Frásögn af flótta Annþórs vakti kátínu í réttarsal

Annþór Kristján Karlsson bar vitni í hraðsendingarmálinu í dag en aðalmeðferð fer nú fram í Héraðsdómi Reykjavíkur. Annþór neitar sök en hann er ákærður fyrir að fjármagna og skipuleggja smygl á miklu magni fíkniefna til landsins.

Segir almenning vilja Vilhjálm út og Hönnu Birnu inn

Einar Mar Þórðarson stjórnmálafræðingur segir að ljóst sé að það sé krafa almennings að ,,bundinn verði endi á leiðtogakreppuna í Sjálfstæðisflokknum" og að ,,Vilhjálmur fari út og Hanna Birna taki við." Þetta komi skýrt fram í skoðanakönnum sem gerð var fyrir Capacent.

„Þið gerið það sem þið þurfið að gera“

„Þetta virkar ekki þannig að ég veiti lögreglunni heimild,“ sagði Þórunn Sveinbjarnardóttir umhverfisráðherra í samtali við Vísi og benti á lög um vernd, friðun og veiðar á villtum fuglum og villtum spendýrum.

Kaupþing breytir vinnubrögðum eftir ávítur frá Neytendasamtökunum

Kaupþing hefur breytt samningsskilmálum í tengslum við Vista viðbótarlífeyrissparnað í kjölfar þess að Neytendasamtökin gagnrýndu ítrekað söluaðferðir bankans.

Ísbjarnarblús í Skagafirðinum (myndband)

Ísbjörninn sem gekk laus í Skagafirðinum í morgun hefur verið felldur. Þórunn Sveinbjarnardóttir umhverfisráðherra veitti samþykki fyrir að fella dýrið þegar ljóst var að rétt lyf til að svæfa það væru ekki til á landinu og fengjust ekki hingað fyrr en í fyrsta lagi á morgun.

Óvíst að til séu lyf sem duga á björninn

Sigurður Þráinsson, líffræðingur hjá umhverfisráðuneytinu, segir ekki ljóst hvort hér á landi séu til réttu lyfin til að svæfa ísbjörninn og halda honum sofandi meðan á flutningi hans stendur og eins sé óvíst að þekking til slíkra flutninga sé til staðar.

Bræðurnir segja Annþór hafa skipulagt smyglið

Ari Gunnarsson annar bræðranna í Hraðsendingarmálinu svokalla, brast í grát þegar hann bar vitni í málinu í dag. Honum og þremur öðrum er gefið að sök stórfellt fíkniefnabrot með því að hafa staðið að innflutningi á 4,6 kílóum á amfetamíni og nærri 600 gömmum af kókaíni frá Þýskalandi. Ari og bróðir hans, Jóhannes, bera báðir að Annþór Kristján Karlsson hafi verið skipuleggjandi smyglsins og sá sem fjármagnaði fíkniefnakaupin. Þeir bræður segjast aðeins hafa verið milligöngumenn á milli Annþórs og Tómasar Kristjánssonar sem starfaði hjá hraðsendingarfyrirtækinu UPS en efnin voru send með hraðsendingu á vegum þess.

Vonast til að ísbjörninn fái að lifa

Árni Finnsson, formaður Náttuverndarsamtaka Íslands, segist vona að mönnum beri gæfa til að svæfa ísbjörninn sem nú gengur laus á Þverárfjallsvegi í Skagafirði. Hann segir að til sé ákveðin viðbragðsáætlun fyrir atburð af þessu tagi sem gengur út á að svæfa dýrið og koma því til Jan Mayen.

Búið að finna ísbjörninn

Lögreglan á Sauðárkróki hefur haft uppi á ísbirninum sem fregnir höfðu borist um að hefði sést við Þverárfjallsveg. Þessa stundina er lögreglan á leið með skyttu á svæðið og leitar leiða til að bægja frá hættu sem gæti skapast vegna dýrsins.

Lögreglan leitar ísbjarnar

Lögreglan á Sauðárkróki er nú á leið upp á Þverárfjallsveg þar sem hún leitar ísbjarnar. Hefur lögreglan fengið nokkrar tilkynningar þess efnis og í Tíufréttum Útvarpsins staðfesti Þórarinn Leifsson, bóndi á Keldudal, að hann hefði orðið ísbjarnarins var.

Tekinn ölvaður, dópaður og réttindalaus undir stýri

Lögreglan á Suðurnesjum tók ökumann úr umferð í nótt þar sem hann reyndist vera undir áhrifum áfengis.

