Palestínumenn hafna frekari stækkun landnemabyggða Ísraela

Palestínumenn hafna hverskonar samningum milli Bandaríkjanna og Ísraels um frekari stækkun landnemabyggða Ísraela. Sá orðrómur hefur verið á kreiki að Bandaríkjamenn og Ísraelar séu að reyna að ná málamiðlun um það sem Ísraelar vilja kalla eðlilega stækkun landnemabyggða.

Róleg nótt hjá lögreglu

Nóttin virðist hafa verið róleg hjá lögreglu víða um land. Lögreglan á Suðurnesjum þurfti þó í tvígang að hafa afskipti af fólki á Hafnargötu í Reykjanesbæ vegna slagsmála. Einn var handtekinn í kjölfarið fyrir að fara ekki eftir fyrirmælum lögreglumanna. Þá handtók lögregla ökumann vegna gruns um akstur undir áhrifum amfetamíns.

Öryrkjum hefur fjölgað um 8000 á 10 árum

Öryrkjum hefur fjölgað um rúmlega 8000 á 10 árum. Mun fleiri konur en karlar eru skráðar öryrkjar. Þetta kemur fram í svari Árna Páls Árnason, félags- og tryggingamálaráðherra, við fyrirspurn Ásbjörns Óttarssonar, þingsmanns Sjálfstæðisflokksins.

Bandamenn hafa unnið góða sigra

Barack Obama, Bandaríkjaforseti, fullyrðir að hermenn bandamanna í Afganistan hafi unnið góða sigra gegn uppreisnarsveitum talibana í landinu. Hann segir þó að baráttunni sé langt frá því lokið.

Kallar eftir tillögum frá Þingvallanefnd

Lögreglan á Selfossi biður þá sem fara til Þingvalla næstu daga að halda sig í hæfilegri fjarlægð frá brunarústum Valhallar. Rannsókn er hafin á upptökum brunans, skýrslur hafa verið teknar af nokkrum starfmönnum hótelsins og vettvangsrannsókn verður framhaldið á mánudag. Jóhanna Sigurðardóttir forsætisráðherra skoðaði brunarústirnar í dag. Hún sagðist mundu leggja fyrir Þingvallanefnd að koma með tillögur um hvað gera skuli á staðnum.

Fimmfaldur næst

Enginn var með allar tölurnar réttar í lottóinu í kvöld og því verður potturinn fimmfaldur í næstu viku. Sex voru með fjórar réttar tölur auk bónustölu. Tölurnar í kvöld voru 6, 10, 13, 18 og 24. Bónustalan var 26.

Þingmenn geta ekki tekið upplýsta ákvörðun

Þingmenn geta ekki tekið upplýsta ákvörðun um Icesave samningana án þess að erlend skuldastaða Íslands liggi fyrir. Þetta segir Gunnar Tómasson, hagfræðingur.

Ung vinstri græn styðja Ásmund Einar

Ung vinstri græn hafa sent frá sér stuðningsyfirlýsingu við Ásmund Einar Daðason, þingmann flokksins, og telja að tillaga sem felur í sér þjóðaratkvæðagreiðslu um hvort sækja skuli um aðild, brjóti ekki gegn stjórnarsáttmála VG og Samfylkingar.

Óskar Össuri til hamingju með brunann

Bjarni Harðarson, fyrrum þingmaður Framsóknarflokksins, óskar Össuri Skarphéðinsson, utanríkisráðherra, til hamingju með eldvoðann á Þingvöllum og umfjöllun Alþingis um aðildarviðræður við Evrópusambandið.

Spara má þúsundir króna með því að dæla bensíni sjálfur

Hægt er að spara tæpar sautján þúsund krónur á ári í bensínkostnað ef fólk dælir sjálft. Fimm krónur leggjast ofan á auglýst bensínverð hjá olíufélögunum ef viðskiptavinirnir vilja fá þjónustu við verkið.

Leiðtogarnir verða að hætta að misnota aðstöðu sína

Leiðtogar þróunarríkjanna verða að hætta að misnota aðstöðu sína á kostnað efnahagslífsins og nýta þróunaraðstoð Vesturlandanna með skynsömum hætti. Þetta segir Barack Obama, forseti Bandaríkjanna, sem í dag heimsótti Afríkuríkið Gana.

Vill tvöfalda þjóðaratkvæðagreiðslu

Birgitta Jónsdóttir, þingflokksformaður Borgarahreyfingarinnar, telur að Íslendingar muni ekki fá neina sérmeðferð í aðildarviðræðum við Evrópusambandið. Hún vill að fram fari tvöföld þjóðaratkvæðagreiðsla um hugsanlega aðild Íslands að ESB.

