Forstjóri BYKO senn í atvinnuleit

Ásdís Halla Bragadóttir hefur ákveðið að láta af störfum sem forstjóri BYKO í lok september. Ásdís segir í samtali við Vísi að hún hafi tekið þessa ákvörðun fyrir örfáum vikum og þá tilkynnt Jóni Helga Guðmundssyni, forstjóra og eiganda fyrirtækisins, um hana. Hún segir að tími hennar hjá fyrirtækinu hafi verið ánægjulegur og einkennst af mikilli uppbyggingu.

"Nú er þeim verkefnum sé lágu fyrir þegar ég tók við lokið eða að ljúka og því þótti mér áhugavert að takast á við viðfangsefni á öðrum vettvangi," segir Ásdís. Hún segist ekki vera búin að ákveða hvað taki við þegar hún kveður BYKO í lok september.