Fjórir Svíar í vandræðum á litlum bát í Héðinsfirði

Fjórir sænskir ferðamenn lentu í vandræðum þegar vél í litlum báti, sem þeir voru á, bilaði þegar báturinn var staddur á Héðinsfirði laust fyrir miðnætti og dimm þoka lá yfir.

Fólk varað við að vera við hlíðar Ingólfsfjalls

Almannavarnir vara fólk við að vera við hlíðar Ingólfsfjalls og nálægra fjalla.

Öflugur jarðskjálfti á Hellisheiði

Öflugur jarðskjálfti fannst í Hveragerði og Þorlákshöfn fyrir stundu. Skjálftinn á upptök sín í Skálafelli á Hellisheiði og segir Veðurstofan að líklega sé skjálftinn 4 til 4,5 stig á Richter.

Enn í öndunarvél

Drengnum sem lenti í sprengingu í húsbíl í Grindavík á föstudagskvöld er enn haldið sofandi í öndunarvél á gjörgæsludeild Landspítalans í Fossvogi. Drengurinn, sem er á þriðja aldursári, var í húsbíl ásamt afa sínum þegar gaskútur sprakk. Hann hlaut mikinn bruna á höfði og á höndum.

Allt hvalkjötið selt

Allt hvalkjöt sem unnið var úr þeim sjö langreyðum sem veiddust hér við land árið 2006 hefur verið selt til Japans. Forstjóri Hvals hf. vill hefja veiðar á ný en sjávarútvegsráðherra segir rétt að bíða með frekari ákvarðanir.

Íbúar í Hveragerði hvattir til þess að sjóða neysluvatn

Í gærkvöldi voru haldnir fjölmennir íbúafundir á Selfossi og Eyrarbakka þar sem farið var yfir stöðuna með íbúum. Skemmdir eru enn að koma í ljós og eru sérfræðingar að störfum á svæðinu að meta öryggi húsa ásamt því að starfsmenn tryggingafélaga eru að meta tjón hjá íbúum.

Búið að framselja Plank til Póllands

Í dag framkvæmdu lögreglufulltrúar alþjóðadeildar ríkislögreglustjórans framsal á pólskum karlmanni. Maðurinn, Przemyslaw Plank, er grunaður um mannrán, morð og aðild að skipulögðum glæpasamtökum í Póllandi.

Sanngjarnar og afar góðar tillögur

Þórunn Sveinbjarnardóttir, umhverfisráðherra, fagnar skýrslu starfshóps um heildarstefnumótun skattlagningar eldsneytis og ökutækja sem kynnt var fyrr í dag.

Hópferðaleyfishafar vilja endurgreiðslu af olíugjaldi

Félag hópleyfishafa hefur sent frá sér ályktun þar sem það hvetur fjármálaráðherra „til að beita sér fyrir því að endurgreiðsluákvæði af olígjaldi, sem gildir fyrir almenningsvagna, gangi jafnt yfir alla fólksflutningabifreiðar 17 farþega eða stærri...

Sýknaður af líkamsárás

Karlmaður var í Héraðsdómir Suðurlands í dag sýknaður af ákærum um líkamsárás. Manninum var gefið að sök að hafa ráðist á annan mann fyrir utan skemmtistað í Vestmannaeyjum, sparkað í hann og slegið þannig að hann fékk áverka á nefi og á enni.

Íslenski bílaflotinn einn sá stærsti

Í skýrslu starfshóps um heildarstefnumótun skattlagningar eldsneytis og ökutækja sem var kynnt fyrr í dag kemur fram að heildarfjöldi bifreiða hefur fjölgað umtalsvert á seinustu árum. Frá árinu 1990 var heildarfjöldi fólksbíla, hópbíla, vöru- og sendibíla hér á landi um 134.000 en í árslok 2007 voru þeir rúmlega 240.000.

Grýla gaus þegar skjálftinn reið yfir

Grýla í Ölfusdal, þekktasti goshver Hveragerðis og raunar einn nafntogaðasti hver landsins, gaus í fyrst sinn í mörg ár af eðlilegum orsökum stuttu eftir síðasta Suðurlandsskjálfta og hefur hverinn gosið reglulega síðan. Grýla hefur reyndar gosið nokkrum sinnum undanfarin ár en þá eingöngu með hjálp sápu. Diðrik Jóhann Sæmundsson, garðyrkjubóndi á Friðarstöðum, segir að strax eftir skjálftann hafi Grýla lifnað við og gosið duglega.

