Sex gripnir í fíkniefnaátaki lögreglunnar

Þeir sem fara á skemmtistaði borgarinnar geta búist við því að lögreglumenn taki þá til hliðar og leiti á þeim. Lögreglumenn fóru um skemmtistaði í Reykjavík í nótt og leituðu á fólki sem var að skemmta sér. Í þessari aðgerð segist lögreglan hafa fundið fíkniefni á sex mönnum.

En lögreglan segir að sérstakt átak sé að ræða hjá fíkniefnadeild lögreglunnar á höfuðborgarsvæðinu og sérsveitarinnar, sem annars er ætLað að eiga við stórhættulegt og vopnað fólk. Leitað var á rúmlega 100 manns sem lögreglumönnum þótti grunsamlegir. Þá segir lögreglan að ólöglegir hnífar hafi fundist innanklæða á tveimur mönnum. Þeir verði kærðir fyrir brot á vopnalögum og hinir fyrir fíkniefnabrot.