Palin: Umhverfisverndarsinnar bera ábyrgð á olíulekanum

Sarah Palin, varaforsetaefni Repúblíkana í síðustu forsetakosningum, segir að umhverfisverndarsinnar beri ábyrgð á olíulekanum á Mexíkóflóa. Andstaða þeirra við olíuboranir á landi hafa neytt stjórnvöld og einkafyrirtæki til ráðast í afar áhættusöm verkefni á miklu dýpi, að mati Palin. Hún kom þessum skilaboðum á framfæri í gegnum Facebook.

Leigubílstjórinn skildi ekki eftir sjálfsmorðsbréf

Rannsóknarlögreglan í Bretlandi segir að leigubílstjórinn Derrick Bird sem skaut 12 manns til bana á miðvikudaginn hafi ekki skilið eftir sjálfsmorðsbréf eða lista yfir hugsanleg skotmörk.

Ísraelskur ráðherra: Erum ekki í stríði við friðarsinna

„Við erum ekki í stríði við þessa friðarsinna,“ segir Isaac Herzog, ráðherra í ríkisstjórn Ísraels.

Guðlaugur fyrir fjórum árum: Hóflegur kostnaður

Kostnaðurinn við prófkjör Guðlaugs Þórs Þórðarsonar fyrir fjórum árum var hóflegur, sagði hann sjálfur daginn eftir prófkjörið. Hann birti í gær yfirlit yfir styrki sem hann þáði vegna prófkjörsins.

Getur tekið á móti 160 leikskólabörnum fyrir ísbjarnarfé

Það mun kosta miklu meira en 250 milljónir króna að koma ísbirni fyrir í Húsdýragarðinum. Þetta segir forstöðumaður Fjölskyldu- og húsdýragarðsins, um hugmyndir verðandi borgarstjóra. Formaður Samtaka sjálfstæðra skóla bendir á að fyrir sömu upphæð gæti borgin tekið á móti 160 börnum í leikskóla.

Töluðu um launakjörin

Már Guðmundsson, seðlabankastjóri, og Jóhanna Sigurðardóttir, forsætisráðherra, ræddu um væntanleg launakjör Más í júní í fyrra áður en hann tók við sem seðlabankastjóri. Þetta kemur fram í tölvupóstsamskiptum Más við forsætisráðuneytið, sem Morgunblaðið hefur fengið aðgang að, að hluta og birt er á vef blaðsins.

Fjórir Íslendingar skipta um kyn næstu tvo daga

Fjórar manneskjur gangast undir svokallaða kynskiptiaðgerð á morgun og á mánudag á Landspítalanum. Málið er umdeilt þar sem aðgerðirnar þykja dýrar á niðurskurðartímum.

Um 900 Kópavogsbúar strikuðu Gunnar út

Alls var 1483 atkvæðum sjálfstæðismanna í Kópavogi breytt eða 36% þeirra atkvæða sem flokkurinn fékk í kosningunum fyrir viku. Samtals var 1745 atkvæðum í Kópavogi breytt ýmist með því að strika út nöfn frambjóðenda eða með því að færa þá til um sæti.

Fyrsti vinningur gekk ekki út

Enginn var með allar tölurnar réttar í lottóinu í kvöld. Þrír voru með fjórar tölur réttar auk bónustölurnar og fá vinningshafarnir tæpar 78 þúsund krónur í sinn hlut.

80 hjól seldust á uppboði lögreglunnar

Rúmlega 50 þúsund krónur fengust fyrir dýrasta hjólið á árlegu hjólauppboði lögreglu höfuðborgarsvæðisins í dag. 80 hjól seldust á uppboðinu, minnst fengust þúsund krónur fyrir barnahjól.

Óttast að íslenskar matvöruhefðir leggist af

Við þurfum að nýta okkur hefðbundinn íslenskan mat; skyr, hangikjöt, harðfisk og fleira til að auka vinsældir hans. Þetta segir talsmaður Slow food á Íslandi sem óttast að framleiðsla á þessum matvörutegundum leggist af.

