Réðist að flugmönnum

Þrjátíu og þriggja ára kona sem var farþegi í lítilli flugvél á Nýja Sjálandi réðist að flugmönnum og hótaði að sprengja upp flugvélina. Sjö farþegar voru um borð í vélinni. Konan var yfirbuguð og bundin niður eftir atvikið. Hún var svo handtekin á flugvellinum í Christchurch. Loka þurfti flugvellinum í tvær klukkustundir eftir atvikið. Sprengjuleitasérfræðingar leituðu að sprengju í flugvélinni en fundu engin sprengjuefni. Annar flugmannanna særðist á hendi og hinn á fæti í þessum átökum. Enginn farþeganna hlaut skaða af.