirspurn Ólínu Þorvarðardóttur þingkonu Samfylkingarinnar.

Hálka á Reykjanesbraut

Hálka er á Reykjanesbraut. Á Hellisheiði og í Þrengslum eru hálkublettir, að fram kemur í tilkynningu frá Vegagerðinni. Á Vesturlandi er hálka á norðanverðu Snæfellsnesi. Á Vatnaleið, Fróðárheiði og Holtavörðuheiði er hálka og skafrenningur en auk þess eru víða hálkublettir.

Opið í Hlíðarfjalli og á Siglufirði

Opið verður í Hlíðarfjalli í dag frá klukkan 11 til 19. Í gær var einhver fjölsóttasti dagur milli jóla og áramóta frá upphafi. Tæplega 1200 manns mættu á skíði og bretti og skemmtu sér vel í stórkostlegu færi, að fram kemur í tilkynningu. Búist er við svipuðum fjölda í dag.

Þingnefndin er prófsteinn á styrk Alþingis

Formaður allsherjarnefndar Alþingis segir að vinnu þingmannanefndar sem ætlað er að fjalla um skýrslu rannsóknarnefndar Alþingis sé prófsteinn á styrk og trúverðugleika þingsins.

Icesave hentar ekki í þjóðaratkvæði

Sigurður Líndal, lagaprófessor, segir að Icesave frumvarpið henti ekki til þjóðaratkvæðagreiðslu. Slíkt hljóti að valda óvissu og truflunum í samskiptum ríkja. Þetta kemur fram í grein sem Sigurður skrifar í Fréttablaðið í dag.

Heimdellingar gagnrýna stjórnvöld

Heimdallur, félag ungra Sjálfstæðismanna í Reykjavík, telur að íslensk stjórnvöld hafi því miður ekki ráðist í skipulega fundaherferð meðal evrópskra þingmanna og stjórnmálamanna til þess að kynna málstað Íslands í Icesave-málinu út á við.

Hlé á Icesave á elleftu stundu

Hlé var gert á þriðju umræðu um Icesave-frumvarpið á Alþingi laust fyrir klukkan ellefu í gærkvöldi og voru þá 20 þingmenn enn á mælendaskrá. Formenn þingflokkanna ákváðu á fundi með forseta Alþingis að atkvæðagreiðsla um málið verði á morgun.

Sex útköll hjá slökkviliðinu

Slökkviliðið á höfuðborgarsvæðinu var kallað út sex sinnum í gærkvöldi og í nótt, en hvergi varð þó alvarlegt tjón. Í einu tilviki vaknaði fólk við reykskynjara, en þá hafði kvíknað í út frá skreytingu.

Hittu Obama-hjónin á Havaí á jóladag

Fjölskylda Önnu Soffíu Jóhannsdóttur Ryan hitti Barack Obama Bandaríkjaforseta og Michelle, eiginkonu hans, á jóladag. Eiginmaður Önnu Soffíu er yfirmaður í sjóher Bandaríkjanna og staðsettur á Havaí.

Ákvörðun um ákæru tekin á morgun

Litháíska konan, sem talin er vera fórnarlamb mansals og kom hingað til lands í október síðastliðnum, hefur verið seld ítrekað í vændi í heimalandi sínu að eigin sögn. Þetta kom fram í fréttum Stöðvar 2 í gærkvöldi. Í upphafi málsins höfðu þrettán manns stöðu sakbornings, en fimm Litháar og einn Íslendingur eru nú grunaðir um aðild að því. Ákvörðun um ákæru verður tekin á miðvikudag.

Var minnt á biðlaunaréttinn

Margt reyndasta starfsfólk Ríkisútvarpsins var fyrir jól minnt á rétt sinn til tólf mánaða biðlauna, yrði staða þess lögð niður. Þessi biðlaunaréttur, sem á við um fólk sem hefur unnið hjá RÚV síðan fyrir 1997, rennur út um áramót. Sigrún Stefánsdóttir, dagskrárstjóri útvarpsins, segir þetta gert með góðum vilja og í ljósi yfirvofandi niðurskurðar.

