Fíkniefnahundar fundu hass á heilbrigðsstofnun í borginni

Fíkniefnaleitarhundar lögreglunnar á höfuðborgarsvæðinu hafa enn og aftur sannað gildi sitt undanfarna daga.

Picasso verkum stolið úr sýningarsal

Tveimur málverkum eftir Pablo Picasso var stolið af svissneskri listasýningu á verkum meistarans á miðvikudag. Verkunum var stolið eftir lokun sýningarsalarins í bænum Pfaeffikon í Zurich.

Fáir óku of hratt yfir ein stærstu gatnamót landsins

Brot 51 ökumanns var myndað þegar þeir óku yfir gatnamót Kringlumýrarbrautar og Miklubrautar til norðurs frá miðvikudegi til föstudags.

Brunuðu frá snjóflóðum á Óshlíð

Vegagerðin hefur lokað þremur vegum á Vestfjörðum eftir að snjóflóð hafa fallið á þá.

Funduðu um útvistun á skráningu sjúkraskráa

Fulltrúar læknaritara áttu í morgun fund með forstöðumönnum Landspítalans þar sem rætt var um útvistun á störfum læknaritara á sjúkrahúsinu.

Umfangsmikilli leit að íslenskum pilti ekki haldið áfram í dag

Leit að 18 ára íslenskum pilti á Jótlandi í Danmörku hefur enn engan árangur borið. Umfangsmikilli leit með leitarhundum og þyrlu á svæði umhverfis bíl hans verður ekki haldið áfram í dag.

Telur olíudóm fordæmisgefandi fyrir önnur skaðabótamál

Dómur Hæstaréttar í máli Reykjavíkurborgar gegn olíufélögunum er fordæmisgefandi varðandi önnur skaðabótamál gegn félögunum. Þetta er mat lögmanns Reykjavíkurborgar.

Steinþór vill starfsfrið

Stjórendur Sláturfélags Suðurlands vilja að friður skapist innan sölu- og markaðsdeildar og segja fréttir Vísis af starfsmannamálum hjá Sláturfélaginu orðum auknar og beinlínis rangar.

Lokaðist inni á milli tveggja flóða úr Óshlíð

Ökumaður bíls lokaðist inni á milli tveggja flóða sem féllu á veginn um Óshlíð um hádegisbil. Að sögn lögreglunnar á Ísafiði varð honum ekki meint af og er hann nú kominn til Bolungarvíkur.

Smyglfarþegar gasflutningabíls á sjúkrahúsi

Átta manns eru á sjúkrahúsi með snert af gaseitrun eftir að þeir fundust í tanki gasflutningabíls frá Þýskalandi í suðurausturhluta London. Laumufarþegarnir uppgötvuðust þegar bílstjórinn stöðvaði á Harrow Manorway í Bexley til að athuga farminn.

Aðstoðarlandlæknir segir meþadon einungis notað við fráhvörfum

Matthías Halldórsson aðstoðarlandlæknir segir að meþadon sé ekki notað sem verkjalyf í fangelsum hér á landi. Það sé hins vegar mikið notað í flestum fangelsum til að fást við fráhvörfseinkenni ef sjúklingur hefur verið í fíkniefnaneyslu.

Fyrrverandi framsóknarkona aðstoðar Ólaf Friðrik

Ólöf Guðný Valdimarsdóttir hefur verið ráðin aðstoðarmaður Ólafs Friðriks Magnússonar borgarstjóra. Þetta kemur fram í tilkynningu frá borginni.

Á rétt á bótum vegna vinnuslyss

Héraðsdómur Reykjavíkur komst að því í dag að starfsmaður Myllunnar ætti rétt á skaðabótum vegna slyss sem hann varð fyrir í vinnu sinni.

Samhæfingarmiðstöðin virkjuð um miðjan dag vegna vonskuveðurs

Samhæfingarmiðstöðin í Skógarhlíð verður virkjuð klukkan fjögur í dag vegna vonskuveðurs sem gengur yfir landið síðdegis og fram á nótt.

Al Kaída áformar hryðjuverk í Þýskalandi

Hryðjuverkasamtökin Al Kaída áforma hryðjuverk í Þýskalandi samkvæmt frétt þýska dagblaðsins Die Welt í dag. Blaðið vitnar í þýska aðstoðarinnanríkisráðherrann August Hanning.

Eigendafundur hjá Orkuveitunni eftir viku

Fulltrúi Akraneskaupstaðar í stjórn Orkuveitu Reykjavíkur segir að nær hefði verið að láta óháða nefnd fara yfir REI-málið í stað þess að stýrihópur á vegum borgarinnar gerði það. Fyrirhugaður er eigendafundur í Orkuveitunni eftir viku þar sem reiknað er með að málefni REI verði tekin upp.

