Íslensk mannætusaga á forsíðu Politiken

Stórblaðið Politiken skrýddi forsíðu blaðsins og forsíðu bókakálfs síns með verkum Þórarins Leifssonar, rithöfundar og myndlistarmanns en í bókablaðinu sjálfu var síðan stærðarinnar viðtal við Þórarinn í tilefni af útkomu bókarinnar Leyndarmálið hans pabba þar í landi.

Fleiri mótmæla Icesave en fjölmiðlafrumvarpinu

Alls hafa 33890 manns skrifað undir áskorun Indefence til forseta Íslands um synjun staðfestingar á Icesave lögum samkvæmt tilkynningu frá samtökunum.

Árás í Heiðmörk: Refsingu frestað

Héraðsdómur Reykjaness ákvað í dag að fresta dómi skilorðsbundið yfir þremur sautján ára gömlum stúlkum sem játuðu að hafa ráðist á fjórðu stúlkuna í Heiðmörk í apríl á þessu ári. Haldi stúlkurnar þriggja ára skilorð munu þær ekki þurfa að sæta refsingu vegna árásarinnar. Þær voru hinsvegar dæmdar til þess að greiða sakarkostnað í málinu, tæpar 32 þúsund krónur.

Flestir vetnisbílar hér á landi

Stærsti floti vetnisknúinna fólksbíla í Evrópu er nú hér á landi. Í flotanum eru nú tuttugu og tveir fólksbílar, en tíu þeirra eru nýkomnir til landsins. Íslensk Nýorka og Brimborg tóku við bílunum á athafnasvæði Eimskipa í morgun.

Aflakóngarnir eru á Hornafirði

Aflahæsti smábátur landsins er ekki á Vestfjörðum heldur er gerður út úr árósi á suðausturhorni landsins. Hásetahluturinn var fimmtán milljónir króna í fyrra og verður enn hærri í ár.

Fá humar frá Vinnslustöðinni

Vinnslustöðin í Vestmannareyjum afhenti í dag Fjölskylduhjálp Íslands og Mæðrastyrksnefnd Reykjavíkur að gjöf samtals 900 kíló af humri til dreifingar meðal skjólstæðinga samtakanna fyrir jólin. Humarinn er frosinn í 450 gramma pokum. Hvor samtök fengu 1.000 poka til ráðstöfunar.

Júlíus Vífill vill annað sætið

Júlíus Vífill Ingvarsson borgarfulltrúi hefur ákveðið að bjóða sig fram í 2. sætið í prófkjöri Sjálfstæðisflokksins fyrir komandi borgarstjórnarkosningar í Reykjavík. Hann skipaði 5. sæti á lista sjálfstæðismanna í kosningunum 2006.

Nauðgun: Lögregla leitar að leigubílstjóra

Lögreglan á höfuðborgarsvæðinu leitar að leigubílstjóra í tengslum við rannsókn á nauðgunarmáli frá því í lok nóvember.

Boða til mótmæla bílaeigenda

Samtökin Nýtt Ísland standa á morgun fyrir mótmælum fyrir utan húsnæði fimm fyrirtækja sem lána til bifreiðakaupa. Safnast verður saman fyrir utan fyrirtækin og flautað stanslaust í þrjár mínútur.

Meira en 5000 Reykvíkingar búnir að kjósa

Rúmlega 5000 manns hafa nú kosið í netkosningunni um smærri nýframkvæmdir og viðhaldsverkefni sem hefur verið í gangi á heimasíðu Reykjavíkurborgar. 95 þúsund borgarbúar, sextán ára og eldri mega kjósa, og því hafa rúmlega 5,2% nýtt atkvæðisrétt sinn. Kosningunni lýkur á morgun.

Braut gegn dóttur sinni og vinkonu hennar

Héraðsdómur Reykjaness dæmdi í dag karlmann í 10 mánaða fangelsi fyrir kynferðisbrot gegn dóttur sinni og vinkonu hennar. Þær voru 12 ára þegar hann braut gegn þeim sumarið og haustið 2008 í sumarbústað.

Sluppu með lítilsháttar meiðsli úr slysi í Skagafirði

Umferðarslys var um klukkan tvö í Blönduhlíð í Skagafirði þegar bíll ók út af veginum. Frá slysinu er greint á fréttamiðlinum Feyki og er varað við gríðarlegri hálku á svæðinu. Bíllinn er gjörónýtur en hann hentist um 150 metra út af veginum og hafnaði út í skurði.

Forseti ASÍ: Ríkisstjórnin brýtur samninga

Gylfi Arnbjörnsson, forseti ASÍ, segir ríkisstjórnina brjóta gegn ákvæðum gildandi kjarasamninga og svíkja þar með yfirlýsingar fyrri ríkisstjórna. Samstarf launþegahreyfingarinnar við ríkisstjórnina sé í uppnámi.

