Árvakur skuldar 4,5 milljarða

Útgáfufélag Morgunblaðsins, Árvakur, skuldar 4,5 milljarða króna og skilaði 900 milljóna króna lakari afkomu á seinasta ári en áætlun gerði upphaflega ráð fyrir. Landsbankinn lánaði Árvakri 900 milljónir króna án veðtrygginga meðan Björgólfur Guðmundsson var ráðandi eigandi bankans og útgáfunnar. Þetta kemur fram í trúnaðargögnum sem DV birtir í dag.

Segja 2,5 milljarða gat í fjárhagsáætlun borgarinnar

Sjö milljarða framkvæmdir Reykjavíkurborgar eru í óvissu og tveggja og hálfs milljarða gat er í fjárhagsáætlun borgarinnar, að sögn Dags B. Eggertssonar oddvita Samfylkingarinnar og Svandísar Svavarsdóttur oddvita Vinstri grænna í borgarstjórn.

SI mótmæla hækkun á verði orkudreifingar

Samtök iðnaðarins mótmæla harðlega fimmtán prósenta hækkun á verði fyrir dreifingu og flutning á raforku nú um áramótin.

Íslenskir lögreglumenn rólegri en kanadískir

Íslenskir lögreglumenn eru aðeins minna stressaðir en kanadískir starfsbræður þeirra, samkvæmt streitukönnun sem ríkislögreglustjóri lét gera á nýliðnu ári.

Fyrsta innbrotið í tónlistarhúsið í nótt

Fyrsta innbrotið, svo vitað sé, var framið í tónlistarhúsið við Reykjavíkurhöfn í nótt og náðust þar tveir þjófar. Öryggisverðir urðu varir við mannaferðir í húsinu og létu lögreglu vita, sem greip mennina þegar þeir voru búnir að fylla bakpoka, sem þeir höfðu meðferðis, af ýmsu smálegu sem tilheyrir iðnaðarmönnum.

Kveikt í vinnuskúrum í Keflavík í gær

Kveikt var í tveimur vinnuskúrum á flugvallarsvæðinu í Keflavík á tólfta tímanum í gærkvöldi en slökkviliðinu tókst að slökkva eldana áður en þeir næðu frekari útbreiðslu.

Enn er óánægja hjá starfsmönnum Ríkisútvarpsins

Töluverðrar óánægju gætir meðal starfsmanna Ríkisútvarpsins. Stofnunin hefur þurft að ganga í gegnum erfiðan niðurskurð. Margir starfsmenn telja hins vegar að viðbrögð yfirstjórnar sýni lítil tengsl við starfsfólkið og skort á skilningi á eðli starfseminnar.

Blóðbankinn minnir á sig

Blóðbankinn beinir þeim tilmælum til allra blóðgjafa að hafa bankann í huga á næstunni. Í tilkynningu frá bankanum kemur fram að vegna fjölda frídaga yfir jól og áramót sé nauðsynlegt að styrkja öryggisbirgðir Blóðbankans.

REI málið var mistök

„Ég get svo sem ekkert litið á þetta REI mál annað en sem stórkostleg mistök. Hvort sem er af minni hálfu eða annarra," sagði Bjarni Ármannsson, fyrrverandi forstjóri Glitnis, í Kastljósi í kvöld.

SI mótmæla hækkun á raforku

„Það er óskiljanlegt að opinbert fyrirtæki eins og RARIK hækki gjaldskrá sína um 15%“ segir Jón Steindór Valdimarsson, framkvæmdastjóri Samtaka Iðnaðarins á vefsíðu samtakanna. Hann mótmælir harðlega hækkunum á verði fyrir dreifingu og flutning á raforku nú um áramótin.

Vinnu við byggingu Tónlistarhúss frestað

Starfsmenn Íslenskra aðalverktaka voru sendir heim frá vinnu sinni við Tónlistarhúsið í dag. ÍAV hafa ekki fengið greitt fyrir vinnu sína við húsið í þrjá mánuði.

Skorið niður í vegagerð

Sundabraut, Norðfjarðargöng og brú á Hornfjarðafljót eru meðal verkefna sem stefnir í að verði skorin niður. Þá bíða menn spenntir að sjá hvort eitt margsviknasta kosningaloforð þingmanna, Suðurstrandarvegur, lendi enn undir niðurskurðarhnífnum.

