Háskólakennari áfram í gæsluvarðhaldi

Hæstiréttur staðfesti dag að háskólakennarinn sem í síðustu viku var dæmdur í fjögurra ára fangelsi fyrir kynferðisbrot, skuli sæta áfram gæsluvarðhaldi, eða til 28. ágúst.

Ríflega 12% meiri sala af áfengi en í fyrra

Sala á áfengi í vikunni fyrir verslunarmannahelgi var rúmlega 12 prósentum meiri í lítrum talið en í sömu viku fyrir ári. Þetta kemur fram á vef Áfengis- og tóbaksverslunar ríksins.

Hugarafl boðar til þögulla mótmæla við kínverska sendiráðið

Hugarafl hyggst efna til þögulla mótmæla við kínverska sendiráðið að Víðimel 29 á föstudaginn milli eitt og hálftvö.

Annir hjá þyrlum Gæslunnar um helgina

Viðbrögð við ólátum í Húsafelli á laugardag og umferðarslys í Mývatnssveit á mánudag voru meðal þeirra verkefna sem þyrlur Landhelgisgæslunnar sinntu í samvinnu við lögreglu um verslunarmannahelgina.

Meirihluti borgarfulltrúa vill ekki prófkjör - Oddvitinn segir ákvörðunina hjá flokksmönnum

Hanna Birna Kristjánsdóttir, oddviti sjálfstæðismanna í borginni, segir það alfarið í höndum fulltrúaráðs flokksins í Reykjavík og flokksmanna í borginni hvernig valið verður á lista fyrir næstu kosningar. Það sé ekki rétt að hún hafi talað fyrir uppstillingu á fundi með stjórnum hverfafélaga í síðasta mánuði, eins og Vísir greindi frá fyrr í dag.

Ekkert óeðlilegt við að bílstjóri hafi réttarstöðu sakbornings

Hannes Ragnarsson sem lenti í umferðaróhappi á skoðunarstöð Frumherja á föstudag gagnrýnir vinnubrögð lögreglunnar í Fréttablaðinu í dag. Þar segir hann m.a að lögregluþjónn hafi heimsótt sig þar sem hann lá á sjúkrahúsinu og tilkynnt sér að hann hefði réttarstöðu sakbornings í málinu. Margeir Sveinsson fulltrúi í rannsóknardeild umferðarslysa hjá lögreglunni segir ekkert óeðlilegt við það enda hafi Hannes valdið tjóni á öðru ökutæki.

Telur ekki heppilegt að halda opið prófkjör

Á nýlegum fundi sem Hanna Birna Kristjánssdóttir, oddviti sjálfstæðismanna í Reykjavík, hélt með stjórnum hverfafélaga flokksins í borginni, lýsti hún þeirri skoðun sinni að ekki yrði heppilegt að halda opið prófkjör fyrir næstu kosningar.

Kvótalausi sjómaðurinn veiddi 750 kíló

„Ég er að leggja að bryggju hérna í Sandgerði en hef ekki séð „pólitíið" ennþá. Ég geri samt ráð fyrir að þeir láti sig ekki vanta eins og vanalega," segir Ásmundur Jóhannsson kvótalaus sjómaður sem fór til veiða í dag. Vísir sagði frá því fyrr í dag að Landhelgisgæslan hefði reynt að ná sambandi við Ásmund sem var við veiðar út af Garðskaga en án árangurs.

Áfram minnkandi umferð í landinu

Umferð í nýliðnum júlímánuði reyndist 3,7 prósentum minni en í sama mánuði í fyrra þegar bornir eru saman 14 talningarstaðir um land allt.

Ómar Ragnarsson hlýtur Seacology umhverfisverndarverðlaunin 2008

Ómar Ragnarsson, kvikmyndagerðarmaður og fyrrverandi fréttamaður hjá Ríkissjónvarpinu hlýtur Seacology umhverfisverndarverðlaunin árið 2008 fyrir baráttu sína gegn eyðileggingu á náttúru á hálendi Íslands.

Eftirlýstir Pólverjar bíða framsals

Þrír pólskir karlmenn hér á landi bíða þess að verða framseldir til síns heima að beiðni pólskra yfirvalda.

Langjökull horfinn um miðja næstu öld?

Búast má við því að jöklar hér á landi hopi ört á yfirstandandi öld og haldi fram sem horfir verður Langjökull horfinn um miðja næstu öld.

Ölvaður ökumaður svaf á grænu ljósi

Karl á fertugsaldri var handtekinn í miðborginni aðfaranótt laugardags. Hann sat í ökumannssæti bifreiðar á gatnamótum Hafnarstrætis og Lækjargötu en bíllinn færðist ekki úr stað þegar grænt ljós kviknaði á umferðarljósum fyrir hans akstursstefnu.

