Kvennaflug til Glasgow

Í dag var minnt á alþjóðlegan baráttudag kvenna, 8. mars, með því að í flugi Icelandair til og frá Glasgow var áhöfnin, - flugstjóri, flugmaður og flugfreyjur,- eingöngu skipuð konum. Þetta kemur fram í tilkynningu frá Icelandair.

Hreiðari heitt í hamsi

"Mér bara blöskrar,“ sagði Hreiðar Már Sigurðsson um málflutning þeirra fulltrúa Seðlabankans sem hafa borið vitni í Landsdómi.

Rolex ræningi í fimm ára fangelsi

Marcin Tomasz Lech, einn fjögurra Pólverja sem komu hingað til lands í október í fyrra til þess að ræna úraverslunina Michelsen við Laugaveg, var í dag dæmdur í fimm ára fangelsi fyrir þátt sinn í ráninu. Frá því dregst gæsluvarðhald sem hann hefur sætt frá 27. október í fyrra. Þá er manninum gert að greiða tryggingafélaginu VÍS fjórtán milljónir króna og bíll sem hann ætlaði að nota til þess að koma þýfinu úr landi hefur verið gerður upptækur.

Sex rússneskar ömmur taka þátt í Eurovision

Þjóðlagahópurinn "Buranovo Grannies" mun syngja fyrir hönd Rússlands í Eurovision í ár. Sex ömmur eru í hópnum og vonast þær til safna fé fyrir nýrri kirkju í þorpinu sínu.

Bannað að vigta matvörur í umbúðum

Neytendasamtökunum hafa borist ábendingar um að verslanir sem eru með kjöt- og fiskborð vigta allajafna umbúðir með þegar varan er vigtuð við sölu. Vegna þessa vilja Neytendasamtökin koma því á framfæri að þetta er óheimilt samkvæmt reglugerð nr. 503/2005 um merkingu matvæla. Þetta gildir að sjálfsögðu einnig þegar matvörur eru seldar uppvigtaðar í kæliborðum eins og raunar um allar aðrar matvörur.

Vilmundur gefur áfram kost á sér sem formaður SA

Formaður Samtaka atvinnulífsins, Vilmundur Jósefsson, hefur ákveðið að gefa áfram kost á sér sem formaður SA.

Engin formleg tilmæli um að minnka bankana

Kaupþingsmenn fengu engin formleg tilmæli á árinu 2008 um að bankinn skyldi minnka. Þetta fullyrti Hreiðar Már Sigurðsson, fyrrverandi forstjóri Kaupþings fyrir Landsdómi í dag. "Það voru engin formleg tilmæli, engir fundir eða minnisblöðð eða beinlínis óskir um að bankinn myndi minnka sig,“ sagði Hreiðar Már. Hins vegar hefðu Kaupþingsmenn fundið fyrir áhyggjum stjórnvalda af stöðu mála á árinu 2008.

Jónas í viðtali: Hefði átt að stækka FME hraðar

Jónas Fr. Jónsson, fyrrverandi forstjóri Fjármálaeftirlitsins ræddi við Þorbjörn Þórðarson fréttamann Stöðvar 2 að lokinni yfirheyrslu í Landsdómi nú eftir hádegi. Hér má sjá viðtalið við Jónas í heild sinni.

Kona dæmd fyrir brennu - var „kafdópuð“ þegar hún kveikti eldinn

Kona var dæmd í tveggja ára skilorðsbundið fangelsi í Héraðsdómi Reykjaness í morgun fyrir að kveikja í íbúð sinni á Norðurbakkanum í Hafnarfirði í janúar á síðasta ári.

Viggó Þór dæmdur í tveggja ára fangelsi

Viggó Þór Þórisson, fyrrverandi framkvæmdastjóra Verðbréfaþjónustu Sparisjóðanna (VSP), var dæmdur í tveggja ára óskilorðsbundið fangelsi fyrir tilraun til fjársvika í Héraðsdómi Reykjaness í morgun. Hann var aftur á móti sýknaður af ákæru um stórfelld umboðssvik.

Átján leituðu til Stígamóta vegna hópnauðgana

18 einstaklingar leituðu til Stígamóta árið 2011 vegna hópnauðgana. Það er fjölgun frá árinu 2010 en þá voru viðtöl vegna hópnauðgana alls 13. Stígamót kynntu ársskýrslu fyrir árið 2011 fyrir blaðamönnum í morgun. Alls leituðu 169 einstaklingar til Stígamóta vegna nauðgana árið 2011.

