Segir ekki útilokað að kosið verði á næstu mánuðum

Björn Bjarnason dómsmálaráðherra segist ekki sjá nauðsyn til þess að endurskoða stjórnarsáttmála Sjálfstæðisflokks og Samfylkingarinnar þrátt fyrir þau áföll sem dunið hafa á íslensku efnahagskerfi. Í þætti Sigmundar Ernis Rúnarssonar, Mannamáli, sagði hann að ríkisstjórnarsamstarfið hefði styrkst að undanförnu. Hins vegar sagði hann ekki hægt að útiloka að gengið yrði fyrr til kosninga, í vetur eða næsta vor.

Slasaðist á fjórhjóli í Sandvík

Maður slasaðist í dag á fjórhjóli í Sandvík á Reykjanesi. Slysið varð um miðjan dag og fór lögregla ásamt sjúkrabifreið á staðinn og sótti manninn.

Engin niðurstaða í Írak

Stjórnmálaleiðtogar í Írak reyndu í dag árangurslaust að komast að niðurstöðu um framtíð Bandaríska hersins í landinu. Drög að sáttmála gera ráð fyrir því að Bandarískt herlið verði í þrjú ár til viðbótar en margir háttsettir menn í Írak hafa efasemdir um hugmyndina.

Best að taka knapann af áður en hrossakjöt er eldað

Galdurinn við að elda hrossakjöt er að taka fyrst knapann af - og ofelda ekki, segir Friðrik fimmti veitingamaður sem matreiddi hross ofan í skagfirska hestamenn í gærkvöldi. Skagfirðingar vilja auka sölu á þessu vannýtta keti í kreppunni.

Berjast fyrir bættri ímynd í Bretlandi

Hópur manna hefur tekið sig saman og ætlar að berjast fyrir bættri ímynd Íslands í Bretlandi. Um er að ræða fólk sem hefur góð tengsl við Bretland, hefur menntað sig þar og búið, á þar vini og þekkir fólk í lykilstöðum.

Hlé gert á fundum í bili - þráðurinn tekinn upp síðar í kvöld

Fundarhöldum er lokið í ráðherrabústaðnum í bili. Jón Þór Sturluson, aðstoðarmaður viðskiptaráðherra segir í samtali við Vísi að engin niðurstaða liggi fyrir en eins og greint var frá í dag hafa ráðherrar fundað með ráðgjöfum sínum og fulltrúum Alþjóðagjaldeyrissjóðsins. Jón Þór segir að áfram verði fundað í kvöld en að niðurstöðu sé ekki að vænta um aðstoð frá IMF að sinni. Hugsanlega skýrist hlutirnir í fyrramálið. Jón sagði þó að málið væri í góðum farvegi.

Össur: Samfylking hefur lagt þunga áherslu á aðstoð frá IMF

Össur Skarphéðinsson, iðnaðarráðherra, segir að Samfylkingin hafi lagt á það þunga áherslu að ríkisstjórnin leiti aðstoðar Alþjóðagjaldeyrissjóðsins til þess að bregðast við þeim áföllum sem riðið hafa yfir íslenskt efnahagslíf. Þetta kom fram á fundi sem Samfylkingin hélt á Grand hóteli í dag. Ingibjörg Sólrún Gísladóttir mætti á fundinn en hún hefur verið fjarverandi vegna erfiðra veikinda. Flokksmenn tóku á móti formanni sínum með lófataki og buðu hana velkomna til starfa á ný.

Albínóar í Tansaníu mótmæla ofsóknum

Albínóar í Tansaníu komu í gær saman á mótmælafundi í borginni Dar es Salaam þar sem aðgerðaleysi ríkisstjórnarinnar í ofsóknum gegn albínóum var mótmælt.

Talibanar myrtu tuttugu og sjö í Kandahar

Talibanar í Afganistan myrtu á dögunum 27 menn sem voru um borð í þremur rútum í Kandahar héraði. Talsmaður Talibana lýsti yfir ábyrgð á verknaðinum en þeir fullyrða að hinir myrtu hafi allir verið stjórnarhermenn.