Landhelgisgæslan bjargaði 68 á árinu sem leið

Flugdeild Landhelgisgæslunnar hafði í nógu að snúast á árinu sem var að líða en alls var 68 einstaklingum bjargað í þeim 150 útköllum sem bárust deildinni. Útköllum fækkaði þó nokkuð á milli ára. Ekki er um fólksflutninga að ræða í öllum þeim útköllum sem berast heldur er oft er um að ræða leitarflug eða annars konar aðstoð.

Prófessor í guðfræði fyrst kvenna

Nýlega urðu tímamót í Guðfræði- og trúarbragðafræðideild Háskóla Íslands þegar dr. Arnfríður Guðmundsdóttir var ráðin í starf prófessors í trúfræði við deildina. Hún er fyrsta konan til að gegna stöðu prófessors við deildina.

Hleypti ekki af fleiri skotum

Drengurinn sem handtekinn var á föstudagskvöld hleypti ekki af fleiri skotum en við leikskólann Jörfa í Hæðargerði, að sögn Friðriks Smára Björgvinssonar yfirmanns rannsóknardeildar lögreglunnar á höfuðborgarsvæðinu. Pilturinn beindi vopninu aldrei að öðrum.

32 létust af slysförum árið 2008

Á nýliðnu ári létust 32 einstaklingar af slysförum. 2007 létust 29 af slysförum og 49 árið 2006. Flestir létust í umferðarslysum í fyrra eða 12, 11 í heima- og frítímaslysum, sex í vinnuslysum, einn drukknaði og tveir létust í öðrum slysum. Engin fórst í sjóslysi í fyrra.

Frístundakort hækka ekki í sparnaðarskyni

Vegna efnahagsþrenginga hyggst Reykjavíkurborg hætta við að hækka framlag til frístundakorta úr 25 þúsund krónum í 40 þúsund krónur líkt og var ráðgert um áramótin. Kjartan Magnússon, borgarfulltrúi Sjálfstæðisflokkins, formaður Íþrótta- og tómstundaráðs, segir að kortin séu einn af þeim kostnaðarliðum sem líta hafi þurft til þegar kom að hagræðingu og sparnaði í rekstri borgarinnar.

Steingrímur: Varð fyrir vonbrigðum með aðgerðarleysi

Steingrímur J. Sigfússon, formaður VG, sem kallaði til fundar í utanríkismálanefnd í dag til þess að ræða ástandið á Gaza segist hafa orðið fyrir vonbrigðum með félaga sína í nefndinni yfir því að ekki skuli hafa náðst samkomulag um ályktun vegna málsins. Nefndin ákvað að vinna að tillögu sem lögð verði fyrir Alþingi þegar þing kemur saman að nýju í lok janúar.

Telja fjárfestingasamninginn veita milljarðaafslátt af sköttum og gjöldum

Fjárfestingarsamningur vegna 360 þúsund tonna álvers í Helguvík sem Össur Skarphéðinsson iðnaðarráðherra ætlar að láta staðfesta felur í sér að álverinu verði veittur sérstakur afsláttur af sköttum og gjöldum sem önnur íslensk atvinnustarfsemi þarf að bera. Þetta er mat stjórnar Græna netsins, félags jafnaðarmanna um umhverfið, náttúruna og framtíðina.

Byssumaður skaut á leikskóla

Lögreglan fann í morgun byssuskúlu í leikfangakassa í leikskólanum Jörfa í Hæðargerði. ,,Það er gat í gegnum vegginn í leikherbergi barnanna og hillustæða og tveir dótakassar hafa skaddast," sagði Sæunn Elfa Pedersen leikskólastjóri Jörfa í samtali við Vísi.

Unnið að ályktun varðandi Gaza

Ástandið á Gaza var til umræðu á fundi utanríkismálanefndar Alþingis í morgun. Þar var ákveðið að vinna að tillögu að ályktun sem verði lögð fyrir Alþingi á fyrstu dögum þingsins sem hefst á ný 20. janúar næstkomandi.

Spítalaforstjóri í veikindaleyfi

Hulda Gunnlaugsdóttir forstjóri Landspítala verður fjarverandi í janúar 2009 vegna veikinda. Á heimasíðu spítalans segir að hún sé væntanleg aftur til starfa nálægt mánaðamótum. Björn Zoëga, framkvæmdastjóri lækninga og staðgengill forstjóra, gegnir starfi forstjóra í fjarveru Huldu.

Varað eindregið við mikilli hálku við klaustur

Lögreglan varar eindregið við mikilli hálku við Kirkjubæjarklaustur. Tvö umferðaróhöpp hafa orðið þar í dag með skömmu millibili, í annað skipti velti bifreið en í hitt skiptið var um útafakstur að ræða.

