Jón eða sr. Jón?

Eins og greint var frá í kvöldfréttum Stöðvar 2 í kvöld hefur sektum vegna þeirra sem leggja ólöglega í stæði fyrir fatlaða fjölgað verulega. Nánast á sama tíma og fréttin var í loftinu gerðist starfsmaður Stöðvar 2 sig sekan um sama virðingarleysi eins og sést á mynd sem tekin var fyrir framan Loftkastalann. Árvökulum lesanda Vísis er þökkuð ábendingin og biðst Stöð 2 afsökunar á hegðun starfsmannsins.

Ráðherra vill hefja olíuleit við Ísland

Iðnaðarráðherra vill gefa út sérleyfi til olíuleitar við Ísland innan árs. Hann segir öll gögn um málið vera jákvæð, og að áhugasamir aðilar hafi verið í sambandi við ráðuneytið vegna olíuleitar við norðausturhorn landsins.

Klippir snigla í tvennt

Spánarsniglarnir alræmdu hafa gert Dönum lífið leitt í sumar. Þeir éta allt sem að kjafti kemur og hafa gert garyrkjumenn gráhærða. Skaðvaldur segir ein dönsk kona og klippir skriðdýrin í sundur. Sniglar þessir hafa numið land á Íslandi en þurrkarnir hér hafa verið þeim erfiðir í sumar.

Forsetabíllinn kannski ekki svo umhverfisvænn

Nýi forsetabíllinn er kannski ekki eins umhverfisvænn eins og verið hefur látið. Í ítarlegri úttekt á bílnum í The New York Times er hann sagður allt annað en það. Vilhjámur Þ. Vilhjálmsson, borgarstjóri og Gísli Marteinn Baldursson, borgarfulltrúi sem nýlega kynntu svokölluð græn bílastæði keyra ekki um á vistvænum bílum.

Dregur úr frumuskemmdum við neyslu alkóhóls

Yfirvöld ættu að íhuga að bæta folínsýru í brauð eða korn til að auka neyslu þess meðal Íslendinga segir Helgi Sigurðsson, prófessor í krabbameinslækningum. Nýleg rannsókn sýnir að neysla fólinsýru minnkar líkur á krabbameini og dregur úr frumuskemmdum við neyslu alkahóls.

Sjöhundruð sektir vegna bílastæða fatlaðra

Sífellt fleiri brjóta umferðarlögin með því að leggja í bílastæði sem eru sérmerkt fötluðum. Sjöhundruð sektir hafa verið gefnar út það sem af er árinu. Fötluð kona segir svo mikinn ágang í sérmerktu stæðin, að hún neyðist til að borga hundrað þúsund krónur fyrir stæði í bílastæðahúsi í hverfi í miðborginni

Forsætisráðherra segir að ratsjárstöðvakerfið virki

Forsætisráðherra segir ekki rétt að hluti íslenska ratsjárstöðvarkerfisins gagnist ekki, þar sem kerfið í heild sinni sé forsenda heræfinga og lofteftirlits erlendra ríkja hér við land. Hann segir að á næstu vikum og mánuðum verði unnið að nánari útfærslu á rekstri ratsjárstöðvanna, en Íslendingar taka við rekstri þeirra eftir 5 daga.

Deiliskipulagi fyrir HB Granda nýlega breytt

Stjórn HB Granda hefur ákveðið að hætta allir fiskvinnslu í Reykjavík og flytja hana upp á Akranes. Stjórnarformaður Faxaflóahafna segir ákvörðunina koma sér á óvart þar sem forsvarsmenn fyrirtækisins höfðu þrýst á að fá stærra svæði undir starsemi sína á Norðurgarðinum og deiliskipulaginu var breytt miðað við það síðastliðið vor.

Umdeild mannvirki eins og virkjanir hafa mikið aðdráttarafl fyrir ferðamenn

Jón Karl Ólafsson, forstjóri Icelandair, segir að gríðarleg tækifæri í ferðaþjónustu geti falist í þeim stöðum sem verða til við umdeildar framkvæmdir einsog við byggingu virkjana á borð við þá við Kárahnjúka.

Impreglio vill gefa Ómari Ragnarssyni skýli undir Örkina að skilnaði

Þorpið við Kárahnjúka er til sölu en það getur hýst hátt á annað þúsund manns. Þeir sem geta flutt það í heilu lagi í burtu fá það nánast ókeypis. Impreglio vill gefa Ómari Ragnarssyni skýli undir Örkina að skilnaði.

Verksviði SÞ í Írak breytt

Verksvið Sameinuðu þjóðanna í Írak hefur verið víkkað að tillögu Breta og Bandaríkjamanna. Starfsmenn Sameinuðu þjóðanna eru andvígir því að þurfa að snúa aftur til Íraks en þaðan voru þeir flestir kallaðir eftir mannskæða sprengjuárás 2003.

