Starfshópur ráðherra ákveður samningsmarkið í loftlagsmálum

Þórunn Sveinbjarnardóttir umhverfisráðherra stýrir sérstökum starfshópi ráðherra sem ætlað er að móta samningsmarkmið Íslands í væntanlegum viðræðum um samkomulag í loftslagsmálum eftir 2012. Auk Þórunnar verða þeir Össur Skarphéðinsson iðnaðarráðherra, Árni M. Mathiesen fjármálaráðherra og Guðlaugur Þór Þórðarson heilbrigðisráðherra í starfshópnum.

Sex gripnir í fíkniefnaátaki lögreglunnar

Þeir sem fara á skemmtistaði borgarinnar geta búist við því að lögreglumenn taki þá til hliðar og leiti á þeim. Lögreglumenn fóru um skemmtistaði í Reykjavík í nótt og leituðu á fólki sem var að skemmta sér. Í þessari aðgerð segist lögreglan hafa fundið fíkniefni á sex mönnum.

Hjálmur bjargaði ungum reiðhjólamanni

Reiðhjólahjálmur er talinn hafa bjargað því að ekki fór ver þegar ungur drengur hjólaði ofan í skurð við Kambahraun í Hveragerði í gær. Eftir því sem fram kemur á vef Félags sjúkraflutningamanna í Árnessýslu var drengurinn þó fluttur á Landspítalann í Fossvogi þar sem hann skarst mikið í andliti.

Ók á stólpa við Vogaafleggjara

Tvennt var flutt á slysadeild Heilbrigðisstofnunar Suðurnesja í nótt eftir að bifreið fór út af veginum við Vogaafleggjarnann á Reykjanesbraut og hafnaði á vegstólpa.

Tönn brotin í friðarstilli

Einn var færður í fangageysmlur lögreglunnar á höfuðborgarsvæðinu fyrir líkamsárás í miðbænum í nótt. Til átaka kom á milli hans og annars manns í Hafnarstræti og hugðist þriðji maðurinn ganga á milli.

Eldur læsti sig í kertaskreytingu

Slökkvilið höfuðborgarsvæðisins var kallað að húsi í Hraunbæ í Árbæ um klukkan hálfellefu í gærkvöld vegna elds í íbúð. Þar hafði eldur af kerti læst sig í plast í kertaskreytingu sem heimilisfólk hafði gleymt einhverja stund.

Finna strax mun á ástandinu eftir að eftirlit var aukið

Lögreglan á höfuðborgarsvæðinu handtók 14 manns og kærði þá fyrir brot á lögreglusamþykkt í eftirliti sínu í miðbænum í nótt. Líkt og um síðustu helgi var lögregla með aukinn mannskap í miðbænum og segist hún strax finna mun á hegðun manna eftir að eftirlitið var aukið.

Listi yfir 10 menguðust borgir í heimi

Listi yfir 10 menguðustu staði í heiminum hefur litið dagsins ljós. Það er Blacksmith stofnunin í Bandaríkjunum birti listann í skýrslu sem stofnunin gefur út. Þessir staðir eru í gömlu Sovétríkjunum, Rússlandi, Kína og Indlandi. Perú og Zambía voru einnig á listanum.

Fundu ökumann í fjöru

Lögreglan á Selfossi stöðvaði ölvaðan ökumann í fjörunni við Óseyrabrú á Eyrabakka um sexleytið í dag. Að sögn lögreglunnar hafði maðurinn, sem er erlendur, sopið all hressilega af guðaveigunum og var ástandið á honum eftir því. Maðurinn var sendur í blóðprufu en erfiðlega gekk að taka skýrslu af honum sökum ölvunar og tungumálaerfiðleika. Hann verður því kallaður seinna til skýrslutöku.

Lítill drengur slasaðist þegar hann datt ofan í skurð

Fimm ára gamall drengur var fluttur á sjúkrahús eftir að hafa hjólað ofan í skurð við Kambshraun í Hveragerði um þrjúleytið í dag. Þar er verið að grafa fyrir hitaveitulögnum. Strákurinn var með hjálm á höfðinu en lenti með andlitið í malbiksbrún og skar sig töluvert. Hann gekkst því undir lýtaaðgerð um leið og hann kom á sjúkrahús.

Etanólbílar sýndir um helgina

Um helgina verður haldin bílasýning í Perlunni á visthæfum bílum. Þar verða meðal annars til sýnis tveir fyrstu etanólbílarnir sem Brimborg flutti til landsins.

Slökkviliðsbílar ná upp í hæstu hæðir

Slökkviliðsstjóri höfuðborgarsvæðisins segir lið sitt í stakk búið að bjarga fólki af efstu hæðum háhýsa svæðisins, þrátt fyrir að körfubílarnir nái aðeins upp á áttundu hæð. Vinnureglur varðandi eldsvoða í háhýsum eru í endurskoðun.

