Davíð kannast ekki við skilyrði

Þingmenn Framsóknarflokks eru óánægðir með hægagang í uppbyggingu dreifikerfis Símans. Þingflokkurinn gerði uppbyggingu dreifikerfisins að skilyrði fyrir einkavæðingu. Davíð Oddsson forsætisráðherra kannast ekki við slík skilyrði.

Betur fór en á horfðist

Tveir slösuðust lítillega þegar strætisvagn og tveir fólksbílar lentu í árekstri á mótum Smáragötu og Hringbrautar á tíunda tímanum í gærkvöldi. Loka varð kafla Hringbrautar vegna slyssins þar sem annar fólksbíllinn valt við áreksturinn og var óttast á tímabili að um alvarlegt slys væri að ræða.

Gaseitrun ekki orsök sjúkdómsins

Jakob Kristinsson, dósent í eiturefnafræði á Rannsóknastofu Háskólans í lyfja- og eiturefnafræði, segir alveg víst að riða sé smitsjúkdómur og orsakist ekki af gaseitrun vegna gerjunar í úrgangi dýra. Fram komu kenningar um slíkt í kjölfar riðu sem uppgötvaðist á bænum Árgerði í Skagafirði í sumar.

Samningur tekur gildi í áföngum

Meirihluti bæjarstjórnar Hafnarfjarðar hefur átt í viðræðum við forystu Verkalýðsfélagsins Hlífar vegna samnings um ræstingar í stofnunum og skólum bæjarins. Mikil óánægja hefur verið meðal ræstingafólks sem starfar hjá bænum, rúmlega hundrað manns, með samning sem bæjarstjórnin ætlaði að gera við einkafyrirtæki sem bauð lægst í verkið.

Aftur í hálfa gátt hjá Halldóri

Halldór Ásgrímsson utanríkisráðherra útilokar ekki ESB-aðild í stefnumarkandi ræðu í Borgarnesi í dag þrátt fyrir orð hans í gær um "nýlendustefnu". </font /></b />

Túlka ummælin á ólíka vegu

Össur Skarphéðinsson, formaður Samfylkingarinnar, sakaði Halldór um að hafa skipt um skoðun í Fréttablaðinu í gær. Eiríkur Bergmann sem er varaþingmaður Samfylkingarinnar og óumdeilt helsti sérfræðingur flokksins í Evrópumálum telur formanninn taka rangan pól í hæðina.

Páll Skúlason ekki í endurkjöri

Páll Skúlason, rektor Háskóla Íslands, hyggst ekki gefa kost á sér að nýju er kjörtímabili hans lýkur næsta vor. Rektor er kjörinn til fimm ára í senn en næsta kjör rektors er hið fyrsta eftir að ný lög voru sett um hvernig það skuli fara fram.

Gatnakerfi borgarinnar er sprungið

Íbúar í nágrannasveitarfélögum Reykjavíkur sem sækja vinnu eða eiga önnur erindi í höfuðborgina á háannatíma eru tíu til fimmtán mínútum lengur á leiðinni nú en áður vegna aukinnar umferðar. </font /></b />

klukkustund að aka 15 kílómetra

"Ég er nú ekki venjulega á ferð svona snemma dags en það tók mig heilar 50 mínútur að komast þessa fimmtán kílómetra," segir Sigurður B. Finnsson, sérfræðingur hjá Umhverfisstofnun.

Fleiri mislæg gatnamót

"Það er ekki bara í Reykjavík sem framkvæmdir og umferðartafir geta farið í taugarnar á mér," segir Steinn Ármann Magnússon leikari, en hann er búsettur í Hafnarfirði og sækir oft vinnu í önnur bæjarfélög. Steinn segir undarlegt hversu víða sé verið að setja upp hringtorg þegar slíkar hugmyndir hafi verið settar á hilluna erlendis.

Þung umferð alla daga

"Það er alveg sama úr hvaða átt er komið í borgina, alls staðar er stórvandamál að komast leiðar sinnar á skikkanlegum tíma," segir Marteinn S. Björnsson, leigubílstjóri hjá Hreyfli. Marteinn ekur bíl sínum alla morgna og fullyrðir að aldrei fyrr hafi umferðin í bænum verið jafn mikil.