Óttast að alheimskreppa skelli á

Sérfræðingar á alþjóðlegum fjármálamarkaði óttast alheimskreppu ef niðursveifla á mörkuðum í gær og í dag heldur áfram. Forsætisráðherra segir enn sem komið er enga ástæðu fyrir ríkisstjórnina að grípa til aðgerða.

Geimhótel opnar árið 2012

Fyrsta hótelið sem fyrirhugað er að opna í geimnum, "Galactic Suite", áætlar að vera búið að opna fyrir viðskipti árið 2012. Arkitektarnir sem að eru að hanna hótelið segja að það verði það dýrasta í heiminum, en þriggja daga dvöl þar mun kosta 4 milljón dollara eða um 265 milljónir íslenskra króna.

Hreinsunarstarfi að ljúka á Hálsabraut

Hreinsunarstarfi er að ljúka á Hálsabraut í Reykjavík. Olíuleki kom upp á sjötta tímanum í kvöld. Umferðaróhapp varð þegar bíll rann í olíunni og hafnaði á ljósastaur. Þá urðu talsverðar umferðartafir á staðnum. Lögregla og starfsmenn borgarinnar unnu að því að hreinsa lekann upp.

Geir til Skotlands með Rótarý

Geir Haarde, forsætisráðherra, fer fremstur í flokki íslenskra rótarý félaga í heimsókn þeirra til Skotlands í næstu viku. Í frétt breska ríkisútvarpsins BBC er greint frá því að von sé á 50 íslenskum rótarý meðlimum úr Rótarý klúbbnum Miðborgu. Þarlendir rótarý félagar munu taka á móti hópnum og hafa skoðunaferðir verið skipulagðar til markverðustu staða svæðisins.

Reykvísk börn fá Frístundakort

Um næstu mánaðarmót fá tæplega 20 þúsund börn á aldrinum 6 til 18 ára með lögheimili í Reykjavík rétt til þáttöku í íþrótta-, lista- og æskulýðsstarfssemi þegar Frístundakortin svokölluðu verða innleidd.

Dagur hissa á að Björn Ingi komi af fjöllum

Dagur B. Eggertsson oddviti Samfylkingarinnar í borgarstjórn furðar sig á því að Björn Ingi Hrafnsson stjórnarformaður Faxaflóahafna komi af fjöllum hvað varðar flutning HB Granda upp á Akranes. "Hafi engin samtöl átt sér stað milli meirihluta borgarstjórnar og lykilfyrirtækja í sjávarútvegi um viðbrögð við niðurskurði aflaheimilda er það með ólíkindum," segir Dagur í pósti til vísir.is

Óbreytt líðan eftir slys í Kópavogslaug

Líðan drengsins sem fannst meðvitundarlaus í Sundlaug Kópavogs þann 26. apríl síðastliðinn er óbreytt. Pétur Lúðvígsson, barnalæknir á Barnaspítala Hringsins segir drenginn, sem er fimmtán ára gamall, ekki enn vera kominn til meðvitundar. Lögregla lauk rannsókn sinni á málinu í júní og enn er allt á huldu um tildrög slyssins.

Kortleggja allt yfirborð tunglsins

Kína stefnir að því að kortleggja allt yfirborð tunglsins. Ouyang Ziyuan yfirmaður fyrstu tunglkönnunar áætlunar landsins tilkynnti þetta í dag. Hann sagði Kína ætla að skjóta á loft tunglfarinu Chang'e One seinnipart árs 2007, en því er ætlað að taka þrívíddar myndir af tunglinu. Einnig áætla þeir að vera búnir að lenda ómönnuðu fari á tunglinu fyrir árið 2010.

Faðmlagakennsla á ástarviku

Faðmlagakennsla er meðal þess sem í boði er á hinni árlegu ástarviku á Bolungarvík sem hefst núna á sunnudag en þessi hátíð hefur notið vaxandi vinsælda síðan henni var komið á laggirnar fyrir fjórum árum. "Við búumst við fjölda af elskulegu fólki í ár eins og síðustu ár," segir Birna Hjaltalín Pálmadóttir framkvæmdastjóri ástarvikunnar.

Veiðimenn björguðu björgunarsveitinni

Eins og Vísir greindi frá í morgun þá sökk Patrol-bifreið Björgunarsveitarinnar Kyndils við Langasjó þegar verið var að aðstoða ferðamenn yfir vatnið. Ekki fór betur en svo að bíllinn sökk í sand í fjörunni. Veiðimenn sem staddir voru á svæðinu komu björgunarsveitarmönnunum til bjargar.

