Árásin í Barónsstíg upplýst

Ungur maður skarst illa á hendi á gatnamótum Barónsstígs og Hverfisgötu um hálf fimm í gærdag á sama tíma og tugir þúsunda tóku þátt í Gleðigöngu Hinsegin daga. Árásin hafði þó ekkert með hátíðarhöldin að gera heldur mun hafa slegist í brýnu á milli tveggja hópa ungmenna.

Skorinn á háls í Lækjargötu

Lögregla leitar nú tveggja manna sem réðust að manni og skáru hann á háls með brotinni flösku um fjögurleytið í morgun. Vitni voru að árásinni sem átti sér stað í Lækjargötu og er rannsókn lögreglu í fullum gangi. Fórnarlambið hefur verið útskrifað af spítala en að sögn vaktstjóra hjá lögreglu missti hann mikið blóð enda sárið stórt á hálsi fyrir neðan eyra. „Þetta leit illa út á tímabili," segir vaktstjórinn.

Fjórði maðurinn handtekinn í hnífstungumálinu

Lögreglan handtók í kvöld fjórða mannin í tengslum við hnífstunguna á Barónsstíg í dag. Að sögn lögreglu var maðurinn handtekinn eftir ábendingu vitna sem sáu atburðinn í dag. Fyrr í dag voru þrír ungir menn handteknir, grunaðir um verknaðinn og eru yfirheyrslur yfir þeim í gangi. Vaktstjóri hjá lögreglu segist búast við því að málið verði klárað í kvöld.

Er Maddý í Belgíu?

Lögregla rannsakar nú sögur þess efnis að Madeleine McCann hafi sést í Belgíu. Að því er fréttastofa SKY greinir frá á stúlkan, sem hvarf af hótelherbergi í Portúgal í fyrra, að hafa sést í banka í Brussel í fylgd konu sem virtist vera frá Norður Afríku.

Líklegt að sættir náist í Zimbabve á morgun

Líklegt þykir að það dragi til tíðinda í Zimbabve á morgun en búist er við að sættir náist á milli Róberts Mugabe forseta landsins og Morgan Tsvangirai sem bauð sig fram gegn honum á dögunum. Reuters greinir frá því að samningaviðræður þeirra í millum hafi gengið vel og að von sé á yfirlýsingu þess efnis að þeir hyggist stjórna landinu í sameingu. Búist er við því að náist samningar muni Mugabe áfram verða forseti landsins en að Tsvangirai verði útnefndur forsætisráðherra.

Flugeldar á Jökulsárlóni í kvöld

Hin árlega flugeldasýning að Jökulsárlóni er í kvöld og hefst sýningin á miðnætti. Á heimasíðu Hornafjarðar er haft eftir Einari Birni Einarssyni staðarhaldara að sýningin verði með svipuðum hætti og undanfarin ár. „Flugeldum er skotið upp af jökum vítt og bereitt um lónið og við það skartar það sínu fegursta,“ segir á síðunni.

Frakkar hvetja Rússa til að fallast á vopnahlé

Frakkar, sem fara með forsæti í Evrópusambandinu þessa stundina, hvetja Rússa til þess að samþykkja vopnahlé sem Georgíumenn hafa boðið í Suður-Ossetíu. Í yfirlýsingu frá forsætisnefnd sambandsins segir að vopnahléstilboði Georgíumanna beri að fagna og að Rússar eigi að taka því þegar í stað.

Enn allt á huldu um ástæðu árásar á Barónsstíg

Lögrregla yfirheyrir nú mennina sem lentu í áflogum á gatnamótum Barónsstígs og Hverfisgötu í dag með þeim afleiðingum að einn skarst illa á hendi. Enn er ekki komið í ljós hvað olli átökunum. Þrír eru í haldi lögreglu og segir vaktstjóri að málsaðilar séu allir ungir að aldri, 17 og 18 ára gamlir. Á heimasíðu DV í dag var sagt að um uppgjör tveggja hópa af erlendum uppruna hafi verið að ræða en vaktstjóri segir það ekki rétt, hinir handteknu séu allir Íslendingar og fórnarlambið sömuleiðis.

Gísli Marteinn: Kemur til greina að setja meira fé í Strætó

Gísli Marteinn Baldursson borgarfulltrúi í Reykjavík segir það koma til greina að sveitarfélögin á höfuðborgarsvæðinu setji meira fé í Strætó. Um 300 milljónir króna vantar í rekstrarfé hjá fyrirtækinu og tillögur liggja fyrir um að skerða þjónustu.