Banaslys austan við Selfoss

Tæplega fertugur karlmaður beið bana þegar hann varð fyrir stórri sendibifreið á þjóðveginum austan við Selfoss laust fyrir klukkan átta í morgun. Þegar var kallað eftir þyrlu Landhelgisgæslunnar, en skömmu síðar var maðurinn úrskurðaður látinn og var aðstoðin afturkölluð.

Byssan var í ólæstri hirslu

Drengurinn sem lögreglan handtók síðast liðið föstudagskvöld vopnaður skammbyssu stal vopninu úr ólæstri hirslu. ,,Hann nálgaðist byssuna á heimili föður síns sem var í ólæstri hirslu þar," sagði Friðrik Smári Björgvinsson, yfirmaður rannsóknardeildar lögreglunnar á höfuðborgarsvæðinu, í samtali við Vísi.

Frístundakortin gjaldgeng á frístundaheimilum

Borgarráð samþykkti á fundi sem nú stendur yfir að hægt verði að greiða fyrir frístundaheimili við grunnskóla borgarinnar með frístundakortinu. Tillaga þessa efnis var samþykkt í desember í íþrótta- og tómstundaráði og nú hefur borgarráð staðfest hana.

Rætt um Gaza og Icesave í utanríkismálanefnd

Utanríkismálanefnd Alþingis situr nú á fundi en það var Steingrímur J. Sigfússon sem vildi fá fund í nefndinni þrátt fyrir að þing komi ekki saman fyrr en 20. janúar. Umræðuefni fundarins eru meðal annars ástandið á Gazasvæðinu og staðan í Icesave deilunni svokölluðu.

Kynningarherferð samhliða málsókn gegn Bretum

Sigurður Kári Kristjánsson, þingmaður Sjálfstæðisflokksins, og Helgi Áss Grétarsson, sérfræðingur við Lagastofnun Háskóla Íslands, telja nauðsynlegt að samhliða málsókn íslenska ríkisins gegn breskum stjórnvöldum verði gripið til kynningarherferðar erlendis. Þeir vilja að málið verði sótt fast eftir. Þetta kemur fram í grein sem þeir rita í Morgunblaðið í dag.

Tíu þúsund hafa svarað kallinu

GSM símasöfnun Slysavarnafélagsins Landsbjargar, Svaraðu kallinu, hefur gengið fram úr vonum. Íslendingar hafa tekið við sér og látið af hendi gamla gsm síma sem verða endurnýttir og endurunnir og nýtast munu fólki í þróunarlöndum.

Vegfarandi slasaðist alvarlega við Selfoss

Gangandi vegfarandi slasaðist mjög alvarlega þegar hann varð fyrir stórri sendibifreið á þjóðveginum austan við Selfoss laust fyrir klukkan átta í morgun. Hann hefur verið fluttur á Slysadeild Landsspítalans. Þjóðvegur eitt í Flóanum er lokaður þar sem rannsóknarmenn eru á vettvangi, en vegfarendur geta farið hjáleið um Gaulverjabæjarveg og Villingaholtsveg. Tildrög slyssins liggja ekki fyrir.

Brennuvargar á ferð norðan heiða

Skemmdarvargar kveiktu í trépalli, sem er áningarstaður við gönguleiðina við Glerá á Akureyri í nótt og urðu nokkrar skemmdir á pallinum.

Hjólaþjófur gómaður í samstarfi þriggja lögregluembætta

Með samvinnu þriggja lögregluembætta tókst í nótt að góma þjóf, sem hafði stolið mótorkrosshjóli á kerru á Svalbarðseyri við Eyjafjörð upp úr miðnætti.

Loðnuleit hafin

Hafrannsóknaskipið Árni Friðriksson ásamt þremur fjölveiðiskipum hefur hafið loðnuleit suður af landinu. Síðan verður haldið vestur fyrir landið, en mikið er í húfi að eitthvað finnist í þessum leiðangri svo hægt sé að gefa út kvóta fyrir vertíðina, sem mátti hefjast um áramótin.

Blómleg síldveiði við smábátahöfnina í Keflavík

Handagangur var í öskjunni við smábátahöfnina í Keflavík í gær þegar vaskir heimamenn hófu síldveiðar af bryggjunni með öllum tiltækum veiðafærum.

