Dæmdur fyrir að ofsækja barnsmóður sína

Karlmaður var dæmdur í þriggja mánaða skilorðsbundið fangelsi til tveggja ára fyrir að ofsækja barnsmóður sína og mann sem var með henni. Meðal annars hellti hann gosi inn um glugga hjá henni, á tölvu sem eyðilagðist í kjölfarið.

Flugfreyjur samþykkja verkfallsheimild

Flugfreyjur í Flugfreyjufélagi Íslands samþykktu í atkvæðagreiðslu í gær að veita stjórn félagsins heimild til verkallsboðunar. Gert er fyrir að verkfallið geti hafist 2. janúar næstkomandi náist ekki samningar við Icelandair en að sögn Sigrúnar Jónsdóttur, formanns Flugfreyjufélagsins, snýst kjaradeila flugfreyja um forgangsréttarákvæði í leiguflugi erlendis og starfsaldursákvæði.

Ólína spyr um skuldameðferð sjávarútvegsfyrirtækja

Ólína Þorvarðardóttir, þingmaður Samfylkingarinnar hefur lagt fram skriflega fyrirspurn til efnahags- og viðskiptaráðherra um skuldameðferð sjávarútvegsfyrirtækja í bönkum.

Vilja lengra gæsluvarðhald yfir Catalinu - vitorðsmanni sleppt

Lögreglustjórinn á höfuðborgarsvæðinu mun fara fram á áframhaldandi gæsluvarðhald yfir Catalinu Ncogo, sem er grunuð um að hafa haft milligöngu um vændi og mansal. Kona sem var handtekin með henni, og er grunuð um sömu brot, hefur verið sleppt.

Í sjokki eftir brotsjó - myndir

„Við erum svona að jafna okkur. Þetta var auðvitað sjokk,“ segir Unnsteinn Líndal Jensson, skipstjóri línubátsins Sighvats GK 57, en brotsjór lenti á bátnum með þeim afleiðingum að sjór flæddi inn og tveir sjómenn slösuðust. Sauma þurfti sex spor í augabrún annars þeirra.

Kirkjuklukkum hringt 350 sinnum vegna umhverfisógnar

Í tilefni af loftslagsráðstefnu Sameinuðu þjóðanna sem nú stendur yfir í Kaupmannahöfn verður kirkjuklukkum um allan heim hringt 350 sinnum, sunnudaginn 13. desember klukkan þrjú, „til að minna á þá umhverfisvá sem steðjar að jarðarbúum vegna hlýnunar andrúmsloftsins," að því er fram kemur í tilkynningu frá Þjóðkirkjunni. Hér á landi verður kirkjuklukkum hringt víða um land.

Dómsmál: Bankastjóri kom í veg fyrir að fjármálastjóri tæki út arð

Fyrrum fjármálastjóri Kaupþings, Guðný Arna Sveinsdóttir, hefur höfðað einkamál á hendur nýja Kaupþingi/Arion banki, vegna 25 milljón króna sem hún segist eiga á reikningi í bankanum en fær ekki að taka út. Um er að ræða arð af hlutabréfum.

Meira bóluefni berst í næstu viku

Ný sending bóluefnis gegn inflúensunni A(H1N1) berst heilsugæslustöðvum um land allt í byrjun næstu viku og þá verður unnt að taka þráðinn upp að nýju við bólusetningar en efnið kláraðist á dögunum. Í tilkynningu frá Sóttvarnalækni og Almannavarnadeild Ríkislögreglustjóra segir að bólusetning hefjist á nýjan leik miðvikudaginn 16. desember og þá ganga þeir fyrir sem hafa skráð sig á biðlista. Þrír liggja nú á spítala vegna veikinnar og er einn þeirra á gjörgæslu.

Samstarfskonu Catalinu hugsanlega sleppt

Gæsluvarðhald rennur út í dag yfir Catalinu Ncogo og annarri konu sem eru grunaðar um mansal og að hafa haft milligöngu um vændi. Þær voru handteknar fyrir tveimur vikum síðan og voru strax úrskurðaðar í varðhald, aðeins tveimur dögum eftir að Catalina hafði verið dæmd í Héraðsdómi Reykjaness fyrir að hafa haft milligöngu um vændi og fíkniefnabrot.