Gæsluvarðhald og farbann framlengt á ný

Gæsluvarðhald yfir pólskum karlmanni, sem grunaður er um að hafa við tólfta mann ráðist með vopnum og ofstæki að sjö öðrum í húsi við Keilufell 22. mars síðastliðinn, hefur verið framlengt til 14. júlí með tilliti til almannahagsmuna. Farbann fjögurra landa hans framlengist til sama dags.

Íslensk erfðagreining átti frumkvæðið að glákurannsóknum

Íslensk erfðagreining hefur sent frá sér yfirlýsingu vegna frétta af verðlaunum sem fyrirtækið fékk í gær ásamt Friðberti Jónassyni, prófessor í augnlækningum. Verðlaunin voru veitt af heimssamtökum um sjúkdóminn gláku.

Kjartan hvetur starfsfólk til þess að horfa til framtíðar

Kjartan Magnússon, formaður stjórnar Orkuveitu Reykjavíkur, segir í kjölfar harðorðrar yfirlýsingar frá starfsmönnum að hann skilji að það veki viðbrögð þegar forstjóri láti að störfum.

Kennarar gagnrýna andvaraleysi stjórnvalda

Félag framhaldsskólakennara hefur sent frá sér eftirfarandi ályktun um stöðuna í viðræðum við fjármálaráðherra fyrir hönd ríkissjóðs um endurnýjun kjarasamnings Kennarasambands Íslands í framhaldsskólum árið 2008:

Bjarni einn um að fara fram á rökstuðning ráðherra

Bjarni Vestmann, sendifulltrúi hjá utanríkisráðuneytinu, óskaði sl. þriðjudag eftir rökstuðningi utanríkisráðherra fyrir ráðningu Ellisifjar Tinnu Víðisdóttur í starf forstjóra Varnarmálastofunnar, en Bjarni var einn umsækjanda.

19 ára stúlka ákærð fyrir alvarlega líkamsárás

Í morgun var í Héraðsdómi Reykjavíkur þingfest ákæra á hendur 19 ára stúlku úr Reykjavík sem gefið er að sök að hafa framið sérstaklega hættulega líkamsárás í mosfellsbæ í júlí í fyrra.

Mikið að gera í innrömmun eftir jarðskjálftann

Nokkrar starfsstéttir á Suðurlandi hafa meira að gera en aðrar eftir skjálftann mikla í síðustu viku en meðal þeirra eru einstaklingar sem fást við innrömmum. Á Selfossi eru allavega tveir slíkir aðilar og gerðu þeir báðir tveir fastlega ráð fyrir því að nóg yrði að gera hjá þeim næstu mánuði.

Sigrún Elsa tekur undir með starfsmönnum OR

Sigrún Elsa Smáradóttir, fulltrúi Samfylkingarinnar í stjórn Orkuveitu Reykjvíkur tekur undir áhyggjur starfsmannafélagsins af stöðu mála í fyrirtækinu.

Hús á reki í Tjörninni

Kofinn knái í Tjörninni í Reykjavík, sem vakið hefur talsverða athygli og hluti af Listahátíð í Reykjavík, losnaði frá stað sínum í rokinu í nótt og rak yfir alla Tjörnina.

Líkamsleifar hermanna úr fyrri heimsstyrjöldinni finnast í Frakklandi

Fornleifafræðingar hefur uppgötvað leifar hermanna sem börðust í orrustunni við Fromelles í Frakklandi. Grunur hafði leikið á að fjöldagrafir væru þar til staðar með líkamsleifum hundruða breskra og ástralska hermanna. Uppgröfturinn hafði vakið upp vonir ættingja hinna látna að finna líkamsleifar þeirra svo þeir gætu fengið greftrun við hæfi.

Nauðsynlegt að láta Guðmund fara

Ásta Þorleifsdóttir, varaformaður stjórnar Orkuveitu Reykjavíkur, segir að trúnaðarbrestur hafi orðið á milli Guðmundar Þóroddsonar og stjórnar Orkuveitu Reykjvíkur, því hafi það verið nauðsynlegt að hann léti af störfum sem forstjóri Orkuveitunnar.

Starfsmenn OR átelja stjórnina

Starfsmenn Orkuveitu Reykjavíkur samþykktu í dag harðorða ályktun þar sem vinnubrögð stjórnar Orkuveitunnar eru gagnrýnd.