Tíu dagar í kennaraverkfall

Tíu dagar eru í boðað verkfall kennara náist ekki samningar við launanefnd sveitarfélaganna. Grunnskólakennarar fóru síðast í dagsverkfall 27. október 1997. Þremur árum áður stóðu þeir í sex vikna verkfalli ásamt framhaldskólakennurum.

Ráðuneytið rökstyður ráðningu

Félagsmálaráðherra sendi í gær Helgu Jónsdóttur, borgarritara, umbeðinn rökstuðning fyrir skipun Ragnhildar Arnljótsdóttur í embætti ráðuneytisstjóra félagsmálaráðuneytisins. Helga var ekki búin að lesa rökstuðninginn þegar blaðið fór í prentun og vildi ekkert láta eftir sér hafa.

Vantar vinnuafl í Fjarðabyggð

Mikil eftirspurn er eftir vinnuafli í Fjarðabyggð um þessar mundir. Góð verkefnastaða er í fiskiðjuveri Síldarvinnslunnar og skuttogararnir Barði og Bjartur hafa fiskað vel undanfarið. Hefðbundin bolfiskvinnsla er stöðug og sem fyrr er hátt hlutfall í vinnslu á ferskum afurðum.

Þriðjungur nyti ekki skattalækkana

Meðalskattgreiðandi fær 27 þúsund krónur á ári í vasann ef tekjuskattur lækkar um eitt prósent um áramót. Um 35 prósent borga hins vegar ekki tekjuskatt og njóta því ekki lækkunarinnar. </font /></b />

Sáu til sólar á Akureyri

"Mér fannst ekki annað en þau sýndu Akureyri og samfélaginu hér mikinn áhuga og voru ánægð með það sem þau sáu," segir Kristján Þór Júlíusson, bæjarstjóri Akureyrar. Hann tók á móti Karli Gústaf Svíakonungi, Silvíu drottningu og Viktoríu krónprinsessu, er þau komu þangað í gærmorgun í blíðskaparveðri.

Leita ráða við leirfoki úr lóninu

Starfsmenn Landsvirkjunar og Landgræðslunnar leita nú allra leiða til að hefta leirfok úr lónsstæði virkjunarinnar á Kárahnjúkum. Leir safnast þar upp og hætta er á áfoki á gróið land, þegar snjó og ísa leysir. </font /></b />

Hægt að áfrýja missi ökuréttinda

Þeir sem sviptir hafa verið ökuréttindum lengur en í þrjú ár geta sótt um endurveitingu réttindanna til lögreglustjóra í stað dómsmálaráðuneytis.

Áyggjur af byggðinni

Stjórnarfundur Öldunnar stéttarfélags lýsir áhyggjum yfir að ekki skuli unnið skipulegar og meira að atvinnu- og byggðaþróunarmálum á vestanverðu Norðurlandi en raun beri vitni.

Klippurnar á lofti

Hafi bíleigendur ekki greitt sín gjöld eða tryggingar það sem af er þessu ári eru líkindi til að lögregla eða tollayfirvöld hafi uppi á bílnum og klippi númerin af enda stendur sérstakt átak vegna þess yfir hjá löggæslumönnum þessa dagana.

Varla verið þurr dagur í september

Rok og rigning hefur sett svip á þessa fyrstu viku mánaðarins eftir óvenju hlýjan ágústmánuð þar sem gróður var víða við að skrælna vegna þurrka. Samkvæmt upplýsingum Veðurstofu Íslands hefur rignt alla daga þessa mánaðar í höfuðborginni nema einn og fram undan er meira af því sama um mestallt land.

Maður lést í átökum við lögreglu

Þrjátíu og þriggja ára gamall karlmaður lést í átökum við lögregluna í Keflavík síðdegis í gær að því er segir á vefsíðu embættisins. Klukkan rúmlega 17 var tilkynnt um mann sem var illa á sig kominn á gangi í Keflavík. Maðurinn virtist vera í annarlegu ástandi og var færður til lögreglustöðvar.