Moggaviðtal við Bjarna aldrei birt

Viðtal sem tekið var við Bjarna Benediktsson, formann Sjálfstæðisflokksins, og stóð til að birta í sunnudagsblaði Morgunblaðsins í haust birtist aldrei þar sem Bjarni var ósáttur með efnistök blaðamannsins sem tók viðtalið.

AGS: Samkomulag um aðra endurskoðun

Íslensk stjórnvöld og Alþjóðagjaldeyrissjóðurinn hafa náð samkomulagi um aðra endurskoðun á efnahagsáætlun Íslands. Þetta var tilkynnt á fundi með forsvarsmönnum AGS á Íslandi, þeim Mark Flanagan og Franek Roswadovski. Sendinefnd sjóðsins hefur fundað með stjórnvöldum hér á landi og öðrum áhrifamönnum úr viðskiptalífi landsins og fulltrúum launþega síðustu vikur. Búist er við því að hægt verði að leggja áætlunina fyrir framkvæmdastjórn AGS í janúar á næsta ári.

Hegningarhúsið verði selt

Í breytingatillögum meirihluta fjárlaganefndar við fjárlög fyrir árið 2010 er lagt til að selja húseignina við Skólavörðustíg 9 í Reykjavík sem betur er þekkt sem Hegningarhúsið við Skólavörðustíg. Gerðar eru nokkrar breytingatillögur í fangelsismálum en auk þess að selja Hegningarhúsið er lagt til að fangelsið á Kópavogsbraut verði einnig selt og í staðinn verði hentugra húsnæði á höfuðborgarsvæðinu leigt eða keypt.

Tveggja mánaða skilorð fyrir nefbrot

Héraðsdómur Suðurlands dæmdi í dag karlmann í tveggja mánaða skilorðsbundið fangelsi fyrir að nefbrjóta mann á tjaldstæðinu á Flúðum í júní. Mennirnir þekktust ekki en fyrir dómi sagðist árásarmaðurinn hafa verið áreittur af hinum og í framhaldinu hafi hann slegið hann á nefið með þeim afleiðingum að það brotnaði.

Kennarar skora á menntamálaráðherra

Stjórn Kennarasambands Íslands hefur sent frá sér ályktun þar sem skorað er á menntamálaráðherra að forgangsraða í þágu menntunar og standa vörð um þá lágmarksþjónustu sem börnum og unglingum er tryggð með núverandi lögum. „Stjórn Kennarasambands Íslands varar við hugmyndum Sambands íslenskra sveitarfélaga um áframhaldandi stórfellan niðurskurð í skólakerfinu. Á samdráttartímum er mikilvægara en nokkru sinni að standa vörð um menntun og skólastarf.“

Ragna fundar með lögreglumönnum

Ragna Árnadóttir, dóms- og mannaréttindaráðherra, fundar í dag með lögreglumönnum um fyrirhugaðar skipulagsbreytingar á skipan lögreglu. Það er Lögreglufélag Reykjavíkur sem boðar til fundarins. Haukur Guðmundsson, skrifstofustjóri dómsmála- og löggæsluskrifstofu, mætir á fundinn með Rögnu.

Hjúkrunarfræðingar andsnúnir tilfærslu

Félag íslenskra hjúkrunarfræðinga leggst alfarið gegn þeim hugmyndum ríkisstjórnarinnar að færa alla þjónustu við aldraða á hjúkrunarheimilum til félags- og tryggingamálaráðuneytis. Stjórn félagsins hvetur þingmenn til að greiða atkvæði gegn fyrirhuguðum flutningi þegar frumvarp til fjárlaga 2010 verður tekið til afgreiðslu á Alþingi.

Sýn hinnar hagsýnu húsmóður

Kynjakvóti, sem kveður á um að í stjórnum 350 stærstu fyrirtækja landsins eigi hlutfall kvenna að vera minnsta kosti 40%, getur orðið að lögum fyrir jól. Það á að innleiða sýn hinnar hagsýnu húsmóður inn í íslenskt atvinnulíf, segir þingmaður Samfylkingarinnar.

AGS með blaðamannafund

Mark Flanagan, yfirmaður sendinefndar Alþjóðagjaldeyrissjóðsins á Íslandi og Franek Rozwadowski, sendifulltrúi sjóðsins, kynna vinnu sendinefndarinnar og árangur viðræðna við íslensk stjórnvöld á fundi í dag. Sendinefnd AGS kom til landsins í byrjun mánaðarins og hefur staðið í viðræðum við stjórnvöld síðan þá um aðra endurskoðun á efnahagsáætlun Íslands.