Fyrningu ráðherrabrota seinkað

Möguleg brot á lögum um ráðherraábyrgð fyrnast á fjórum árum en ekki þremur, nái breytingar allsherjarnefndar Alþingis á frumvarpi til breytinga á lögum um rannsókn á falli bankanna og tengdum atburðum fram að ganga. Nefndin afgreiddi breytingartillögu þar um á fundi í gærmorgun.

Fleiri viðhaldsverkefni nú en smærri en á síðasta ári

Eftir að stjórnvöld réðust í átak á vormánuðum til að auðvelda framkvæmdir og viðhald á íbúðarhúsnæði og skapa þannig störf fyrir iðnaðarmenn hafa Íslendingar ráðist í töluvert fleiri framkvæmdir á heimilum sínum en í fyrra, en samt varið til þeirra mun minni fjármunum. Þetta er meðal þess sem ráða má af tölum frá Ríkisskattstjóra um endurgreiðslur á virðisaukaskatti vegna framkvæmda og viðhalds.

Eldisfiskur fimmta hvern dag

Allt stefnir í að fimmtungur af þeim rúmlega 5.100 tonnum af hráefni sem unnið er úr í landvinnslu Hraðfrystihússins-Gunnvarar hf. í Hnífsdal og á Ísafirði á þessu ári komi úr þorskeldi. Fyrirtækið hefur stundað þorskeldi undanfarin ár en þetta hlutfall hefur að sögn Einars Vals Kristjánssonar, framkvæmdastjóra fyrirtækisins, aldrei verið hærra.

Nýr Suðurlandsvegur hannaður án vegriða

Hönnun á tvöföldum Suðurlandsvegi og hugmyndir um tvöföldun milli Hveragerðis og Selfoss gera ekki ráð fyrir vegriðum á milli akreina. Miðjugeil verður hins vegar á milli akreina líkt og á vegarkaflanum við Arnarnesbrú á Hafnarfjarðarvegi þar sem þrír menn létust í umferðarslysi stuttu fyrir jól.

Ekki til skynsamleg rök fyrir sameiningu

„Nú er mikilvægt að standa vörð um landbúnað og sjávarútveg og þess vegna er mjög óskynsamlegt að leggja niður landbúnaðar- og sjávarútvegsráðuneytið,“ segir Jón Bjarnason, sjávarútvegs- og landbúnaðarráðherra.

Icesave-umræðan komin á lokasprett

Sjálfstæðismenn og framsóknarmenn lögðu í gær fram hvorir sína frávísunartillögu við Icesave-frumvarp ríkisstjórnarinnar. Þriðja og síðasta umræða um ríkisábyrgð á Icesave hófst á Alþingi í gær. Þá kom þing saman milli jóla og nýárs í fyrsta skipti frá árinu 1994 og í fjórða skipti á lýðveldistímanum.

500 þúsund í Kópavogslaug

Metfjöldi fólks hefur sótt sundlaugina í Kópavogi á árinu sem er að líða. María Níelsdóttir, sem er fædd og uppalin í Kópavogi, varð í gær 500 þúsundasti gestur ársins.

Skólaakstur dýr í sveitahreppum

Skólaakstur kostar Skaftárhrepp árlega um 700 þúsund krónur að jafnaði á hvert barn. Litlar skatttekjur sveitarfélagsins takmarka möguleika þess til að spyrna gegn fólksfækkun.

Meirihluti fjárlaganefndar segir nauðsynlegt að samþykkja Icesave

Meirihluti fjárlaganefndar segir nauðsynlegt að samþykkja Icesave frumvarpið. Minnihlutinn segir samningana stórhættulega, gjá hafi myndast milli þings og þjóðar og að með samningunum verði skuldabyrði þjóðarbúsins líklega óviðráðanleg.