Bauð upp á birkivín frá Hallormsstaðarskógi

Danskur skógræktarmaður bauð upp á nýbruggað birkivín í Hallormsstaðaskógi fyrir austan í gær. Birkivínið fæst úr safa birkitrjánna í Hallormsstaðaskógi og í sólskininu í gær var kominn tími til að bragða á uppskerunni. Morten Leth er með ýmsar bragðtegundir. Fréttaritara Stöðvar tvö fannst sítrónuvínið skást; passa kanski með fiski.

Skarst á hendi í átökum á mótum Barónsstígs og Hverfisgötu

Lögregla og sjúkralið voru kölluð að mótum Barónsstígs og Hverfisgötu klukkan hálf fimm í dag. Svo virðist vera sem komið hafi til handalögmála á milli nokkurra manna og annars, sem endaði með því að hann var fluttur á slysadeild með stungusár á hendi.

Vesturveldin reyna að stilla til friðar

Sameiginleg sendinefnd Evrópusambandsins, Bandaríkjanna og NATÓ heldur til Georgíu í kvöld til þess að reyna að stilla til friðar í deilum Rússa og Georgíumanna í Suður-Ossetíu og Abkasíu. Þetta hefur fréttastofa SKY eftir Des Brown, varnarmálaráðherra Breta og segir hann markmiðið að koma á vopnahléi milli stríðandi fylkinga. Georgíumenn hafa lýst yfir stríðsástandi í landinu og segjast þeir hafa brotið á bak aftur árásir í Abkasíu en að bardagar séu enn í gangi við rússneska hermenn í Suður-Ossetíu.

Rektor gagnrýnir aðgengi fatlaðra að háskólum hér á landi

Í dag útskrifaði Keilir, miðstöð vísinda fræða og atvinnulífs, sína fyrstu nemendur. Runólfur Ágústsson, rektor skólans gagnrýndi í útskriftarræðu sinni aðgengi fatlaðra að háskólanámi hér á landi. Hann benti á að þeir skólar sem taki inn fatlaða nemendur, þurfi sjálfir að bera af slíku verulegan kostnað. Runólfur tók dæmi af Keili, en kostnaður skólans vegna aðkeyptrar túlkaþjónustu frá Samskiptamiðstöð heyrnalausra hleypur að hans sögn á milljónum króna næsta háskólaár.

Allt að fjörutíu þúsund manns í Gleðigöngunni

Mikið fjölmenni er nú í miðborg Reykjavíkur en Gleðiganga Hinsegin daga hófst á Hlemmi klukkan tvö. Blíðskaparveður er í bænum og áætlar lögreglan að 30 til 40 þúsund manns hafi lagt leið sína í miðbæinn af því tilefni. Gangan þykir aldrei hafa verið glæsilegri og taka um fjörutíu atriði þátt í henni. Þetta er í tíunda sinn sem Hinsegin dagar eru haldnir í Reykjavík.

Rússar segja Georgíumenn stunda þjóðarmorð

Erindreki Rússa hjá NATÓ segir að Georgíumenn stundi þjóðernishreinsanir og þjóðarmorð á íbúum Suður-Ossetíu. Hann segir að átökin sem magnast hafa þar síðustu daga sé ekki hægt að kalla neitt annað en Rússneskir hermenn hafa barist við Georgíumenn sem reynt hafa að ná völdum í héraðinu sem lýst hefur yfir sjálfsstæði frá Georgíu. Suður-Ossetar hafa notið stuðnings Rússa í baráttu sinni fyrir sjálfstæði.

Réttargæslumaður konunnar sammála lögreglu

Þórdís Bjarnadóttir, lögmaður, er sammála yfirmanni kynferðisbrotadeildar höfuðborgarlögreglunnar sem sagði í viðtali við Fréttablaðið að nálgunarbann eigi að vera undir lögreglu komið. Hæstiréttur hafnaði á dögunum kröfu lögreglu um að framlengja nálgunarbann gagnvart manni sem grunaður er um að hafa ítrekað beitt konu sína grófu ofbeldi og misnotað hana kynferðislega. Þórdís er réttargæslumaður konunnar.

Lokahönd lögð á undirbúning fyrir Hinsegin daga

Undirbúningur fyrir gleðigöngu Hinsegin daga var í hámarki nú rétt fyrir hádegisfréttir þegar tugir sjálfboðaliða lögðu lokahönd á 30 metra orm með rúmlega tvö þúsund helíumblöðrum í öllum regnbogans litum.

Átök einnig hafin í Abkasíu

Átökin í Georgíu virðast nú vera að breiðast út en nýjustu fregnir hermað að herflugvélar hafi gert sprengjuárásir á landamærum Georgíu og Abkasíu. Abkasía er, líkt og Suður-Ossetía, sjálfstjórnarsvæði innan landamæra Georgíu sem lýst hefur yfir sjálfstæði.