Ekki hægt að þvinga Landsbankann í Icesave-málinu

Jónas Fr. Jónsson, fyrrverandi forstjóri Fjármálaeftirlitsins, sagðist hafa verið byrjaður að gera sér grein fyrir því í lok árs 2007 eða snemma árs 2008 að hætta myndi skapast vegna svokallaðra Icesave-reikninga í Bretlandi. Aðspurður fyrir Landsdómi, sagðist hann ekki muna eftir tilkynningu frá Landsbankanum til FME, 10. mars 2008 um að bankinn væri að opna slíka reikninga í Hollandi.

Sólstormurinn sló út stuttbylgjusambandið við útlönd

Mjög öflugur sólstormur ríður nú yfir jörðina en hann hefur valdið ýmsum truflunum á fjarskiptum víða um heiminn, þar á meðal hér á landi. Stuttbylgjusambandið við útlönd og innanlands sló út vegna stormsins.

Hlátrasköll í dómssal

Markús Sigurbjörnsson, forseti Landsdóms, stýrir réttahöldum af mikilli ákveðni. Nú sem endranær er tíminn fyrir hvert vitni naumt skammtaður. Sigríður J. Friðjónsdóttir saksóknari og Andri Árnason, verjandi Geirs, hafa þó fengið nokkuð ríflegan tíma til að taka skýrslu af Jónasi Fr. Jónssyni.

Tölvuþrjótur réðst á Vodafone: "Alsír að eilífu“

Vefur Vodafone varð fyrir tölvuárás í nótt. Það var tölvuþrjóturinn Over-X sem braust inn á þjónustusíðu Vodafone um miðnætti og skildi eftir skilaboðin "Alsír að eilífu“ skrifað á ensku.

"Pabbi, þú ert aldrei heima nema á morgnana"

"Þegar ég tók við Fjármálaeftirlitinu var stofnunin ákaflega vanmáttug. Það voru 35 starfsmenn og mikil starfsmannavelta,“ sagði Jónas Fr. Jónsson, fyrrverandi forstjóri Fjármálaeftirlitsins, fyrir Landsdómi í dag. Að auki hafi upplýsingakerfi verið léleg.

Fjölbreytt samstarf um Norðurslóðamál

Össur Skarphéðinsson og Alain Juppé, utanríkisráðherra Frakka, urðu ásáttir um víðtækt samstarf á sviði heimskautamálefna á fundi sínum í gær. Evrópa, aðildarviðræður að ESB og gjaldmiðlamál voru þungamiðja viðræðnanna.

Urðu fyrir vonbrigðum með viðbrögð Darlings

Sendinefnd íslenskra ráðherra og embættismanna sem fór til fundar með Alistair Darling, fjármálaráðherra Breta, í byrjun september 2008 varð fyrir miklum vonbrigðum með fundinn. Þetta sagði Jón Þór Sturluson, aðstoðarmaður Björgvins G. Sigurðssonar, fyrrverandi viðskiptaráðherra, fyrir Landsdómi í dag.

Fulltrúar bankanna mæta í Landsdóm í dag

"Mér var ljóst að það voru aðsteðjandi hættumerki frá því í ársbyrjun 2008,“ sagði Jón Þór Sturluson, aðstoðarmaður Björgvins G. Sigurðssonar, fyrrverandi viðskiptaráðherra. "En sú hætta var ekki bráð framan af. Hættan magnaðist upp í takt við það sem tíminn leið,“ sagði hann.

Skrópaði fyrir dómi og mundi svo ekki neitt

„Brotin eru mjög alvarleg og beindust gegn lífi og heilsu brotaþola,“ sagði Margrét Unnur Rögnvaldsdóttir aðstoðarsaksóknari í lokamálflutningi vegna skotárásar sem átti sér stað á lóð bílasölu við Tangabryggju í Reykjavík í nóvember síðastliðnum. Aðalmeðferð málsins lauk um hádegisbil í gær fyrir Héraðsdómi Reykjavíkur og dóms að vænta eftir þrjár til fjórar vikur.

