Brýnt að reisa nýtt fangelsi

Fangavarðafélag Íslands skorar á stjórnvöld að standa við áform um byggingu nýs fangelsis sem koma á í staðinn fyrir bæði Hegningarhúsið við Skólavörðustíg og Fangelsið að Kópavogsbraut 17.

Vilja ekki gagnrýna Kúbu

Um fjögur þúsund manns hvaðanæva að úr heiminum skora á aðildarríki Sameinuðu þjóðanna að hafna ályktunartillögu um mannréttindabrot Kúbustjórnar síðar í mánuðinum. Bandaríkin eru meðal þeirra ríkja sem leggja tillöguna fram.

Engin flóðbylgja

Þúsundir manna flúðu heimili sín á eyjunni Súmötru í Indónesíu þegar snarpur neðansjávarjarðskjálfti reið yfir í gær. Skjálftinn mældist 6,8 stig á Richter en enginn flóðbylgja myndaðist af völdum hans.

Leitað aftur án árangurs

Á laugardaginn gengu björgunarsveitarmenn fjörur frá Þjórsá til Herdísarvíkur í leit að Brasilíumanninum Ricardo Correia Dantas, sem ekkert hefur spurst til síðan hann hvarf á Stokkseyri fyrir rúmri viku. Leitin bar engan árangur.

Erum í kapphlaupi við tímann

Mohammed El Baradei, yfirmaður Alþjóðlegu kjarnorkumálastofnunarinnar, segir stofnunina hafa áreiðanlegar upplýsingar um að hryðjuverkasamtökin al Kaída reyni nú ákaft að verða sér úti um kjarnorkuvopn.

Úrbóta þörf í fangelsismálum

Fangavarðafélag Íslands fagnar þeirri stefnumörkun sem fram hefur komið með áformum um byggingu nýs fangelsis. Félagið segir löngu orðið tímabært að horft sé til framtíðar í fangelsismálum

Var að sækja einn þjóðhöfðingjanna

Flugvélin sem var neydd til að lenda fyrir utan Róm í gær um leið og útför páfa stóð yfir, vegna gruns um að sprengja væri um borð, reyndist vera á leið til borgarinnar að sækja forseta Makedóníu sem var við útförina.

Tekinn á 162 km hraða

Lögreglan á Blönduósi stöðvaði ungan ökumann á 162 kílómetra hraða á Norðurlandsvegi í gærkvöldi en alls stöðvaði hún fimmtán ökumenn vegna hraðaksturs á þremur klukkustundum. Flestir voru á 105-110 kílómetra hraða en nokkrir á yfir 120.

Fimmtán hermenn teknir af lífi

Fimmtán hermenn fórust í skotárás uppreisnarmanna í Bagdad í morgun. Hermennirnir, sem voru allir írakskir, voru í bíl sem uppreisnarmennirnir þvinguðu af veginum, ráku hermennina út og tóku af lífi.

Stuðningsmenn Össurar mótmæla

Stuðningsmenn Össurar Skarphéðinssonar í formannskjöri Samfylkingarinnar mótmæla afskiptum fyrirtækisins Plúsinn.is af innanflokksmálum Samfylkingarinnar og benda á að fyrirtækið hafi sent frá sér áróður í formi skoðanakönnunar í þágu Ingibjargar Sólrúnar Gísladóttur.

Sauðfjárbóndi vann kvæðakeppnina

Sigurvegari í kvæðakeppni Hins konunglega fjelags, sem efnt var til vegna brúðkaups Karls Bretaprins og Camillu Parker Bowles, er Einar Kolbeinsson, sauðfjárbóndi og háskólanemi í Bólstaðarhlíð í Húnavatnssýslu. Sigurkvæði Einars nefnis „Prinsinn af Wales - kveðja frá íslensku þjóðinni.“

Lokaundirbúningur brúðkaupsins

Nú er verið að leggja lokahönd á undirbúninginn fyrir brúðkaup Karls Bretaprins og Camillu Parker Bowles sem verður í dag en brúðhjónin hafa beðið þess í árafjöld að geta gengið í það heilaga.