Biður lögreglumenn ekki afsökunar

Álfheiður Ingadóttir, heilbrigðisráðherra, sér ekki ástæðu til að biðja lögreglumenn afsökunar á ummælum sem eftir henni voru höfð í búsáhaldabyltingunni í byrjun þessa árs. Gunnar Bragi Sveinsson, þingflokksformaður Framsóknarflokksins, spurði Álfheiði út í málið á þingfundi í dag. Hann vildi að Álfheiður bæði lögreglumenn afsökunar á ummælum sínum þar sam hún í skyn að lögregla færi fram með of miklu harðræði og væru að hefna sín á mótmælendum. Veist hafi verið að lögreglumönnum og þeim veittir áverkar.

Guðfríður Lilja aftur á þing

Guðfríður Lilja Grétarsdóttir, þingflokksformaður Vinstri grænna, tók sæti á Alþingi á nýjan leik í dag en hún hefur verið fæðingarorlofi. Guðfríður hefur verið meðal efasemdarmanna í þingflokki VG um Icesave málið. Varamaður hennar greiddi atkvæði með frumvarpi ríkisstjórnarinnar um Icesave í síðustu viku en tveir þingmenn flokksins greiddu atkvæði gegn frumvarpinu.

Ross Beaty sest í stjórn HS orku

Forstjóri kanadíska félagsins Magma Energy hefur tekið sæti í stjórn HS orku. Ross Beaty, forstjóri, ásamt öðrum fulltrúa félagsins, Lyle Braaten, eru nú komnir inn í stjórn fyrirtækisins. Fyrsti stjórnarfundurinn með þátttöku þeirra er nú að hefjast. Vísir fékk ekki nákvæmar upplýsingar um hvað stæði til að ræða á fundinum, annað en að þar yrði „farið yfir öll helstu mál“.

Ólafur Ragnar heiðursdoktor við Ohio háskóla

Ríkisháskólinn í Ohio, fjölmennasti háskóli Bandaríkjanna, gerði í gær, sunnudaginn 13. desember, forseta Íslands Ólaf Ragnar Grímsson að heiðursdoktor við hátíðlega athöfn í Columbus. „Forseta er veittur þessi heiður fyrir framlag hans til alþjóðasamfélagsins og baráttunnar gegn loftslagsbreytingum, fyrir að efla samstarf vísindamanna og fræðastofnana á vettvangi umhverfismála og nýtingar náttúruauðlinda og stuðla þannig að lausnum á brýnum vandamálum veraldar,“ segir í tilkynningu frá forsetaembættinu.

Vegfarendur hvattir til að sýna fyllstu árvekni

Umferðarráð hvetur alla vegfarendur til að sýna fyllstu árvekni í umferðinni. Ráðið bendir á að akstur undir áhrifum áfengis eða annarra vímuefna er helsta orsök alvarlegra umferðarslysa. Þetta kemur fram í ályktun síðasta fundar umferðarráðs um ölvunarakstur.

Þingmenn strengjabrúður

Birgitta Jónsdóttir, þingmaður Hreyfingarinnar, segir óvönduð vinnubrögð viðhöfð á Alþingi og að þingmenn séu strengjabrúður ríkisstjórnarinnar.

Svafa Grönfeldt hætt í HR

Svafa Grönfeld rektor Háskólans í Reykjavík mun láta af störfum í næsta mánuði. Við rektorsstöðunni tekur Ari Kristinn Jónsson, forseti tölvunarfræðideildar skólans.

Þingmenn ræða fjárlög

Önnur umræða um fjárlagafrumvarpið á Alþingi hefst í dag. Starfsáætlun þingsins er farin úr skorðum en samkvæmt henni átti þriðja umræða fjárlaga að vera á morgun. Allt lítur því út fyrir að þingfundir verði milli jóla og nýárs.

Brennuvargar á ferð

Brennuvargar kveiktu í strætóskýli við Seljabraut í Breiðholti laust fyrir klukkan tvö í nótt og urðu talsverðar skemmdir á skýlinu. Nokkru fyrr, eða rétt upp úr miðnætti, var kveikt í ruslatunnum við Háberg í Breiðholti, en þær stóðu upp við húsvegg.

Sprengingar við Fálkagötu

Lögreglunni á höfuðborgarsvæðinu var tilkynnt um sprengingar við Fálkagötu á tólfta tímanum í gærkvöldi. Þar sást til unglinga að sprengja einhvers konar kínverja, en þeir forðuðu sér áður en lögreglan kom.

Átta fjölveiðiskip leita gulldeplu

Átta fjölveiðiskip eru nú byrjuð að leita að gulldeplu, um það bil 40 sjómílur suður af Grindavík.

Mikill gnýr í Óðalsbændum

Mikill glaumur var á veitingahúsinu Óðali í nótt. Kvað svo rammt að hávaðanum frá húsinu að lögreglumenn fóru á vettvang á fimmta tímanum í nótt.