Kvótalausi sjómaðurinn aftur til veiða

Landhelgisgæslan reyndi fyrr í dag að hafa samband við sjómanninn Ásmund Jóhannsson frá Sandgerði sem aftur hefur haldið til veiða kvótalaus.

85 þúsund farþegar á rúmum 30 árum

Rússneska skemmtiferðaskipið Maxim Gorkiy kom í sína síðustu ferð til Reykjavíkur í morgun.

Lítill snáði slapp vel þegar hann varð fyrir bíl

Betur fór en á horfðist þegar fjögurra ára snáði hljóp fyrir bíl á Sundstræti á Ísafirði í morgun.

Áfram samstiga lækkanir hjá olíufélögunum

Olíufélagið N1 lækkaði í morgun bensínverð um eina krónu og verð á dísillítranum um tvær krónur.

Engin fordæmi fyrir afskiptum af skipun fulltrúa í nefndir

Ólíklegt þykir að borgarráð hafni brottrekstri Ólafar Guðnýjar Valdimarsdóttur úr skipulagsráði á morgun.

Sautján stútar gripnir í borginni um helgina

Sautján ökumenn voru teknir fyrir ölvunarakstur á höfuðborgarsvæðinu um verslunarmannahelgina.

Viðræður í hnút og aðgerðar ræddar hjá ljósmæðrum

Kjaraviðræður Ljósmæðrafélags Íslands og samninganefndar ríkisins eru í algjörum hnút og félagsfundur Ljósmæðrafélagsins tekur í kvöld afstöðu til hugmynda forystumanna félagsins um aðgerðir til að knýja á um launaleiðréttingu.

Fundi skipulagsráðs frestað aftur

Fundi skipulagsráðs borgarinnar, sem halda átti í dag, hefur verið frestað fram í næstu viku.

Farþegum um Keflavíkurflugvöll fjölgar um tvö prósent

Tæplega 560 þúsund farþegar komu til landsins um Keflavíkurflugvöll á fyrstu sjö mánuðum ársins sem er tíu þúsund farþegum meira en á sama tíma í fyrra. Nemur aukningin um tveimur prósentum í júlí eftir því sem segir á vef Hagstofunnar.

Ljósmæður funda með samninganefnd ríkisins í Karphúsinu

Nú stendur yfir samningafundur Ljósmæðrafélags Íslands og ríkissáttasemjara í Karphúsinu en þetta er fyrsti samningafundur deiluaðilanna í nærri heilan mánuð.

Vöruskiptahalli nærri 20 milljarðar í júlí

Vöruskiptin í júlí reyndust óhagstæð um rúma átján milljarða króna í samkvæmt bráðabirgðatölum Hagstofunnar.

Hætta rannsókn á meintum sauðaþjófnaði

Rannsókn á meintum sauðaþjófnaði, sem hófst með húsleilt í Nesjum í Hornafirði skömmu fyrir síðsutu jól, hefur verið felld niður. Ríkissaksóknari hefur staðfest þá ákvörðun lögreglustjórans á Eskifirði.

Maxim Gorky í sinni hinstu Íslandsferð

Rússneska skemmtiferðaskipið Maxim Gorky kemur í sína síðustu ferð til Reykjavíkur í dag, en eftir þessa ferð verður skipinu lagt og því breytt í hótel. Það hefur siglt um noðrurslóðir í 32 ár,komið rúmlega 130 sinnum við hér á landi á því tímabili og flutt hingað um 85 þúsund farþega.

Síðustu gestirnir farnir úr Eyjum

Síðustu þjóðhátíðargestirnir yfirgáfu Vestmannaeyjar með Herjólfi í gærkvöldi og þar með lauk þessari fjölmennustu þjóðhátíð til þessa. Talið er að hátt í þrettán þúsund manns hafi sótt hátíðina. Fjölmennt var í Herjólfi þessa síðustu ferð og bílaþilfarið var fullt.

Sluppu út úr brennandi húsi í Svarfaðardal

Tveir karlmenn, sem búa að Hofsárkoti í Svarfaðardal sluppu ómeiddir út úr brennandi íbúðarhúsinu í nótt, en húsið gjör eyðilagðist.

Raunverulegur vilji til samninga skýrist á morgun

Kjaranefnd Ljósmæðrafélags Íslands hittir samninganefnd ríkisins í fyrsta sinn í þrjár vikur á fundi í fyrramálið. Guðlaug Einarsdóttir, formaður félagsins, segir að ljósmæður standi enn fast á sínum kröfum sem snúist aðallega um að fá menntun sína og störf metin að verðleikum í samræmi við aðrar stéttir í þjónustu hins opinbera með svipaða menntun.

Gengisfall krónunnar kemur afar illa við marga námsmenn erlendis

Staða íslenskra námsmanna erlendis er slæm og framtíð þeirra óljós í vetur vegna gengis krónunnar og svimandi hárra yfirdráttarvaxta. Samband íslenskra námsmanna erlendis segir þetta ólíðandi og sjónarmið lánasjóðsins úrelt. Fyrirframgreiddar mánaðargreiðslur séu eina svarið.