Hrafnseyrarheiði ófær vegna flóða

Hrafnseyrarheiði er ófær vegna snjóflóða. Snjóþekja er á Dynjandisheiði og Steingrímsfjarðarheiði. Hálkublettir eru á Hellisheiði, Þrengslum og á Holtavörðuheiði. Hálka er á Möðrudalsöræfum og snjóþekja eða hálka víða á Austurlandi.

Grýttu japanska sendiráðið

Kínverskir mótmælendur grýttu japanska sendiráðið í Peking, höfuðborg Kína, í dag. Mikil reiði blossaði upp í Kína á dögunum þegar ný bók sem notuð er í sögukennslu í japönskum skólum leit dagsins ljós því Kínverjar halda því fram að í henni hvítþvoi Japanar sig af grimmdarverkum sem þeir frömdu í Síðari heimsstyrjöldinni.

Misnotuð og grafin lifandi

Flórídabúar eru slegnir óhugnaði vegna morðs á níu ára stúlku sem var grafin lifandi eftir að hafa verið misþyrmt kynferðislega.

Neita afskiptum af Samfylkingunni

Forsvarsmenn Plússins.is segjast ekki hafa skipt sér af innanflokksmálum Samfylkingarinnar eins og stuðningsmenn Össurar Skarphéðinssonar í formannskjöri flokksins hafa haldið fram.

Og lifðu hamingjusöm til ...

Rúmlega þrjátíu ára ástarsaga fékk farsælan endi rétt fyrir hádegi þegar Karl Bretaprins og Camilla Parker Bowles gengu í hjónaband.

Bíll endaði inni í garði

Fólksbíll endaði inni í garði húseiganda í Kópavogi rétt upp úr hádegi eftir að hafa keyrt aftan á jeppabifreið á ofsahraða. Ökumaður fólksbílsins slasaðist og var fluttur á slysadeild en meiðsl hans voru talin minniháttar. Þrír voru í jeppanum og sluppu þeir ómeiddir.

500 manna slysavarnaæfing

Um 500 manns koma að Landsæfingu slysvarnafélagsins Landsbjargar 2005 sem hófst milli klukkan fjögur og fimm í morgun á Egilsstöðum og nágrenni. Þyrla Landhelgisgæslunnar og björgunarsveitarmenn af landinu öllu vinna um 50 björgunarverkefni alls af ýmsum toga, bæði í dreifbýli og þéttbýli.

Karl olli hneykslan með handabandi

Karl Bretaprins olli hneykslan við útför páfa fyrir að taka í höndina á Robert Mugabe, forseta Simbabwe. Við útförina í gær sat Karl einu sæti frá Mugabe sem er ekki hátt skrifaður í Bretlandi vegna stjórnarfarsins í Simbabwe.

Tveir Palestínumenn drepnir

Ísraelskir hermenn drápu tvo Palestínumenn við Rafah-flóttamannabúðirnar á Gaza í dag. Að sögn talsmanns Ísraelshers nálguðust mennirnir við þriðja mann varðstöð hersins við landamæri Ísraels og sinntu engu viðvörunarskotum hermanna.

Bláa lónið í Leifsstöð

Bláa Lónið hf. og Flugstöð Leifs Eiríkssonar hafa gert með sér samning um rekstur BLUE LAGOON verslunar innan verslunar Íslensks markaðar í flugstöðinni. Á vef Víkurfrétta segir að samningurinn sé einn þáttur í að auka fjölbreytni verslunar í flugstöðvarbyggingunni og veita fleiri einkaaðilum kost á að vera með eigin rekstur á svæðinu.

Fjallgöngumenn drepnir í Nepal

Að minnsta kosti tveir létust og fimmtán særðust þegar sprengjuárás var gerð á rútu í Nepal í dag. Tveir hinna særðu eru Rússar, að öllum líkindum fjallgöngumenn því þeir voru á leið að búðum við rætur Mount Everest.

