Vopnin kvödd

Svo til öll vopn Bandaríkjahers á Keflavíkurflugvelli hafa verið flutt úr landi. Þetta kemur fram í Víkurfréttum. Þar segir að starfsemin á vellinum muni dragast verulega saman á næstu árum.

Dæmdur í 4 mánaða fangelsi

Héraðsdómur Reykjaness dæmdi í morgun tvítugan karlmann í fjögurra mánaða skilorðsbundið fangelsi fyrir líkamsárás og að framvísa fölsuðum lyfseðli í apóteki. Líkamsárásin átti sér stað í september á síðasta ári þegar maðurinn réðst á annan fyrir utan Félagsheimilið Festi í Grindavík og sló hann í andlitið þannig að kinnbein brotnaði.

Segjast hafa aflífað 11 Íraka

Íröksku skæruliðasamtökin Her Ansar al-Sunna segjast hafa drepið ellefu menn úr þjóðvarðaliði Íraka sem þeir rændu í síðustu viku. Samtökin halda þessu fram á vefsíðu sinni í dag þar sem einnig eru birtar myndir af hinum meintu fórnarlömbum.

Stærsti þjóðgarður Evrópu

Stærsti þjóðgarður Evrópu er orðinn að veruleika en Sigríður Anna Þórðardóttir umhverfisráðherra staðfesti nýja reglugerð um stækkun Skaftafellsþjóðgarðs í dag. Flatarmál þjóðgarðsins þrefaldast og verður hann rúmlega 4800 ferkílómetrar og er 57% Vatnajökuls nú innan hans, sem og Lakagígasvæðið.

Átelja ríkisstjórnina harðlega

Aðalfundur Öryrkjabandalags Íslands átelur harðlega að tíu mánuðir skuli vera liðnir án þess að þorri öryrkja hafi fengið þá kjarabót sem samið var um fyrir síðustu þingkosningar. Nú sé ár liðið frá því að ríkisstjórnin upplýsti að hún treysti sér ekki til að efna nema hluta samkomulagsins sem gert var.

Lítið má fara úrskeiðis segir ASÍ

Sérfræðingar Alþýðusambands Íslands segja ekki mega fara mikið úrskeiðis til að forsendur kjarasamninga bresti. Þeir segja verðbólgu fara vaxandi og spá þeir að hún verði í efri mörkum verðbólgumarkmiðs Seðlabankans á næsta og þarnæsta ári. Beri eitthvað út af gæti þurft að segja upp eða endurskoða kjarasamninga á næsta ári.

Enginn samningafundur boðaður

Enginn samningafundur hefur enn verið boðaður í deilu grunnskólakennara. Forystumenn deilenda voru á fundi hjá ríkissáttasemjara frá klukkan átta í morgun og fram undir hádegi en eiginlegur samningafundur hefur enn ekki verið boðaður.

Víglundur úr stjórn Íslandsbanka

Víglundur Þorsteinsson gengur úr stjórn Íslandsbanka á hluthafafundi sem haldinn verður næsta miðvikudag. Framboðsfrestur rann út í dag og eru allir núverandi stjórnarmenn í kjöri nema Víglundur og Orri Vigfússon. Orri er hins vegar í framboði sem varamaður.

Fjöltengi samhliða ljósleiðara

Gagnaflutningar um rafmagnslínur sem Fjöltengi Orkuveitu Reykjavíkur hefur boðið upp á verða áfram í boði þrátt fyrir áherslu Orkuveitunnar á ljósleiðaravæðingu heimila í höfðuborginni.

Áherslan á öryggismál

Aukið öryggi friðargæslufólks er einn af þeim hlutum sem Hjálmar W. Hannesson, sendiherra og fastafulltrúi Íslands hjá Sameinuðu þjóðunum í New York í Bandaríkjunum lagði áherslu á þegar hann ávarpaði fjórðu nefnd allsherjarþingsins við umræðu um stefnu í friðargæslu síðasta miðvikudag.