Foreldrar Madeleine í Portúgal

Foreldrar týndu telpunnar Madeleine McCann eru komnir til Portúgals vegna málaferla þeirra gegn lögregluforingjanum sem í upphafi stýrði rannsókn á máli dóttur þeirra.

Hús Steingríms Wernerssonar atað málningu

Rauðri málningu var skvett á hús Steingríms Wernerssonar í nótt og var meðfylgjandi mynd send fréttastofunni.

Óprúttnir leðurblökumenn á ferð í London

Óskammfeilinn hópur ræningja notfærir sér verndarsvæði fyrir leðurblökur við Regent´s canal í London til að ræna vegfarendur í skjóli myrkurs en svæðið er óupplýst af tillitsemi við leðurblökurnar sem þar dveljast.

Bresk geimferðastofnun væntanleg

Bretar hyggjast setja á stofn sína eigin geimferðamiðstöð hvað sem öllum niðurskurði líður.

Sjóræningjar slepptu skipi eftir sjö mánuði

Sómalskir sjóræningar létu í gær af hendi úkraínska flutningaskipið Ariana með 24 manna áhöfn eftir að þeir fengu tvær og hálfa milljón dollara í lausnarfé.

Aftöku Brooms frestað aftur

Dómari í Ohio hefur aftur frestað aftöku Romell Broom sem dæmdur var til dauða fyrir 25 árum og hefur beðið aftöku síðan. Aftöku Broom var frestað í september þegar aftökusveitinni tókst engan veginn að finna í honum nægilega burðuga æð til að sprauta í lyfjunum sem notuð eru við aftöku.

Íranar grunaðir um að lauma tækjum gegnum Taívan

Embættismenn Sameinuðu þjóðanna rannsaka nú vísbendingar um að Íranar noti fyrirtæki í Taívan til að smygla búnaði í kjarnorkusprengjur til Írans.

Fundi Gates og al-Maliki aflýst

Fundi Robert Gates, varnarmálaráðherra Bandaríkjanna, og Nuri al-Maliki, forsætisráðherra Íraks, sem halda átti í gærkvöldi, var aflýst með stuttum fyrirvara.

Pútín ræðst gegn spillingu

Vladimír Pútín Rússlandsforseti sagðist á ríkisstjórnarfundi í gærkvöldi ætla að taka rækilega til í stjórnkerfi landsins og uppræta þá spillingu sem þar þrífst.

Sluppu ómeidd þegar eldur kviknaði

Kona og ungt barn hennar sluppu ómeidd þegar eldur kom upp í íbúð þeirra á fyrstu hæð í fjölbýlishúsi við Egilsgötu í Borgarnesi í gærkvöldi.

Brotist inn í tvo skóla

Brotist var inn í Háteigsskóla í Reykjavík um klukkan fimm í morgun, en lögreglumenn gómuðu þjófinn utandyra með tvo skjái, sem hann hafði stolið þar.

Óskar eftir fundi þingnefnda vegna Mjólku

Ólína Þorvarðardóttir, þingmaður Samfylkingarinnar, hefur óskað eftir sameiginlegum fundi viðskiptanefndar og sjávarútvegs- og landbúnaðarnefndar vegna fyrirhugaðs samruna Mjólku og mjólkurbús Kaupfélags Skagfirðinga.

Lögregla stöðvaði kannabisrækt

Lögreglan á höfuðborgarsvæðinu stöðvaði í fyrradag ræktun á 210 kannabisplöntum í iðnaðarhúsnæði í Hafnarfirði og lagði jafnframt hald á tæplega tvö og hálft kíló af marijúana.

Fyrrverandi hæstaréttardómarar veita ekki álit á Icesave og stjórnarskrá

Ekki kemur til þess að hæstaréttardómararnir fyrrverandi, Guðrún Erlendsdóttir og Pétur Kr. Hafstein, veiti Alþingi lögfræðiálit um hvort Icesave-frumvarpið standist ákvæði stjórnarskrár.

Þrjár stúlkur játuðu árás í Heiðmörk

Þrjár sautján ára stúlkur játuðu fyrir dómi í fyrradag að hafa ráðist á fjórðu stúlkuna í Heiðmörk í apríl á þessu ári. Vegna skýlausra játninga stúlknanna var málið í kjölfarið dómtekið og má búast við dómi á næstu vikum.