Enn ófært vegna snjóflóða

Hrafnseyrarheiði er enn ófær vegna snjóflóða sem féllu þar í morgun. Ökumönnum er bent á að fara varlega á Hellisheiði, í Þrengslum og á Holtavörðuheiði því þar leynast hálkublettir. 

Khatami afneitar handabandi

Mohammad Khatami Íransforseti harðneitaði því í gær að hann hefði tekist í hendur og spjallað við Moshe Katsav Ísraelsforseta við jarðarför Jóhannesar Páls II páfa í Róm á föstudag. Eftir útförina hafði Katsav látið hafa eftir sér að hann hefði hitt Khatami og Assad Sýrlandsforseta, en Íran og Sýrland eru erkióvinir Ísraelsríkis.

Þúsundir mótmæla í Bagdad

Tugir þúsunda mótmælenda hrópuðu "Nei við Ameríku" á fjölmennustu mótmælasamkomu sem fram hefur farið í Bagdad frá því landið var hernumið af Bandaríkjamönnum og bandamönnum þeirra.

Vopnahléið kvatt?

Palestínskir skæruliðar hafa hafið árásir á landnemabyggðir gyðinga á Gaza eftir að ísraelskir hermenn drápu þrjá Palestínumenn við Rafah-flóttamannabúðirnar fyrr í dag. Útlit er því fyrir að vopnahléi Palestínumanna og Ísraela, sem komið var á í febrúar, sé lokið.

Camilla virðir minningu Díönu

Rúmlega þrjátíu ára ástarsaga náði hápunkti í dag þegar Karl Bretaprins og Camilla Parker Bowles gengu í hjónaband. Camilla er nú tæknilega orðin prinsessan af Wales en vill ekki nota þann titil vegna minningarinnar um Díönu. Í stað þess ber hún titilinn hertogaynjan af Cornwall.

Skrúfað fyrir fjölmiðlaviðtöl

Kardinálaráð kaþólsku kirkjunnar ákvað í gær að meðlimir þess skyldu hætta þegar í stað að veita nokkur fjölmiðlaviðtöl eða tjá sig opinberlega. Gildir bannið uns kardinálarnir hafa komist að niðurstöðu um það hver úr þeirra röðum muni setjast næstur á páfastól, að Jóhannesi Páli II gengnum.

9 ára fangelsi vegna póstsendinga

Bandaríkjamaður hefur verið dæmdur í níu ára fangelsi fyrir að senda ruslpóst úr tölvunni sinni í milljónavís.

Þögn ofbeldis rofin á Arnarhóli

Þögnin í kringum ofbeldi var rofin á Arnarhóli í dag þegar fjöldi fólks hengdi upp boli til að sýna í verki að það þyrði að tala um ofbeldi sem það hefði orðið fyrir. 

Kafað í Sundhöllinni

Ýmislegt kom upp úr kafinu þegar Sportköfunarfélag Íslands var heimsótt í Sundhöllinni í dag. Um 200 manns mættu á köfunardag Sportköfunarfélagsins sem haldinn er árlega í Sundhöll Reykjavíkur. Fylgst var með köfurunum með neðansjávarmyndavél sem vakti sérstaka lukku hjá foreldrum sem gátu horft á börnin sín í fullum skrúða í kafi.

Gætir að friði í Líberíu

Hreiðar Eiríksson, rannsóknarlögreglumaður á Akureyri, er á leið til Afríkuríkisins Líberíu til að sinna friðargæslustörfum. Stefnt er að því að hann fari nú um næstu mánaðarmót.

CIA gætir stokkandar

Leyniþjónusta Bandaríkjanna, sem hingað til hefur haft það hlutverk að gæta forsetans og annars merkisfólks, hefur nú tekist á herðar að gæta stokkandar sem liggur á níu eggjum. Öndin gerði sér hreiður í moldarbeði við aðalinngang fjármálaráðuneytisins og hefur fengið gælunafnið Duck Cheney.