Formaður menntaráðs í skólaakstri

Formaður menntaráðs Reykjavíkurborgar, Júlíus Vífill Ingvarsson, er stjórnarformaður rútufyrirtækis sem hefur hundruð milljóna króna samning um skólaakstur fatlaðra á höfuðborgarsvæðinu. Júlíus segir skólaakstur aldrei koma inn á borð menntaráðs og hagsmunaárekstur því ekki fyrir hendi.

Ársyfirdráttur 400 manna gæti borgað lúxusferð

Yfirdráttarvextir rétt rúmlega fjögur hundruð einstaklinga þarf til að standa undir áætluðum kostnaði við lúxusferð Landsbankans til Ítalíu. Tvö hundruð útvaldir viðskiptavinir bankans flugu til Ítalíu í morgun.

Alvarlegur kúasjúkdómur í Eyjafirði

Kúabú í Eyjafirði hefur verið sett í einangrun eftir að alvarlegur sjúkdómur sem borist getur milli manna og dýra kom þar upp. Héraðsdýralæknir segir málið alvarlegt.

Fráfarandi formaður höfðar mál á hendur ríkinu

Borgar Þór Einarsson fráfarandi formaður Sambands ungra sjálfstæðismanna hyggst höfða mál á hendur flokksbróður sínum Árna Mathiesen fjármálaráðherra, fyrir hönd íslenska ríkisins, vegna opinberrar birtingar álagningarskráa.

Viðbrögð LÍÚ til skammar

Iðnaðarráðherra segir viðbrögð LÍÚ við mótvægisaðgerðum ríkisstjórnarinnar Landssambandinu til skammar. Stórútgerðarvaldið eigi ekkert inni hjá ríkisstjórninni.

Forstjóri BYKO senn í atvinnuleit

Ásdís Halla Bragadóttir hefur ákveðið að láta af störfum sem forstjóri BYKO í lok september. Ásdís segir í samtali við Vísi að hún hafi tekið þessa ákvörðun fyrir örfáum vikum og þá tilkynnt Jóni Helga Guðmundssyni, forstjóra og eiganda fyrirtækisins um hana. Hún segir að tími hennar hjá fyrirtækinu hafi verið ánægjulegur og einkennst af mikilli uppbyggingu.

Lögreglan hljóp uppi ölvaðan hjólreiðamann

Lögreglumenn hlupu uppi ölvaðan karl um þrítugt sem reyndi að komast undan á stolnu reiðhjóli í miðbæ Reykjavíkur í gær. Sökum ölvunar átti maðurinn í mestu erfiðleikum með að halda jafnvægi á hjólinu og var för hans stöðvuð á Laugavegi.

Lögreglan handtók fjóra í fíkniefnamálum

Karl á þrítugsaldri og tvær konur um tvítugt voru handtekin í íbúð í vesturbænum í Reykjavík síðdegis í gær. Á staðnum fundust fíkniefni og nokkrir hnífar. Í Grafarvogi var karl á þrítugsaldri handtekinn um miðjan dag en í bíl hans fundust ætluð fíkniefni og hafnaboltakylfa, segir í tilkynningu frá lögreglunni.

Ekið á barn á Sundlaugarvegi

Ekið var á barn á Sundlaugarvegi um klukkan hálf fimm í dag. Barnið var á reiðhjóli þegar bíllinn skall á það. Barnið var flutt á slysadeild. Að sögn vakthafandi læknis þar bendir fyrsta skoðun ekki til þess að barnið sé alvarlega slasað.

Olíuflutningabíll valt á Þingvallavegi

Olíuflutningabíll valt á Þingvallavegi um klukkan hálf fimm í dag. Slökkvilið, sjúkraliðar og lögregla eru á leið á staðinn en ekki er vitað um slys á fólki.

Herflugvél nauðlendir á Keflavíkurflugvelli

Mikill viðbúnaður var á Keflavíkurflugvelli laust fyrir klukkan þrjú í dag eftir að flugmaður bandarískrar herflugvélar tilkynnti að einn hreyfill vélarinnar hefði bilað á flugi. Um þrettán farþegar auk áhafnar voru um borð í vélinni sem er fjögurra hreyfla skrúfuþota af gerðinni Herkúles.

Yfir hundrað rollur drukkna í Kálfá

Yfir eitt hundrað rollur drukknuðu í Kálfá við Skáldabúðir í Gnúpverjahreppi um klukkan tíu í morgun þegar verið var að reka fé af fjalli. Mikill straumur var í ánni að sögn lögreglu. Björgunarsveitir aðstoðuðu við að tína upp hræin.

