Lögreglan leitar bíls sem stolið var í morgun

Lögreglan í Reykjavík auglýsir eftir ljós grágrænum Yaris. Bílnum var rænt fyrir utan Borgartún 33 um klukkan hálf ellefu í morgun. Bíllinn er fimmdyra og með skráningarnúmerið L J 299. Lögreglan biður þá sem hafa séð bílinn eða geta veitt einhverjar upplýsingar að hafa samband í síma 444 1000/ 444 1102.

Mjólka tekin formlega til starfa

Landbúnaðarráðherra opnaði Mjólku, fyrstu einkareknu mjólkurstöðina á Íslandi í áratugi í morgun. Ráðherran segir íslensku mjólkina mikla gæðavöru í stöðugri sókn.

Enn tapar Samfylking fylgi

Samfylkingin þarf að þétta raðirnar til að bæta úr stöðu sinni. Þetta segir formaður flokksins en fylgi hans mælist nú rétt um 26% sem er það lægsta á þessu kjörtímabili. Flokkurinn hefur misst átta prósentustiga fylgi frá því Ingibjörg Sólrún tók við. Hún hafnar því að óeining ríki innan þingflokksins en segir forystuna verða að taka á sig tap, eins og fylgisaukningu.

Tæplega 100 milljónir söfnuðust á uppboði UNICEF

Hátt í hundrað milljóna króna framlag safnaðist í uppboði undir hátíðarkvöldverði Barnahjálpar Sameinuðu þjóðanna á Listasafni Reykjavíkur í gærkvöldi þar sem sir Roger Moore var ræðumaður. Nokkur hundruð manns voru þar saman komin í boði Baugs, FL Group og Fons, sem fyrr um daginn höfðu gefið samtals 135 milljónir til mannúðarstarfa í Gíneu-Bissá í Afríku.

Ekið á stúlku við Melaskóla

Ekið var á stúlku við Melaskóla rétt fyrir klukkan hálf níu í morgun. Hún var flutt á sjúkrahús til aðhlynningar en talið er að meiðsl hennar séu lítilsháttar. Stúlkan, sem er í yngri bekkjum Melaskóla, var gangandi á gangbraut og á leið í skólann þegar ekið var á hana.

Allt að 107 prósenta verðmunur á jólamatvörum

Allt að 107 prósenta verðmunur var á ýmsum matvörum til jólanna í verðkönnun sem verðlagseftirlit ASÍ gerði í matvöruverslunum á höfuðborgarsvæðinu á miðvikudag. Kannað var verð m.a. á laufabrauði, konfekti, drykkjarvörum, hangikjöti og síld.

Eldri borgarar á Bíldudal safna fyrir bocciasetti

Eldri borgarar á Bíldudal hafa undanfarið haldið spilakvöld og spilað Félagsvist í Læk, þjónustuseli aldraðra á Bíldudal. Markmið spilakvöldanna er að safna fyrir bocchiasetti vegna mikils áhuga á íþróttinni.

Tollvörður grunaður um þjófnað

Lögreglan í Reykjavík rannsakar nú hugsanlega aðild tollvarðar að þjófnaðarmáli. Fjórir einstaklingar sem störfuðu hjá Samskipum urðu þá uppvísir að því að stela áfengi sem geymt var í vöruhúsi fyrir tollskyldan varning sem átti að fara til förgunar. Samkvæmt upplýsingum Fréttablaðsins leikur grunur á að umræddur tollvörður hafi tekið hluta af áfenginu.

Fékk ekki bætur fyrir drátt á kransæðaaðgerð

Hæstiréttur hefur sýknað íslenska ríkið af hátt í tíu milljóna króna kröfu manns um bætur fyrir tjón sem hann varð fyrir vegna dráttar sem varð á því að hann fengi viðhlítandi meðferð við kransæðasjúkdómi.

Þungur áfellisdómur yfir ríkisstjórninni

Skýrsla Stefáns Ólafssonar prófessors, um örorku og velferð á Íslandi og í öðrum vestrænum löndum, er þungur áfellisdómur yfir ríkisstjórninni og blaut tuska framan í öryrkja. Þetta segir Jóhanna Sigurðardóttir, þingmaður Samfylkingar, í grein á heimasíðu sinni. Í skýrslunni kemur meðal annars fram að skattbyrði öryrkja hér á landi hefur stóraukist frá árinu 1995.