Áherslan á bjargráð heimamanna

Rauði krossinn kynnti í gær árbók um hamfarir og hjálparstarf. Bókin nefnist World Disasters Report og er nú gefin út í tólfta sinn. Með útgáfu bókarinnar reynir Rauði krossinn að gefa árlegt tölulegt yfirlit yfir viðfangsefni hjálparstofnana auk gagnrýninnar umfjöllunar um alþjóðlegt hjálparstarf.

Fátækt minnki um helming

Sameinuðu þjóðirnar hafa sett fram áætlun um hvernig ná megi markmiðunum sem sett voru í svokallaðri þúsaldaryfirlýsingu SÞ.

Bandaríkjamenn firra sig ábyrgð

Bandaríska varnarmálaráðuneytið heldur því fram að tæplega 400 tonnum af sprengiefni, sem forsetaframbjóðandinn John Kerry segir hafa horfið úr Írak fyrir framan nefið á Bandaríkjaher, gæti hafa verið fjarlægt áður en ráðist var inn í Írak.

Varnaðarorð á ársþingi ASÍ

Verkalýðsforystan hefur af því verulegar áhyggjur að forsendur kjarasamninga séu að bresta, en í samningum sem gerðir voru í vor eru ákvæði um verðlagsforsendur og viðbrögð standist þær ekki.

400 fleiri flytja úr landi

Um fjögurhundruð fleiri Íslendingar munu flytjast frá landinu en aftur heim á þessu ári, að því er fram kemur í vefriti fjármálaráðuneytisins.

Óþefur yfir Þorlákshöfn

Bæjarstjóri Ölfuss fundaði með Heilbrigðiseftirliti Suðurlands í byrjun mánaðarins til að knýja á um úrbætur vegna lyktarmengunar í Þorlákshöfn, en hún hefur plagað bæjarbúa síðustu ár.

Skelfing greip um sig

Hópur íslenskra lögfræðinema upplifði jarðskjálfta í Rúmeníu. "Skelfing greip um sig í hópnum þegar við urðum vör við jarðskjálftann enda var hann sá öflugasti í landinu í fjórtán ár," segir Helga K. Auðunsdóttir, varaformaður ELSA, félags lögfræðinema á Íslandi, sem stödd er í Rúmeníu á alþjóðaráðstefnu lögfræðinema.

Suðurstrandarvegur í útboð

Til stendur að bjóða út gerð Suðurstrandarvegar Þorlákshafnarmegin á næstu vikum, hefur Ólafur Áki Ragnarsson bæjarstjóri í Þorlákshöfn, eftir þingmönnum Suðurlands, en þeir funduðu með honum í gær. Kjördæmavika stendur yfir og fara þingmenn víða.

Iðnneminn vekur viðbrögð

Það hafa nokkrir hringt hingað og lýst óánægju sinni með myndbirtinguna," segir Jónína Brynjólfsdóttir, framkvæmdastjóri Iðnnemasambands Íslands og ábyrgðarmaður blaðsins, þegar hún er spurð hvort myndin á forsíðu tímaritsins Iðnnemans, sem út kom í gær, hafi vakið viðbrögð fólks.

Enn eitt klúðrið skekur Flórída

Spennan í kringum bandarísku forsetakosningarnar jókst enn í Flórída þegar í ljós kom að þúsundir kjörseðla sem senda átti til fólks sem vildi greiða atkvæði utankjörfundar höfðu týnst.

Ögmundur vill ræða Kabúl

Ögmundur Jónasson, þingmaður vinstri-grænna hefur óskað eftir umræðu utandagskrár á Alþingi um störf íslenska friðargæsluliðsins í Kabúl.

Vopnaður friður veldur ófriði

Svo róttækar breytingar hafa orðið á þátttöku Íslands í friðargæslu frá því fyrstu friðargæsluliðarnir voru sendir út í heim til Bosníu fyrir rúmum tíu árum að því er haldið fram að þar sé ekki um stigs- heldur eðlismun að ræða.

