Kranabifreið fjarlægði tvær kranabifreiðar

Brotist var inn á tveimur stöðum á höfuðborgarsvæðinu á sjöunda tímanum í morgun. Annarsvegar var brotist inn í fyrirtæki í Þingholtunum en engu sjáanlegu stolið þaðan, samkvæmt upplýsingum frá lögreglunni.

Þá var brotist inn í fyrirtæki í Kópavogi. Þjófurinn fór þar inn um ólæsta hurð og stal greiðslukortum og bifreið.

Umferð gekk þokkalega. Eitt umferðaróhapp varð þó á mótum Sundlaugavegar og Laugarnesvegar þar sem tvær kranabifreiðar rákust saman. Nokkrar tafir urðu á umferð vegna slyssins. Bifreiðarnar voru svo að lokum fjarlægðar með kranabifreið.