Frambjóðendur Sjálfstæðisflokksins vörðu milljónum í eigin framboð

Sjö frambjóðendur Sjálfstæðisflokksins i prófkjörum fyrir alþingiskosningarnar í apríl vörðu meira en einni milljón króna úr eigin vasa í prófkjörsbaráttuna. Jón Gunnarsson, þingmaður í suðvesturkjördæmi, varði rúmlega 2,1 milljón króna úr eigin vasa til þess að fjármagna prófkjörsbaráttu sína.

Kröfuhafar eignast bróðurpartinn í Arion

Erlendir kröfuhafar í gamla Kaupþingi eignast bróðurpartinn í Arion banka, sem áður hét Nýi Kaupþing, samkvæmt samkomulagi sem er í burðarliðnum. Fréttastofa RÚV fullyrðir að tilkynnt verði um samkomulag þessa eðlis í dag eða á morgun. Samkvæmt samkomulaginu mun skilanefndin eignast 90% en ríkið mun áfram eiga 10% í bankanum.

RÚV tapaði nærri 300 milljónum

Tap á rekstri Ríkisútvarpsins á nýliðnu rekstrarári nam 271 milljón króna, samkvæmt ársreikningi sem birtur var rétt fyrir fréttir. Í tilkynningu til Kauphallarinnar segir að afkoma RÚV hafi batnað um 465 milljónir króna frá árinu á undan. Tap ársins megi að öllu leyti rekja til mikils fjármagnskostnaðar vegna verðbólgu og gengislækkunar íslensku krónunnar.

Efast um að Alþingi ráði við endurreisn efnahagslífsins

Steingrímur J. Sigfússon fjármálaráðherra segist efast um getu Alþingis til að ráða við það verkefni að endurreisa efnhag landsins. Áframhaldandi óvissa í kringum Icesave málið gæti þýtt að lánshæfi Íslands verði lækkað niður í ruslflokk.

Metin slegin í humarveiðum

Skipverjarnir á Fróða II í Þorlákshöfn settu í dag Íslandsmet í humarveiðum þegar afli skipsins á árinu fór yfir hundrað tonn. Skipsstjórinn segir koma á óvart hversu mikið veiðist nú af humri við landið.

Hrollvekjandi að heyra um kvikustreymi undir Krýsuvík

Hrollur fór um vistmenn og starfsfólk meðferðarheimilisins í Krýsuvík þegar þau heyrðu fréttir um kvikustreymi undir svæðinu og hættu á gufusprengingum.

Guðlaugur og Illugi vörðu rúmum fjórum milljónum í framboð sín

Guðlaugur Þór Þórðarson og Illugi Gunnarsson, vörðu mestu fé í prófkjörsbaráttu fyrir síðustu þingkosningar af öllum frambjóðendum. Þetta kemur fram í útdrátti úr uppgjörum frambjóðenda sem Ríkisendurskoðun birtir á vefsíðu sinni.

Frestur til að afgreiða Icesave rennur út í dag

Frestur Alþingis til þess afgreiða Icesave málið samkvæmt viðaukasamningum sem íslensk stjórnvöld gerðu við Hollendinga og Breta rennur út í dag.

Segir tilboði stjórnarandstöðunnar um að ræða skattamál hafnað

Illugi Gunnarsson, þingflokksformaður Sjálfstæðisflokksins, kvaddi sér hljóðs þegar þing kom aftur saman eftir miðdegishlé klukkan þrjú og bauð fyrir hönd þingmanna Sjálfstæðisflokks, Framsóknarflokks og Hreyfingarinnar, hliðrun á dagskrá þingsins, þannig að unnt yrði að ræða mikilvæg mál samkvæmt tilkynningu frá þingflokki Sjálfstæðisflokksins.

Umferðatafir á Suðurlandsvegi vegna mjólkurbíls

Umferðartafir eru tímabundið á Suðurlandsvegi við Bláfjallarveg, og eru vegfarendur beðnir að sýna aðgát og tillitsemi samkvæmt Vegagerðinni en mjólkurbíll endaði utan vegar rúmlega tvö í dag.

Dómsmálaráðherra undirritaði landamærasamning við ESB

Ragna Árnadóttir dómsmála- og mannréttindaráðherra undirritaði í Brussel í dag samning við Evrópusambandið um eflingu lögreglusamstarfs yfir landamæri, einkum í baráttunni gegn hryðjuverkum og glæpastarfsemi.

