Benedikt Gröndal látinn

Benedikt Gröndal lést á hjúkrunarheimilinu Eir í morgun 86 ára að aldri. Benedikt er fyrrverandi forsætisráðherra og var fæddur á Hvilft í Önundarfirði þann 7. júlí 1924.

35 ár frá stefnumóti í geimnum

Þrjátíu og fimm ár eru liðin frá fyrstu alþjóðlegu geimferðinni. Það var 19. júlí árið 1975 sem bandarískt Apollo geimfar og rússneskt Soyuz geimfar hittust á braut um jörðu og voru tengd saman.

Iðnaðarráðherra vill stytta leigutíma Magma

Katrín Júlíusdóttir iðnaðarráðherra vill stytta leigutíma samnings Magma við Reykjanesbæ á jarðhitaréttindum. Hún telur óæskilegt að rifta samningnum. Þá vill Katrín tryggja forkaupsrétt ríkisins að bréfum í HS Orku. Ef verið sé að ofnýta auðlindir, þá geti ráðherra afturkallað virkjanaleyfið. Þetta kemur fram í frétt RÚV.

Sýrland bannar búrka klæðnað

Stjórnvöld í Sýrlandi hafa bannað konum að klæðast alt-hyljandi fatnaði í háskólum landsins. Þetta á bæði við um níkab og búrka.

Rækjuveiðimaður fagnar ákvörðun ráðherra

Halldór Hermannsson fyrrverandi rækjuveiðimaður á Ísafirði fagnar ákvörðun sjávarútvegsráðherra um að gefa veiðar á úthafsrækju frjálsar. Hann segir viðbrögð útgerðarmanna bera vott um ótta, ekkert kerfi sé óbreytanlegt og frjáls veiði á rækju muni ekki kippa fótunum undan atvinnugreininni.

Hafró óskar eftir upplýsingum um ferðir makríls

Undanfarið hafa fréttir af makrílgöngum borist víða að í kringum landið og hafa landsmenn verið áhugasamir um þessa fiskitegund, sem nú virðist í óvenjumiklu magni við landið.

Þórður Ægir til Kabúl

Þórður Ægir Óskarsson sendiherra hefur á vegum Íslensku friðargæslunnar tekið að sér starf yfirmanns pólitískra mála á skrifstofu sérlegs fulltrúa framkvæmdastjóra Atlantshafsbandalagsins í Afganistan, Mark Sedwill. Er hann jafnframt staðgengill Sedwills.

Skattmann hirðir fátækrastyrkinn

Þeir sem hljóta 15 þúsund krónu fátækrastyrk Reykjavíkurborgar nú í sumar gætu þurft að borg rúmar 5000 krónur af styrknum í skatt - eða um þriðjung styrksins. Þetta kemur fram í svari frá velferðarsviði Reykjavíkurborgar við fyrirspurn Vísis.

Laugardalslaug opin allan sólarhringinn

Borgaryfirvöld hafa ákveðið að efna til sundvöku í Laugardalslauginni dagana 21.-26. júlí næstkomandi. Á sundvökunni verður Laugardalslaugin opin í fimm nætur frá og með miðvikudeginum 21. júlí frá klukkan 6.30 til mánudagsins 26. júlí til klukkan 22.30.

Íslandskynning bönnuð börnum

Aðalmyndband Inspired by Iceland herferðarinnar hefur verið bannað börnum innan átján ára á vefnum YouTube. Þegar reynt er að opna myndbandið kemur tilkynning á skjáinn þar sem sagt er að notendur vefsins hafi tilkynnt að innihald myndbandsins eigi ekki erindi við börn. Einar Karl Haraldsson, formaður framkvæmdanefndar Inspired by Iceland, vissi ekki af málinu þegar Vísir hafði samband við hann.

Flugfreyja stal frá sofandi farþegum

Flugfreyja hjá Air France á yfir höfði sér allt að tíu ára fangelsi fyrir að stela tugmilljóna króna verðmætum frá sofandi farþegum.

Landsvirkjun veitir Ómari risastyrk

Landsvirkjun hefur ákveðið að gefa Ómari Ragnarssyni veglega afmælisgjöf - 2 milljónir króna í styrk. Athafnamaðurinn Friðrik Weishappel hóf söfnunina handa Ómari en fram kom í viðtali við Ómar í helgarblaði DV að hann væri nær gjaldþrota og hefði ekki efni til að klára einar níu heimildarmyndir sem hann hefði í framleiðslu um íslenska náttúru.

Lögreglan þefaði óvænt upp kannabisræktun

Þefvísi árvökulla lögreglumanna frá Selfossi varð til þess að þeir upprættu óvænt umfangsmikla kannabisræktun í heimahúsi á Eyarrbakka.