Fjölsóttur fjölskyldudagur | Myndir

Fjölskyldudagur Ungmennafélags Íslands var haldinn við rætur Miðfells í Hrunamannahreppi í dag. Dagurinn var fjölsóttur en um 300 manns skemmti sér hið besta í blíðskaparveðri og 20 stiga hita.

Dögun sigraði

Siglingamót Brokeyjar á Hátíð hafsins fór vel í dag og sigraði skútan Dögun. Keppnin var svo ræst með fallbyssuskotum af varðskipsbryggjunni klukkan 14:15.

Mótmæltu aðgerðarleysi ríkisstjórnarinnar

Um tuttugu Akureyringar mótmæltu aðgerðarleysi ríkisstjórnarinnar og alþjóðasamfélagsins vegna aðgerða Ísraela þegar ráðist var á skipalest með hjálpargögn á leið til Gazasvæðsins fyrr í vikunni. Á sama tíma kom hópur fólk saman við Akureyrarkirkju og krafist aðskilnaðar ríkis og kirkju.

Ók yfir kant og ofan á bíl

Óvenjuleg sjón blasti við íbúum í Engjaseli í Reykjavík í morgun þegar í ljós kom að bíl hafði verið ekið yfir kant sem staðnæmst ofan á bíl á bílastæðinu.

„Þjóðin vill breytingar og þarf breytingar“

Ágúst Einarsson lét af störfum sem rektor Háskólans á Bifröst í dag. Í sinni síðustu útskriftaræðu gagnrýndi hann stjórnvöld harðlega og sagðist vilja nýtt lýðveldi og beina kosningu framkvæmdavaldsins.

Rofar til seinnipartinn

Skyggni yfir Suðurlandi og höfuðborgarsvæðinu hefur lítið breyst frá því morgun en talið er að það muni rofa til seinnipartinn. Líkt og undanfarna daga liggur aska yfir nágrenni Eyjafjallajökuls og höfuðborgarsvæðinu, en þó í mun minni mæli en í gær að sögn Hrafns Guðmundssonar, veðurfræðings hjá Veðurstofunni. Hann segir erfitt að spá fyrir um dreifingu öskunnar.

Tveir breskir hermenn féllu í Afganistan

Tveir breskir hermenn létu lífið í átökum við talibana í Helmandhéraði í suðurhluta Afganistan í gær. Alls hafa 292 breskir hermann fallið í Afganistan síðan stríðið hófst árið 2001.

Ólafur: Jón þarf að leggja mikið á sig til að verða betri en ég

Ólafur F. Magnússon, fráfarandi borgarfulltrúi og fyrrverandi borgarstjóri, segist ætla gefa meirihluta Besta flokksins og Samfylkingarinnar tíma til að sanna sig. Ólafur segir að Jón Gnarr þurfi að leggja mikið á sig til að verða betri borgarstjóri enn hann hafi verið.

Áfram í varðhaldi vegna innbrota í tugi sumarbústaði

Tveimur ungum mönnum sem hafa verið í gæsluvarðhaldi grunaðir um að hafa brotist inn í tugi sumarbústaði í Grímsnesi, Borgarfirði, Dölunum og á Þingvöllum í maí hefur verið sleppt úr haldi. Þriðji maðurinn, sem jafnframt er sá elsti hópnum verður haldið lengur í gæsluvarðhaldi vegna hagsmuna rannsóknarinnar en einangrun hefur verið aflétt, að því er fram kemur í tilkynningu frá lögreglunni á Selfossi. Fjórði aðilinn, sem er 15 ára, hefur alfarið verið undir umsjón barnaverndaryfirvalda.

Blendnar tilfinningar

„Það er gott að hrista upp í hlutunum,“ segir Halldóra Geirharðsdóttir, leikkona, sem fékk í gær þrjár tilnefningar til Grímuverðlauna.

Boða til mótmæla á Ráðhústorginu

Hópur Akureyringa ætlar að koma saman á Ráðhústorginu klukkan tvö á eftir og mótmæla aðgerðarleysi íslensku ríkisstjórnarinnar og alþjóðasamfélagsins í garð ofbeldis og kúgunar Ísraelsmann á Gazasvæðinu, líkt Sóley Björk Stefánsdóttir einn skipuleggjanda mótmælanna orðar það.

