Skerpa lög um peningaþvætti

Steingrímur J. Sigfússon, efnahags- og viðskiptaráðherra, mælti í gær á Alþingi fyrir frumavarpi um breytingu á lögum um aðgerðir gegn peningaþvætti. Skerpt er á skilgreiningum á persónuskilríkjum og því hver sé raunverulegur eigandi bankareikninga.

Steingrímur sagði málið mikilvægt í baráttu gegn skipulagðri glæpastarfsemi. Það er lagt fram svo Ísland uppfylli betur skilmála alþjóðlegrar stofnunar gegn peningaþvætti sem Íslendingar eru aðilar að. Fram kemur í athugasemdum með frumvarpinu að Ísland hafi fyrir tæpu ári sýnt svo litlar framfarir í þessum efnum að landið var sett undir herta eftirlitsskyldu í stað þess að slakað væri á því eins og stjórnvöld vildu. - gar