Gengið lék greiðslukortanotendur í útlöndum grátt

Gengi krónunnar gagnvart öðrum gjaldmiðlum sveiflaðist um allt að 50 prósent í síðustu viku, greiðslukortanotendum í útlöndum til mikillar armæðu. Þetta kemur fram á vef Neytendasamtakanna.

Vel tekið á móti íslensku sendinefndinni í Moskvu

Íslenska sendinefndin í Moskvu hefur fengið „frábærar móttökur“ í rússneska fjármálaráðuneytinu í morgun, að því er fréttastofa Reuters hefur eftir forsvarsmanni samninganefndarinnar Sturlu Pálssyni. Enn hefur ekki verið rætt um upphæð lánsins en í síðustu viku var tilkynnt um að Íslendingum stæði til boða lán upp á fjóra millarða evra frá Rússum. Gert er ráð fyrir að viðræður standi yfir fram á fimmtudag.

Strandgæslusamstarf við Norðmenn

Georg Kr. Lárusson, forstjóri Landhelgisgæslunnar, og Thrond Grytting, aðmíráll og yfirmaður heraflans í Norður Noregi, undirrituðu í síðustu viku samkomulag um samstarf á sviði strandgæslu, öryggismála, leitar og björgunar.

Allt mælir með lagabreytingum til að auðvelda útflutning bíla

Framkvæmdastjóri Bílgreinasambandsins segir að allt mæli með því að lögum verði breytt á þann veg að auðveldara verði að flytja notaða bíla úr landi. Með því megi meðal annars afla aukins gjaldeyris og flýta fyrir komu umhverfisvænni bifreiða í umferðina.

Flóttafólkinu á Akranesi farnast vel - Mæðurnar í blaki

Daglegt líf palestínska flóttafólksins sem kom til landsins fyrir rúmum mánuði gengur afar vel, að sögn Lindu Bjarkar Guðrúnardóttur verkefnastjóra hjá Akranesbæ.

Berlusconi skemmdi ræðupúlt í Hvíta húsinu

Vopnabræðurnir George Bush Bandaríkjaforseti og Silvio Berlusconi, forsætisráðherra Ítalíu, gerðu sér glaðan dag í gærkvöld í Hvíta húsinu eftir að hafa stýrt aðgerðum til bjargar bönkum í löndunum tveimur.

Krefja stjórnvöld um réttlát námslán

Ungir jafnaðarmenn krefjast þess að ríkisstjórn og yfirmenn banka landsins geri námsmönnum og öðrum sem staddir eru erlendis kleift að kaupa gjaldeyri og að námslán frá Lánasjóði íslenskra námsmanna verði greidd út mánaðarlega.

Varað við hálku og hálkublettum víða um land

Varað er við hálku og hálkublettum víða á landinu. Á Suðurlandi eru hálkublettir frá Selfossi og austur að Hvolsvelli og á Norðurlandi eru hálkublettir á Öxnadalsheiði og hálka er um Lágheiði.

Mun færri ættleiddir í fyrra en árin á undan

Umtalsvert færri einstaklingar voru ættleiddir hér á landi í fyrra miðað við árin á undan.

Miklir skógreldar við Los Angeles - 12.000 flýja heimili sín

Miklir skógareldar geysa nú í nágrenni Los Angeles í Kaliforníu. Tveir hafa látist og 12.000 manns hafa flúið heimili sín vegna eldanna.

Tveimur bílum stolið fyrir norðan

Tveimur bílum var stoðið í umdæmi lögreglunnar á Akureyri í gær og fundust þeir báðir í nótt.

Efnahagsáætlun í smíðum vegna viðræðna við IMF

Íslensk stjórnvöld vinna nú að efnahagsáætlun sem lögð verður til grundvallar í viðræðum við Alþjóðagjaldeyrissjóðinn (IMF).

Stríð milli glæpagengja í Kaupmannahöfn blossar upp að nýju

Stríðið milli Hells Angels og glæpagengja af annarri kynslóð nýbúa í Kaupmannahöfn blossaði aftur upp seint í gærkvöldi og nótt.

Samfylkingarmenn á Akureyri lýsa yfir stuðningi við sjónarmið Ingibjargar Sólrúnar

Jafnaðarmenn á Akureyri lýsa yfir fullum stuðningi við þau sjónarmið sem formaður flokksins Ingibjörg Sólrún Gísladóttir hefur nýverið sett fram um Evrópusambandið.

Obama boðar aðgerðir í atvinnu- og húsnæðismálum

Skattaívilnanir fyrir fyrirtæki sem skapa störf og aðstoð fyrir þá sem eiga í greiðsluerfiðleikum vegna húsnæðismála var meðal þess sem Barack Obamba, forsetaframbjóðandi demókrata, kynnti sem björgunaráætlun sína fyrir millistéttina í Bandaríkjunum.

Á von á tíðindum í þessari viku

„Ef við leitum til Alþjóðagjaldeyrissjóðsins á ég ekki von á öðru en að okkur verði tekið ágætlega," segir Árni Mathiesen fjármálaráðherra. Árni er staddur á ársfundi Alþjóðagjaldeyrissjóðsins, sem haldinn er í Washington. Hann tekur þó fram að enn sé ekki búið að taka ákvörðun um að leita eftir aðstoð.