Hrikalegt að sleppa táknmálsfréttum þegar skjálftinn reið yfir

„Mér fannst nú hrikalegt að þeir skyldu sleppa þeim, miðað við tímasetningu hafði RÚV kjörið tækifæri til að koma aðvörunum Almannavarna á framfæri á táknmáli til jafns við aðra landsmenn," segir Sigurlín Margrét Sigurðardóttir framkvæmdastjóri þegar Vísir spyr hana út í þá staðreynd að RÚV felldi niður táknmálsfréttir fimmtudaginn 29. maí, daginn sem Suðurlandsskjálftinn gekk yfir.

Gruna starfsfólk Cabin um þjófnað

Forsvarsmenn KFÍ á Ísafirði eru æfir út í starfsfólk Cabin hótels í Reykjavík eftir að þjálfari meistaraflokks félagsins, Borce Ilievski, var rændur þegar hann var gestur á hótelinu um þar síðustu helgi. Borce fær tjón sitt, sem metið er á um 300 þúsund krónur, ekki bætt hjá hótelinu en taskan hans fannst inn á öðru herbergi hótelsins skömmu eftir ránið.

Smábílar gætu lækkað en hákarnir hækkað

Starfshópur fjármálaráðherra hefur skilað af sér skýrslu um heildarstefnumótun skattlagningar eldsneytis og ökutækja. Í starfshópnum áttu sæti fulltrúar fjármálaráðuneytis, samgönguráðuneytis og umhverfisráðuneytis og átti starfshópurinn samráðsfundi við hagsmunaaðila. Verði tillögur hópsins samþykktar má gera ráð fyrir að smábílar sem losa lítið magn koltvísýrings lækki um allt að 30 prósent í verði en á móti munu bílar sem losa mikið magn hækka. Þannig er áætlað að ríkissjóður verði ekki af tekjum vegna þessara breytinga. Ríkisstjórnin mun ræða þessar tillögur í sumar og gert er ráð fyrir að ákvörðun um framhald verði tekin á vorþingi.

Breytingum ætlað að tengja háskólann betur við atvinnulífið

Sigurður Kári Kristjánsson, formaður menntamálanefndar Alþingis, segir að breytingarnar sem gerðar hafa verið á háskólalögum séu til þess fallnar að tengja háskólann betur við atvinnulífið. Breytingarnar eigi að stuðla að því að skipaðir verði aðilar úr atvinnulífinu í ráðið og þannig aukist samstarf háskólans við atvinnulífið. Með breytingum færist skólinn í svipað horf og þekkist á Norðurlöndunum og hjá Háskólanum í Reykjavík en þar er enginn úr sjálfum háskólanum í æðsta ráði skólans.

Mikil óánægja með breytingar á háskólalögum

Mikil óánægja ríkir á meðal háskólamanna með nýgerðar breytingar á háskólalögum. Ný lög um opinbera háskóla voru samþykkt á Alþingi á lokadögum þingsins. Innan Háskóla Íslands hefur mikil óánægja gert vart við sig vegna þeirra og þá aðallega breytingar sem gerðar voru á háskólaráði sem er æðsta stjórnvald skólans.

Ótryggður fangi ósáttur

Fangi á Litla Hrauni er ósáttur við að fá ekki bætur fyrir þær skemmdir sem urðu á eignum hans í Suðurlandsskjálftanum.

Óánægðir starfsmenn OR funda

Nú stendur yfir lokaður fundur starfsmanna Orkuveitu Reykjavíkur. Fjölmiðlar eru á staðnum en þeim var vísað af fundinum áður en hann hófst.

Borholur gætu gefið vísbendingar um yfirvofandi skjálfta

Vísindamenn kanna nú hvort samband kunni að vera á milli þess að virkni í rannsóknarholu á Hellisheiði tvöfaldaðist að morgni fimmtudags, nokkrum klukkustundum áður en Suðurlandsskjálftinn reið af.

Þjónustumiðstöðvar verða opnar fram á kvöld

Í gærkvöldi voru haldnir fjölmennir íbúafundir á Selfossi og Eyrarbakka þar sem farið var yfir stöðuna með íbúum í kjölfar jarðskjálftana.

Styrmir lætur af störfum

Styrmir Gunnarsson hefur látið af störum sem ritstjóri Morgunblaðsins eftir rúmleg 40 ára veru á blaðinu. Starfsmenn Árvakurs kvöddu Styrmi með virktum í Hádegismóum í morgun.