Jón Baldvin: Davíð stendur harðast gegn aðstoð frá IMF

Jón Baldvin Hannibalsson, fyrrverandi utanríkisráðherra, segir að það sem standi helst í vegi fyrir því að Íslendingar sæki um aðstoð hjá Alþjóðagjaldeyrissjóðnum (IMF), sé andstaða Davíðs Oddssonar, seðlabankastjóra.

Colin Powell styður Obama

Colin Powell, fyrrverandi utanríkisráðherra í ríkisstjórn George W. Bush, lýsti í morgun yfir stuðningi við Barack Obama í komandi kosningum. Powell var gestur í þættinum Meet the Press á NBC sjónvarpsstöðinni og þar sagðist hann styðja Obama.

Ráðist á lögreglumenn í nótt

Ráðist var á tvo lögreglumenn að tilefnislausu í Hraunbænum í nótt. Sparkað var í höfuð annars þeirra þar sem hann lá í götunni og hlaut hann skurð á höfuð. Tildrög málsins voru þau að kvartað var yfir hávaða frá íbúð í Hraunbæ klukkan rúmlega eitt í nótt og mættu tveir lögreglumenn á staðinn og mæltust til þess að dregið yrði úr hávaðanum.

Tvöföld Reykjanesbraut vígð í dag

Kristján L. Möller samgönguráðherra opnar klukkan tvö í dag síðasta kaflann í tvöföldun Reykjanesbrautar við Stapahverfi í Reykjanesbæ og vígja þar með tvöfalda Reykjanesbraut frá Hafnarfirði til Njarðvíkur. Að vígslu lokinni verður umferð hleypt á þenna síðasta kafla, hálfum mánuði á undan áætlun.

Jarðskjálfti skók Tonga

Öflugur jarðskjálfti sem mældist sjö komma einn á Richter skók eyjuna Tonga í afskekktari hluta Suður Kyrrahafs í nótt. Byggingar í höfuðborginni Nukualufa hrystust í tvær mínútur meðan skjálftinn reið yfir.

„Sameignin er gjörónýt“

Björk Felixdóttir var vakin af reykskynjurunum á stigagangi Vesturbergs 100 en hún er á meðal íbúa í blokkinni þar sem eldur kom upp í nótt. Hún segir þetta óskemmtilega lífsreynslu að lenda í en er þakklát fyrir að ekki fór ver.

Tuttugu handteknir í miðbænum í nótt

Um tuttugu manns gistu fangageymslur lögreglu í nótt en mikill erill var í miðbænum að sögn lögreglu. Að minnsta kosti þrjár líkamsárásir voru bókaðar hjá lögreglunni í nótt en engin þeirra þykir alvarleg að sögn lögreglu. Þeir sem gistu fangageymslur voru handteknir fyrir ólæti, óspektir og slagsmál.

Þrír teknir í Reykjanesbæ

Þrír voru teknir í Reykjanesbæ grunaðir um akstur undir áhrifum. Einn var tekinn snemma í gærkvöldi grunaður um fíkniefnaakstur og nú undir morgun voru tveir ökumenn stöðvaðir í Reykjanesbæ grunaðir um akstur undir áhrifum áfengis. Þeir voru þeir sviptir ökuréttindum til bráðabirgða.

Eldur í fjölbýlishúsi í Breiðholti í nótt

Eldur kom upp í fjölbýlishúsi í Vesturbergi í nótt um klukkan hálffjögur. Allt tiltækt slökkvilið var sent á vettvang enda lagði töluverðan reyk frá húsinu á öllum hæðum. Reykkafarar fóru innn í húsið en íbúar voru beðnir um að halda sig úti á svölum. Átta íbúðir eru í húsinu og var skilaboðum komið til íbúa með gjallarhornum og í gegnum SMS skilaboð.

McCain segir skattastefnu Obama sósíalíska

Baráttan um forsetaembættið Bandaríkjunum tók á sig nýja mynd í dag þegar John McCain, forsetaframbjóðandi repúblikana, lýsti því yfir að áherslur keppinautarins Baracks Obama í skattamálum bæru keim af sósíalisma. Eftir því sem bandarískir miðlar greina frá er slíkt mikið hnjóðsyrði þar í landi.