Dyravörður dæmdur fyrir kjaftshögg

Héraðsdómur Austurlands hefur dæmt karlmann í tveggja mánaða skilorðsbundið fangelsi fyrir að hafa í starfi sem dyravörður á veitingastað á Reyðarfirði slegið annan mann hnefahögg í andlitið þannig að hliðarframtönn brotnaði.

Námsmenn erlendis enn í vandræðum með millifærslur

Þrátt fyrir fyrirheit forsætisráðherra um að gjaldeyrisviðskipti séu að komast í eðlilegt horf geta námsmenn í útlöndum enn ekki fengið millifærslur frá íslenskum bönkum og kaupmenn ekki leyst út vörur frá birgjum.

Fullyrða að búið sé að óska eftir aðstoð Alþjóðagjaldeyrissjóðsins

Reuters fréttastofan fullyrðir að íslensk stjórnvöld hafi formlega óskað eftir fjárhagsaðstoð frá Alþjóðagjaldeyrissjóðnum til að fást við fjármálakreppuna sem ríkir.

Atvinnuleysi eykst í október

Rúmlega þrjúþúsnd einstaklingar eru atvinnulausir á Íslandi í dag. Þetta eru tæplega þúsund fleiri en voru atvinnulausir að meðaltali í síðasta mánuði en þá var atvinnuleysi á Íslandi 1,3%. Á höfuðborgarsvæðinu eru 1.935 einstaklingar skráðir atvinnulausir. Þetta kemur fram á vef Vinnumálastofnunnar.

ASÍ kemur á fót sérstakri aðgerðastjórn vegna efnahagsástands

Alþýðusamband Íslands hefur komið á fót sérstakri aðgerðarstjórn með þátttöku landssambanda og stærstu félaga innan hreyfingarinnar.

Mosfellsbær opnar ráðgjafartorg

Vegna sérstakra aðstæðna í þjóðfélaginu hefur Mosfellbær í samráði við ýmsa aðila í bæjarfélaginu opnað ráðgjafartorg. ,,Markmiðið með ráðgjafartorginu er að samræma þjónustu og auðvelda aðgang að þjónustu og ráðgjöf á vegum aðila í Mosfellsbæ," segir í tilkynningu.

Sektaður fyrir vörslu fíkniefna

Héraðsdómur Reykjavíkur hefur sektað karlmanna um rúmar 80 þúsund krónur fyrir að hafa í tvígang í desember í fyrra verið gripinn með hass í miðborginni.

Vg vill tafarlausa rannsókn á viðskiptum bankastjórnenda

Þingflokkur Vinstri - grænna hefur sent skilanefndum bankanna þriggja, Glitnis, Kaupþings og Landsbankans, bréf þar sem þess er krafist að þær beiti sér fyrir því að tafarlaust fari fram fari ítarleg rannsókn á öllum viðskiptum stærstu eigenda nefndra banka, bankaráðsmanna, bankastjóra og æðstu stjórnenda síðastliðna 12 mánuði, þar með töldum viðskiptum með hlutabréf.

,,Það er allt í góðu lagi á Bakka"

Umhverfismat fyrir Bakkaálver er í eðlilegu ferli, að sögn umhverfisráðherra. Þingmaður Sjálfstæðisflokksins spurði Þórunni á Alþingi fyrr í dag hvort það komi til greina að hennar hálfu að draga til baka ákvörðun um heilstætt umhverfismat vegna fyrirhugaðs álvers á Bakka.

Vegurinn um Hólmaháls opnaður á ný

Lögregla á Eskifirði hefur opnað á ný veginn um Hólmaháls en þar fór olíuflutningabíll út af veginum um hádegisbil.

Vill greiða fyrir útflutningi bíla

Geir H. Haarde forsætisráðherra vill að greitt verði fyrir því að hægt verði að flytja úr landi bíla sem í ljós hefur komið að ekki er þörf fyrir í landinu. Þetta sagði hann í svari við fyrirspurn varaþingmannsins Sigríðar Andersen úr Sjálfstæðisflokknum.

Geir ósammála Ingibjörgu um ESB og fortíðina

Geir H. Haarde forsætisráðherrra er ósammála Ingibjörgu Sólrúnu Gísladóttur utanríkisráðherra um að það jafngildi því að fara aftur til fortíðar að vilja ekki ganga í ESB. Þetta kom fram í svari hans við fyrirspurn Kristins H. Gunnarssonar, þingmanns Frjálslynda flokksins.

Ríkisendurskoðun fylgist með ráðstöfun bankafjár

Þingflokkur Vinstrihreyfingarinnar - græns framboðs hefur sent forseta Alþingis og forsætisnefnd þingsins bréf þar sem farið er fram á að Ríkisendurskoðun verði tafarlaust falið að kanna með hvaða hætti stofnunin skuli nú koma sem endurskoðunar- og eftirlitsaðili að ráðstöfun þeirra miklu fjármuna sem nú séu komnir í ríkisins hendur með yfirtöku bankanna.