Nubo boðið til Danmerkur

Viðskiptaráðherra Danmerkur, Pia Olsen Dyhr, hefur boðið kínverska fjárfestinum Huang Nubo til Danmerkur til þess að hann geti kynnt sér danska menningu. Viðskiptaráðherranum finnst jafnframt tilvalið að Kínverjinn heimsæki Grænland.

Lóa var í raun starri að herma

Lóan er ekki komin til landsins, að sögn Jóhanns Óla Hilmarssonar fuglafræðings og formanns Fuglaverndarfélags Íslands.

Obama segir ástandið of flókið

Bandarískir ráðamenn sjá ekki ástæðu til að hefja árásir á Sýrland, þrátt fyrir að aðgerðir sýrlenska hersins gegn mótmælendum og uppreisnarmönnum hafi kostað meira en átta þúsund manns lífið.

Opið hús hjá Stígamótum

Opið hús verður hjá Stígamótum í dag í tilefni af alþjóðlegum baráttudegi kvenna. Stígamót halda upp á afmæli sitt á þessum degi og gefa út ársskýrslu sína af því tilefni.

Fundur Varðbergs um glæpastarfsemi er í dag

Í Fréttablaðinu í dag, fimmtudag, er lítil frétt um fund á vegum Varðbergs um skipulagða glæpastarfsemi þar sem Jón F. Bjartmarz yfirlögregluþjónn og Karl Steinar Valsson aðstoðaryfirlögregluþjónn tala. Fréttablaðið segir fundinn á morgun. Hið rétta er að fundurinn er í dag, fimmtudag, milli 12.00 og 13.00 í ráðstefnusal Þjóðminjasafnsins.

Tunglið gæti hafa átt hlut að Titanic slysinu

Ný rannsókn sýnir að tunglið gæti hafa átt hlut að máli þegar farþegaskipið Titanic sökk fyrir hundrað árum síðan.

Varað við borgarísjökum undan Horni á Ströndum

Tveir stórir borgarísjakar sáust nokkrar sjómílur aust-suðaustur af Horni á Ströndum þegar flugvél Landheglisgæslunnar flaug þar yfir í gær.

Herjólfur siglir að nýju til Eyja

Vestmannaeyjaferjan Herjólfur getur nú aftur siglt á milli Eyja og Þorlákshafanr og verður farið í fyrri ferðina samkvæmt áætlun. Ekki er enn ljóst hvort hægt verður að fara síðari ferðina.

Reyndi að brjótast inn í MH

Liðlega tvítugur karlmaður var handtekinn um þrjú leitið í nótt eftir að hann hafði brotið rúðu í Menntaskólanum í Hamrahlíð og ætlaði þar inn, en þó ekki til skólasetu. Hann verður yfirheyrður í dag.

Páfagaukur í óskilum á lögreglustöð

Ungur páfagaukur, blár, grár og hvítur að lit, líklega svonefndur Gári, er í vörslu lögreglunnar á Akureyri eftir að skólastúlkur gómuðu hann í bókasafni Háskólans þar í bæ í gærkvöldi.

Olíumálaráðherra Sýrlands gengur í raðir uppreisnarmanna

Byrjað er að kvarnast úr ríkisstjórn Bashar al-Assad leiðtoga Sýrlands. Abdo Hussameldin olíumálaráðherra landsins segir að hann hafi skilið við stjórnina og gengið til liðs við uppreisnarmenn í landinu.

Dópaðir ökumenn teknir úr umferð á Selfossi

Ung kona var tekin úr umferð á Selfossi í gærkvöldi vegna aksturs undir áhrifum fíkniefna. Í framhaldi af því var gerð húsleit heima hjá henni þar sem lítilræði af fíkniefnum fannst.

Norðmenn óttast risavaxna flóðbylgju í Storfjorden

Ótti Norðmanna við risavaxna flóðbylgju í Storfjorden skammt frá Álasundi fer nú dagvaxandi.

LÍ segir útilokað að lagarökin standist

Læknafélag Íslands segir rök landlæknis er varða afhendingu á lista yfir konur með sílikonbrjóst ónæg. Persónuvernd úrskurðar í næstu viku. Lyfjaeftirlit Bandaríkjanna hefur ákveðið að slíkur gagnagrunnur verði gerður þar í landi.