Icesave-frumvarp líklega samþykkt á miðvikudaginn

Allt bendir til þess að Alþingi samþykki Icesave frumvarp ríkisstjórnarinnar á miðvikudag. Fastlega er búist við því að stjórnarandstaðan muni gera allt sem í hennar valdi stendur til að tefja afgreiðslu málsins.

Ríkisráð kemur saman

Ríkisráð Íslands hefur verið kvatt saman á Bessastöðum á gamlársdag. Ríkisráðsfundir eru að jafnaði haldnir tvisvar á ári, um mitt ár og á gamlársdag, en einnig við ríkisstjórnar- og ráðherraskipti. Ríkisráð kom síðast saman 1. október þegar Ögmundur Jónasson lét af embætti heilbrigðisráðherra og Álfheiður Ingadóttir tók sæti í ríkisstjórn.

Hálkublettir á Hellisheiði og í Þrengslum

Hálkublettir eru á Hellisheiði og í Þrengslum og nokkuð austur eftir Suðurlandi. Hálkublettir eru á höfuðborgarsvæðinu og eins á Reykjanesbraut og víðar við Faxaflóa, að fram kemur í tilkynningu frá Vegagerðinni.

1500 hugmyndir frá íbúum vegna skipulagsins í borginni

Ríflega 1500 hugmyndir bárust um það sem betur má fara í skipulagi borgarinnar á fundum skipulags- og byggingasviðs Reykjavíkurborgar sem fram fóru í öllum tíu hverfum borgarinnar í október og nóvember. Á fundunum gafst íbúum tækifæri til að koma sínum athugasemdum á framfæri í vinnu- og umræðuhópum vegna mótunar aðalskipulags Reykjavíkur 2010 til 2030 með framtíðarsýn allt til ársins 2050. Markmiðið með fundunum var að færa aðalskipulagið nær íbúum hverfanna, að fram kemur í tilkynningu frá Reykjavíkurborg.

Stærsti vinningur í sögu Happdrættis Háskólans

Stærsti vinningur í sögu Happdrættis Háskóla Íslands, 75 milljónir króna, verður dreginn út á morgun.

Gefa þúsundir flugeldagleraugna

Blindrafélagið og Slysavarnafélagið Landsbjörg öllum 10 til 15 ára börnum gjafabréf fyrir flugeldagleraugum í samstarfi við Íslandspóst, Prentsmiðjuna Odda og Sjóvá.

Brýtur ekki í bága við stjórnarskrána

Þriðja og síðasta umræða um Icesave frumvarp ríkisstjórnar hófst á Alþingi í dag þegar Guðbjartur Hannesson, formaður fjárlagalefndar, mælti fyrir framhaldsnefndaráliti meirihluta nefndarinnar. Hann sagði ekkert í frumvarpinu brjóta í bága við stjórnarskránna. Atkvæðagreiðsla mun væntanlega fara fram á miðvikudag.

Tveir fluttir á slysadeild eftir árekstur á Gullinbrú

Tveir voru fluttir á slysadeild eftir þriggja bíla árekstur á Gullinbrú á tólfta tímanum í dag. Samkvæmt upplýsingum frá lögreglunni missti ökumaður bíls sem var á leið úr Grafarvogi stjórn á bifreið sinni og fór yfir á rangan vegarhelming sem varð til þess að þriggja bifreiða árekstur varð. Samkvæmt upplýsingum frá vakthafandi lækni á slysadeild eru fólkið enn til skoðunar en ekkert bendir til að meiðsl þeirra séu alvarleg.

Enginn fréttaritari í Brussel

Ríkisútvarpið hefur hætt við áform sín um að hafa fréttamann staðsettan í Brussel í tengslum við aðildarumsókn Íslands að Evrópusambandinu. Sú ákvörðun var tekin í ljósi þröngs fjárhags Rúv. Þetta kemur fram í svari menntamálaráðherra við fyrirspurn Gunnars Braga Sveinssonar, þingflokksformanns Framsóknarflokksins, sem vildi vita hver heildarkostnaður Ríkisútvarpsins yrði við starfið.