Mannskæð sprengjuárás í Írak

Fjórir óbreyttir borgarar og að minnsta kosti 40 særðust þegar bílasprengja sprakk á markaði í ú útjaðri Mosul í norðurhluta Íraks í dag.

Féll niður virki á tónlistarhátíð

Breskur karlmaður á þrítugsaldri lést í dag eftir að hafa fallið af brún gamals virkis í borginni Novi Sad norðan af Belgrad, höfuðborg Serbíu. Í virkinu, sem stendur í hlíð við miðborgina, fer fram árleg tónlistarhátíð. Slysið varð í gærkvöldi en maðurinn lést af sárum sínum á sjúkrahúsi í dag. Ekki er vitað um tildrög slyssins.

Jóhanna skoðar vegsummerki eftir eldsvoðann

Jóhanna Sigurðardóttir, forsætisráðherra, kom til Þingvalla í dag til að skoða vegsummerki eftir brunann í gær en ekki stendur steinn yfir steini af hinu fornfræga Hótel Valhöll. Slökkvilið og vinnuvélar vinna nú við að rífa niður þá veggi sem enn standa uppi og er brak úr húsinu flutt á brott jafnóðum. Rætt verður við Jóhönnu í kvöldfréttum Stöðvar 2.

Ólíklegt að kosið verði um ESB á mánudag

Ólíklegt er að hægt verði að greiða atkvæði um þingsályktun um aðildarumsókn að Evrópusambandinu á mánudag, eins og forsætisráðherra vonaðist til. Umræður um málið hafa haldið áfram á Alþingi frá klukkan hálf ellefu í morgun og lauk nú á þriðja tímanum. Næsti fundur Alþingis er klukkan þrjú á mánudag en nú eru enn 17 manns á mælendaskrá.

Yfir 300 farþegar þurftu að yfirgefa flugvél í skyndi

Meira en 300 farþegar breiðþotu flugfélagsins British Airways þurftu að yfirgefa vélina í skyndi í morgun eftir að reykur kom upp í farþegarými hennar rétt eftir að hún ók frá flugstöðvarbyggingunni á flugvellinum í Phoenix í Bandaríkjunum.

Þingmenn VG minntir á stefnu flokksins í Evrópumálum

Svæðisfélags Vinstri grænna í Borgarbyggð minnir forystu og þingmenn flokksins á landsfundarályktun VG um Evrópusambandið frá því í mars. Félagið telur afar mikilvægt að flokkurinn haldi þeirri forystu sem Vinstri grænir hafa haft í andstöðu við aðild að Evrópusambandinu.

Fólk beðið um að halda sig frá brunarústunum á Þingvöllum

Lögreglan á Selfossi biður þá sem fara til Þingvalla næstu daga að halda sig í hæfilegri fjarlægð frá brunarústunum leggi það leið sína að þeim. Rannsókn er hafin á upptökum brunans og skýrslur hafa verið teknar af nokkrum starfmönnum hótelsins. Lögreglan á Selfossi fer með rannsókn málsins.

Lenti á bjargsyllu eftir þrettán metra fall

Norskur maður má prísa sig sælan að vera á lífi eftir að hann féll fram af verönd á fjallakofa og lenti á bjargsyllu eftir 13 metra fall.

Ferðamaður fótbrotnaði við Goðafoss

Erlendur ferðamaður á göngu við Goðafoss féll og rann til með þeim afleiðingum að hann fótbrotnaði illa eftir hádegi í dag. Kalla þurfti út sjúkrabíl sem flytur nú manninn á Fjórðungssjúkrahúsið á Akureyri.

Óvíst með afstöðu þingmanna Framsóknarflokksins

Líklegt er að að meirihluti þingflokks Framsóknarflokksins greiði annað hvort atkvæði gegn aðildarumsókn að Evrópusambandinu eða sitji hjá við atkvæðagreiðsluna. Umræðum um aðildarumsóknina var framhaldið á Alþingi í morgun.

Líklegt að þorskkvótinn klárist

Búið er að veiða um tvo þriðju þess strandveiðiþorskkvóta sem gefinn var út fyrir júlímánuð í Norðvesturkjördæmi. Líkur eru á að þorskkvóti sem duga átti til loka ágústmánaðar verði uppurinn í næstu viku.

Leit hætt að svarta kassa Air France

Svarti kassinn í flugvélum er með sérstakan sendi sem gefur frá sér hljóðmerki til þess að auðveldara sé að finna hann.