Vilja meitla nöfn þingmanna á Icesave-minnisvarða

Forsvarsmenn heimasíðunnar, iceslave.is, vonast til þess að geta reist minnisvarða í miðborg Reykjavíkur til minningar um hugsanlega samþykkt Icesave-frumvarpsins. Á minnisvarðann verða nöfn þeirra sem greiða atkvæði með frumvarpinu greypt, auk þeirra sem sitja hjá eða koma sér undan þátttöku í atkvæðagreiðslunni.

Mjólkurbíll fór út af veginum við Sandskeið

Mjólkurbíll fór út af veginum við Sandskeið nálægt Bláfjallaafleggjara nú fyrir stundu. „Þetta er 22 hjóla trukkur sem liggur hérna á hliðinni.“ segir fréttamaður Stöðvar 2, sem er á staðnum.

Fimmtugur kannabisframleiðandi í fangelsi

Fimmtugur karlmaður var dæmdur í Héraðsdómi Reykjaness í morgun fyrir að hafa haft 117 kannabisplöntur og 11 kannabisgræðlinga á heimili sínu í Vogum á Vatnsleysuströnd.

30 starfsmönnum sagt upp hjá Ölgerðinni

Ölgerðin hefur sagt upp rúmlega 30 starfsmönnum frá og með þeim mánaðamótum sem nú ganga í garð.

Tvö snjóflóð féllu á Siglufjarðarveg

Tvö snjóflóð hafa fallið á Siglufjarðarveg og verður vegurinn hafður lokaður vegna hættu á frekari flóðum samkvæmt Vegagerðinni.

Indverjar standa straum af ferðakostnaði

Forseti Íslands, Ólafur Ragnar Grímsson, mun fara til Indlands um miðjan janúar næstkomandi og taka við Nehru-verðlaununum sem hann hlaut á síðasta ári. Það eru indversk stjórnvöld sem bjóða forsetanum en auk hans fer Össur Skarphéðinsson, utanríkisráðherra. Indversk stjórnvöld munu standa straum af öllum kostnaði vegna ferðarinnar samkvæmt Örnólfi Thorssyni forsetaritara.

Sýknuð af bótakröfu þegar snjóflóð féll á björgunarsveitarbíl

Eigandi bifreiðar og Sjóvá-Almennar tryggingar voru sýknuð af bótakröfu manns sem lærbrotnaði þegar snjóflóð féll á bifreið sem sat föst í Súðarvíkurhlíð í apríl 2006. Forsaga málsins er sú að tvær bifreiðar voru fastar í Súðavíkurhlíðinni milli snjóflóða. Björgunarsveitarmenn komu á vettvang en þeir voru á vel útbúnum bíl sem kallast Jakinn í daglegu tali.

Sextíu sagt upp vegna boðaðra stjórnvaldsaðgerða

Verktakafyrirtækið KNH á Ísafirði hefur ákveðið að segja upp 60 af 84 starfsmönnum nú um næstu mánaðarmót en þetta kemur fram á heimasíðu Verkalýðsfélags Vestfirðinga.

Fæðingarorlof styst hér á landi

Fæðingarorlof hér á landi er með því stysta í samanburði við önnur Norðurlönd. Þetta segir formaður ljósmæðrafélags Íslands, Guðlaug Einarsdóttir, sem telur hættulega þróun að stytta orlofið. Auk þess samræmist stytting þess engan veginn tilmælum heilbrigðisyfirvalda landsins um aðbúnað og brjóstagjöf ungbarna.

Safnar fyrir styttu af Rúnari Júlíussyni

Rúnar Hartmannsson, Keflvíkingur sem smíðaði styttu af Rúnari Júlíussyni í fullri stærð, hefur hafið söfnun sem hefur það að markmiði að styttunni verði komið fyrir á rokkminjasafninu í Keflavík.

Óku tugi kílómetra til þess að handtaka ölvaðan mann

Lögreglan á Selfossi handtók verulega ölvaðan mann aðfaranótt sunnudags en húsráðendur sumarbústaðs skammt frá Geysi í Haukadal höfðu skotið skjólhúsi yfir manninn þar sem hann hafði orðið viðskila við félaga sína.

Flatskjá og fersku kjöti stolið af Svarta sauðinum

Aðfaranótt fimmtudagsins var brotist inn í veitingastaðinn Svarta sauðinn í Þorlákshöfn. Þaðan var stolið 42” Philips flatskjá, skiptimynt, bjór og fersku kjöti. Þjófarnir komust inn á veitingastaðinn með því að spenna upp glugga. Málið er óupplýst en lögreglan leitar eftir vísbendingum.