Drengur missti meðvitund í sundkennslu

Ellefu ára drengur var hætt kominn í sundkennslu í sundlauginni í Bolungarvík í gærmorgun . Drengurinn var að leik í lauginni og lét sig fljóta með andlitið í kafi þegar atvikið varð.

Símakaup fyrir 160 milljarða

Fjárfestingar Novators, eignarhaldsfélags Björgólfs Thors Björgólfssonar, í evrópskum símafélögum nema að minnsta kosti 160 milljörðum króna. Stærst þessara fjárfestinga er í BTC í Búlgaríu en Björgólfur á um 75 prósent hlutabréfa í félaginu. Verðmæti BTC hefur fimmfaldast frá því að fyrirtækið var einkavætt árið 2004 en markaðsvirði félagsins er um 150 milljarðar króna.

Talsvert smygl fannst um borð í Dettofossi

Tollverðir fundu talsvert smygl um borð í Dettifossi í Grundartangahöfn í fyrrinótt, eftir að lögregla stöðvaði pallbíl, lestaðan smygli, á leið frá skipinu.

Rafmagns-stuðbyssa fannst við húsleit í Keflavík

Rafmagns-stuðbyssa fannst við húsleit hjá þekktum afbrotamanni í Kefalvík í nótt, en þeir sem verða fyrir stuði úr slíku vopni vankast og stuðið getur valdið hjartsláttartruflunum.

Kjötkrókur snemma á ferð

Jólasveinninn kjötkrókur kom til byggða á Akureyri í nótt, nokkuð á undan áætlun svo lögreglan handtók hann. Í fórum hans fundust þrjú lambalæri og tveir lambahryggir auk fjögurra pakka af humri í forrétt. Hann var fótgangandi og vöktu klyfjar hans eftirtekt lögreglu.

Sjómenn fá 26.000 króna eingreiðslu nú í mánuðinum

Landsssamband íslenskra útvegsmanna og öll samtök sjómanna sömdu um það í gær að sjómenn skyldu fá 26.000 króna eingreiðslu nú í mánuðinum, í samræmið við það sem ASÍ og Samtök atvinnulífsins sömdu um vegna endurskoðunar kjarasamninga.

Einn af hverjum fjórum er hlynntur einkavæðingu heilbrigðiskerfisins

Aðeins einn af hverjum fjórum er hlynntur einkavæðingu heilbrigðiskerfisins, að því er fram kemur í nýjum þjóðarpúlsi Gallups og tæplega einn af hverjum þremur er hlynntur einkavæðingu Landsvirkjunar.

Fjórða fíkniefnamálið í Kópavogi á einum sólarhring

Lögreglan í Kópavogi, ásamt sérsveitarmönnum frá Ríkislögreglustjóra, tollgæslumönnum og fíkniefnahundi frá Hafnarfirði gerði húsleit í þremur íbúðum í Kópavogi í nótt og fann talsvert af fíkniefnum.

Við vorum svangir

Brasilíumennirnir sem unnu við að setja upp gifsveggi fyrir Nýgifs fengu aldrei greidd mánaðarlaun. Ekki var gerður við þá skriflegur ráðningarsamningur. Þeir lögðu eitt sinn niður vinnu vegna þess að þeir áttu ekki peninga fyrir mat.

Tilkynnir vanhæfi bréflega

Segja launin vera langt undir lágmarkstaxta

Guðmundur Ómar Guðmundsson, formaður Félags byggingarmanna í Eyjafirði, segir tvö fyrirtæki á Akureyri, SS Byggi og Glugga, greiða tékkneskum starfsmönnum fyrirtækjanna lægri laun en lögbundnir lágmarkstaxtar kveði á um.

Notaði dúkahníf við nauðgun

Hæstiréttur þyngdi í gær um hálft ár refsingu manns sem Héraðsdómur Reykjavíkur dæmdi í apríl í tveggja ára fangelsi fyrir að nauðga konu sem hann hafði áður átt í sambandi við. Þá stóð ákvörðun um 700.000 króna miskabætur.

Samfylkingin tapar enn fylgi

Samfylkingin tapar fylgi sjötta mánuðinn í röð samkvæmt nýrri mælingu Þjóðarpúls Gallup. Að öðru leyti eru litlar breytingar á fylgi flokka í könnuninni, sem unnin var dagana 26. til 28. nóvember. Samfylkingin mælist með rúmlega 25 prósenta fylgi, en var með um 28 prósenta fylgi í síðustu könnun Þjóðarpúlsins.