Grunnskólafrelsi á Seltjarnarnesi

Íbúar á Seltjarnarnesi hafa nú frelsi til að velja grunnskóla fyrir börn sín óháð lögheimili en bæjarstjórn Seltjarnarness hefur samþykkt tillögu meirihlutans sem heimilar foreldrum að sækja um skólavist í grunnskólum utan lögheimilissveitarfélags.

Fagnar húsleit hjá Lyfjum og heilsu

Lyf og heilsa hefur vísvitandi misnotað markaðsráðandi stöðu sína á lyfjamarkaði á Akranesi að mati eiganda Apóteks Vesturlands. Hann lagði inn kvörtun til Samkeppniseftirlitsins í sumar vegna málsins. Hann segist fagna þeirri húsleit sem Samkeppniseftirlitið gerði á skrifstofu Lyfja og heilsu í morgun.

Gruna Lyf og heilsu um að misnota markaðsráðandi stöðu

Grunur leikur á að lyfjaverslunarkeðjan Lyf og heilsa hafi misnotað markaðsráðandi stöðu sína á Akranesi í samkeppni við Apótek Vesturlands. Samkeppniseftirlitið gerði húsleit á skrifstofum fyrirtækisins í morgun. Um eðlilega samkeppni að ræða segir í yfirlýsingu frá Lyfjum og heilsu.

Össur svíður undan LÍÚ

Össur Skarphéðinsson iðnaðarráðherra segir í hádegisviðtalinu á Stöð 2 að sér svíði gagnrýni sú sem Friðrik Arngrímsson framkvæmdastjóri LÍÚ hafi sett fram á mótvægisaðgerðir ríkisstjórnarinnar. Vandi sjávarútvegsþorpanna felist ekki síst í flótta stórútgerðanna frá þeim.

Tálbeitumál fyrir dómi

Jóhannes Kr. Kristjánsson ritstjóri Kompáss og Ingi R. Ingason framleiðandi þáttarins voru kallaðir til vitnis í morgun í Héraðsdómi Reykjavíkur vegna mála tveggja manna sem gengu í gildru þáttarins í vor. Mennirnir héldu að þeir væru að fara á fund 13 ára stúlku í kynferðislegum tilgangi.

Húsleit hjá Lyfjum og heilsu

Fulltrúar frá Samkeppniseftirlitinu gerðu í morgun húsleit á skrifstofum apótekakeðjunnar Lyf og heilsa. Þetta staðfesti Lyf og heilsa.

Fjúkandi reiður út í HB Granda

Gísli S. Einarsson bæjarstjóri á Akranesi er fjúkandi reiður út í HB Granda vegna ákvörðunnar fyrirtækisins um að hætta við að flytja upp á Akranes. "Það er verulega þungt í mér hljóðið sökum þess og þeir höfðu ekki einu sinni fyrir því að tilkynna okkur um þessa ákvörðun áður en hún birtist í fjölmiðlum," segir Gísli S. Einarsson bæjarstjóri á Akranesi í samtali við Vísi.

Kjötkrókur dæmdur í skilorð

Héraðsdómur Suðurlands dæmdi í dag karlmann í þrettán mánaða skilorðsbundið fangelsi fyrir að stela hangikjötslæri úr Bónus. Maðurinn var á skilorði fyrir brotið en vegna þess að hann þykir hafa komið lífi sínu á réttan kjöl eftir töluvert langan brotaferil þótti dómara rétt að dæma manninn aftur í skilorðsbundið fangelsi.

Karl Steinar Guðnason hættir

Karl Steinar Guðnason, forstjóri Tryggingastofnunar ríkisins, lætur af störfum 1. nóvember næstkomandi vegna aldurs. Við starfi hans tekur Sigríður Lillý Baldursdóttir, framkvæmdastjóri Þróunarsviðs Tryggingastofnunar.

Fulltrúi Landsbjargar til Ghana

Gisli Rafn Ólafsson, Slysavarnafélagi Landsbjargar, er nú á leið til Ghana til þess að aðstoða stjórnvöld í að meta umfang mikilla flóða sem þar hafa verið undanfarið. Gísli og félagar hans munu skoða aðstæður á vettvangi og samhæfa viðbrögð alþjóðasamfélagsins auk þess að styðja við bakið á almannavörnum landsins.

Randver hrærður

Randver Þorláksson leikari segir að það hræri hans litla hjarta hve sterk viðbrögðin hafa verið við brotthvarfi hans úr Spaugstofunni. "Mér þykir mjög vænt um hvað þjóðinni þykir vænt um mig," segir Randver í samtali við Vísi. Sett hefur verið upp sérstök vefsíða þar sem fólk getur mótmælt uppsögn Randvers og hafa yfir 300 skráð sig þar.