Ríkissaksóknari var ekki vanhæfur í máli ofbeldisfulla sambýlismannsins

Ríkissaksóknari var ekki vanhæfur til að gefa út ákæru á hendur manninum sem í vikunni fékk þungan dóm fyrir að beita sambýliskonu sína grófu ofbeldi, að mati héraðsdóms. Dómnum verður að öllum líkindum áfrýjað til Hæstaréttar vegna of náinna tengsla á milli þeirra sem rannsökuðu málið og ákæruvaldsins.

Valhöll rústir einar eftir stórbrunann

Ekki stendur nú steinn yfir steini af Hótel Valhöll á Þingvöllum sem brann í gær. Starfsfólk gerði sitt besta til að slökkva eldinn en brunavörnum var mjög ábótavant.

Kona á áttræðisaldri flutt meðvitundarlaus á slysadeild

Kona á áttræðisaldri fannst á mótum Austurbrúnar og Hólsvegar í nótt. Hún hafði fallið í götuna, misst meðvitund og dvelur nú á gjörgæslu.

Íranir sýna samningsvilja

Íranar eru að útbúa umfangsmikið skjal þar sem fjallað eru um stjórnmál, öryggismál og alþjóðamál, til þess að leggja fyrir vestrænar þjóðir. Í skjalinu er fjallað ítarlega um sjónarmið Írana í þessum málaflokkum.

Castro spáir valdaránum

Fidel Castro fyrrverandi leiðtogi Kúbu spáir því að ef Manuel Zelaya forseti Honduras fái ekki að taka aftur við embætti sínu muni hvert valdaránið af öðru verða framið í Suður-Ameríku.

Vinnuvélar brutu niður það sem eftir stóð af Valhöll

Starfsfólk á Hótel Valhöll á Þingvöllum leitaði lengi að eldi í húsinu eftir að brunabjöllur hringdu þrisvar sinnum í gærdag. Meðal annars fór það upp á þak hótelsins til þess að leita að hita. Svo blossaði eldurinn skyndilega upp og húsið var alelda þegar slökkvilið kom á vettvang. Húsið brann til kaldra kola. Talið er víst að kviknað hafi í þegar verið var að grilla í eldhúsinu fyrir samkvæmi sem átti að halda um kvöldið.

Áfram rætt um aðildarumsókn

Síðari umræða um þingsályktun ríkisstjórnarinnar um aðildarviðræður við Evrópusambandið stóðu fram undir miðnætti í nótt og hefjast aftur klukkan hálf ellefu. Vigdís Hauksdóttir þingmaður Framsóknarflokksins, sem talin er vera mikill andstæðingur Evrópusambands aðildar, lagði í gær fram breytingartillögu við ályktunina, þar sem ítarlegra er farið í skilyrði fyrir aðild í tillögu greininni sjálfri.

Kona réðst á starfsfólk í Húsafelli og var handtekin

Kona á þrítugsaldri veittist að starfsfólki á tjaldsvæðinu í Húsafelli í nótt eftir að þau höfðu afskipti af henni vegna ölvunarláta. Konan lét öllum illum látum og þurfti að kalla lögreglu til sem að lokum handtók konuna. Ekki var hægt að vista hana í fangageymslum lögreglunnar í Borgarnesi vegna manneklu og því var ekið með konuna til móts við lögreglumenn frá Reykjavík sem tóku við henni og fluttu á lögreglustöðina við Hverfisgötu þar sem hún sefur nú úr sér áfengisvímuna.

Eyðileggingin algjör

Hótel Valhöll á Þingvöllum fór illa í eldsvoða í gær og er talið ónýtt. Ekki var brugðist við skýrslu frá árinu 2006 sem sagði brunavörnum ábótavant. Ég er ekki hissa á þessum endalokum segir annar höfunda svartrar skýrslu.

Átti að spila á tónleikum um kvöldið

„Þetta lítur hrikalega út. Húsið er brunnið til ösku,“ sagði Helgi Björnsson tónlistarmaður þegar blaðamaður talaði við hann síðdegis í gær.

Svívirðilega einfaldar lausnir

Paul Bennett er einn af eigendum IDEO, framsækins og skapandi hönnunarfyrirtækis. Fyrirtækið var valið meðal fimm framsæknustu fyrirtækja Bandaríkjanna árið 2008 ásamt Google, Apple og Facebook. Hann er að koma til landsins í fjórða sinn og vill gera hvað hann getur til að hjálpa til.