Sarkozy blæs nýju lífi í úthverfi

Nicolas Sarkozy Frakklandsforseti er að leggja lokahönd á áætlun um að blása nýju lífi í úthverfi sem aðallega eru byggð innflytjendum. Meðal áforma er betri menntun og atvinnumöguleikar, sérstaklega fyrir ungt fólk.

Rektor Háskóla Íslands flutti erindi um loftlagsmál

Kristín Ingólfsdóttir, rektor Háskóla Íslands, flutti í dag erindi á alþjóðlegri ráðstefnu um loftslagsmál á vegum tækni- og vísindastofnunarinnar TERI í Indlandi.

Byssumaður banaði fimm í ráðhúsi St. Louis

Byssumaður skaut fimm manns til bana í ráðhúsi St. Louis í Bandaríkjunum og særði fjóra, þar á meðal borgarstjórann, áður en lögregla skaut hann banaskoti. Byssumaðurinn var þekktur fyrir að hafa óbeit á borgarfulltrúum og embættismönnum borgarinnar. Samkvæmt upplýsingum lögreglu réðist byssumaðurinn inn á fund í ráðhúsinu og öskraði „Skjótið borgarstjórann!"

Enn miklar raskanir á flugsamgöngum

Farþegar sem fljúga áttu með Iceland Express í gærmorgun frá Kaupmannahöfn bíða þess enn að vélin fari á loft. Matthías Páll Imsland, forstjóri Iceland Express, segir að haldið sé í strangar öryggiskröfur og að ekki sé farið í loft ef flugöryggi sé ógnað.

Fartölvum sem stolið var í FSu komið til skila

Fartölvur sem stolið var úr Fjölbrautaskóla Suðurlands komu í leitirnar eftir að athugulir menn lásu um þjófnaðinn í héraðsblöðunum á Selfossi.

Umferð um Þrengslin gengur vel

Umferð um Þrengslin gengur vel en Hellisheiðin er enn lokuð. Að sögn lögreglunnar á Selfossi eru snjómosktursbílar byrjaðir að moka heiðina en ekki liggur fyrir hvenær hún verður opnum.

Röskva sigraði í kosningum SHÍ

Varað við stormi í dag

McCain biðlar til íhaldssamra repúblikana

Sprengja banaði Bhutto

Réðist að flugmönnum

Vill styrkja Food & fun

Atvinnumálanefnd Ísafjarðarbæjar mælir með að bærinn styrki matarhátíðin Fóður og fjör sem haldin verður m.a. á veitingastaðnum Við Pollinn um 50.000 krónur. Rúmlega tugur veitingastaða ætla að kynna íslenskt hráefni til matargerðar auk þess sem hvert landsvæði ætlar að kynna það sem er að vetrarlagi. Á undanförnum árum hefur matarhátíðin Food & fun í Reykjavík áunnið sér veglegan sess í borgarlífinu í febrúar og nú vilja veitingastaðir úti á landi bjóða upp á spennandi matseðil í stórbrotinni íslenskri náttúru á þessum tíma árs. "Atvinnumálanefnd telur um áhugavert verkefni að ræða sem kynnir Ísafjarðarbæ með jákvæðum hætti. Mikilvægt er að verkefnið nái fótfestu þannig að sem flestir veitingastaðir geti tekið þátt í framtíðinni“, segir í bókun atvinnumálanefndar.

Hörmulegt atvik

„Þetta var hörmulegt atvik, en ég á eftir að sjá skýrslur sem teknar voru í málinu og fyrr tjái ég mig ekki um það," segir Margrét Frímannsdóttir, settur forstöðumaður fangelsisins á Litla Hrauni, aðspurð um þann atburð þegar fangi lést í klefa sínum í fangelsinu. Í fréttum Stöðvar 2 fyrr í kvöld var greint frá því að maðurinn hafi látist af völdum meþadon eitrunar, en meþadon er mjög sterkt verkjalyf.

Búið að opna Grindavíkurveg.

Grindavíkurvegur er opinn á ný eftir að björgunarsveitarmönnum tókst að draga veghefil sem stóð fastur þvert yfir veginn. Björgunarsveitar menn hafa haft í nógu að snúast á Suðurnesjum í dag og er áætlað að þeir hafi komið 400 til 500 bílum til aðstoðar í dag í Reykjanesbæ einum.

Vinstri-grænir ánægðir með REI skýrsluna og þakka Svandísi vel unnin störf

Félagsmenn í Vinstrihreyfingunni - grænu framboði í Reykjavík eru ánægðir með skýrslu stýrihópsins sem fjallaði um REI málið. Á félagsfundi sem haldinn var fyrr í kvöld var eftirfarandi ályktun samþykkt:

Mikil ófærð og almenningssamgöngur úr skorðum

Mikil ófærð er nú víða um land og veður vont. Vegir eru víða lokaðir og samgöngur hafa farið úr skorðum. Rútuferðir á milli Selfoss, Eyrarbakka og Stokkseyrar hafa verið aflagðar sem og strætisvagnaferðir í Reykjanesbæ.