Grindavíkurvegur lokaður í kvöld vegna tankflutnings

Grindavíkurvegur verður lokaður í kvöld frá afleggjaranum að Bláa lóninu að Seltjörn á milli klukkan 21 og 22.30 vegna þess að verið er að flytja 90 tonna mjöltank eftir veginum.

Hundur Pútíns prófaði staðsetningaról

Labrador Pútíns, forsætisráðherra Rússlands, fékk í dag að prufa ól sem tengd er nýju gervihnattastaðsetningarkerfi sem Rússar eru að þróa.

Fjórir sluppu án teljandi meiðsla í bílveltu í Hafnarfirði

Fernt slapp án teljandi meiðsla þegar bíll valt á Kaldárselsvegi fyrir ofan Klettahlíð í Hafnarfirði um áttaleytið í kvöld.

Leynigöng til sölu í Lundúnum

Breska símafyrirtækið BT hefur boðið til sölu jarðgöng sem voru grafin í miðborg Lundúna á þrjátíu metra dýpi árið 1940 og nota átti sem loftvarnarskýli ef ráðist yrði á borgina.

Í kappakstri á Garðvegi á 150

Lögreglan á Suðurnesjum stöðvaði tvær bifreiðar á Garðvegi um miðjan dag á 151 kílómetra hraða. Telur lögregla að ökumennirnir hafi verið í kappakstri á veginum.

Gríðarleg upplýsingavinna vegna hruns bankanna

Upplýsingavinna vegna hruns bankanna er líklega mikilvægasta verkefni sem unnið hefur verið í utanríkisráðuneytinu, segir upplýsingafulltrúi ráðuneytisins. Fjölmargir starfsmenn þess hafa lagt önnur störf til hliðar og einbeita sér að þessu verkefni.

Meintur höfuðpaur í verksmiðjumáli afplánaði aðeins fjórðung dóms

Grunaður höfuðpaur í fíkniefnaverksmiðjunni í Hafnarfirði var frjáls maður einu og hálfu ári eftir að Hæstiréttur dæmdi hann í sex ára fangelsi. Föðursystir hans vann hjá Fangelsismálastofnun og er sögð hafa beitt sér í hans þágu.

Tilbúinn að skoða leiðir til að koma til móts við fólk með verðtryggð lán

Viðskiptaráðherra er reiðubúinn að skoða allar færar leiðir til að koma til móts við fólk með verðtryggð lán. Formaður Frjálslynda flokksins lagði til í morgun að verðtrygging lána verði stöðvuð næstu þrjá mánuðina.

Þrír fluttir á sjúkrahús eftir harðan árekstur

Þrír voru fluttir á slysadeild eftir harðan árekstur tveggja bíla á gatnamótum Breiðholtsbrautar og Vatnsendahvarfs laust fyrir klukkan sex.

Kreppufundur iðnríkja verður í Bandaríkjunum

Leiðtogafundur átta helstu iðnríkja heims og fleiri ríkja vegna fjármálakreppunnar mun fara fram í Bandaríkjunum og mun George Bush Bandaríkjaforseti tilkynna um það síðar í dag.

Maður talinn hafa myrt konu sína og börn í Finnlandi

Fjögurra manna fjölskylda fannst látin í bænum Uleåborg í norðvesturhluta Finnlands fyrr í dag.

Nauðgaði unglingsstúlku við Ráðhústorgið í Kaupmannahöfn

Túnisbúi er í haldi lögreglunnar í Kaupmannahöfn eftir að hann nauðgaði 17 ára stúlku við Ráðhústorgið í nótt.

Ráðherrar funduðu í Stjórnarráðinu

Fjórir ráðherrar ríkisstjórnarinnar funduðu í dag í stjórnarráðinu. Auk Geirs H. Haarde forsætisráðherra sátu Björgvin G. Sigurðsson viðskiptaráðherra, Össur Skarphéðinsson, iðnaðarráðherra og starfandi utanríkisráðherra og Árni M. Mathiessen fjármálaráðherra fundinn.