Hlegið að kreppunni

Óhætt er að segja að kreppan sé fyrirferðarmikil á Listasafninu á Akureyri um þessar mundir. Málverkasýning undir yfirskriftinni Kreppumálararnir verður opnuð í dag þar sem sýnd verða verk eftir Jón Engilberts, Þorvald Skúlason og fleiri þjóðþekkta málara.

Þúsundir húsa gjöreyðilagðar

Meira en 400 þúsund manns þurftu að yfirgefa heimili sín eftir að harður jarðskjálfti varð í suðvestanverðu Kína á fimmtudag. Hamfarirnar kostuðu einn mann lífið og hundruð manna slösuðust, þar af nokkrir tugir alvarlega.

Vinasamband við börn í Tógó

Leikskólinn Laufásborg hefur ákveðið að gerast vinaleikskóli barnaheimilis í Aneho í Tógó. Íslenska styrktarfélagið Sóley & félagar hefur um nokkurt skeið styrkt barnaheimilið og aðra starfsemi systur Victo í Tógó. Haldið var upp á þetta í Hljómskálagarðinum í gær. Börnin á Laufásborg fengu mangóís frá Sólveigu Eiríksdóttur og tónlistar­konan Magga Stína tók lagið fyrir þau. Börnin fengu líka að smakka vesturafrískan drykk sem heitir bissap, en sá drykkur er vinsæll hjá börnunum í vinaskóla þeirra.

Var aðallega í gríni gert

Á litlu svæði nálægt Frankfurt í Þýskalandi getur að líta nokkuð stórt auglýsingaskilti sem auglýsir bjórtegundina Pfungstädter. Það væri ekki í frásögur færandi nema fyrir þær sakir að á skiltinu má sjá þrjár kynslóðir frægra íslenska karlmanna.

Lánar fé til fallins banka

Lúxemborg hefur fengið leyfi frá Evrópusambandinu til að lána 320 milljónir evra til útibús Kaupþing í Lúxemborg. Belgíska ríkið mun leggja til helming fjársinsá móti Lúxemborg. Reikningarnir sem innstæðurnar hafa verið á hafa verið lokaðir frá því í október á síðasta ári. Lánið á að duga til að greiða 15 þúsund belgískum innstæðueigendum fé sitt til baka. Þetta kemur fram í frétt Associated Press.

Kvartaði undan samflokksmönnum

Alþingi Þingmenn ræddu kosti og galla þess að senda Evrópusambandinu (ESB) aðildar­umsókn í allan gærdag og fram eftir kvöldi, og stóð þingfundur enn þegar Fréttablaðið fór í prentun.

Hefði mátt búa til 353 kíló af amfetamíni

Ríkissaksóknari hefur gefið út ákæru á hendur Jónasi Inga Ragnarssyni og Tindi Jónssyni fyrir að hafa staðið saman að framleiðslu fíkniefna í iðnaðar­húsi í Hafnarfirði. Úr upphafs­efnunum sem fundust í húsinu hefði mátt framleiða að minnsta kosti 353 kíló af amfetamíni, að því er segir í ákæru. Ákæran var birt tvímenningunum á fimmtudag.

Segir efnahagshruni afstýrt

Barack Obama Bandaríkjaforseti sagði við lok G8-fundarins á Ítalíu í gær að líklega hefði tekist að afstýra efnahagshruni í heiminum, sem hefði haft skelfilegar afleiðingar. Enn væri þó langt í varanlegan bata.

Valhöll brennur - loftmyndir

Nú síðdegis brann hin sögufræga bygging Hótel Valhöll og er nú rústir einar. Arnþór Birkisson, ljósmyndari Vísis og Fréttablaðsins, var á staðnum og náði mögnuðum myndum sem sjá má í albúmi hér fyrir neðan sem ber heitið „Valhöll". Einnig má sjá stórkostlegar loftmyndir í albúminu „Valhöll - Loftmyndir" en þær eru teknar af Ingólfi Helga Tryggvasyni, einkaflugmanni sem átti leið hjá Þingvöllum í dag.

Horfði á ættarsetrið brenna í sjónvarpinu

Hótel Valhöll var í eigu fjölskyldu Jóns Ragnarssonar veitingamans í um fjörutíu ár. Foreldrar hans þau Ragnar Jónsson og Júlíana Sigurbjörg Erlendsdóttir eignuðust hótelið árið 1963 og var það í eigu fjölskyldunnar allt til ársins 2002 þegar íslenska ríkið keypti húsið. Það var því að vonum erfitt fyrir Jón að fylgjast með fréttum í kvöld þar sem hann horfði á Hótel Valhöll í ljósum logum.