Bíll hafnaði í húsagarði

Árekstur varð á Hafnarfjarðarvegi laust eftir hádegi í gær með þeim afleiðingum að annar ökumannanna missti stjórn á bifreið sinni, sem þá rakst utan í nærliggjandi bíla áður en hún valt sjálf harkalega og hafnaði ofan í húsagarði við íbúðarhús á Ásbraut í Kópavogi.

Áratuga samband kórónað

Allt gekk samkvæmt áætlun er Karl Bretaprins og Camilla Parker Bowles gengu í hjónaband í Windsor á Englandi í gær.

Drengir skotnir á Gaza

Ísraelskir hermenn skutu á hóp palestínskra unglinga á sunnanverðu Gaza-svæðinu í gær, með þeim afleiðingum að þrír unglingar létu lífið. Þetta er mannskæðasta atvikið sem átt hefur sér stað á Gaza síðan lýst var yfir vopnahléi í átökum Ísraela og Palestínumanna fyrir tveimur mánuðum.

Fleiri umdeild handabönd

Handabönd þjóðarleiðtoga við útför páfa ætla að draga dilk á eftir sér. Karl Bretaprins segist óvart hafa tekið í höndina á Mugabe, forseta Simbabve, og fær skammir fyrir. Og forseti Ísraels er sakaður um að ljúga því að Íransforseti hafi tekið í höndina á honum.

Fjölmiðlanefnd: Líkist ritskoðun

Tillaga fjölmiðlanefndar um skilyrði fyrir veitingu útvarpsleyfa líkist ritskoðun og mun stangast á við stjórnarskrá verði hún að lögum, segir Hróbjartur Jónatansson lögmaður.

Tedrykkja yfir brúðkaupinu

Brúðkaupi Karls Bretaprins og Camillu Parker Bowles var fagnað víða í dag. Stjórn Hins konunglega fjelags á Íslandi kom til dæmis saman til tedrykkju yfir sjónvarpsútsendingu frá brúðkaupinu.

Bæjarstjórinn fær víkingatign

Einstaklingar á Akureyri hafa hug á að halda fjölþjóðlega víkingahátíð í bænum í júní, svo fremi að fjármögnun gangi eftir. Bæjarstjórinn verður gerður að heiðursvíkingi.

Bóndinn ábyrgur fyrir kindinni

Héraðsdómur Reykjavíkur gerði með dómi sínum í gær bónda ábyrgan fyrir kind sem slapp upp á þjóðveg og olli tjóni á bíl sem ók á hana. Lausaganga búfjár er bönnuð þar sem atvikið varð og er bóndinn talinn bera ábyrgð á því að hún slapp upp á veg.

Gríðarlegur mannfjöldi í Róm

Einhver fjölmennasta jarðarför sögunnar hófst klukkan átta þar sem Jóhannes Páll páfi II verður borinn til hinstu hvílu. Fjórir konungar, fimm drottningar og sjötíu forsetar eru viðstödd jarðarförina, auk fjölda annarra þjóðarleiðtoga.

Enn jarðskjálftar í Indónesíu

Enn á ný urðu nokkrir jarðskjálftar í Indónesíu í gærkvöldi og í nótt. Sterkasti skjálftinn mældist 5,6 á Richter og í kjölfarið fylgdu þrír skjálftar sem allir mældust um eða yfir fimm á Richter, sá síðasti nú undir morgun. Ekki er þó vitað til þess að nein meiðsl hafi orðið á fólki.

Átján uppreisnarmenn drepnir

Hermenn í Nepal drápu að minnsta kosti átján uppreisnarmenn í nótt eftir að þeir skutu úr sprengjuvörpum að búðum hermanna í vesturhluta landsins í nótt. Níu hermenn særðust í átökunum en að sögn nepalska hersins hefur tekist að brjóta uppreisnarmennina á bak aftur.