Býður fram höfuðstöðvar SÞ fyrir krísufund iðnríkja

Ban Ki-moon hefur boðið fram höfuðstöðvar Sameinuðu þjóðanna í New York sem hentugan fundarstað fyrir fund átta helstu iðnríkja heims og fleiri stórra ríkja um fjármálakreppuna.

Boða aftur mótmæli eftir viku

Talið er að nokkur hundruð manns hafi komið saman á Austurvelli klukkan þrjú í dag þar sem fram fóru mótmæli og þess var krafist að Davíð Oddssyni seðlabankastjóra yrði vikið frá störfum.

Segja viðskiptaráðherra hafa gefið afsvar án þess að hafa allar upplýsingar

Forsvarsmenn lífeyrissjóðanna, sem óskað höfðu eftir viðræðum um kaup á hlut í Kaupþingi, fullyrða að Björgvin G. Sigurðsson viðskiptaráðherra hafi gefið afsvar um málið án þess að hafa vitað um heildstætt áhættumat lífeyrissjóðanna vegna kaupanna.

Fjölmenni á Austurvelli í mótmælum gegn Davíð

Mikill fjöldi fólks er nú saman kominn á Austurvelli þar sem fram fara mótmæli og þess er krafist að Davíð Oddssyni seðlabankastjóra verði vikið frá störfum.

Lokið við að taka niður fíkniefnaverksmiðju í dag

Lögreglan á höfuðborgarsvæðinu lýkur í dag við að taka niður fíkniefnaverksmiðjuna í Hafnarfirði sem flett var ofan af í fyrradag.

Segir Evrópu hafa breyst og kallar eftir samstöðu

Guðni Ágústsson, formaður Framsóknarflokksins, gerir ekki athugasemdir við að áhugahópur innan flokksins um Evrópumál hafi látið gera skoðanakönnun á fylgi við Evrópusambandsaðild og segir frelsi í flokknum. Hann telur hins vegar að við núverandi aðstæður hugsi menn fyrst og fremst um það hvernig íslensk þjóð muni bjarga sér.

Stjórnvöld semji við alþjóðlegt almannatengslafyrirtæki

Almannatengslafélag Íslands hefur sent forsætisráðuneytinu bréf þar sem lagðar eru fram hugmyndir að almannatengslum fyrir Íslands vegna þeirra erfiðleika sem við er að etja í útlöndum.

UJ krefst þess að ríkisstjórnin stefni að inngöngu í ESB

Ungir jafnaðarmenn krefjast þess að ríkisstjórnin stefni að inngöngu í Evrópusambandið og segja að það sé lykillinn að endurreisn Íslands.

Ráðist gegn rússnesku herliði í Ingúsetíu

Árás var gert á rússneskt herlið í hinu róstursama héraði Ingúsetíu í norðurhluta Kákasusfjalla í dag.

Engin kreppa í koníakinu - Báðar flöskurnar seldar

Þær voru ekki lengi að fara tvær dýrustu áfengisflöskur landsins eftir að Stöð 2 fjallaði um þær í fréttum sínum í gær.

Aðrar þjóðir geta hugsanlega lært af Íslendingum ef vel tekst til

Ingibjörg Sólrún Gísladóttir utanríkisráðherra segir að ef Íslendingum takist að leysa efnahagsvandann á öruggan hátt geti aðrar þjóðir hugsanlega horft til þess. Þetta kom fram í viðtali við hana í Markaðnum á Stöð 2 í morgun.

Enginn á ofurlaunum í Nýja Glitni

Birna Einarsdóttir, bankastjóri Nýja Glitnis, segir að algjörlega ný launauppbygging sé í hinum nýja banka og þar sé enginn maður á ofurlaunum. Í samtali við fréttamann Markaðarins vildi hún hins vegar ekki gefa upp eigin laun.

Dýrasta koníaksflaska landsins seld í kreppunni

Dýrasta áfengisflaska á Íslandi seldist í gær,örfáum mínútum eftir að Stöð 2 greindi frá henni.