Byggja hátt í 200 hús og þjónustumiðstöð í Lettlandi

Athafnamaðurinn Þorsteinn Steingrímsson, ásamt tveimur öðrum íslenskum fjárfestum, er nú að byggja hátt í 200 einbýlis og raðhús ásamt þjónustumiðstöð í Riga höfuðborg Lettlands. Þorsteinn segir að þeir hafi fengið 20 hektara landi úthlutað undir þessar framkvæmdir í einu af úthverfum borgarinnar.

Big Ben þegir þunnu hljóði

Einn frægasti klukkuturn heims, Big Ben í London mun þagna í heilan mánuð frá og með morgundeginum. Sökum viðhalds munu bjöllurnar ekki hringja á ný fyrr en í september. Sjálf klukkan mun stöðvast í nokkrar klukkustundir á morgun en viðhaldsvinnan er liður í því að koma turninum í sem best horf áður en hann fagnar 150 ára afmæli sínu árið 2009.

Og fjarskipti mega krefjast greiðslu vegna hlerunar

Póst- og fjarskiptastofnun hefur komist að þeirri niðurstöðu að Og fjarskiptum, sem nú heitir Vodafone, hafi verið heimilt að krefja embætti lögreglustjórans á höfuðborgarsvæðinu um greiðslu vegna reikninga sem eru tilkomnir vegna beiðna um hlerun.

Bæjarstjóri býður fram sáttahönd

Sigrún Björk Jakobsdóttir, bæjarstjóri á Akureyri, segist hafa ákveðið að takmarka aðgang ungmenna á aldrinum 18-23 ára að tjaldstæðum bæjarins um verslunarmannahelgina af illri nauðsyn. Hún hvetur til sátta í málinu og aðstandandi undirskriftasöfnunar gegn meirihluta bæjarstjórnar segist reiðubúinn að ræða við bæjarstjóra.

Ákvörðun HB Granda kemur verulega á óvart

Björn Ingi Hrafnsson, stjórnarformaður Faxaflóahafna, segir að ákvörðun HB Granda um flutning á fiskvinnslu sinni til Akranes komi verulega á óvart. „Við erum nýbúnir að breyta deiliskipulaginu á Norðurgarði í Örfirsey að þeirra óskum. Og nú fæ ég bréf um að þeir ætli í burtu," segir Björn Ingi.

Fleiri þúsund fermetrar inn á fasteignamarkaðinn

Reikna má með fleiri þúsund fermetrar flæði inn á markaðinn þegar vinnubúðir Impreglio verða settar í sölu á næstunni. Mestu flutningar fólks á landinu standa nú yfir frá því í Vestmannaeyjagosinu 1973.

Vélin spann hálfhring skömmu fyrir lendingu

Flugkennari og nemi hans þykja hafa sloppið furðuvel þegar þeir þurftu að nauðlenda flugvél sinni í Kapelluhrauni suður af Straumsvík laust eftir klukkan sjö í gærkvöld. Samkvæmt upplýsingum frá rannsóknarnefnd flugslysa voru þeir við hægflugsæfingu á svokölluðu Suðursvæði.

Skjálftar mælast við Herðubreiðartögl

Engin skjálftahrina hefur komið við Upptyppinga síðan í fyrradag en einhverjir skjálftar hafa þó mælst á svæðinu. Flestir skjálftanna sem nú mælast norðan Vatnajökuls eru við Herðubreiðartögl aðeins suður af Herðubreiðarlindum.

Eingöngu 116 einstaklingar greiða fjármagnstekjuskatt

2381 einstaklingur og 150 hjón voru ekki með neinar aðrar tekjur en fjármagnstekjur á síðasta ára og greiða því ekki tekjuskatt. Af þeim greiddu eingöngu 116 einstaklingar og 51 hjón fjármagnstekjuskatt, hinir greiða enga skatta.

Íraksstríðið illa skipulagt

Forsætisráðherra Danmerkur segir Íraksstríðið hafa verið illa skipulagt og ástandið í landinu nú langt frá því að vera viðunandi. Hann er þó enn þeirrar skoðunar að rétt hafi verið að fara með hervaldi gegn Saddam Hússein.

Ekki kemur til fjöldauppsagna hjá HB Granda

Ekki kemur til fjöldauppsagna hjá sjávarútvegsfyrirtækinu HB Granda í tengslum við þá ákvörðun stjórnar fyrirtækisins að hætta allri fiskvinnslu í Reykjavík og flytja hana upp á Akranes þar sem nýtt fiskiðjuver verður reist.

Eiga ekki að ná sér í tekjur með seðilgjöldum

Viðskiptaráðherra segir bankana og fjármálastofnanir ekki eiga að ná sér í tekjur með seðilgjöldum. Hann segir seðilgjöldin verða skoðuð á næstunni samhliða öðrum málum sem lúta að neytendum.