Pörunin stangast á við lög um þingsköp

Útpörun Sivjar Friðleifsdóttur Framsóknarflokki í atkvæðagreiðslunni um Icesave-málið á Alþingi á þriðjudag hefur vakið athygli. Var útpörunin viðhöfð þar sem Helgi Hjörvar Samfylkingunni, nýkjörinn forseti Norðurlandaráðs, var ytra í embættiserindum.

Adakris er orðinn stærsti verktaki Reykjavíkurborgar

Litháíska verktakafyrirtækið Adakris hefur fengið 385 milljónir greiddar frá Reykjavíkurborg á árinu, en Malbikunarstöðin Höfði, opinbert fyrirtæki, hefur fengið næst mest, 263 milljónir.

Segir sjóðinn vera arf frá gömlum tíma

„Ég sé engin sérstök rök fyrir því að halda þessum sjóði sérgreindum frá Atvinnuleysistryggingasjóði. Það er eðlilegt að við séum með eitt og sama kerfið fyrir alla landsmenn,“ segir Árni Páll Árnason félagsmálaráðherra, um Tryggingasjóð sjálfstætt starfandi einstaklinga.

Fiskvinnslur í hættu ef ákvörðun stendur

„Á þetta útspil ráðherrans lítum við innan samtakanna mjög alvarlegum augum. Það stefnir í að fjölmargir missi vinnuna vegna þess að svo til ekkert hráefni berst inn á fiskmarkaðina og leigumarkaðurinn er frosinn,“ segir Jón Steinn Elíasson, formaður Samtaka fiskframleiðenda og útflytjenda.

Barnaklámshringur upprættur

Evrópska lögreglan Europol hefur greint frá því að tekist hafi að uppræta barnaklámshring á Netinu. Kennsl hafa verið borin á fimm fórnarlömb, börn á aldrinum fjögurra til tólf ára. Einnig hafa verið borin kennsl á 221 kynferðisafbrotamann, og 115 hafa nú þegar verið handteknir.

Leikskólastjórar múlbundnir af borginni

Leikskólakennurum í Reykjavík hefur verið meinað að áframsenda á stjórnir foreldrafélaga fundarboð frá hagsmunasamtökum foreldra leikskólabarna. Þeir mega heldur ekki hengja upp veggspjöld frá samtökunum þar sem slíkir fundir eru auglýstir, né tala á neikvæðum nótum um fyrirhugaðan niðurskurð hjá leikskólum borgarinnar.

Samfylkingin ein skilar á réttum tíma

Hátt í 180 tilkynningar frá frambjóðendum og flokkum höfðu borist Ríkisendurskoðun að loknum skrifstofutíma í gær, þegar frestur stjórnmálamanna og -flokka til að skila margvíslegum upplýsingum um fjármál sín síðustu árin rann út.

Hlýnun jarðar er af manna völdum

Sautján hundruð vísindamenn í Bretlandi sendu frá sér yfirlýsingu í gær, þar sem þeir segjast sannfærðir um að sterk vísindaleg rök séu fyrir því að hlýnun jarðar sé af mannavöldum.

Nota Netið helst til leikja

Nær 80 prósent barna á aldrinum níu til sextán ára sögðust helst vera í leikjum þegar þau eru á Netinu að því er fram kemur í nýrri könnun. Samfélag, fjölskylda og tækni, vakningarátak um örugga netnotkun barna og unglinga (SAFT), stóð fyrir könnuninni sem gerð var síðastliðið vor. Sambærileg könnun var gerð fyrir þremur árum og sögðust þá ríflega 80 prósent barna helst vera í leikjum þegar þau væru á Netinu. Tæp 70 prósent þátttakenda í könnuninni sögðu foreldra sína þekkja mikið eða nokkuð mikið til þeirra leikja sem þau spila á Netinu.

Kennt á níu tungumálum

HB Grandi stendur þessa dagana fyrir námskeiðum fyrir starfsfólk sitt í fiskvinnsluverum fyrirtækisins í Reykjavík og á Akranesi. Á námskeiðunum er farið yfir meðhöndlun á hráefni, hreinlæti, umgengni og þrif og þess freistað að bæta gæði afurða og fyrirtækisbrag.

Segir stríð vera nauðsyn

„Trúin á það að friður sé æskilegur dugar sjaldnast til þess að öðlast hann,“ sagði Barack Obama Bandaríkjaforseti þegar hann tók við friðarverðlaunum Nóbels í Ósló.