Drap mann og kastaði sér í dauðann

Bandaríkjamaður lét lífið þegar kínverskur maður á fimmtugsaldri réðst á hann og tvo aðra í Pekíng í morgun. Árásarmaðurinn svipti sig lífi eftir árásina með því að stökkva út af háhýsi. Ekki er ljóst hvert tilefni árásarinnar var.

Teknir í Leifsstöð

Lögreglan á Suðurnesjum handtók í nótt þrjá aðila í tveimur aðskildum málum vegna fíkiniefnamisferlis. Allir voru þeir með tóbaksblandað hass í fórum sínum. Einn mannana var handtekinn í Reykjanesbæ en hinir tveir í Flugstöð Leifs Eiríkssonar. Þeir tveir síðarnefndu fengu gistingu hjá lögreglu þar sem þeir voru ekki í ástandi til að vera innan um almenning.

Átök magnast í Suður-Ossetíu

Rússneski flugherinn hefur í nótt gert loftárásir á herstöðvar í borginni Gori í Georgíu á meðan georgíski herinn berst við uppreisnarmenn í Suður-Ossetíu. Fjölmargir óbreyttir borgarar hafa fallið. Fréttamenn hafa séð sært fólk flutt í ofboði úr íbúðarbyggingum sem hafa orðið fyrir sprengjum. Sergei Lavrov utanríkisráðherra Rússlands segir að 1500 manns hafi látið lífið.

Bílbruni í Álftamýri

Tveir bílar brunnu til kaldra kola í Álftamýri í nótt og sá þriðji skemmdist nokkuð. Að sögn lögreglu kom eldurinn upp í bíl á bílastæði og læsti sig síðan í þann við hliðina. Þeir eru báðir taldir ónýtir. Eldsupptök eru ókunn. Að öðru leyti var nóttin óvenju róleg að sögn lögreglu.

Vinnutímalöggjöf gerir Iceland Express grikk

Vísi barst í kvöld hringing frá móður með þrjú börn sem beið á Akureyrarflugvelli eftir flugi Iceland Express til Kaupmannahafnar. Bilun kom upp í flugvélinni sem átti upprunalega að fara í loftið klukkan 15.30.

Clapton skemmtir í Egilshöll

Talið er að um tólf þúsund manns hafi sótt tónleika gítarleikarans og söngvarans Eric Clapton í Egilshöllinni í kvöld.

Öryggisráð SÞ boðað til neyðarfundar

Sendiherrar hjá Sameinuðu þjóðunum hafa óskað eftir nýjum neyðarfundi öryggisráðs stofnunarinnar til þess að fara yfir ástandið í Suður-Ossetíu og reyna að koma í veg fyrir að stríð brjótist út.

John Edwards hélt framhjá bráðveikri eiginkonu sinni

Demókratinn John Edwards, sem fyrr á árinu sóttist eftir að verða forsetaframbjóðandi flokksins, hefur viðurkennt framhjáhald með konu sem hann hitti á krá í New York árið 2006.

Hringvegurinn um Öxnadal opnaður á ný eftir bílslys - fimm slasaðir

Hringvegurinn hefur verið opnaður á ný við Hraun í Öxnadal en loka varð veginum á sjötta tímanum vegna áreksturs tveggja bifreiðar.

N1 dregur eldsneytishækkanir tilbaka

N1 lækkaði eldsneytisverð nú síðdegis en félagið hafði hækkað verð á bensínlítra um tvær krónur og dísilolíu um eina krónu fyrr í dag. Samsvaraði lækkunin þeirri hækkun sem varð fyrr í dag.

Umhverfisverndarsinnar fagna Búðarhálsvirkjun

Umhverfisverndarsinnar fagna því að Landsvirkjun ætli að hefja framkvæmdir við Búðarhálsvirkjun að nýju. Raforkan verður meðal annars seld álverinu í Straumsvík, sem er að undirbúa aukna framleiðslu í verinu með tæknilegum endurbótum.

Andstaða við för íslenskra ráðamanna til Kína

Samkvæmt skoðanakönnun Capasent fyrir Stöð 2 er fjórðungur þeirra sem tóku afstöðu andvígur því að Forseti Íslands og Menntamálaráðherra séu viðstaddir Ólympíuleikana í Kína.

Þjóðveginum lokað í Öxnadal

Þjóðvegurinn hefur verið lokaður í báðar áttir við Hraun í Öxnadal vegna bílslyss sem varð fyrir skömmu, samkvæmt upplýsingu frá lögreglu.

Með um fjörtíu pakkningar af amfetamíni innvortis

Lögreglan á Suðurnesjum telur að efnin, sem fundust í iðrum liðlega tvítugs Litháa sem handtekinn var í Leifsstöð við komuna til landsins í fyrra, sé amfetamín.