Mjög öflugur sólstormur skellur á jörðinni

Mjög öflugur sólstormur mun skella á jörðinni í dag eða snemma í kvöld. Hann gæti valdið ýmsum truflunum en einnig óvenju kraftmiklum Norðurljósum.

Ákærður fyrir tvö hryðjuverk

Norski hryðjuverkamaðurinn Anders Behring Breivik hefur verið ákærður fyrir 77 morð, fjölmargar morðtilraunir og tvö hryðjuverk. Ríkissaksóknari Noregs telur Breivik ekki sakhæfan, en með þeim fyrirvara að eitthvað geti komið fram sem breyti því mati.

Áliðnaðurinn mikilvægur hagkerfinu

Hagfræðistofnun metur framlag áliðnaðarins á Íslandi 6 til 6,8 prósent af landsframleiðslu. Í greininni starfa um 2.000 manns en að auki áætlar stofnunin að um 2.800 manns starfi í tengdum greinum sem þjónusta áliðnaðinn.

Kominn hálfa leið að markinu

Mitt Romney bætti við sig að minnsta kosti 212 kjörmönnum á „stóra þriðjudeginum“, þegar forkosningar voru haldnar í tíu ríkjum Bandaríkjanna.

Glæpir og yfirvöld til umræðu í hádeginu

Varðberg, samtök um vestræna samvinnu og alþjóðamál, efnir til hádegisfundar á morgun til að ræða skipulagða glæpastarfsemi og viðbrögð yfirvalda við henni.

Fluttu til Reykjavíkur til að koma syni sínum í blóðskilun

Ólafur Karl Óskarsson er aðeins þriggja ára en hefur þegar verið sem samsvarar tæpum mánuði alls í blóðskilunarvél. Fjölskylda hans reif sig upp með rótum á Akureyri og flutti til Reykjavíkur, þar sem einu blóðskilunardeild landsins er að finna.

Enginn fékk 112 milljónir

Enginn var með allar tölurnar réttar í Víkingalottóinu en dregið var út í kvöld. Potturinn verður því tvöfaldur næst. Fyrsti vinningur kvöldsins var tæplega 112 milljónir króna. Einn íslenskur spilari var þó með allar jókertölurunar réttar og fær tvær milljónir króna í sinn hlut. Miðinn var seldur í Olís á Sæbraut við Sundagarða í Reykjavík.

Guðni Bergsson: "Ég áttaði mig ekki á því að hann hefði stungið mig“

„Ég sá þegar árásin átti sér stað, þannig ég hljóp inn á skrifstofuna og sá þá blóð. Þá þá reyndi ég að ná hnífnum af manninum," segir Guðni Bergsson, þegar hann bjargaði samstarfsfélaga sínum Skúla Eggert Sigurz, sem var stunginn sex sinnum að sögn Guðna í viðtalinu sem var tekið við hann á fréttavef í bænum Bolton á Englandi.

Þór Saari: Það kemur að því að fólk snappar

"Það voru margir í fjölmiðlum sem sögðust ekki geta skilið hvernig þetta gæti gerst. Ef ég hefði verið spurður að því, hefði ég getað svarað því. Það kemur að því að fólk snappar,“ segir Þór Saari, þingmaður Hreyfingarinnar, um hnífstunguárásina á lögmannsstofu í Lágmúla í vikunni. Þór var gestur í Kastljósi í kvöld.

Tók í hönd framkvæmdastjórans, kippti honum að sér og stakk

Framkvæmdastjóri Lagastoða hafði lækkað skuld árásarmannsins um þrjátíu þúsund krónur og þeir komist að samkomulagi áður en sá síðarnefndi réðist á hann og veitti honum lífshættulega áverka. Hinn særði er enn í lífshættu.

700 fyrirtæki tengjast áliðnaði á Íslandi

Álverin standa undir níutíu milljörðum króna af landsframleiðslu Íslendinga, að mati Hagfræðistofnunar Háskóla Íslands. Ragnar Árnason prófessor segir koma á óvart hversu stórt framlag tengdra greina áliðnaðarins er. Þrjú álver eru rekin á Íslandi og hjá þeim starfa um tvöþúsund manns en þegar bætt er við þeim sem tengjast álverunum teljast nærri fimm þúsund manns starfa í áliðnaði og tengdum greinum.