Stjórnvöld í Íran hætt að grýta fólk til dauða

Háttsettur aðili innan íranska réttarkerfisins hefur gefið það út að héðan í frá muni stjórnvöld og dómstólar í landinu hætta að fylgja dauðarefsingu eftir með því að grýta fólk til dauða.

Þorgerður Katrín: Bloggfærsla Bjarna innistæðulaus

Þorgerður Katrín Gunnarsdóttir, varaformaður Sjálfstæðisflokksins, harðneitar því að fyrir liggi tilbúið stjórnarfrumvarp um Seðlabankann og að Davíð Oddsson, seðlabankastjóri, fari á eftirlaun en þessu heldur Bjarni Harðarson, þingmaður Framsóknarflokksins, fram á bloggsíðu sinni í dag.

Olíuverð heldur áfram að lækka

Olíuverð á heimsmörkuðum heldur áfram að lækka. Olíufatið stóð í dag í 118 Bandaríkjadölum, sem er um 30 dölum lægra en það var hæst fyrir mánuði síðan.

Skemmdir í Hallgrímskirkjuturni verri en reiknað var með

Steypuskemmdirnar í Hallgrímskirkjuturni eru mun verri en áður var reiknað með. Áætlað er að viðgerðir kosti meira en hundrað milljónir króna umfram það sem upphaflega var talið.

Sjö tilkynningar um innbrot um helgina

Sjö tilkynningar um innbrot um verslunarmannahelgina hafa borist lögreglunni á höfuðborgarsvæðinu.

Þingmaður segir Davíð á leið á eftirlaun

Þingmaður Framsóknarflokksins segir að fyrir liggi tilbúið stjórnarfrumvarp um Seðlabankann og að Davíð Oddsson seðlabankastjóri fari á eftirlaun.

Tjáir sig ekki um hugsanlega málsókn Ólafar

Hanna Birna Kristjánsdóttir tjáir sig ekki um hugsanlega málsókn Ólafar Guðnýjar Valdimarsdóttur, fráfarandi varaformanns skipulagsráðs og fyrrverandi aðstoðarmanns borgarstjóra.

Davíð Smári ákærður fyrir þrjár líkamsárásir

Davíð Smári Helenarson, betur þekktur sem Dabbi Grensás, verður ákærður fyrir þrjár líkamsárásir sem komist hafa í fréttirnar undanfarin misseri. Ákæra á hendur honum verður þingfest 1. september.

Eru landlaus og án ríkisfangs

Þeir palestínsku flóttamenn sem eru á leið hingað til lands eru niðjar Palestínumanna sem flúðu land sitt við stofnun Ísraelsríkis árið 1948 og settust að í Írak. Þeir fengu hins vegar ekki ríkisfang í Írak og eiga þess vegna ekkert ríkisfang né landsvæði tið að hverfa til að sögn Lindu Björk Guðrúnardóttur sem sér um undirbúning að komu flóttamannanna til Akraness.

Sýknaður af ákæru um árás á eiginkonu og dóttur

Héraðsdómur Suðurlands sýknaði í dag karlmann af ákæru um líkamsárás gegn konu sinni og uppeldisdóttur á heimili þeirra í júlí í fyrra.

Góðri grásleppuvertíð að ljúka

Einhverri bestu grásleppuvertíð í manna minnum er að ljúka. Verð fyrir hrognin hefur stigið jafnt og þétt í sumar og hefur aldrei orðið hærra í krónum talið.

Útilokar ekki skaðabótamál á hendur borginni

Ólöf Guðný Valdimarsdóttir útilokar ekki að sækja skaðabætur til borgarinnar vegna ákvörðunar borgarstjóra að reka hana úr skipulagsráði. Dögg Pálsdóttir hæstaréttarlögmaður telur yfirvofandi brottrekstur brot á sveitarstjórnarlögum.

Í haldi fyrir að hafa kveikt í tjöldum í Eyjum

Maður situr í fangelsi í Vestmannaeyjum grunaður um að hafa kveikt í tjöldum þjóðhátíðargesta í Herjólfsdal í gærkvöldi. Slökkvilið slökkti í fjölda tjalda á svæðinu í gærkvöldi og reykurinn var svo mikill að fólk átti erfitt um andardrátt.

Dæmdur fyrir að kýla dyravörð og hóta lögreglu

Héraðsdómur Suðurlands hefur dæmt karlmann í fimm mánaða skilorðsbundið fangelsi fyrir líkamsárás og hótanir í garð lögreglumanns.

Fíkniefnaeftirlit skilaði góðum árangri á Akranesi

Lögreglan á Akranesi lagði hald á um 20 grömm af marijúana, 15 grömm af amfetamíní og lítilræði af hassi og kókaíni við fíkniefnaeftirlit um verslunarmannahelgina.