Almenn andstaða við einkavæðingu

Aðeins einn af hverjum fjórum er hlynntur einkavæðingu heilbrigðiskerfisins, að því er fram kemur í nýjum þjóðarpúlsi Gallup. Tæplega einn af hverjum þremur er hlynntur einkavæðingu Landsvirkjunar. Tæp sextíu prósent eru andvíg einkavæðingu skóla, en almennt eru karlar hlynntari einkavæðingu en konur, nema hvað færri karlar vilja einkavæða Landvirkjun en konur.

Thelma er ljósberi ársins

Thelma Ásdísardóttir, sem nýlega hreif þjóðina með sér fyrir það hugrekki að segja frá þeirri reynslu sinni er hún var misnotuð af föður sínum og öðrum mönnum, mun í dag hlotnast sú viðurkenning að vera Ljósberi ársins.

Listamenn fá bætur vegna skemmda á verkum

Hæstiréttur hefur staðfest dóm héraðsdóms í málum sem listamennirnir Rúrí og Bjarni Sigurbjörnsson höfðuðu á hendur ríkinu vegna skemmda sem urðu á listaverkum þeirra sem sett voru upp á Þingvöllum árið 2000 í tengslum við Kristnihátíð.

Tíu árum síðar á ferðinni en annars staðar

Fjölgun öryrkja hérlendis á undanförnum árum er ekkert einsdæmi. Öryrkjum tók að fjölga á Vesturlöndum upp úr 1980 og þróunin hér er aðeins tíu árum síðar á ferðinni en annars staðar segir Stefán Ólafsson prófessor.

Tvö og hálft ár fyrir að nauðga fyrrverandi kærustu sinni

Karlmaður var dæmdur í tveggja og hálfs árs fangelsi í Hæstarétti í dag fyrir að hafa nauðgað fyrrverandi kærustu sinni á heimili sínu í Reykjavík fyrir rúmu ári. Réttturinn þyngdi dóm héraðsdóms um hálft ár.

Stjórnvöld þögul um framtíð hátækniiðnaðarins

Stjórnvöld þegja þunnu hljóði um hugsanlegar aðgerðir til að gera starfsumhverfi hátæknifyrirtækja hér á landi bærilegra. Á meðan er tugum starfsmanna sagt upp og mörg fyrirtækjanna hyggjast flytja starfsemi sína úr landi.

Settu heimsmet í línuveiði

Áhöfnin á Guðbjörgu ÍS setti heimsmet í nóvembermánuði, þegar hún fiskaði 180 tonn á línu í mánuðinum.

Áreitninefnd starfandi hjá Reykjavíkurborg

Sérstök áreitninefnd er starfandi vegna áreitni sem starfsmenn Reykjavíkurborgar, sérstaklega þeir sem starfa að félagsmálum, verða fyrir. Tilvikin geta skipt tugum á ári.

Styrkjum úthlutað úr Kristnihátíðarsjóði

96 milljónum var úthlutað úr Kristnihátíðarsjóði í dag en þetta er í síðasta skipti sem úthlutað er úr sjóðnum. Hólarannsókn hlaut hæsta styrkinn, tólf milljónir króna, en það er jafnframt hæsti styrkurinn sem veittur hefur verið úr sjóðnum.

Mesti verðmunur 107 prósent

Það skiptir máli hvar fólk kaupir inn til jólanna. Samkvæmt verðkönnun ASÍ munar allt að 107 prósentum á klassískum jólavörum, mestu á Jólasíld sem kostar 289 krónur í Bónus en 599 krónur í 10-11. Verð 34 vara var skoðað.

Brasilíumenn af landi brott í fyrramálið

Fimm brasilískir verkamenn, sem leituðu til Samiðnar vegna vangoldinna launa í gær, fara úr landi í fyrramálið. Samiðn telur þá eiga samtals um þrjár milljónir króna hjá fyrirtækinu Nýgifsi sem þeir unnu fyrir.