Sveitarstjóri Flóahrepps: Niðurstaða Hæstaréttar áfangasigur

Héraðsdómi er skylt að taka synjun staðfestingar umhverfisráðherra á aðalskipulagi Flóahrepps er varðar Urriðafossvirkjun til efnislegrar meðferðar. Margrét Sigurðardóttir, sveitarstjóri Flóahrepps, segir að niðurstaða Hæstaréttar í málinu sé áfangasigur.

Létta þrýsting á stíflur í Kína

Flóðin í Kína eru síst í rénun. Neyðarsveitir eru stöðugt á ferðinni við Yangtze fljótið til þess að minnka þrýsting á stíflur með því að hleypa vatni úr uppistöðulónum.

Lokað á strandveiðar fyrir Norður- og Austurlandi

Lokað var fyrir strandveiðar fyrir Norður- og Austurlandi á miðnætti þar sem strandveiðikvóti þessa mánaðar var upp urinn á báðum svæðunum. Bátarnir mega nú fara á makrílveiðar.

Dómur kveðinn í prófmáli um vexti gengistryggðra lána

Dómur verður kveðinn upp í prófmáli um vexti gengistryggðra lána á föstudag. Stjórnvöld munu ekki grípa til lagabreytinga fyrr en í fyrsta lagi þegar dómur Hæstaréttar liggur fyrir. Það verður í fyrsta lagi í haust.

Leggja slitlag síðustu metrana að Landeyjahöfn

Verktakar á Landeyjasandi vinna nú hörðum höndum við að leggja slitlag á síðustu 800 metrana af veginum niður að nýju Landeyjahöfninni, en Herjólfur byrjar áætlunarferðir þangað í dag.

Ómar týndi debetkortinu sínu

Ómar Ragnarsson kvikmyndagerðarmaður mun ekki upplýsa um árangur fjáröflunarinnar fyrr en á laugardaginn. Hann er í Veiðivötnum og verður þar út vikuna en hann hefur ekki aðgang að netbanka. Ómar hefur auk þess týnt debetkortinu sínu.

Obama sendir hermenn að landamærum Mexíkós

Ólöglegir innflytjendur frá Mexíkó skipta milljónum í Bandaríkjunum. Þar við bætist að í Mexíkó stendur yfir stríð milli ríkisstjórnarinnar og

Rannsóknaskýrslan mest selda bókin

Rannsóknaskýrsla Alþingis er mest selda bókin frá áramótum, samkvæmt upplýsingum frá Rannsóknarsetri verslunarinnar.

Landeyjahöfn kostar fjóra milljarða

Gerð Landeyjahafnar kostaði fjóra milljarða króna, samkvæmt upplýsingum í fréttatilkynningu frá Samgöngu- og sveitastjórnarráðuneytinu og Siglingastofnun.

Landeyjahöfn vígð í dag

Landeyjahöfn verður vígð í dag. Ferðatíminn á sjó milli lands og Eyja styttist verulega, úr tæpum þremur klukkustundum í rúmar 30 mínútur og samtals styttast því sigling og akstur til Reykjavíkur úr fjórum klukkustundum í tvær og hálfa klukkustund, segir í fréttatilkynningu.

Gríðarleg aukning í klamydíurannsóknum

Í starfsemisupplýsingum Landspítala Háskólasjúkrahúss kemur fram að rannsóknum á klamydíu og lekanda hefur fjölgað um 2000 frá því á sama tíma og í fyrra. Þá varð sprenging í Lífefnaerfðafræðirannsóknum en þær voru tilkomar vegna rannsókna á „færeyingaveikinni" svokölluðu.

Lík Moats krufið á nýjan leik

Sky fréttastofan kveðst hafa heimildir fyrir því að lík morðingjans Raoul Moat verði krufið á nýjan leik.

Slökkviliðið kallað að líkbrennsluhúsi í morgun

Slökkviliðið á höfuðborgarsvæðinu var kallað út að líkbrennsluhúsi við Fossvogskirkjugarð klukkan sex í morgun.

Tekinn í tollinum í Mexíkó með 18 apa innanklæða

Tollyfirvöld í Mexíkó handtóku mann við komuna til landsins frá Perú í gærdag en sá reyndist hafa 18 Titi apa innanklæða.

Skemmtiferðaskip skutlaði veikum farþega í land

Grindvíkingum brá í brún seint í gærkvöldi þegar þeir sáu stórt skemmtiferðaskip stefna hraðbyri til hafnar í bænum, en þar hafa skemmtiferðaskip ekki haft viðkomu.

Próflaus ökufantur enn í haldi lögreglu

27 ára kona, sem lögreglan á höfuðborgarsvæðinu handtók síðdegis í gær eftir æsilega eftirför frá Grafarvogi að Smáratorgi, er enn í haldi lögreglunnar.

Danir borga Talibönum fyrir að hætta að berjast

Dönsk stjórnvöld hafa ákveðið að borga vígamönnum Talibana í Afganistan fé til þess að fá þá til að leggja niður vopn sín og hætta að berjast við danska hermenn í Helmand héraðinu.