Hópslagsmál unglinga við Kringluna

Lögreglumenn stöðvuðu unglingaslagsmál við Borgarleikhúsið á áttunda tímanum í gærkvöldi, en tveimur hópum unglinga laust saman við Kringluna.

Töluvert tjón í bílskúrsbruna

Töluvert tjón varð þegar eldur kviknaði í bílskúr við Hverafold í Reykjavík á tíunda tímanum í gærkvöldi. Eldurinn magnaðist hratt og var að teygja sig í þakskegg á næsta húsi þegar slökkvilið kom á vettvang.

Tilraun til að nýta gulldeplu sem aðalfóður í þorskeldi

Hraðfrystihúsið Gunnvör í Hnífsdal gerði í fyrravetur tilraun til að nýta gulldeplu sem fóður í áframeldi á villtum þorski. Tilraunin gafst það vel að hugmyndir eru uppi um að leggja áherslu á gulldeplu sem fóður og Álfsfell, annað þorskeldisfyrir­tæki í Djúpinu, hefur bæst við. Huginn VE frá Vestmannaeyjum ætlar að frysta 500 tonn fyrir jól, gefi á sjó.

Jón berst gegn sameiningu ráðuneyta

Jón Bjarnason, sjávarútvegs- og landbúnaðarráðherra, hefur beitt sér gegn sameiningu sjávarútvegs- og landbúnaðarráðuneytisins og iðnaðarráðuneytisins. Samkvæmt heimildarmönnum Fréttablaðsins, úr þingliðum beggja stjórnarflokka, hefur hann reynt að torvelda vinnu við verkefnið, meðal annars með því að neita að hitta embættismenn sem starfa að sameiningunni.

Milljarði sóað í dráttarvexti

Ríkisstofnanir greiddu 1,2 milljarða króna í dráttarvexti frá ársbyrjun 2007 fram á mitt þetta ár. Stofnanir sem greiddu yfir milljón króna voru 37 talsins en sex þeirra bera meirihluta þessa kostnaðar og er uppsöfnuðum rekstrarhalla undanfarinna ára um að kenna.

Fjöldi sveitarfélaga lifir ekki án styrkja

Um helmingur sveitarfélaga á Íslandi, 36 af 77, fær þrjátíu prósent eða meira af tekjum sínum frá Jöfnunarsjóði sveitarfélaga. Ljóst er að slík sveitarfélög ættu erfitt uppdráttar án styrksins. Tvö sveitarfélög fá meira en helming tekna sinna úr sjóðnum; Skagabyggð er með 59,4 prósent og Bæjarhreppur með 59,7 prósent.

Framlög til fangelsa og dómstóla aukin

Auka á fjárveitingar til dómstóla og verja yfir 100 milljónum í fjölgun fangarýma á næsta ári. Þetta er meðal þess sem gert er ráð fyrir í breytingartillögum við fjárlagafrumvarp næsta árs, sem ræddar verða á Alþingi í dag.

Ítarleg lögfræðileg álitsgerð óþörf

Davíð Þór Björgvinsson, dómari við Mannréttindadómstól Evrópu í Strassborg, telur ekki tilefni til að efast um að Icesave-frumvarpið standist stjórnarskrá. Er hann raunar þeirrar skoðunar að ástæðulaust sé að tekin verði saman ítarleg lögfræðileg álitsgerð um málið.

Samgöngumiðstöð enn í mestri óvissu

Ekki hefur enn verið gengið frá því hvaða fyrirtæki eiga að nota fyrirhugaða samgöngumiðstöð í Vatnsmýri. Á næstunni verður rætt við flugfélög, veitingamenn og þá sem reka hópferðabíla um þetta.

673 íslenskar bækur í flóðinu

Aldrei hafa verið prentaðar fleiri bækur hérlendis en nú fyrir jólin að því er kemur fram í könnun Bókasambands Íslands. Um áttatíu prósent af öllum þeim bókartitlum sem birtust í Bókatíðindum Félags íslenskra bókaútgefenda eru prentuð hérlendis.

Möppurnar seljast í janúar

Fram undan er aðalvertíð ársins hjá Múlalundi í möppuframleiðslu, en þar eru framleiddar bókhaldsmöppur sem heita því rammíslenska nafni EGLA. Ef ekki selst vel af möppum í janúar má segja að árið sé ekki gott á vinnustofunni. Með því að kaupa möppurnar er verið að styrkja einstakling til betri framtíðar, því þær skapa vinnu fyrir fatlað fólk. Múlalundur var stofnaður árið 1959 og fagnar því hálfrar aldar afmæli sínu í ár. Þar vinnur fólk sem hefur einhvers konar fötlun, líkamlega eða andlega, en þó ekki blindir og heyrnarlausir.