Bátur strandaði við Garð í gær

Engan af þriggja manna áhöfn mótorbátsins Moniku GK sakaði, þegar báturinn strandaði við sjóvarnargarðinn í Garði á Reykjanesi í gærkvöldi. Mikil þoka var á svæðinu og taldi áhöfnin sig vera við Innri-Njarðvík en sjálfvirka tilkynningakerfið sýndi bátinn í Garði, sem reyndist rétt.

Kjötkrókur seint á ferð

Fimm menn brutust um helgina inn í Sláturhúsið á Hellu og stálu þaðan samtals 670 kílóum af kjötvörum. Vitni sá hvar tveimur fólksbílum var ekið frá kjötvinnslunni og þar sem þeir virtust óvenjuþungir á sér lét það lögreglu vita.

Hraðfiskibátur fékk á sig brotsjó

Yfirbyggður hraðfiskibátur fékk á sig ólag eða brotsjó þegar hann var á leið fyrir Tjörnes í átt til Húsavíkur í nótt. Mjög mikill halli kom á bátinn, en hann náði að rétta sig við og er kominn til Húsavíkur.

Framkvæmdastjórn sökuð um fordóma

„Það blasir við að þarna býr eitthvað annað að baki en sparnaður. Það flögrar að manni að þarna sé um að ræða fordóma framkvæmdastjórnarinnar í garð geðsjúkra, því þeir liggja neðst í píramídanum,“ segir Kristján Jósteinsson, forstöðumaður dagdeildar geðdeildar Sjúkrahússins á Akureyri (FSA). Þann 30. desember síðastliðinn var tilkynnt um þá ákvörðun að loka dagdeildinni í núverandi mynd 31. janúar næstkomandi og sameina rekstur dag- og göngudeildar geðdeildar í nýju húsnæði þann 1. október. Sjö starfsmönnum dagdeildar var afhent uppsagnarbréf sama dag og ákvörðunin var tilkynnt.

Halldór laus úr öndunarvél

Halldór Ásgrímsson, fyrrverandi forsætisráðherra Íslands, er á batavegi eftir að hafa verið haldið sofandi í öndunarvél á gjörgæsludeild Landspítalans í Fossvogi í tæpar tvær vikur. Halldór er nú laus úr öndunarvélinni, en hann veiktist hastarlega af lungnabólgu fyrir jól og átti erfitt með andardrátt.

Skoðar sameiningu opinberra hlutafélaga

Erfitt efnahagsástand gæti orðið hvati að sameiningu Keflavíkurflugvallar ohf. og Flugstoða ohf. Þetta kom fram í máli Kristjáns L. Möller samgönguráðherra þegar Keflavíkurflugvöllur ohf. tók formlega við rekstri flugvallarins á föstudag.

Gera áætlun fyrir nauðstadda

Ferðamálastofa vinnur nú að aðgerðaráætlun um hvernig skuli brugðist við þegar ferðaskrifstofur fara í þrot, svo farþegar erlendis geti verið þess fullvissir að þeir komist heim að nýju, segir Ólöf Ýrr Atladóttir ferðamálastjóri.

Sjálfstæðismenn ræða stjórnarslit

Þrír þingmenn sjálfstæðismanna ræddu stjórnarslit um helgina, í ljósi ágreinings stjórnarflokkanna um utanríkismál, sérstaklega ólíkar áherslur um Evrópuaðild.

Ráðuneyti borgi laun tilsjónarmanns

Heilbrigðisráðuneytið á að borga kostnað vegna tilsjónarmanns með verkefni um greiðsluþátttöku almennings í heilbrigðiskerfinu. Þetta er úrskurður Persónuverndar.

Ræða ástandið í Palestínu

Á fundi utanríkismálanefndar Alþingis í dag verður fjallað um ástandið í Palestínu, farið yfir stöðu mála í deilunni vegna IceSave-reikninganna og rætt hvar málarekstur gegn Bretum er á vegi staddur. Steingrímur J. Sigfússon, formaður Vinstri grænna óskaði eftir fundinum fyrir áramót.

Stefna að vatnsútflutningi frá Höfn

„Samningurinn gerir ráð fyrir að hafin verði uppbygging á átöppunarverksmiðju fyrir vatn innan fjögurra ára,“ segir Hjalti Þór Vignisson, bæjarstjóri Hornafjarðar um samning sveitarfélagsins við Rolf Johansen & Co ehf. sem undirritaður var á mánudaginn. Hann segir að næstu fjögur ár verði nýtt til frekari undirbúnings en stefnt er að því að átöppun hefjist innan fimm ára.