Stakk sér út í grunnu laugina

Karlmaður um þrítugt slasaðist á höfði þegar hann hugðist fá sér sundsprett í Breiðholtslaug í gærkvöld. Að sögn lögreglu stakk maðurinn sér til sunds í grynnri enda laugarinnar og rak höfuðið í botninn. Hann fékk skurð á ennið og stóra kúlu að auki. Sundlaugargesturinn var fluttur á slysadeild en hann þykir samt hafa sloppið nokkuð vel miðað við aðstæður, að sögn lögreglu.

Ókyrrð á mörkuðum um allan heim

Úrvalsvísitalan lækkaði um 3% þegar opnað var fyrir viðskipti í Kauphöllinni í morgun. Krónan hefur veikst um rúm 2%. Þetta er í takt við lækkanir á alþjóðlegum mörkuðum en mikil ókyrrð ríkir um allan heim vegna vandræða á bandarískum húsnæðislánamarkaði.

Óttast að gin- og klaufaveiki hafi breiðst út

Yfirvöld í Bretlandi kanna nú hvort búfénaður á nautgripabúi sem liggur fyrir utan sóttvarnarsvæðið í Surrey sé sýktur af gin- og klaufaveiki. Óttast menn að ráðstafanir stjórnvalda til að hefta útbreiðslu sjúkdómsins hafi mistekist.

Bókasafnsfræðingur mokar inn milljónum á dúkkulísum

Heimasíðan dressupgames.com nýtur gríðarlegra vinsælda um allan heim en síðan fær um sjö milljónir heimsókna í hverjum mánuði og flettingar á síðunni eru um 40 milljónir. Konan á bak við síðuna heitir Inga María Guðmundsdóttir og er bókasafnsfræðingur á Ísafirði. Umstang í kringum síðuna er nú orðin hennar helsta atvinna og hefur hún góðar tekjur af henni í gegnum auglýsingar.

Fáir sem greiða einungis fjármagnstekjuskatt

Af þeim tæplega 2.400 einstaklingum sem ekki hafa aðrar tekjur en fjármagnstekjur greiða einungis 116 einhvern fjármagnstekjuskatt. Megnið af þessum einstaklingum eða tæplega 90 prósent voru með minna en 50 þúsund krónur í fjármagnstekjur á síðasta ári.

Danir skjóta peningum undan skatti

Danir vilja síður gefa allar sínar tekjur upp til skatts ef marka má nýlega rannsókn sem samtökin Dansk Industri létu gera. Samkvæmt henni liggja að meðaltali um 11 þúsund danskar krónur í beinhörðum peningum á hverju heimili í Danmörku. Þetta jafngildir um 120 þúsund íslenskum krónum.

HB Grandi flytur landvinnslu frá Reykjavík til Akraness

Stjórn HB Granda hefur ákveðið að hætta allir fiskvinnslu í Reykjavík og flytja hana upp á Akranes þar sem ætlunin er að byggja nýtt fiskiðjuver. Þetta gera forsvarsmenn fyrirtækisins í kjölfar þess að ákveðið var að skera niður þorskafla á næsta fiskveiðiári um 30 prósent.

Berjast gegn óhreinum veitingastöðum

Kínversk stjórnvöld hafa skorið upp herör gegn óhreinlæti á veitingastöðum til að koma í veg fyrir matareitrun og hvers konar sýkingar. Herferð stjórnvalda er liður í undirbúningi fyrir Ólympíuleikana sem haldnir verða í Peking á næsta ári.

Vel mætt á kertafleytingu

Mjög góð stemning er við Tjörnina í Reykjavík að sögn aðstandenda kertafleytingar sem ætlað er að minnast þess þegar kjarnorkusprengjum var varpað á japönsku borgirnar Hiroshima og Nagasaki.

Vonast til að ná sambandi við námuverkamenn

Björgunarmenn sem vinna nú hörðum höndum að því að bjarga námuverkamönnum sem hafa verið fastir í námugöngum í Utah í Bandaríkjunum síðan á mánudag. Verið er að bora holu niður á þann stað þar sem talið er að mennirnir séu og búist er við því að borinn ljúki verki sínu á næstu klukkutímum.

Kertafleytingar í kvöld

Íslenskar friðarhreyfingar standa að kertafleytingu á Reykjavíkurtjörn og á Akureyri nú eftir tæpan klukkutíma, eða klukkan hálf ellefu. Athöfnin er haldin í minningu fórnarlamba kjarnorkuárásanna á japönsku borgirnar Hirosima og Nagasaki árið 1945

Alfreð: Langaði að vera með í Noregi

Alfreð Gíslason og Handknattsleikssamband Íslands komust að þeirri niðurstöðu í dag að Alfreð muni halda áfram sem þjálfari landsliðsins. Alfreð mun stjórna liðinu fram yfir EM 2008 í Noregi sem fer fram í janúar.