Flugvélar til sýnis

Flugvélar af ýmsum stærðum og gerðum verða til sýnis á Reykjavíkurflugvelli í dag þar sem Flugdagurinn er haldinn frá hádegi til klukkan fjögur.

Vísindamenn fylgjast með óróanum í Eyjafjallajökli

Órói í eldstöðinni í Eyjafjallajökli var nokkur frá miðnætti í nótt. Freysteinn Sigmundsson, jarðeðlisfræðingur, segir að jarðvísindamenn fylgist vel með svæðinu enda hafi óróinn varað lengur en í fyrstu var búist við.

Erfitt að spá fyrir um framhaldið

Skyggni yfir Suðurlandi og höfuðborgarsvæðinu er mun betra í dag en það var í gær, búast má við því að enn rofi til seinni partinn í dag. Veðurfræðingur á Veðurstofu Íslands segir þó afar erfitt að spá fyrir um framhaldið þar sem aðstæður líkt og þær sem Eyjafjallajökull hefur skapað séu nær óþekktar.

Hermenn komnir um borð í hjálparskipið

Ísraelski sjóherinn hefur ráðist um borð í skip friðarsinna sem var á leið með birgðir til Gaza og siglir því nú til Ashdod Port, sem er helsta lestunarhöfn í Ísrael. Ekkert hefur heyrst frá friðarsinnunum frá því Ísraelsher tók skipið yfir. Samkvæmt heimildum Sky fréttastofunnar hafði skipið Rachel Corrie ekki svarað fjórum skipunum hersins um að leggjast að bryggju í Ísrael.

Meintur morðingi í haldi

Lögreglan í Belgíu hefur handtekið mann sem hún hefur grunaðan um að hafa skotið dómara og aðstoðarmann hennar til bana þegar þau voru að koma úr réttarsal í Brussel á fimmtudagsmorgun.

Ísraelar reyna að stöðva för friðarsinna

Ísraelski sjóherinn reynir nú að stöðva för friðarsinna um borð í hjálparskipi á leið til Gaza. Samkvæmt heimildum Sky fréttastofunnar hefur skipið Rachel Corrie ekki svarað fjórum skipunum hersins um að leggjast að bryggju í Ashdod Port, sem er helsta lestunarhöfn í Ísrael.

Enn órói í Eyjafjallajökli

Órói í eldstöðinni í Eyjafjallajökli var nokkur frá miðnætti í nótt. Þetta kemur fram á vefsíðu Veðurstofu Íslands, samkvæmt upplýsingum þaðan frá því í morgun virðist einhver mökkur stíga upp frá jöklinum en mjög lítill, hugsanlega hefur kvika komið upp úr gosgígnum en við það myndast sprengingar og mökkur. Ekki séu þó líkur á að gos sé aftur að hefjast.

Allir kátir í Grindavík

Skemmtanahald á sjómanna- og fjölskylduhátíðinni Sjóarinn síkáti í Grindavík hefur farið vel fram að sögn lögreglunnar á Suðurnesjum. Tveir þurftu þó að gistu fangageymslur lögreglu vegna ölvunar í nótt. Mikill fjöldi fólks er saman kominn í bæjarfélaginu og fylltist tjaldstæðið snemma í gær.

Sló mann í höfuðið með felgulykli

Tveimur mönnum sinnaðist á tjaldstæði í umdæmi Borgarneslögreglunnar með þeim afleiðingum að annar sló hinn í höfuðið með felgulykli. Sá leitaði sér aðstoðar á sjúkrahúsinu á Akranesi. Maðurinn var með skurð á höfði en áverkar voru minni háttar. Árásaraðilinn var á bak og burt þegar lögregla kom á vettvang.

Fimm líkamsárásir í Reykjavík

Fimm líkamsárásir voru tilkynntar til lögreglunnar á höfuðborgarsvæðinu í nótt. Ekki er vitað til þess að þær hafi verið alvarlegar. Nóttin var nokkuð erilsöm í umdæminu án þess að stór mál hafi komi upp. Sjö voru teknir fyrir grun um ölvunar- eða vímuakstur, þrjú eignaspjöll voru tilkynnt auk fimm innbrota og þjófnaða.