Ólympíueldurinn tendraður í Peking

Ólympíueldurinn var nú á fimmta tímanum tendraður á Ólympíuleikvanginum í Peking í Kína en það markar setningu Ólympíuleikanna.

Fyrrverandi og núverandi starfsmenn veitingastaðar grunaðir í hnífstungumáli

Hæstiréttur hefur staðfest gæsluvarðhaldsúrskurð yfir tveimur mönnum sem teknir voru vegna gruns um aðild að hnífstungu í miðborg Reykjavíkur. Ráðist var á erlendan karlmann aðfaranótt föstudagsins í síðustu viku og hann stunginn í bakið svo að mikið blæddi.

Rússar ráðast á Georgíumenn

Her Rússa er kominn inn í Tskhinvali, höfuðborg Suður-Ossetíu og eru byrjaðir að ráðast á Georgíumenn. Eru þetta fyrstu staðfestu átökin á milli Rússa og Georgíumanna.

Telur að ofbeldismaðurinn haldi áfram að beita ógnunum

,,Maðurinn braut nálgunarbannið þó hann hafi ekki ráðist á konuna. Hann hafði samband við hana sem honum var ekki heimilt. Ég sé engin rök fyrir því maðurinn muni ekki halda áfram að beita konuna ofbeldi."

Segja N1 skulda viðskiptavinum umtalsverða lækkun

Forsvarsmenn Félags íslenskra bifreiðaeigenda segja olíufélagið N1 skulda viðskiptavinum sínum umtalsverða lækkun á verði eldsneytis í samræmi við lækkun heimsmarkaðsverðs. Þá segir einnig í harðorðum pistli á heimasíðu FÍB að tómt mál sé að tala um þjóðarsátt fyrir daufum eyrum olíukónganna hjá N1.

Hafa áhyggjur af almennum borgurum í Suður-Ossetíu

Alþjóðlegi Rauði krossinn krefst þess að mannúðarlög séu virt í Suður-Ossetíu og hafa þungar áhyggjur af almennum borgurum á svæðinu. Átök fara harðnandi í Suður-Ossetíu á milli Georgíu og aðskilnaðarsinna og eru hermenn Rússlands á leið inn í héraðið til stuðnings aðskilnaðarsinnum.

Rússneskar sprengjuvélar inn á íslenska flugstjórnarsvæðið í gær

Tvær rússneskar sprengjuflugvélar flugu inn í íslenska flugstjórnarsvæðið í gærmorgun og fóru einn hring í kringum landið. Þær flugu þó ekki upp að ströndinni heldur stóran hring í kringum landið.

Nálgunarbanni ekki beitt nema með skýrum lagaákvæðum

Jón Steinar Gunnlaugsson, hæstaréttardómari, segir að nálgunarbanni sé ekki beitt nema með skýrum lagaákvæðum. ,,Forsendurnar eru í dómnum."

Hvetja til stillingar í Suður-Ossetíu

Evrópusambandið, Bandaríkin og Atlantshafsbandalagið hvöttu í dag deilendur í Georgíu og Suður-Ossetíu til þess að leggja strax niður vopn og hefja þess í stað viðræður.

Utanríkisráðherra í heimsókn til Vestfjarða

Ingibjörg Sólrún Gísladóttir utanríkisráðherra heldur til Vestfjarða á mánudaginn kemur til þess að funda með Fjórðungssambandi Vestfirðinga og framkvæmdastjórum sveitarfélaga.

Búðarhálsvirkjun aftur á dagskrá - orka seld til Rio Tinto Alcan

Landsvirkjun hefur ákveðið að hefja á ný framkvæmdir við Búðarhálsvirkjun í Tungná. Orkan verður seld til Rio Tinto Alcan sem mun auka framleiðslu sína í Straumsvík og til Verne Holding sem hyggst reisa netþjónabú á gamla varnarliðssvæðinu. Þetta kemur fram í tilkynningu frá félaginu.

Mjög ólíklegt að nokkur Íslendingur sé í Suður-Ossetíu

Mjög ólíklegt er að nokkur Íslendingur sé í Suður-Ossetíu þar sem stöðug átök hafa verið síðan í nótt. „Það eru nánast engar líkur á því að Íslendingar séu á svæðinu. Mjög erfitt er að komast inn í Suður-Ossetíu vegna strangrar landamæragæslu," segir Urður Gunnarsdóttir fjölmiðlafulltrúi utanríkisráðuneytisins.

Segir Jón Steinar hafa sérstakar skoðanir í kynferðisafbrotamálum

Atli Gíslason, alþingismaður og hæstaréttarlögmaður, segir að Jón Steinar Gunnlaugsson, hæstaréttardómari, hafi sérstakar skoðanir í kynferðisafbrotamálum.