Rússneskum njósnara boðin hlutverk í klámmyndum

Einn af stærstu klámmyndaframleiðendum heimsins, Vivid Entertainment, vill fá rússneska njósnarann Önnu Chapman til að leika í nokkrum klámmyndum á næstu árum.

Hefur Vivid sent B. Skow, þekktasta leikstjóra sinn til Moskvu til að reyna að ná samningi við Önnu. Þar að auki hefur forstjóri Vivid sent lögfræðingi Önnu bréf um málið.

Í bréfinu segir að Anna sé heitasti njósnarinn sem komið hefur fram í heiminum á undanförnum árum.

Hin 28 ára gamla Anna er ein af tug rússneska njósnara sem nýlega voru sendir frá Bandaríkjunum heim til Rússlands.