Segir REI málið hafa veikt stöðu sína

Vilhjálmur Þ. Vilhjálmsson fyrrverandi borgarstjóri vissi ekki af beinni aðkomu FL-group við gerð þjónustusamnings milli Orkuveitunnar og REI. Hann segir REI málið hafa veikt stöðu sína í borgarstjórn en telur sér stætt á að halda áfram þar sem hann hafi ekki brotið af sér.

Farþegar strandaglópar í Leifsstöð frá því í morgun

Farþegar sem fljúga áttu með Iceland Express í morgun til Kaupmannahafnar og London bíða enn eftir að farið verði á loft. Tvívegis hafa farþegarnir farið út í vél en jafnoft hefur verið hætt við flugtak. Á meðan hafa vélar frá Icelandair flogið til og frá landinu. Forstjóri Iceland Express segir það skýrast af mismunandi öryggiskröfum og ólíkum flugvélum.

Bar umboð sitt undir borgarlögmann áður en farið var í viðræður

Vilhjálmur Þ. Vilhjálmsson, fyrrverandi og tilvonandi borgarstjóri í Reykjavík segist hafa borið umboð sitt í REI málinu svokallaða undir borgarlögmann áður en hann fór í málið. „Ég fékk úr þessu skorið og það hefði ekki hvarflað að mér að gera þetta án þess að vera með umboð," sagði Vilhjálmur í Kastljósi Ríkisútvarpsins fyrir stundu.

Fjölskyldu gert að fara af kirkjujörð

Illa heiðrar kirkjan minningu séra Péturs í Laufási með því að neyða fjölskyldu hans burt af jörðinni, segir kona í Grýtubakkahreppi í opnu bréfi til biskups. 97% sóknarbarna vilja að fjölskylda hans fái áfram að búa á Laufási en kirkjan segist verða að fara að reglum.

Fanginn lést úr meþadon eitrun

Fanginn sem lést á Litla Hrauni í september síðastliðnum lést ekki af eðlilegum ástæðum eins og í fyrstu var talið heldur úr meþadoneitrun. Meþadonið fékk hann hjá afleysingalækni fangelsinsins. Fjölskylda fangans hyggst stefna ríkinu.

Kjaraviðræður töfðust vegna veðurs

Kjaraviðræður á milli Starfsgreinasambandsins og Flóabandalagsins annars vegar og Samtaka atvinnulífsins hins vegar halda áfram á laugardag. Þær töfðust nokkuð í dag vegna veðurs.

SBK hættir að keyra vegna veðurs

Fyrirtækið SBK, sem sér um strætisvagnaferðir í Reykjanesbæ er hætt akstri í dag vegna veðurs. Fulltrúi fyrirtækisins segir að blindbylur sé nú í bænum og ekkert vit í því að reyna að halda áfram akstri. Hann biður foreldra að huga að börnum sínum ef þau hafa ætlað heim í strætó.

Mitt Romney hættur

Mitt Romney hefur nú staðfest þann orðróm að hann sé hættur við að sækast eftir tilnefningu Repúblikanaflokksins í Bandaríkjunum fyrir komandi forsetakostningar. Þetta kom fram í ræðu sem Romney hélt nú rétt í þessu.

Ekkert athugavert við aðkomu FL Group

Halldór Kristmannsson, framkvæmdastjóri Samskiptasviðs FL Group, segir að félagið telji ekkert athugavert við aðkomu FL Group eða Geysis Green Energy í samningaviðræðum sínum við Reykjavik Energy Invest og Orkuveitu Reykjavikur eins og gefið sé til kynna í skýrslu stýrihóps Svandísar Svavarsdóttur.

Sex ára fangelsi fyrir að skjóta á eiginkonuna

Hæstiréttur dæmdi í dag Ólaf Þór Guðmundsson í sex ára fangelsi fyrir að skjóta að eiginkonu sinni með haglabyssu á heimili þeirra á Vestfjörðum síðastliðið sumar.

Höfuðlaust lík fannst í London

Höfuðlaust lík manns fannst bakvið verslun í norðvesturhluta Lundúna í gær. Fyrstu rannsóknir benda til að höfuðið hafi verið tekið af eftir að maðurinn dó samkvæmt heimildum Sky fréttastofunnar.

Ólafur Friðrik: Sigur fyrir Reykjavíkurborg

Ólafur F. Magnússon, borgarstjóri fagnar niðurstöðu Hæstaréttar Íslands í máli borgarinnar gegn olíufélögunum. Í tilkynningu frá borginni kemur fram að Ólafur telji niðurstöðuna sigur fyrir Reykjavíkurborg.

Móður ungs fíkils ekki sagt frá unglingadeild SÁÁ