Sluppu ómeiddir úr bílveltu

Tveir menn sluppu ómeiddir þegar bifreið þeirra valt á Vífilsstaðavegi um klukkan tíu í morgun. Sjónarvottar að slysinu segja að um ofsaakstur hafi verið að ræða en lögregla tjáir sig ekki um það að svo stöddu. Að sögn vaktstjóra hjá slökkviliðinu voru sjúkrabílar kallaðir á vettvang en ökumaður og farþegi reyndust ekki alvarlega slasaðir.

HB Grandi hættir við Skagann

Stjórn HB Granda hefur hætt við áform sín um að flytja upp á Akranes og reisa þar nýtt fiskiðjuver. Á heimsíðu HB Grand er sagt að þessi ákvörðun sé tekin þar sem Faxaflóahafnir hafi ekki talið sér fært að uppfylla óskir HB Granda um gerð nýrrar fiskihafnar á Akranesi. Björn Ingi Hrafnsson stjórnarformaður Faxaflóahafna segir að þverpólitísk samstaða hafi verið innan hafnarstjórnar um samstarf við HB Granda.

Bílakaup jukust í vor og sumar

Neysla almennings eykst á ný á öðrum ársfjórðungi þessa árs samkvæmt Hagtíðindum Hagstofunnar. Á fyrsta ársfjórðungi dróst neysla saman um rúmlega eitt prósent. Bílakaup jukust lítilsháttar en færri kaupa hins vegar sjónvörp, tölvur og hjólhýsi. Alls jókst landsframleiðsla um 2,5 prósent á ársfjórðunginum.

Ferðakóngurinn Andri á Írlandi

Primera Travel Group, fyrirtæki Andra Más Ingólfssonar hefur fest kaup á stærstu ferðaskrifstofu Írlands. Kaupverðið er 46,4 milljónir evra eða rúmlega fjórir milljarðar króna. Ferðaskrifstofan ber nafnið Budget Travel og samkvæmt upplýsingum á heimsíðu hennar var veltan á síðasta ári um 200 milljónir evra eða um 18 miljarðar króna.

Slösuðust lítillega þegar bíll fauk út af veginum

Tveir menn voru fluttir lítillega meiddir á sjúkrahús eftir að lítill flutningabíll fauk út af veginum við Ingólfsfjall um níuleytið í kvöld. Talsvert hvassviðri er á þessum slóðum og eru ökumenn kvattir til að sýna sérstaka aðgát við akstur.

Stóra Lúkasarmálið týnt í kerfinu

Öll gögn í Lúkasarmálinu eru týnd að því er virðist. Hvorki lögreglan á Akureyri né lögreglan á höfuðborgarsvæðinu kannast við að málið sé á þeirra borðum. Erlendur Þór Gunnarsson, lögfræðingur Helga Rafns Brynjarssonar, sagði í samtali við Vísi í dag að lögreglan á höfuðborgarsvæðinu hefði rannsakað málið í sumar. Síðan hefði verið tekin sú ákvörðun að fela það lögreglunni á Akureyri.

Bílvelta í Lóni

Bílvelta varð við bæinn Reyðará í Lóni austan við Höfn í Hornafirði. Mikið rok hefur verið fyrir austan í allan dag og telur lögreglan að bíllinn hafi hreinlega fokið út af. Fimm voru í bílnum og þurfti einn að leita til læknis vegna skurðar á hendi en aðrir sluppu ómeiddir.

Íslenskir Bjarnabófar í gæsluvarðhaldi í Kaupmannahöfn

Tveir íslenskir karlmenn eru sakaðir um bankarán sem var framið í Nordea á Amagerbrogade í gær. Mennirnir eiga það sameiginlegt að heita Bjarni. En þeir munu deila ýmsu fleira en fornafninu á næstunni. Þeir munu nefnilega dúsa saman í fangelsi í 27 daga. Saksóknari fór fram á gæsluvarðhaldsúrskurð yfir mönnunum svo þeir gætu ekki stungið af úr landi.

Sjómenn sárir

Formaður Sjómannasambands Íslands segir ríkisstjórnina hafa gleymt sjómönnum í mótvægisaðgerðum vegna kvótaskerðingarinnar. Hann segir sjómenn sára og urgur sé í þeim.

Lúxuskvöldverður Kaupþings í Listasafni Reykjavíkur

Kaupþing býður tæplega tvö hundruð viðskiptavinum bankans í lúxuskvöldverð á Listasafni Reykjavíkur um helgina. Michelinkokkur frá einum dýrasta veitingastað Frakklands eldar og dýrasta vínið kostar allt að hundrað þúsund krónum flaskan.