Norðurálshetjan: Skilaboðin þau að maður eigi að hjálpa náunganum

Þórarinn Björn Steinsson segir að sér sé gífurlega létt eftir að Hæstiréttur sneri við dómi héraðsdóms og viðurkenndi í dag bótaskyldu Norðuráls og Sjóvár. Þórarinn hafði stefnt félögunum eftir að þau neituðu að samþykkja bótaskyldu sína en hann er 75 prósent öryrkji í dag eftir að hafa komið vinnufélaga sínum til bjargar þar sem þeir voru við vinnu í álveri Norðuráls á Grundartanga. "Það er léttir að hafa náð að klára þetta mál á þennan hátt,“ sagði Þórarinn í samtali við Reykjavík síðdegis á Bylgjunni í dag. "Þetta gat farið á beggja vegu, lögin eru bara þannig í landinu.“ Þórarinn segist hafa verið frá vinnu í eitt og hálft ár og alls óvíst hvort hann nái sér að fullu.

ASÍ vill að samningarnir standi

Alþýðusambandið ætlar að ekki að segja upp kjarasamningum á morgun þrátt fyrir gríðarleg óánægju innan aðildarfélaga með störf ríkisstjórnarinnar. Þetta var ákveðið á formannafundi ASÍ sem fram fór í dag. Mikill meirihluti aðildarfélaganna er á þeirri skoðun að samningarnir skuli standa þrátt fyrir þessa miklu óánægju.

Barnaníðingur í átta ára fangelsi

Hæstiréttur Íslands þyngdi í dag dóm yfir kynferðisbrotamanni í Vestmannaeyjum um eitt ár. Hæstiréttur komst að þeirri niðurstöðu að maðurinn sem var fundinn sekur um kynferðisbrot gegn þremur stúlkum á aldrinum sjö til ellefu ára skyldi sæta átta ára fangelsi vegna brotsins. Héraðsdómur Suðurlands hafði áður komist að þeirri niðurstöðu að maðurinn skyldi sæta sjö ára fangelsi fyrir dóminn.

Söngleikurinn Vesalingarnir í Þjóðleikhúsinu

Norðurálshetjan fær skaðabætur frá fyrirtækinu

Hæstiréttur viðurkenndi í dag að Norðurál og tryggingarfélagið Sjóvá væri bótaskylt gagnvart Þórarni Birni Steinssyni, sem er fyrrverandi starfsmaður Norðuráls. Þórarinn höfðaði mál eftir að hann slasaðist við það að bjarga samstarfskonu sinni sem hafði lent undir svokallaðri bakskautaklemmu við vinnu. Þórarinn höfðaði mál fyrir Héraðsdómi Reykjavíkur gegn Norðuráli og Sjóvá til að fá bótakröfuna viðurkennda. Héraðsdómur viðurkenndi ekki kröfuna en Hæstiréttur sneri dómi héraðsdóms við.

Bílþjófar handteknir

Mercedes Benz-bifreiðið sem lögregla lýsti eftir í dag er fundin. Bílnum var stolið í Kópavogi í nótt og segir lögregla að þrír karlar og ein kona hafi verið handtekin í tengslum við rannsóknina. Þau hafa öll áður komið við sögu hjá lögreglu.

Segir tillöguna um að draga ákæru til baka Alþingi til minnkunar

Hreyfingin segir tillögu til þingsályktunar um afturköllun ákæru á hendur Geir H. Haarde, fyrrverandi forsætisráðherra, Alþingi til minnkunar.

Rick Perry lýkur keppni

Ríkisstjóri Texas, Rick Perry, mun í dag greina frá því að hann sé hættur við að sækjast eftir útnefningu Repúblikanaflokksins í komandi forsetakosningum. Þetta fullyrðir CNN sjónvarpsstöðin.

Hæstiréttur fellir dóm í nauðgunarmáli í dag

Hæstiréttur mun í dag kveða upp úrskurð í máli karlmanns frá Vestmannaeyjum sem var dæmdur í sjö ára fangelsi fyrir gróf kynferðisbrot gegn þremur stúlkum á aldrinum sjö til ellefu ára. Maðurinn tók meðal annars kynferðisbrotin upp á myndband en hann var einnig sakfelldur í héraði fyrir að hafa haft rúmlega átta þúsund barnaklámsmyndir í tölvunni sinni og yfir sex hundruð hreyfimyndaskeið. Mál mannsins komst í fréttirnar á síðasta ári þegar í ljós kom að hann sætti ekki gæsluvarðhaldi en sýslumaðurinn á Selfossi gerði aldrei kröfu um slíkt. Hann var síðar hnepptur í gæsluvarðhald. Dóms Hæstaréttar er að vænta á fimmta tímanum.