Fleiri þúsund löggur á vakt

Mikil öryggisgæsla er í Róm í dag vegna undirritunar stjórnarskrár Evrópusambandsins. Hundruð fyrirmenna verða í borginni af þeim sökum, þeirra á meðal þjóðhöfðingjar allra 25 aðildarríkja Evrópusambandsins og fjögurra ríkja sem hafa sótt um aðild.

Mannrán í Kabúl veldur uppnámi

Öllum erlendum hjálparstarfsmönnum hefur verið skipað að halda sig innandyra eftir að þremur erlendum kosningastarfsmönnum á vegum Sameinuðu þjóðanna var rænt á götu úti í Kabúl í gær.

Sakaðir um harðneskju

Forsvarsmenn bandarískra mannréttindasamtaka lýsa áhyggjum af því hversu harkalega hefur verið gengið fram gegn mótmælendum þar sem George W. Bush Bandaríkjaforseti hefur verið með kosningasamkomur að því er fram kemur í Washington Post.

41 bjargað úr sjávarháska

Spænskir björgunarsveitarmenn björguðu 41 ólöglegum innflytjanda úr sjávarháska í spænskri landhelgi. Fólkið fannst tíu klukkutímum eftir að einhver úr hópnum hringdi úr farsíma í björgunarsveitir og sagði fólkið í hættu. Nítján karlmenn, átján konur og fjögur ung börn voru um borð í yfirfullum báti sem hafði verið á reki í þrjá daga.

Þremur rænt í Kabúl

Vopnaðir menn rændu þremur starfsmönnum Sameinuðu þjóðanna á götu í Kabúl í gær. Fólkið, filippseyskur karlmaður og tvær evrópskar konur, var á ferð ásamt bílstjóra sínum þegar fimm vopnaðir menn keyrðu bíl sínum í veg fyrir bíl þeirra og neyddu þremenningana til að fara með sér.

Táningur fyrir rétt

Sextán ára piltur er fyrsti einstaklingurinn sem réttað er yfir vegna hryðjuverkaárásanna í Madríd sem kostuðu nær 200 manns lífið. Saksóknari ákærði piltinn fyrir að flytja sprengiefni sem var notað í árásunum og krafðist átta ára fangelsisdóms yfir piltinum.

Berjast um atkvæðin

John Kerry er "vitlaus maður fyrir vitlaust starf á vitlausum tíma," sagði George W. Bush þegar hann gagnrýndi mótframbjóðanda sinn harkalega á kosningafundi í gær. Orðin eru svipuð þeim sem Kerry lét falla um innrásina í Írak sem hann kallaði "vitlaust stríð á vitlausum stað á vitlausum tíma".

Hóta að myrða sjö ára barn

Mannræningjar í Írak hótuðu að myrða sjö ára dreng ef fjölskylda hans greiddi ekki andvirði rúmra fjögurra milljóna króna í lausnargjald að sögn föður drengsins.

Sprenging á hóteli í Pakistan

Mikil sprenging varð fyrir stundu við Marriott-hótelið í miðborg Islamabads. höfuðborgar Pakistans. Gler og og aðrir hlutar framhliðar byggingarinnar þeyttust langar leiðir og ljóst að fjöldi fólks slasaðist. Ekkert liggur fyrir á þessari stundu hvað gerðist eða hver er valdur að því.

Skutu átta ára stúlku til bana

Átta ára palestínsk stúlka var skotin til bana þegar hún gekk framhjá varðstöð Ísraelshers á leið sinni í skólann. Stúlkan varð fyrir skotum ísraelskra hermanna sem talið er að hafi verið að skjóta í átt að palestínskum vígamönnum sem skutu eldflaugum að landnemabyggð Palestínumanna. Sex særðust í þeirri árás.

Arafat til Parísar?

