Fleiri fréttir

Sakar sjálfstæðismenn um skemmdarverk á Suðurnesjum

Kristinn H. Gunnarsson, þingflokksformaður Frjálslynda flokksins, gagnrýndi sjálfstæðismenn á þingi harðlega fyrir að vilja skilja í sundur lögreglu, tollgæslu og öryggisgæslu á Suðurnesjum og sakaði þá um skemmdarverk.

Björn væntir þess að samfylkingarmenn átti sig

Björn Bjarnason dómsmálaráðherra segist vænta þess að þingmenn Samfylkingarinnar átti sig á því að tillögur hans um breytta skipan hjá lögreglustjóranum á Suðurnesjum séu byggðar á skýrum rökum. Fjölmiðlar hafa flutt af því fregnir að þingmenn Samfylkingarinnar séu mótmæltir tillögum Björns. Hann dregur í efa að þingflokkurinn sé samstiga í málinu og bendir á að samfylkingarmenn í ríkistjórn hafi samþykkt framlagningu frumvarps fjármálaráðherra á tollalögum. Hann segir einnig að tillögur Jóhanns R. Benediktssonar um lausn á þeim vanda sem embættið er í hefðu leitt til uppsagna og uppbrots embættisins.

Vegagerðin ætlar að aðskilja akreinar á Reykjanesbrautinni

Vegagerðin hefur ákveðið að aðskilja akstursstefnur á Reykjanesbrautinni þar sem enn á eftir að tvöfalda. Rauð og hvít gátskilti verða sett upp á allra næstu dögum. þetta kemur fram í tilkynningu frá stofnuninni. Mikið hefur verið rætt um slysahættu vegna ónógra merkinga á brautinni í kjölfar þess að Jarðvélar sögðu sig frá verkinu í lok síðasta árs. Síðast í morgun varð alvarlegt umferðarslys á svæðinu.

Kæra hefur ekki formlega verið lögð fram

Sturla Jónsson talsmaður vörubílstjóra mætti í skýrslutöku til lögreglunnar í morgun. Sturla sætir rannsókn fyrir brot sem hafa í för með sér almannahættu en slík brot varða allt að sex ára fangelsi.

Tveir gengust undir aðgerð

Tveir þeirra sem lentu í hörðum árekstri á Reykjanesbrautinni í morgun hafa gengist undir aðgerð. Að sögn vakthafandi læknis á slysadeild fór annar í aðgerð í Fossvogi en hinn á Hringbraut. Tveir aðrir úr slysinu eru á gjörgæslu undir eftirliti og aðrir tveir eru á slysa og bráðadeild og verða í umsjá lækna þar í dag.

Sautján læknar á Höfn komu og fóru

Hornafjörður hefur ekki farið varhluta af þeim læknavandræðum sem hrjá sum sveitarfélög en árið 2006 ræktu alls 17 læknar þrjár stöður heimilislækna sem Heilbrigðisstofnun Suðausturlands á Höfn hefur heimild fyrir.

Ísland hefur svigrúm til að víkja frá hvíldartímareglum

Ísland hefur svigrúm til að víkja frá reglum um að vörubílstjórar taki sér hvíld á fjögurra og hálfs tíma fresti samkvæmt reglugerð Evrópusambandsins. Rangt er hins vegar, sem vörubílstjórar hafa haldið fram, að reglugerðin nái ekki yfir eyríki eins og Ísland.

„Hvers vegna að gera við það sem ekki er bilað?"

Lúðvík Bergvinsson, þingflokksformaður Samfylkingarinnar, segir að þingflokkurinn hafi farið vel yfir hugmyndir dómsmálaráðuneytisins um fyrirhugaða uppskiptingu á embætti lögreglustjórans á Suðurnesjum. Hann segir að þar á bæ séu menn sammála um að núverandi fyrirkomulag hafi virkað vel og því þurfi vandaðan rökstuðning fyrir breytingum.

Síminn og Vodafone tilkynni hækkanir fyrir fram

Síminn og Vodafone hafa fallist á tilmæli talsmanns neytenda þess efnis að tilkynna framvegis öllum viðskiptavinum sínum fyrir fram um verðhækkanir og aðrar breytingar á skilmálum sem eru neytendum í óhag.

Tíu vilja í embætti vegamálastjóra

Tíu manns sóttu um embætti vegamálastjóra sem auglýst var nýverið, þar á meðal þrír úr fimm manna yfirstjórn Vegagerðarinnar. Jón Rögnvaldsson vegamálastjóri hættir um næstu mánaðamót og var auglýst eftir umsóknum um embættið í síðasta mánuði.

Niðurrif húsa við Mýrargötu hafið

Hafið er niðurrif húsa á slippasvæðinu við Mýrargötu, en þetta verk er hluti þeirra undirbúningsverka sem fylgja þróun og enduruppbyggingu Mýrargötu - Slippasvæðis.

Bjarni vill harðari afstöðu gagnvart Kína vegna Tíbets

Bjarni Harðarson þingmaður Framsóknarflokksins vill að íslensk stjórnvöld taki upp harðari afstöðu gegn Kína vegna frelsisbaráttu Tíbeta. Bjarni gagnrýndi málflutning utanríkisráðherra á þingi í gær og kallaði einnig eftir afstöðu þingmanna Sjálfstæðisflokksins í málinu.

Sturla kærður fyrir að raska umferðaröryggi

Lögreglan á höfuðborgarsvæðinu hefur lagt fram kæru á hendur Sturlu Jónssyni, talsmanni og leiðtoga vörubílstjóra, vegna aðgerða bílstjóranna undanfarnar tvær vikur.