Rússneskum njósnara boðin hlutverk í klámmyndum

Einn af stærstu klámmyndaframleiðendum heimsins, Vivid Entertainment, vill fá rússneska njósnarann Önnu Chapman til að leika í nokkrum klámmyndum á næstu árum.

Tóku par með kíló af kannabis í höndunum á Eyrarbakka

Árvökulum lögreglumönnum á eftirlitsferð um Eyrarbakka í gærkvöldi, fannst kannabislykt bregða fyrir og að hana mætti rekja að tilteknu húsi.

Landabrugg fer ört vaxandi í Bandaríkjunum

Æ fleiri Bandaríkjamenn leggja nú stund á landabruggun þótt hún sé ólögleg í öllum ríkjum Bandaríkjanna og við henni liggi háar sektir og fangelsisdómar.

Umferðarstofa: 20 börn í lífshættu við leikskóla

Í nýlegri könnun Umferðarstofu og Slysavarnafélagsins Landsbjargar þar sem gerð var athugun á öryggi barna í bílum við 75 leikskóla kom m.a. fram að 20 börn reyndust í lífshættu.

Skólafólk á fullu í fiskinum

HB Grandi hefur getað haldið fullri starfsemi í sumar og ekki þurft að grípa til hefðbundinna sumarlokana. Ástæðan er sú að skólafólk hefur hlaupið í skarðið þegar starfsfólk tekur sér frí og ekkert hlé þurfti því að gera á vinnslunni.

Vilja bændur í repjuræktun

Þeir bændur sem áhuga hafa á að setja niður repju geta fengið til þess aðstoð og upplýsingar sér að kostnaðarlausu. Frá þessu er greint í Bændablaðinu, en þeir Björn Páll Fálki Valsson og Magnús Þórður Rúnarsson hafa unnið að verkefni um repjuræktun í vetur.

Lögbrjótar verði sniðgengnir

Foreldrasamtök gegn áfengisauglýsingum hvetja fólk til að sniðganga allar vörur frá fyrirtækjum sem auglýsa áfengi í íslenskum fjölmiðlum.

500 milljónir dala til Pakistans

Hillary Clinton, utanríkisráðherra Bandaríkjanna, tilkynnti í gær að ríkisstjórn landsins hyggist verja 500 milljónum Bandaríkjadala í uppbyggingarstarf í landinu á næstunni.

Skorið úr um rækjukvóta í næsta mánuði

Farið verður nánar yfir ákvörðun um að gefa frjálsar veiðar á úthafsrækju. Fulltrúar LÍÚ funduðu um málið í gær með Jóni Bjarnasyni, landbúnaðar - og sjávarútvegsráðherra. Framkvæmdastjóri LÍÚ er vongóður um viðsnúning í málinu.

Þurfa ekki að sjóða vatnið

Eskfirðingar þurfa ekki lengur að sjóða allt drykkjarvatn, eftir að Heilbrigðiseftirlit Austurlands aflétti öllum hömlum á neyslu vatnsins í gær.

Airbus hálfnað með árssöluna

Evrópski flugvélaframleiðandinn Airbus er kominn hálfa leið að því marki sínu að afhenda að minnsta kosti tuttugu A380 risaþotur á þessu ári.

Fjarlægja forsendu verðmunar

Fyrirtæki sem selja farsímaþjónustu þurfa að lækka svokölluð lúkningargjöld sem lögð eru á símtöl milli farsímakerfa um 50 til 67 prósent samkvæmt nýrri ákvörðun Póst- og fjarskiptastofnunar (PFS). Lúkningargjöldin lækka í skrefum fram að ársbyrjun 2013 niður í fjórar krónur og verða þá jafnhá hjá öllum farsímafyrirtækjunum. Þá eru upphafsgjöld afnumin.

Enginn hefur yfirsýn yfir öryggismál

Umfang leyniþjónustu í Bandaríkjunum er orðið svo mikið og þunglamalegt að enginn veit hversu mikið hún kostar, hversu margir starfa í henni, hversu mörg verkefni eru í vinnslu innan hennar eða nákvæmlega hversu margar stofnanir gera það sama.

Fásinna að rifta kaupum Magma á HS orku

Fari svo að stjórnvöld hlutist til um að rifta kaupum Magma á hlut Geysis Green Energy í HS orku kann það að leiða til þess að auðlindin sjálf lendi í höndum erlendra kröfuhafa bankanna. Þetta segir Magnús Orri Schram, þingmaður Samfylkingarinnar.

Útlimir teknir af án svæfinga

Læknar í Norður-Kóreu neyðast til þess að fjarlægja útlimi fólks án þess að það fái svæfingu og þurfa að vinna við kertaljós án nauðsynlegra lyfja, hita og rafmagns. Þetta segir í skýrslu Amnesty International um ástand heilbrigðiskerfisins.