Allar líkur eru á að Jasser Arafat, leiðtogi Palestínu, fari til Parísar í læknismeðferð. Þetta er haft eftir aðstoðarmönnum hans. Arafat veiktist hastarlega og hafa fregnir af líðan hans verið mjög misvísandi.

Samningar haldi

Ein mikilvægasta forsenda þess að þjóðfélag fái staðist er að fólk virði og haldi gerða samninga, segir í ályktun aðalfundar Öryrkjabandalags Íslands.

Bílstjórinn braut ekki lög

Vöruflutningabílstjóri braut ekki lög þegar hann ók vöruflutningabifreið í meira en sjö daga án þess að taka sér lögboðna vikuhvíld. Þetta þótti brjóta í bága við hvíldartíma sem fjallað er um í EES-samningnum. Ríkissaksóknari gaf út opinbera ákæru á hendur manninum.

Endurskoðun á sjúkraþjálfun

Samninganefnd heilbrigðisráðherra boðaði á fyrsta samningafundi með sjúkraþjálfurum endurskoðun á kerfi þeirra. Sjúklingum fer stöðugt fjölgandi og kostnaður Tryggingastofnunar hefur aukist um 84% á síðustu fimm árum. </font /></b />

Stærsti þjóðgarður í Evrópu

Stærsti þjóðgarður í Evrópu er orðinn til eftir að umhverfisráðherra, Sigríður Anna Þórðardóttir, staðfesti nýja reglugerð um stækkun Skaftafellsþjóðgarðs sem stofnaður var árið 1967.

Vilja allt sorp til Þorlákshafnar

Viðræður eru um að allt sorp af höfuðborgarsvæðinu verði urðað skammt vestan við Þorlákshöfn. Heimamenn segjast hafa áhuga á að gera nútímasorpstöð. Samkomulag um Sorpstöð Suðurlands kynnt í dag. </font /> Hafin er athugun á því að flytja allt sorp af höfuðborgarsvæðinu á stórt svæði vestan við Þorlákshöfn, þar sem því yrði eytt. </b />

Arafat til Parísar

Jasser Arafat, leiðtogi Palestínu, verður fluttur til Parísar til aðhlynningar. Læknar hans ákváðu þetta fyrir stundu eftir að frönsk stjórnvöld gáfu grænt ljós á það.

Byko-konur í bankaráðum

Friðargæsluliðarnir á heimleið

Íslensku friðargæsluliðarnir þrír, sem særðust í sjálfsvígssprengjuárás í Kjúklingastræti í Kabúl á laugardag, koma heim í dag. Af því tilefni var slegið upp kveðjuhófi, þeim til heiðurs og lyftu menn glösum að skilnaði. Létt stemning var í hópnum þrátt fyrir ófarirnar á laugardag og þær hörmungar sem af þeim hlutust. 

Elísabet ræðir Dresden-árásina

Þjóðverjar bíða með nokkrum spenningi eftir því hvernig Elísabet Englandsdrottning mun fjalla um loftárásir Breta á borgina Dresden í seinni heimsstyrjöldinni á samkomu bráðlega. Þjóðverjar eru smám saman að opna sig varðandi þjáningar þýsku þjóðarinnar en Seinni heimsstyrjöldin hefur lengst af verið hálfgert bannorð þar í landi.

Brautarljósin björtu

Umbrotasöm ævi Arafats

Yasser Arafat hefur leitt Palestínumenn í frelsisbaráttu sinni síðan á sjöunda áratugnum. Versnandi heilsa hefur hins vegar vakið spurningar um hvort nú sjái fyrir endann á þátttöku hans í stjórnmálum.

Miðlunartillaga lögð fram?

Ríkissáttasemjari vill ekki segja hvort miðlunartillaga verður lögð fram á næstunni í kennaradeilunni. Sá möguleiki var ræddur á fundi með forystumönnum samninganefndanna í morgun. Formlegur samningafundur hefur ekki verið haldinn í dag.