Bubbi hættur á Facebook

"Ég nenni þessu ekki, ég hef allt annað við tímann að gera,“ segir Bubbi Morthens, tónlistarmaður, sem hætti á samskiptasíðunni Facebook á dögunum. Bubbi var vinsæll á síðunni og átti fleiri þúsund vini en nú segir hann að þetta sé komið gott.

Dæmdur fyrir þjófnað

Héraðsdómur Norðurlands eystri dæmdi karlmann í morgun fyrir þjófnað, umferðalagabrot og fíkniefnalagabrot.

Felguþjófur dæmdur

Nítján ára gamall karlmaður frá Akureyri var dæmdur í í dag í 30 daga skilorðsbundið fangelsi fyrir að stela hjólbörðum og felgum undan bifreið að gerðinni Subaru Impreza, sem stóð við bílasölu Toyota á Akureyri. Brotið átti sér stað í nóvember síðastliðnum.

Vígslubiskup gefur kost á sér í biskupsembættið

Kristján Valur Ingólfsson, vígslubiskup í Skálholti, hefur ákveðið að gefa kost á sér í embætti biskups Íslands. Hann staðfesti þetta í samtali við Vísi. Kristján segist hafa fengið margar áskoranir um að gefa kost á sér eftir að hann var kjörinn vígslubiskup á síðasta ári.

SUF mótmælir aukinni ritskoðun á netinu

Stjórn SUF, Sambands ungra framsóknarmanna lýsir sig andsnúna tilfæringum höfundarréttarsamtaka þegar kemur að aukinni ritskoðun og gjaldheimtu á Internetinu. Þetta kemur fram í ályktun sem félagið sendi fjölmiðlum í dag. Þar segir að ef þörf er á endurskoðun á höfundarréttarlögum "er nauðsynlegt að hlustað sé á allar raddir samfélagsins án þess að ganga á rétt einstaklinga til tjáningar, einkalífs og fræðslu.“

Milljarðamæringur fyrir mistök

Svo virðist sem norski maðurinn, sem vann tvisvar í sama Víkingalottóinu í gær, hafi orðið milljarðamæringur fyrir mistök. Þannig greinir norska ríkissjónvarpið frá því að maðurinn hafi ætlað að kaupa 20 raðir, eins og hann gerði alltaf, en svo uppgötvaði hann, eftir kaupin, að hann hefði fyrir mistök og keypt 21 röð.

Hjálmar: Þurfum að skoða hvernig vinnubrögðin eru hjá okkur

"Ég er bara opinn fyrir því að eiga gott samstarf," segir Hjálmar Hjálmarsson, bæjarfulltrúi Næst besta flokksins í Kópavogi. Hjálmar sleit meirihlutasamstarfinu á þriðjudaginn en hann var ósáttur við hvernig staðið var að uppsögn Guðrúnar Pálsdóttur bæjarstjóra.

Tvöfalt fleiri umsóknir um greiðsluaðlögun

Talið er að tvöfalt fleiri sæki um greiðsluaðlögun hjá Umboðsmanni skuldara núna í janúar heldur en í jólamánuðinum. Rösklega 3800 heimili hafa nú sótt um þetta úrræði. Upplýsingafulltrúi segir lagaleg álitamál tefja úrvinnslu mála.

Mikilvægt að kirkjan haldi vel utan um samkynhneigða

Séra Sigríður Guðmarsdóttir, sem hefur gefið kost á sér sem næsti biskup Íslands, segist vera umdeild innan Þjóðkirkjunnar. Nái hún kjöri ætlar hún aðeins að sitja í fimm ár.

Formenn aðildarfélaga ASÍ funda um framtíð kjarasamninga

Það ræðst í dag hvort gildandi kjarasamningum verður sagt upp. Formenn aðildarfélaga Alþýðusambandsins funda um málið eftir hádegi en frestur til að virkja endurskoðunarákvæði samninganna rennur út á morgun. Rætt var um málið á Alþingi í morgun þar sem stjórnarandstaðan sakaði ríkisstjórnin um stefnuleysi í atvinnumálum.

Rætt um að Framsókn komi inn í meirihlutasamstarfið

Bæjarfulltrúar Samfylkingarinnar vinna nú að myndun nýs meirihluta í bænum. Rætt hefur verið við Framsóknarmenn um að taka sæti Næsta besta flokksins sem sleit meirihlutasamstarfinu.