Tilkynnt um tilnefningar til Íslensku bókmenntaverðlaunanna

Í kvöld var tilkynnt hvaða bækur eru tilnefndar til Íslensku bókmenntaverðlaunna í ár. Annað árið í röð er glæpasaga tilnefnd í flokki fagurbókmennta, en það er bókin Tími nornarinnar eftir Árna Þórarinsson.

Hæstiréttur sýknaði fyrrverandi starfsmenn Iceland Seafood

Hæstiréttur sýknaði í dag fyrrverandi starfsmenn Iceland Seafood af kröfum fyrirtækisins. Mennirnir hættu hjá fyrirtækinu, lögbann var sett á þá, en þeir segjast ekki hafa byrjað hjá keppinautnum, fyrr en lögbanninu lauk.

Ramadi hertekin í morgun

Yfir fjögur hundruð uppreisnarmenn hertóku miðborg Ramadi í Írak í morgun. Ekki hafa fengist upplýsingar um mannfall en á veggspjöldum sem hafa verið hengd upp um alla borg segir að al-Qaida hafi náð völdum í borginni.

Líklega gengið frá kaupum fyrir áramótin

Magnús Kristinsson, útgerðarmaður, hefur gert tilboð í Toyota-umboðið, P. Samúelsson hf. Búist er við að gengið verði frá kaupum hans á þessu stærsta bílaumboði landsins fyrir áramót.

Mikill áhugi fyrir tónleikum gegn virkjanastefnu

Miðar í stúku seldust upp á aðeins fjórum mínútum á stórtónleika gegn virkjanastefnu, en þar munu margir af helstu tónlistarmönnum Íslands koma fram auk erlendra tónlistarmanna. Mikill áhugi er fyrir tónleikunum en erlendir tónlistamenn hafa beðið um að fá að koma fram á tónleikunum.

Sakfelldur fyrir skilorðsrof og dæmdur í ársfangelsi

Hæstiréttur dæmdi í dag karlmann í eins árs fangelsi fyrir að hafa með fíkniefnabroti rofið skilorð. Rétturinn þyngdi dóm Héraðsdóms Norðurlands eystra um átta mánuði og staðfesti jafnframt upptöku á amfetamíni og e-pillum sem fundust á manninum á dansleik á Akureyri í fyrra.

Sjúkraliðar samþykkja samning

Sjúkraliðar sem starfa á Hjúkrunarheimilunum Eir og Skjóli í Reykjavík hafa samþykkt kjarasamning. Samningurinn var undirritaður á fimmtudag í síðustu viku en samþykktur í atkvæðagreiðslu í dag.

Yngsta fólkið óttast ekki verðbólgu

Verðbólga veldur sextán til 24 ára fólki minnstum áhyggjum en 25 til 34 ára fólki mestum áhyggjum. Þetta kemur fram í viðhorfskönnun Gallup fyrir Samtök iðnaðarins. Þar kemur fram að 54 prósent aðspurðra sögðu mikla verðbólgu valda sér mjög eða frekar miklum áhyggjum en 37 prósent sögðu hana valda sér mjög eða frekar litlum áhyggjum.

Búist við jákvæðri rekstrarniðurstöðu hjá borgarsjóði

Hreinar skuldir borgarsjóðs Reykjavíkur hafa lækkað um 1,4 milljarða króna samkvæmt árshlutauppgjöri sem lagt var fyrir borgarráð í dag. Í tilkynningu frá borgarstjóra segir að rekstrarniðurstaða borgarsjóðs 30. september 2005 hafi verið jákvæð um 743 milljónir króna, en samkvæmt útkomuspá verður niðurstaðan í árslok hagstæð sem nemur 549 milljónum.

Drengur hætt kominn í sundlaug Bolungarvíkur

Ellefu ára drengur var hætt kominn í sundkennslu í sundlauginni í Bolungarvík í morgun þegar hann var að leik. Drengurinn lét sig fljóta með andlitið í kafi en þegar hann hafði verið þannig nokkuð lengi fór félaga hans að gruna að ekki væri allt með felldu.

Skattbyrðin hefur tvöfaldast

Skattbyrði öryrkja hefur aukist mjög síðasta áratuginn samkvæmt nýrri rannsókn Stefáns Ólafssonar prófessors. Skattbyrði einhleypra öryrkja hefur farið úr sjö prósentum í sautján prósent, eða rúmlega tvöfaldast, og skattbyrði öryrkja í sambúð hefur aukist um 60 prósent.