Tveir 16 ára í einangrun á Litla-Hrauni

Tveir sextán ára piltar, sem grunaðir eru um yfir 80 innbrot í Grímsnesi, Borgarfirði, Dölunum og á Þingvöllum í maí, eru nú vistaðir í einangrunarklefum á Litla-Hrauni. Þar hafa þeir verið í rúma viku og verða fram á þriðjudag hið minnsta.

Ómar saknar ekki hins gamla

„Mér líst mjög vel á þetta enda komnir litlir og öflugir farsímar sem draga langt,“ segir fjölmiðlamaðurinn Ómar Ragnarsson og bætir við að hann sakni ekkert sérstaklega NMT-farsímakerfisins, það nýja sé betra. Síminn slekkur endanlega á NMT-kerfinu 1. september næstkomandi og tekur langdræga 3G-netið þá við.

Meintur gerandi í geðrannsókn

Rúmlega fimmtugur karlmaður sem lést af mannavöldum í maí í Reykjanesbæ var látinn á vettvangi þegar lögregla kom á staðinn, samkvæmt upplýsingum Fréttablaðsins. Áverkar voru á honum.

Fangar vinni við að rækta skóg

Unnið er að því að útvega tveimur til þremur föngum úr fangelsinu á Bitru vinnu við skógrækt á jörðinni.

Ók yfir tvo erlenda ferðamenn í tjaldi

Tveir erlendir ferðamenn voru fluttir með sjúkraflugi til Reykjavíkur eftir að bíll hafði ekið yfir tjald þeirra á Patreksfirði nóttina áður. Mennirnir eru ekki alvarlega slasaðir.

Stefna að sameiningu við Garðabæ

Þrátt fyrir að Sjálfstæðisflokkur hafi fjóra af sjö bæjarfulltrúum á Álftanesi og þar með meirihluta í bæjarstjórn hefur flokkurinn myndað meirihluta með bæjarfulltrúa Framsóknarflokks og bæjar­fulltrúa L-lista.

Kemur sér upp öskunemum

Breska flugfélagið EasyJet hyggst setja sérstakan búnað í flugvélar sínar sem getur numið öskuský frá eldfjöllum.

Hvers vegna Æsufell?

Bæði Jón Gnarr og Dagur B. tengjast Æsufelli 4. Óskar Kristinsson, eini bróðir Jóns, hefur búið þar um margra ára skeið og voru kynningarmyndbönd Besta flokksins tekin á þaki blokkarinnar. Óskar var litla bróður sínum innan handar vegna fundarins í gær. Systir Jóns, sem búsett er í Noregi, var gestkomandi hjá Óskari þegar oddvitar flokkanna kynntu samstarfið.

Enn er fundað í Firðinum

„Við erum langt komin með málefnasamning og reiknum með að boða til félagsfundar í byrjun næstu viku,“ segir Guðrún Ágústa Guðmundsdóttir, oddviti VG í Hafnarfirði.

Hafa stöðvað mesta lekann

Seigfljótandi olía barst á norðvesturstrendur Flórídaskaga í gær, hálfum öðrum mánuði eftir að sprenging varð í olíuborpalli BP í Mexíkóflóa.

Ætla að mynda hægristjórn

Vaclav Klaus, forseti Tékklands, fól Petr Necas, leiðtoga íhaldsmanna, að mynda stjórn í landinu í gær, nærri viku eftir að þingkosningar voru haldnar.

Eftirlaunaaldur kvenna of lágur

Framkvæmdastjórn Evrópusambandsins krefst þess að ítölsk stjórnvöld hraði hækkun eftirlaunaaldurs kvenna.

Leiðsöguskóli sagður afvegaleiða nemana

„Það er ranglega farið með á hvaða menntunarstigi þetta nám er,“ segir Kristín Jónsdóttir, endurmenntunarstjóri Háskóla Íslands. Hún gagnrýnir Menntaskólann í Kópavogi fyrir að kynna Leiðsöguskóla MK sem nám á háskólastigi.