Lögreglan lýsir eftir Benz

Lögreglan á höfuðborgarsvæðinu lýsir eftir svörtum Mercedes Benz C230 með skráningarnúmerið SA-162. Honum var stolið frá Hlíðarhjalla í Kópavogi í nótt. Rúður aftur í eru litaðar og þá er sport merki á hliðunum þar sem compressor-merkið er vanalega. Þeir sem geta gefið upplýsingar um hvar bíllinn er niðurkominn, og einnig um grunsamlegir mannaferðir við Hlíðarhjalla í nótt, eru vinsamlegast beðnir um að hafa samband við lögregluna í síma 444-1000 eða senda tölvupóst á netfangið abending@lrh.is

Kranabifreið fjarlægði tvær kranabifreiðar

Brotist var inn á tveimur stöðum á höfuðborgarsvæðinu á sjöunda tímanum í morgun. Annarsvegar var brotist inn í fyrirtæki í Þingholtunum en engu sjáanlegu stolið þaðan, samkvæmt upplýsingum frá lögreglunni.

Jóhanna kallar eftir sanngirni

Jóhanna Sigurðardóttir segir aðila vinnumarkaðarins ekki sýna ríkisstjórninni sanngirni í umræðu um framtíð kjarasamninga. Það ræðst á morgun hvort kjarasamningar sem gerðu voru snemma á síðasta ári haldi gildi sínu eða hvort farið verði fram á endurskoðun á þeim.

Fæddur er framsóknarmaður - Sigmundur eignaðist dóttur

Snemma í morgun bárust þær gleðifregnir að Önnu Sigurlaugu Pálsdóttur og Sigmundi Davíð Gunnlaugssyni væri fædd dóttir og er hún 14 merkur og 50 cm. Þetta kemur fram á vef Framsóknarflokksins.

Frumvarp sem bannar fólki að skoða barnaklám tilbúið

Ekki hefur verið bannað með lögum að skoða barnaklám hingað til, einungis að hafa það í vörslu sinni, dreifa því og framleiða. Boðaðar eru breytingar á því í nýju frumvarpi. Fleiri varnir gegn misnotkun í lög.

Þrumu lostnir yfir leikriti um Breivik

Danskt leikhús ætlar að setja upp leikverk sem byggir á stefnuyfirlýsingu Anders Behring Breivik fjöldamorðingjans sem bar ábyrgð á voðaverkunum í Útey og í Osló í júlí síðastliðnum.

Geir H. Haarde vill endurheimta æru sína

"Ég er að verða þekktur af vitlausum ástæðum,“ segir Geir H. Haarde, fyrrverandi forsætisráðherra, í viðtali við bandaríska stórblaðið Washington Post, þar sem fjallað erum dómsmál gegn honum sem er rekið fyrir Landsdómi.

Norðmaður fékk vinning á tvo miða - fær 1,3 milljarða

"Það er sami einstaklingur sem er alltaf með nokkra miða og hann vann í gær,“ segir Stefán Konráðsson, framkvæmdastjóri Íslenskra getspá, en ofurtalan kom upp í Víkingalottóinu í gær. Potturinn, sem var tæplega 4 milljarðar íslenskra króna, skiptist á sex miða og fær hver og einn því um 650 milljónir á mann.

Jón Ólafsson vill draga ákæru gegn Geir til baka

Kaupsýslumaðurinn Jón Ólafsson hvetur þingmenn til þess að samþykkja þingsályktunartillögu Sjálfstæðisflokksins, um að afturkalla ákærur á hendur Geir H. Haarde, fyrrverandi forsætisráðherra. Þetta kemur fram í grein sem hann skrifaði í Morgunblaðið í dag.

Orban hyggst lagfæra lögin

Viktor Orban, forsætisráðherra Ungverjalands, hefur sent bréf til José Manuels Barroso, forseta framkvæmdastjórnar ESB, þar sem hann lofar því að umdeildum lögum verði breytt þannig að þau fullnægi lýðræðiskröfum Evrópusambandsins.

Ætlar ekki að gefa kost á sér til biskups

"Ég var að spá í það en ég alveg búinn að gefa það frá mér núna,“ segir séra Þórhallur Heimisson, sóknarprestur við Hafnarfjarðarkirkju, aðspurður hvort að hann ætli að gefa kost á sér til embættis biskups. Nafn hans hefur dúkkað upp í umræðunni um hugsanlega frambjóðendur til embættisins en Karl Sigurbjörnsson, biskup, mun láta af embætti í sumar.