Sturla mætti einn til skýrslutöku

Sturla Jónsson, talsmaður og leiðtogi vörubílstjóra í mótmælum þeirra undanfarnar vikur, mætti til skýrslutöku hjá lögreglu nú skömmu fyrir klukkan níu.

Umferð hleypt í gegn í hollum á Reykjanesbraut

Lögregla er nú farin að hleypa umferð í hollum framhjá slysstaðnum á Reykjanesbraut við Vogaafleggjara, þar sem harður árekstur tveggja bíla varð um klukkan hálf sjö í morgun.

Amfetamínsmyglari í þriggja vikna gæsluvarðhald

Rúmlega tvítugur íslenskur karlmaður var síðdegis í gær úrskurðaður í allt að þriggja vikna gæsluvarðhald eftir að tollverðir fundu þrjú kíló af amfetamíni í farangri hans við komuna til landsins í fyrradag.

Vill reisa jarðhýsi og bílskúr við Esjuberg

Fjárfestirinn Ingunn Wernersdóttir hyggst reisa viðbyggingu með niðurgröfnum kjallara og bílskúr við hús sitt á Þingholtsstræti 29a. Samkvæmt uppdráttum arkitektastofunnar Argosar verður nýja byggingin í líkum stíl og gamla húsið sem byggt var árið 1916.

Banaslys á Reykjavíkurflugvelli

Maður á þrítugsaldri lést í kvöld þegar bíll sem hann var að gera við féll á hann. Að sögn lögreglu virðist sem tjakkur hafi gefið sig með þessum hræðilegu afleiðingum. Slysið varð í byggingu á Reykjavíkurflugvelli en tilkynning barst lögreglu á sjöunda tímanum.

120 þúsund króna hjóli stolið í Mosfellsbæ

Aron Emil Sigurðsson, þrettán ára gamall drengur úr Mosfellsbæ, varð fyrir þeirri óskemmtilegu reynslu að nýlegu 120 þúsund króna fjallahjóli hans var stolið fyrir utan Lágafellskóla í gær. Móðir hans leitar dyrum og dyngjum af hjólinu.

Körfuboltakappi laus úr haldi

Makedónska körfuboltakappanum Dimitar Karadzovski, sem leikið hefur með Stjörnunni, hefur verið sleppt úr haldi. Friðrik Smári Björgvinsson segir að honum hafi verið sleppt að lokinni yfirheyrslum. Hann verður að öllum líkindum kallaður til yfirheyrslu á ný innan tíðar og málið þá klárað, eins og Friðrik orðar það.

Ný göng í Ólafsfjarðarmúla

Líkur eru á að gera þurfi ný göng í gegnum Ólafsfjarðarmúla, aðeins sautján árum eftir að Múlagöng voru vígð. Ný göng kosta um fjóra milljarða króna.

Framlag Íslendinga mikilvægt

Al Gore, fyrrverandi varaforseti Bandaríkjanna og friðarverðlaunahafi Nóbels, þykir mikið til framlags Íslands í loftslagsmálum koma. Þeir leggi til mikilvægt tæki og þekkingu í baráttuna gegn hlýnun jarðar.

Gripinn með þrjú kíló af amfetamíni í Leifsstöð

Lögreglan á Suðurnesjum handtók í samvinnu við tollgæsluna tvítugan mann í gær með rúmlega þrjú kíló af amfetamíni. Maðurinn var í dag úrskurðaður í þriggja vikna gæsluvarðhald. Hann er sjötti maðurinn sem situr í gæsluvarðhaldi á Suðurnesjum grunaður um umfangsmikið fíkniefnasmygl.

Icejet græddi ekki krónu á Rúmeníuflugi

Kostnaður við einkaþotuflug frá Íslandi til Rúmeníu nemur um það bil 4,2 milljónum íslenskra króna. Þetta er sama upphæð og forsætisráðuneytið greiddi flugfélaginu Icejet fyrir þjónustuna eins og fram kemur í tilkynningu frá ráðuneytinu í dag. Þetta þýðir að Icejet hefur ekki hagnast á viðskiptunum.

Fjórir af hverjum tíu óku of hratt á Garðaflöt

Tuttugu ökumenn geta átt von á sekt þar sem brot þeirra voru mynduð á Garðaflöt í Garðabæ í dag. Fylgst var með ökutækjum sem var ekið Garðaflöt í vesturátt að Smáraflöt að sögn lögreglu.

Búist við að vörubílstjórar fjölmenni fyrir utan lögreglustöðina í fyrramálið

Andófsmaðurinn Sturla Jónsson sem verið hefur nokkurskonar talsmaður vörubílstjóra í mótmælum síðustu daga hefur verið boðaður í skýrslutöku hjá lögreglunni í fyrramálið. Lögreglan vildi ræða við hann í dag en hann segist ekki hafa nennt að mæta. Búast má við að félagar hans fjölmenni á lögreglustöðina í fyrramálið.

Tókst með naumindum að bjarga lífi öryggisvarðar

Hæstiréttur staðfesti í dag úrskurð Héraðsdóms Reykjavíkur um að karlmaður sem grunaður er um að hafa slegið öryggisvörð í höfuðið með glerflösku í verslun 10-11 í Austurstræti um helgina skuli sæta gæsluvarðhaldi þar til á morgun.

Sjá næstu 50 fréttir

Mest lesið