Fíladelfíusöfnuðurinn: Samkynhneigðir eru víst velkomnir

Hvítasunnukirkja Fíladelfíu hefur sent frá sér tilkynningu vegna ásakanna tónlistarmannsins, Friðriks Ómars Hjörleifssonar, þar sem hann hélt því fram að samkynhneigðir væru ekki velkomnir í gospelkór safnaðarins.

Barnaheill: Áhyggjur af fæðingarorlofsfrumvarpi

Barnaheill, Save the Children, á Íslandi lýsa yfir áhyggjum vegna frumvarps til laga um skerðingu á hámarksgreiðslum úr fæðingarorlofssjóði og frestun á töku orlofsins um þrjú ár. Barnaheill telja að með boðaðri breytingu sé ekki einungis verið að skerða réttindi foreldra, heldur að vegið sé að þeim rétti barnsins að fá að njóta sem lengstrar umönnunar móður og föður á fyrsta ári ævi þess.

Demjanjuk fyrir rétt í dag

Réttarhöld hefjast í þýsku borginni Munchen í dag yfir John Demjanjuk, sem ákærður er fyrir að hafa aðstoðað við morðin á 27 þúsund gyðingum í útrýmingarbúðum Nasista. Demjanjujk er 89 ára gamall og var hann framseldur frá Bandaríkjunum fyrr á þessu ári þar sem hann hefur búið frá stríðslokum.

Ódæðið í Reykjanesbæ: Líklega farið fram á lengra gæsluvarðhald

Gæsluvarðhald yfir 22 ára gamalli konu, Selmu Guðnadóttur, sem á að hafa stungið stúlkubarn með hnífi í haust rennur út í dag. Samkvæmt lögreglunni á Suðurnesjum verður sennilega farið fram á framlengingu gæsluvarðhaldsins í dag. Rannsókn er nær lokið og er beðið eftir að málið verði tekið fyrir í héraðsdómi.

Fulltrúar Wikileaks á Íslandi

Tveir fulltrúar frá WikiLeaks, Daniel Schmitt og Julian Assange, eru staddir hérlendis í tengslum við ráðstefnu Félags um Stafrænt frelsi (FSFÍ), sem haldin verður í Háskólanum í Reykjavík á morgun klukkan 10 um morgunin.

Bjarki Freyr fékk 16 ár

Héraðsdómur Reykjaness dæmdi Bjarka Frey Sigurgeirsson rétt í þessu í 16 ára fangelsi fyrir að verða Braga Friðþjófssyni að bana í Hafnarfirði 17. ágúst síðastliðinn.

Mokað um land allt

Vetrarfærð er nánast um allt land og víða verið að ryðja eða hreinsa vegi. Það er hálka á Sandskeiði og á Hellisheiði þar sem gengur á með éljum. Annars eru hálkublettir víðast hvar á Suðurlandi að því er fram kemur í tilkynningu frá Vegagerðinni.

Ökumenn undir áhrifum

Lögreglan á höfuðborgarsvæðinu stöðvaði í gærkvöldi tvo ökumenn sem grunaðir eru um að aka undir áhrifum fíkniefna. Annar var á Breiðholstbraut en hinn í Kjalarvogi. Þá var einn var tekinn á Ártúnshöfða vegna gruns um ölvun við akstur.

Kveikt í gámum í gærkvöldi

Eldur kom upp í gámi í Sorpu í Jafnaseli um klukkan ellefu í gærkvöldi. Töluverður eldur var í gámnum þegar slökkvilið mætti á staðinn og þurfti að fjarlægja nærliggjandi gáma til þess að koma í veg fyrir að eldurinn bærist yfir í þá. Slökkvistarfið gekk þó vel að sögn vaktstjóra en líkur eru taldar á að kveikt hafi verið í gámnum. Fyrr um kvöldið var slökkviliðið einnig kallað út vegna elds í gámi sem stóð við Ingunnarskóla í Grafarholti og þar gekk slökkvistarf sömuleiðis vel.

Breytingarnar gætu komið verr niður á einstæðum mæðrum

Breytingar á fæðingarorlofi sem ríkisstjórnin hefur samþykkt geta komið verr niður á einstæðum mæðrum en sú skerðing sem áður hafði verið fallist á. Félagsmálaráðherra vonast til að vankantar verði sniðnir af í meðförum Alþingis. Áður var áformað að skerða hámarksgreiðslur úr fæðingarorlofssjóði úr 350 þúsundum króna á mánuði í 300 þúsund krónur. Í frumvarpi félagsmálaráðherra á að halda hámarkinu í 350 þúsundum, en fresta töku eins mánaðar af orlofinu í þrjú ár.