Leiða vatn til átöppunar í Kópavogi

Fyrirtækið Catco vatn ehf. hefur fengið heimild bæjaryfirvalda í Kópavogi til að leggja vatnslögn frá aðveituæð Orkuveitunnar í Reykjavík að iðnaðarhúsnæði í Kópavogi.

Ræða uppsögn kjarasamninga

Skiptar skoðanir eru um það innan verkalýðshreyfingarinnar hvort segja skuli upp gildandi kjarasamningum. Endurskoðunarnefnd Alþýðusambandsins þarf að skila ákvörðun í dag um það hvort sambandið hyggst virkja endurskoðunarákvæði kjarasamninganna.

Grænt ljós á búfjárrækt í Skutulsfirði

Beitartilraun í nágrenni við sorpbrennslustöðina Funa í Skutulsfirði sýnir að svæðið hentar aftur til búfjárhalds. Matvælastofnun ætlar að aflétta banni á nýtingu fóðurs. Bóndinn í Efri-Engidal segir það litlu breyta og leitar réttar síns.

Sú sem rannsakaði fjöldamorðin í Útey sagði upp störfum

Janne Kristiansen, yfirmaður norsku öryggislögreglunnar, tilkynnti dómsmálaráðherra landsins í nótt að hún ætlaði að segja upp störfum. Ástæðan ku vera hugsanlegt brot á þagnarskyldu Kristansen var spurð að því af þingmanninum Akhatar Chaudry á norska þinginu í gær hvort að öryggislögreglan myndi starfa með pakistönsku leyniþjónustunni.

Meirihluti vill staðgöngumæðrun

Velferðarmál Alþingi samþykkti í gær þingsályktunartillögu um staðgöngumæðrun með 33 atkvæðum gegn þrettán. Fjórir þingmenn sátu hjá og aðrir voru fjarverandi.

Unnið að frávísunartillögu

Þingflokkar funduðu í gær um tillögu Bjarna Benediktssonar um að draga ákæru á hendur Geir H. Haarde til baka. Tillagan verður til umræðu á morgun og hefur hún valdið miklum titringi innan stjórnarflokkanna.

Íbúar við Tjarnargötu andmæla gistiheimili

Heilbrigðiseftirlit Reykjavíkur hafnar ásökunum íbúasamtaka um losaraleg vinnubrögð í framkvæmd reglugerða um gististaði. Eftirlitið er þó samstiga íbúunum í að skora á borgaryfirvöld að koma böndum á gististaði í íbúðabyggð.

Helmingur lýtalækna svaraði ekki

Helmingur þeirra lýtalækna sem landlæknisembættið krafði upplýsinga um brjóstastækkanir hefur ekki svarað formlega. Frestur til svara rann út 13. janúar síðastliðinn.

Skerpa lög um peningaþvætti

Steingrímur J. Sigfússon, efnahags- og viðskiptaráðherra, mælti í gær á Alþingi fyrir frumavarpi um breytingu á lögum um aðgerðir gegn peningaþvætti. Skerpt er á skilgreiningum á persónuskilríkjum og því hver sé raunverulegur eigandi bankareikninga.

Heitt sumar veldur köldum vetri

Hækkandi hitastig yfir sumartímann gæti valdið því að veturnir verði kaldari og snjóþyngri, samkvæmt nýrri kenningu umhverfisvísindamanna. Þeir telja þetta líklega skýringu á öfgafullu veðurfari á norðurhveli jarðar á undanförnum árum.

Meira en 20 er enn saknað

Enn er 23 manna saknað en ellefu að auki hafa fundist látnir í skemmtiferðaskipinu Costa Concordia, sem strandaði við Ítalíu um síðustu helgi.

Vetrarfæri um allt land

Vetrarfæri eru um allt land , víða þæfingur og sumstaðar ófært, þannig að mikil vinna bíður Vegagerðarmanna í dag við snjóruðning og hálkuvörn.

Dvínandi líkur á uppsögn kjarasamninga

Dvínandi líkur eru á því að kjarasamningum verði sagt upp vegna vanefnda stjórnvalda á fyrirheitum, sem gefin voru við undirritun samninganna.

Strand Costa Concordia dýrasta sjóslys sögunnar

Talið er að strand Costa Concordia við eyjuna Giglio á Ítalíu sé dýrasta sjóslys sögunnar.