Rasmussen segir dönsku krónuna Dönum dýrkeypta

Anders Fogh Rasmussen, forsætisráðherra Danmerkur, segir að það sé Dönum dýrt að standa fyrir utan myntsamstarf Evrópusambandsins, það sýni atburðir liðinna daga.

Bretar lána Landsbankanum hundrað milljónir punda

Bresk stjórnvöld ætla að lána Landsbankanum hundrað milljónir punda, jafnvirði um 20 milljarða króna, til þess að sjá til þess að breskir viðskiptavinir bankans fái þá fjármuni sem þeir lögðu í bankanna aftur.

Obama kynnir stefnumörkun í efnahagsmálum í dag

Barack Obama, forsetaframbjóðandi demókrata, mun síðar í dag kynna áætlun sína um það hvernig bjarga eigi bandarísku efnahagslífi úr þeim hremmingum sem nú standa yfir. Svohljóðandi tilkynning barst úr herbúðum hans fyrr í dag og sagt að um meiri háttar stefnumörkunarræðu væri að ræða.

Segir gróðahyggju vera sökudólginn

Árni Þór Sigurðsson, þingmaður VG, segir að samfélagið hafi orðið fyrir áfalli og standi á krossgötum. Sökudólgurinn er að hans mati ekki einhver einn eða nokkrir einstaklingar heldur hugmyndafræði og pólitísk stefna.

Fimm þúsund lítrar láku úr olíubíl

Talið er að fimm þúsund lítrar af svartolíu hafi lekið úr olíubíl sem valt á veginum um Hólmaháls milli Reyðarfjarðar og Eskifjarðar um hádegisbil í dag.

Bönkum bjargað um alla Evrópu

Það fjölgar ört í hópi þeirra Evrópuríkja sem grípa til aðgerða til að bjarga bönkum með innspýtingu í fjármálakerfið.

Skemmdarvargar og þjófar á ferð á Suðurlandi

Nokkuð var um skemmdarverk og þjófnaði í umdæmi lögreglunnar á Selfossi um helgina og í nótt. Þannig var brotist inn í tískuverslunina Lindina á Selfossi í nótt og skiptimynt stolið úr peningakassa.

Olíubíll valt á Hólmahálsi

Vegurinn um Hólmaháls milli Reyðarfjarðar og Eskifjarðar er lokaður sem stendur eftir að olíubíll valt á hálsinum. Ekki hafa fengist upplýsingar um hugsanleg meiðsl eða tjón en Vegagerðin segir óvíst hversu lengi vegurinn verður lokaður.

Útilokar ekki aðkomu IMF

Þingflokksformaður Sjálfstæðisflokksins telur ólíklegt að flokkurinn breyti um stefnu í Evrópumálum. Arnbjörg Sveinsdóttiir útilokar ekki að stjórnvöld biðji Alþjóðagjaldeyrissjóðinn um efnahagsaðstoð.

Ekki búist við jafnharkalegum skelli hjá Glitni og Landsbankanum

Uppsagnir eru yfirvofandi hjá Glitni og búist við að tilkynnt verði um þær í dag eða á morgun. Mikil óvissa er sögð ríkja meðal starfsfólks bankans.

Höfum fjórum sinnum leitað til IMF

Fjármálráðherra segir það ekki koma í ljós fyrr en í næstu viku hvort sótt verður um aðstoð Alþjóðagjaldeyrissjóðsins.

SI vilja að aðföng og hráefni fyrir iðnað verði tryggð

Samtök iðnaðarins hafa óskað eftir því við Seðlabanka Íslands og bankastofnanir að gjaldeyrisskömtun sem gripið var til á föstudag bitni ekki íslenskum iðnaði sem í senn spari og afli þjóðinni nauðsynlegs gjaldeyris.

Fjórir fíkniefnasalar handteknir

Lögreglan á höfuðborgarsvæðinu handtók á föstudag fjóra karlmenn milli tvítugs og þrítugs í aðgerðum gegn sölu og dreifingu ólöglegra fíkniefna.

Samkomulag um sundlaug Lilju Pálma

Guðmundur Guðlaugsson sveitarstjóri Sveitarfélagsins Skagafjarðar og fulltrúar frá verktakafyrirtækinu Sveinbjörn Sigurðsson hf. undirrituðu sl. föstudag samning um að fyrirtækið byggi sundlaug í Hofsósi.

Krugman hlýtur Nóbelsverðlaun í hagfræði

Bandaríkjamaðurinn Paul Krugman hlýtur Nóbelsverðlaunin í hagfræði í ár fyrir greiningu á viðskiptamynstrum og fyrir að staðsetja virkni í efnahagslífi eins og Nóbelsnefndin orðar það.

Forgangsatriði að tryggja traust á mörkuðum

Framkvæmdastjórn Evrópusambandsins segir það forgangsatriði að endurvekja traust á evrópskum mörkuðum en það sé óumflýjanlegt að fjárhagsleg skilyrði Evrópusambandsríkjanna versni.