Kompásmál: Eðlilegt að endurskoða lög

Það er óheppileg staða sem nú er uppi að lögmaður sem sætir ákæru vegna kynferðisbrota geti verið verjandi manna sem ákærðir eru fyrir svipuð brot. Þetta segir Birgir Ármannsson, formaður allsherjarnefndar Alþingis. Lög um meðferð opinberra mála verða endurskoðuð á komandi þingi og Birgir segir eðlilegt að þetta mál verði skoðað í því samhengi.

„Þetta er auðvitað óheppileg staða," segir Birgir. „Hins vegar ber á það að líta að það þarf mikið til að koma til þess að menn séu sviptir málflutningsréttindum. Almennt myndi þurfa dómsniðurstöðu og sakfellingu í sakamáli eða í opinberu máli til þess að menn misstu þþessi réttindi."

„Það liggur hins vegar fyrir að lög um meðferð opinberra mála verða tekin til endurskoðunar á komandi þingi og það er eðlilegt að þetta atriði verði rætt í því samhengi," segir Birgir. Hann segir þó of snemmt að segja til um hvaða niðurstaða komi úr þeirri endurskoðun.

„Það verður að hafa í huga að það er mikilvægt að lögmannastéttin sé sem sjálfstæðust og óháð ríkisvaldinu enda eru lögmenn mjög oft í þeirri stöðu að þurfa að gæta hagsmuna fólks gagvart ríkinu," segir Birgir og bætir því að að varlega verði að fara í allar breytingar sem fela í sér möguleika til að svipta menn lögmannsréttindnum, nema að fyrir liggi dómsniðurstaða.