Gæsluvarðhaldsúrskurður staðfestur

Hæstiréttur staðfesti í gær gæsluvarðhaldsúrskurð yfir tuttugu og fimm ára gömlum manni sem er grunaður um að hafa veitt öðrum manni alvarlegan áverka með öxi á veitingastað í Hafnarfirði í byrjun mánaðarins.

Meðsekir en hvorugur sekur

Rannsóknardeild lögreglunnar í Reykjavík fékk heldur óvenjulegt mál til rannsóknar í gær þar sem enginn virðist sekur en allir meðsekir. Málið snýst um það að blaðamaður DV fékk lásasmið til að brjótast inn í mannlausa íbúð fyrir sig, án þess að hafa þurft að gefa lásasmiðnum viðeigandi upplýsingar um sig að sögn blaðamanns.

Fleiri en nokkru sinni fyrr

Mun fleiri útlendingar en nokkru sinni fyrr ætla að koma hingað á Iceland Airwaves tónlistarhátíðina en nokkru sinni fyrr, að sögn Icelandair sem skipuleggur hátíðina ásamt ýmsum samstarfsaðilum. Um það bil eitt þúsund útlendingar hafa þegar tryggt sér aðgang og forsala miða hefst hér á landi í dag.

Þjófurinn enn í bílnum

Brotist var inn í tvo bíla í austurborginni í nótt og útvarpstækjum og geislaspilurum stolið úr þeim. Í báðum tilvikum brutu þjófar rúður í bílstjórahurðinni til að komast inn. Í síðara tilvikinu var þjófurinn í bílnum þegar lögregla kom á vettvang en hins vegar voru hljómtækin horfin úr bílnum þannig að fleiri hafa verið í vitorði.

Óvíst hver rannsakar málið

Ríkissaksóknari ákveður innan stundar hvaða lögregluembætti verður falið að rannsaka tildrög þess að þrjátíu og þriggja ára karlmaður lést í Keflavík síðdegis í gær eftir snörp átök við lögreglumenn þar.

Hausthátíð í Vesturbæ

Um næstu helgi fer fram árleg hausthátíð í Vesturbænum. Hátíðin fer fram á KR svæðinu laugardaginn 11. september þar sem nýr gerfigrasvöllur Kr verður vígður. Sunnudaginn 12. september er dagskrá í Vesturbæjarlaug, Neskirkju og á svæði við skátaheimili Ægisbúa og íþróttahús Hagaskóla.

Öryrkjum svarað 1. október

Jón Kristjánsson heilbrigðisráðherra vill ekki upplýsa hvort staðið verði við samkomulag hans við öryrkja um hækkun örorkulífeyris á næstu mánuðum. Hann segir að það komi í ljós 1. október þegar fjárlög næsta árs verði kynnt.

Íslendingar stjórni veiðunum

Þorsteinn Már Baldvinsson, forstjóri Samherja, stærsta sjávarútvegsfyrirtækis landsins, segir algert skilyrði fyrir inngöngu í Evrópusambandið að Íslendingar stjórni algerlega veiðum á eigin fiskimiðum.

Settu óvænt í risasíld

Fjölveiðiskipið Vilhelm Þorsteinsson setti óvænt í risastóra síld á Halamiðum í gær og bíða Guðmundur Þ. Jónsson skipstjóri og hans menn nú eftir að lokið verði við að fullvinna aflann svo hægt verði að halda veislunni áfram.

Lögreglan í Reykjavík með málið

Ríkissaksóknari hefur falið embætti lögreglustjórans í Reykjavík að rannsaka tildrög þess að þrjátíu og þriggja ára karlmaður lést í Keflavík síðdegis í gær eftir snörp átök við lögregluþjóna. Maðurinn var sonur manns sem handtekinn var í bænum í gærdag í annarlegu ástandi.

Sekt fyrir kannabisræktun

Tveir menn á þrítugsaldri voru dæmdir til 200.000 króna sektar hvor í Héraðsdómi Reykjavíkur í morgun fyrir að hafa haft í fórum sínum 89 kannabisplöntur, rúmlega átta grömm af maríjúna og sjö grömm af kannabisfræjum.