Fólk missir bótarétt hafni það vinnu

Atvinnulaust fólk getur misst bótarétt hafni það störfum sem bjóðast í tvígang verði nýtt frumvarp um breytingu á lögum um atvinnuleysistryggingar að lögum. Frumvarpið hefur verið samþykkt í ríkisstjórn og verður lagt fram á Alþingi í dag.

Fé úr ofanflóðasjóði til sjóvarna við Vík

Ef áætlanir stjórnvalda ganga eftir verður nýr sjóvarnargarður við Vík í Mýrdal fjármagnaður úr Ofanflóðasjóði.

Laxaseiðum sleppt án sérstaks eftirlits

Upplýsingum um seiðasleppingar í íslenskar ár hefur ekki verið haldið markvisst saman síðan 1997. Veiðimálastofnun hefur ekki fengið nákvæmar upplýsingar um sleppingarnar þrátt fyrir að eftir því hafi verið leitað. Fiskistofa segir upplýsingaöflun um sleppingarnar í eðlilegum farvegi.

Afbrotum fækkar milli ára

Fækkun varð í flestum brotaflokkum í október síðastliðnum miðað við október í fyrra.

Hluti af gagnsæi á markaði

Hertar reglur taka gildi um upplýsingagjöf útgefenda skuldabréfa í Kauphöllinni um mánaðamótin. Þær kveða á um að fyrirtæki sem gefa út skuldabréf þurfa að birta á markaðnum endurskoðaðan ársreikning sem og hálfsársuppgjör. Hið opinbera og sveitarfélög þurfa aðeins að birta ársuppgjör.

Vilja Nató fyrir þjóðaratkvæði

Samtök hernaðarandstæðinga vilja að efnt verði til þjóðaratkvæðagreiðslu um aðild Íslendinga að Atlantshafsbandalaginu. Samtökin ályktuðu þess efnis á landsráðstefnu um helgina.

Kannabisræktandi fyrir dóm

Lögreglustjórinn á Suðurnesjum hefur ákært karlmann um fimmtugt fyrir Héraðsdómi Reykjaness fyrir kannabisræktun.

Bjó til ókeypis tré fyrir gítara

Valdís Steinarsdóttir hlaut fyrstu verðlaun í hugmyndasamkeppni framhaldsskólanna Snilldarlausn - Marel sem haldin var samhliða Alþjóðlegu athafnavikunni í þarsíðustu viku. Katrín Jakobsdóttir menntamálaráðherra afhenti verðlaunin við hátíðlega athöfn í menntamálaráðuneytinu á fimmtudag.

Bleikjustofnar sýktir í tveim stöðuvötnum

Nær allur bleikjustofn Elliðavatns sem og Vífilsstaðavatns er smitaður af nýrnaveiki; svokallaðri PKD-sýki. Hátt hlutfall bleikjunnar sýnir einkenni sýkinnar og líklegt er talið að verulega fækkun bleikju í vötnunum tveimur megi að stórum hluta rekja til hennar.

Tveir af þremur áfram í haldi

Gæsluvarðhald hefur verið framlengt yfir tveimur af þremur sakborningum í umfangsmiklu þjófnaðarmáli. Átta eru ákærðir í málinu, allt ungt fólk af pólskum uppruna.

Ísland á kort fuglaskoðunar

Meðlimir nýstofnaðra Samtaka um fuglatengda ferðaþjónustu telja mikla möguleika á þessu sviði hérlendis. „Með samtökunum er ætlunin að koma Íslandi almennilega á kortið hjá erlendum fuglaskoðurum sem áfangastað til fuglaskoðunar,“ segir Hrafn Svavarsson, formaður nýju samtakanna, í Útherja, blaði Útflutningsráðs Íslands. Þar kemur einnig fram að sex íslensk félög og fyrirtæki hafi nýlega sótt árlega ráðstefnu fuglaskoðunarmanna í Englandi til að vekja athygli á einstæðum möguleikum á Íslandi. Þá segir að um tuttugu milljónir Bandaríkjamanna fari árlega í fuglaskoðunarferðir.- gar

Ísland stækkar á hverju ári sem nemur hálfri Surtsey

Ísland stækkaði um 4,4 ferkílómetra, eða sem nemur þremur Surtseyjum, á sex ára tímabili frá árinu 2000 til 2006. Þetta kemur fram í nýrri kortlagningu Landmælinga á landgerðum, en samkvæmt henni er manngert yfirborð einungis 0,38 prósent af landinu.