Smyglfarþegar gasflutningabíls á sjúkrahúsi

Átta manns eru á sjúkrahúsi með snert af gaseitrun eftir að þeir fundust í tanki gasflutningabíls frá Þýskalandi í suðurausturhluta London. Laumufarþegarnir uppgötvuðust þegar bílstjórinn stöðvaði á Harrow Manorway í Bexley til að athuga farminn.

Neyðarlið var sent á Abbey Wood um klukkan átta í morgun. Talsmaður Slökkviliðs Lundúna sagði að slökkviliðsmenn hefðu lokað veginum á meðan verið væri að rannsaka bílinn.

Vitni sagði Sky fréttastofunni að sterkur efnakeimur væri á svæðinu, líkur eldsneyti sem sett er á kolagrill.