Standa við loforð um fasteignalán

Halldór Ásgrímsson utanríkisráðherra segir að Framsóknarflokkurinn muni standa við kosningaloforð sitt um að hækka lán Íbúðarlánasjóðs upp í 90 prósent af íbúðarverði á næstunni. Þetta kom fram í ræðu Halldórs sem hann hélt á haustfundi landsstjórnar og þingflokksins í Borgarnesi í dag.

Foreldrar ánægðir með leikskólana

Foreldrar barna í leikskólum Reykjavíkur eru mjög ánægðir með þjónustu leikskólanna ef marka má niðurstöður könnunar sem gerð var síðastliðið vor. Í fréttatilkynningu Leikskóla Reykjavíkur kemur fram að 98% foreldra telja barn þeirra mjög eða frekar ánægt í leikskólanum.

Ráðherrarnir hans Davíðs

Davíð Oddsson hefur myndað fjórar ríkisstjórnir frá því að hann var kjörinn á þing í apríl 1991. Tuttugu og níu ráðherrar hafa setið í stjórnum hans, þar af sjö konur og aðeins tvær úr hans eigin flokki. Tólf eru hættir í pólitík og gegna flestir þeirra embættum á vegum hins opinbera. Halldór Ásgrímsson hefur setið manna lengst í stjórn undir forsæti Davíðs. </font /></b />

Hlýtt, taktfast og róstursamt

Óvenjuleg veðursæld, tíðir hljómleikar og umræður um fjölmiðlalög einkenndu sumarið 2004. Forsetinn var líka í sviðsljósinu, bæði vegna lagasynjunar og endurkjörs. </font /></b />

Þetta er hátíðisdagur

Skaftholtsréttir í Gnúpverjahreppi og Hrunaréttir voru í gær og í dag er réttað í Reykjarétt á Skeiðum og í Tungnarétt í Biskupstungum.

Börnunum líður vel í leikskólanum

Um 98 prósent foreldra barna í leikskólum Reykjavíkur telja að barn þeirra sé mjög eða frekar ánægt í leikskólanum. Þetta kemur fram í nýrri könnun sem leikskólarnir létu gera.

Ráðherra vill endurbætur

Það er fjarri því að Sundabrautin leysi þann umferðarvanda sem er á gatnamótum Miklubrautar og Kringlumýrarbrautar og því nauðsynlegt að fara út í framkvæmdir við gatnamótin, að sögn Sturlu Böðvarssonar samgönguráðherra.

Þrír karlmenn taldir líklegir

Þrír menn hafa óopinberlega lýst því yfir að þeir hafi hug á að sækja um stöðu rektors Háskóla Íslands þegar Páll Skúlason lætur af störfum næsta vor.

Fáar konur í áhrifastöðum

Einungis tveir af tíu æðstu stjórnendum skóla á háskólastigi í landinu eru konur. Á meðal hóps kvenna í Háskóla Íslands er vilji til að úr þessu verði bætt og er hafin leit að frambærilegri konu til að bjóða sig fram til rektors Háskóla Íslands.

Leitað að konu í stöðu rektors

Nú þegar Páll Skúlason hefur gefið það út að hann hyggist ekki sækjast eftir endurkjöri sem rektor háskóla Íslands hafa þær raddir gerst æ háværari að kona verði kjörin í starf rektors en kona hefur aldrei gegnt því starfi.

Rannveig svarar ekki

Fréttastofa Stöðvar 2 reyndi enn á ný að ná tali af Rannveigu Rist, formanni stjórnar Símans, í dag vegna kaupa fyrirtækisins á hlut í sjónvarpsstöðinni Skjá einum. Ritari Rannveigar hjá Álverinu í Straumsvík segir að hún vísi öllum spurningum vegna málsins til forstjóra eða upplýsingafulltrúa Símans.

Lést í höndum lögreglunnar

"Ég sá lögreglubíla og fór út á götu til að athuga hvað væri að gerast, þá sá ég hvar löggan veitti manninum hjartahnoð og reyndi að lífga hann við," segir Linda Björk Gylfadóttir nágranni 33 ára gamals manns sem lést í átökum við lögregluna í Keflavík um klukkan hálf sex á sunnudag. Lögreglan í Reykjavík rannsakar málið.