Aðstandendurnir ætla sjálfir að rannsaka dauðsfallið

Ríkissaksóknari hefur lokið athugun á erindi aðstandenda tveggja manna sem fundust látnir í Daníelsslipp við Mýrargötu í Reykjavík í mars árið 1985. Aðstandendurnir mannanna segja niðurstöðuna yfirklór og ætla að hefja sína eigin rannsókn.

Þingnefndir ræði samruna á mjólkurmarkaði

Eygló Harðardóttir, þingmaður Framsóknarflokksins, hefur óskað eftir sameiginlegum fundi viðskiptanefndar og sjávarútvegs- og landbúnaðarnefndar vegna samruna Mjólku og Kaupfélags Skagfirðinga og athugasemda Samkeppniseftirlitsins vegna samrunans. Þar segir að minni samkeppni þýði hærra verð fyrir neytendur og lægri greiðslur til bænda. Eygló segir brýnt að þingnefndirnar fari yfir málið.

Leikskólastjórum boðið í kokteil - aðrir fá ekki jólagjafir

Á meðan jólagjafir til starfsmanna leikskóla Reykjavíkurborgar eru lagðar niður og leikskólasvið þarf að skera niður um fjögur prósent, býður sviðið leikskólastjórum upp á léttvín og meðlæti á besta útsýnisstað.

Marijúana og kannabisplöntur fundust við húsleit

Lögreglan á höfuðborgarsvæðinu stöðvaði kannabisræktun í iðnaðarhúsnæði í Hafnarfirði í gær. Við húsleit á áðurnefndum stað var lagt hald á 2,4 kíló af marijúana og 210 kannabisplöntur. Um var að ræða svokallaða vatnsræktun en plönturnar voru flestar mjög stórar og í fullum blóma, að því er fram kemur í tilkynningu frá lögreglu.

Alvarlegt bakslag í jafnréttisbaráttunni

Boðaðar breytingar á fæðingarorlofi eru alvarlegt bakslag í jafnréttisbaráttunni og er illa sæmandi ríkisstjórn sem kennir sig við jafnrétti. Þetta segir í ályktun Jafnréttisráðs um fyrirhugða styttingu fæðingarorlofs um einn mánuð.

Gengi krónunnar mun haldast lágt næstu ár ef ekki áratugi

Gengi krónunnar mun haldast lágt næstu ár ef ekki áratugi vegna versnandi skuldastöðu hins opinbera. Þetta kom fram í máli Seðlabankastjóra á blaðamannafundi í dag.

Jóhanna kona ársins

Jóhanna Sigurðardóttir, forsætisráðherra, er kona ársins að mati tímaritsins Nýs lífs sem útnefndi konu ársins í nítjánda sinn í dag. Jóhanna er fyrsta konan til að hljóta titilinn tvisvar en var einnig útnefnd kona ársins 1993. Í umsögn ritstjórnar tímaritsins segir að frá lýðveldisstofnun hafi sennilega enginn stjórnmálamaður staðið frammi fyrir jafnögrandi verkefni og Jóhanna gerir nú.

Sóley sækist eftir fyrsta sætinu

Sóley Tómasdóttir, borgarfulltrúi, hefur ákveðið að gefa kost á sér í fyrsta sæti í forvali Vinstri grænna í Reykjavík fyrir borgarstjórnarkosningarnar í febrúar. Hún leggur áherslu á félagslegan jöfnuð, kvenfrelsi og umhverfisvernd.

Virti ekki stöðvunarmerki lögreglu

Tvítugur ökumaður var handtekinn á Ártúnshöfða í nótt eftir að lögreglan hafði veitt honum eftirför. Um var að ræða pilt sem hafði verið staðinn að hraðakstri á Miklubraut við Skeiðarvogsbrúna en bíll hans mældist þar á 114 kílómetra hraða og var auk þess næstum ljóslaus.

Féll af vinnulyftu og höfuðkúpubrotnaði

Karl á fertugsaldri slasaðist illa þegar hann féll nokkra metra niður af vinnulyftu í miðborginni í nótt. Hann var fluttur á slysadeild og reyndist meðal annars höfuðkúpubrotinn. Ekki er ljóst hvaða erindi hinn slasaði átti á vinnulyftunni á þessum tíma sólarhrings, að fram kemur í tilkynningu frá lögreglu.